Кардинал Ришелье
Ришелье Арман Жан дю Плесси (Armand-Jean du Plessis, duc de Richelieu; 5.
9. 1585, Франция, Париж – 4. 12. 1642, ошол эле жер) – Франциянын мамлекеттик ишмери, абсолютизмдин көрүнүктүү өкүлү. 1622-жылдан кардинал. 1624–42-жылдары Людовик ХIIIнүн биринчи министри, Франциянын иш жүзүндөгү башкаруучусу. Абсолютизмдин чыңдалышына шарт түзгөн. Гугенотторду саясий укуктан ажыраткан; административдик, финансы, аскердик реформаларды ишке ашырган; феодалдык козголоңдорду, элдик көтөрүлүштөрдү баскан, өлкөнү борборлоштурууну тездеткен. Тышкы саясатында Габсбургдардын Европадагы үстөмдүгүнө каршы чыккан. Ал соода менен мануфактураны, маданиятты өнүктүрүп, Француз академиясын негиздеген.
Колдонулган адабияттар
- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9
This article uses material from the Wikipedia Кыргызча article Кардинал Ришелье, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.