Винница
Винница – Украинанын түштүк-батыш бөлүгүндөгү шаар, Винница облусунун административдик борбору.
Калкы 372;432 миң (2015). Днепр бою дөңсөөсүндө, Түштүк Буг дарыясынын боюнда жайгашкан. Эл аралык аэропорту бар. Алгач 1362-жылдан Литва чеби катары эскерилет. 1569-ж. Люблин униясы боюнча Польшанын, 1793-ж. Россиянын курамында болгон. Киев Балтика темир жолунун курулушунан кийин Винница ири соода борборуна айланган. Улуу Ата Мекендик согуш мезгилинде катуу талкаланган. Жыгач чиркөөлөр, иезуиттер (17-кылым), доминикчилер (18-кылым) жана капуциндер (18-кылым) монастырлары сакталган. Н. И. Пироговдун бальзамдалган сөөгү коюлган чиркөө-мавзолей, 9 илимий-изилдөө институту, университеттер, китепканалар, музейлер, музыкалык-драма, куурчак, камералык театрлар бар. Машина куруу (трактор, комбайндарга тетиктер), химиялык (лак-сыр материалдары, синтездик кир жуучу каражаттар ж. б.), жеңил, тамак-аш өнөр-жай ишканалары иштейт.
Колдонулган адабияттар
- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4
This article uses material from the Wikipedia Кыргызча article Винница, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.