Biologie Organ
An engem Organismus ass en Organ eng Geweebegrupp mat enger oder méi Funktiounen, déi deem Organismus notzen.
An der Flora zum Beispill ass d'Spaltëffnung (Stoma) en Organ, dat d'Belëftung vu Planze reegelt. An der Fauna sinn d'Longe bei villen Déiere fir d'Ootmung zoustänneg.
Dat gréisst mënschlecht Organ ass d'Haut. Si bedeckt de ganze Kierper an huet d'Funktioun, de mënschleche Kierper virum Ausdréchnen, der Ënnerkillung, Schued a Keimen ze schützen.
Organer kënne gemeinsam Organsystemer bilden. Déi Organer hu sech géigesäiteg néideg, fir eng komplex Funktioun ze erfëllen, zum Beispill de Verdauungssystem, zu deem bei de Mamendéieren ënner anerem den Oesophage, de Mo, den Daarm, d'Liewer an d'Bauchspeicheldrüs gehéieren. D'Häerz an d'Bluttgefäässer si gemeinsam fir de Bluttkreeslaf verantwortlech. Bei de Planzen besteet eng Bléi aus spezialiséierte Stiller a Blieder.
Auswiel vun Organer bei de Mamendéieren
- Bauchspeicheldrüs (pancreas)
- Gebärmutter (uterus)
- Niewennieren (glandulae suprarenales)
- Niewenschilddrüsen (glandulae parathyreoidicae)
- Eeërstack (ovarium)
- Galeblos (vesica fellea)
- Häerz (cor)
- Gehier (cerebrum)
- Haut (dermis)
- Hypothalamus
- Liewer (hepar)
- Longen (pulmones)
- Mo (gaster of ventriculus)
- Daarm (intestina)
- Déckdaarm (intestinum tenue)
- Dënndaarm (intestinum crassum)
- Mëlz (lien)
- Nues (nasus)
- Nier (ren)
- A (oculus)
- Ouer (auris)
- Penis
- Prostatt (prostata)
- Scheed (vagina)
- Schilddrüs (glandula thyreoidica)
- Speiseröre (oesophagus)
- Muskelen (musculi)
- Hoden (testis)
- Zong (lingua)
- Thymus
- Blos (vesica urinaria)
Kuckt och
Um Spaweck
| Commons: Organer – Biller, Videoen oder Audiodateien |
This article uses material from the Wikipedia Lëtzebuergesch article Organ (Biologie), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.