ಜಾಕಿ ಚಾನ್ , SBS, MBE (ಹುಟ್ಟಿದಾಗ ಇಟ್ಟ ಹೆಸರು ಚಾನ್ ಕಾಂಗ್ ಸ್ಯಾಂಗ್‌ , 陳港生; ಹುಟ್ಟಿದ್ದು 1954ರ ಏಪ್ರಿಲ್ 7ರಂದು) ಓರ್ವ ಹಾಂಗ್‌ ಕಾಂಗ್ ಮೂಲದ ನಟ, ಚಲನಾ ನೃತ್ಯ ಸಂಯೋಜಕ, ಚಲನಚಿತ್ರೋದ್ಯಮಿ, ಹಾಸ್ಯನಟ, ನಿರ್ಮಾಪಕ, ಕದನ ಕಲೆಯ ಕಲಾವಿದ, ಚಿತ್ರಕಥಾ ಲೇಖಕ, ವಾಣಿಜ್ಯೋದ್ಯಮಿ, ಗಾಯಕ ಮತ್ತು ಸಾಹಸ ಪ್ರದರ್ಶನ ನಿರ್ವಾಹಕನಾಗಿದ್ದಾನೆ.
| Jackie Chan | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | ||||||||||||||||||||||
| Jackie Chan onboard the USS Kitty Hawk (CV-63) in 2002. | ||||||||||||||||||||||
| Chinese name | 成龍 (Traditional) | |||||||||||||||||||||
| Chinese name | 成龙 (Simplified) | |||||||||||||||||||||
| Pinyin | Chéng Lóng (Mandarin) | |||||||||||||||||||||
| Jyutping | Sing4 Lung4 (Cantonese) | |||||||||||||||||||||
| Birth name | Chan Kong Sang 陳港生 (Traditional) 陈港生 (Simplified) Chén Gǎng Shēng (Mandarin) Can4 Gong5 Sang1 (Cantonese) | |||||||||||||||||||||
| Ancestry | Linzi, Shandong, China | |||||||||||||||||||||
| Origin | Hong Kong | |||||||||||||||||||||
| Born | ೭ ಏಪ್ರಿಲ್ ೧೯೫೪ Victoria Peak, Hong Kong | |||||||||||||||||||||
| Other name(s) | 房仕龍 (Fong Si Lung) 元樓 (Yuen Lou) | |||||||||||||||||||||
| Occupation | Actor, director, producer, action choreographer, singer | |||||||||||||||||||||
| Genre(s) | Cantopop Mandopop Hong Kong English pop J-pop | |||||||||||||||||||||
| Years active | 1962–present | |||||||||||||||||||||
| Spouse(s) | Lin Feng-Jiao (1982–present) | |||||||||||||||||||||
| Children | Jaycee Chan (born 1982) | |||||||||||||||||||||
| Parents | Charles and Lee-Lee Chan | |||||||||||||||||||||
| Influences | Bruce Lee Buster Keaton Harold Lloyd Jim Donahue Chuck Norris | |||||||||||||||||||||
| Official Website | www.jackiechan.com | |||||||||||||||||||||
| ||||||||||||||||||||||
 | This article contains Chinese text. Without proper rendering support, you may see question marks, boxes, or other symbols instead of Chinese characters. |
ಆತನ ಚಲನಚಿತ್ರಗಳಲ್ಲಿನ, ಆತನ ದೊಂಬರಾಟದಂಥ ಹೊಡೆದಾಟದ ಶೈಲಿ, ಕಾಲೋಚಿತವಾಗಿ ನಗೆಯುಕ್ಕಿಸುವ ಸಾಮರ್ಥ್ಯ, ಸುಧಾರಿತ ಶಸ್ತ್ರಾಸ್ತ್ರಗಳು ಹಾಗೂ ನಾವೀನ್ಯತೆಯ ಸಾಹಸ ಪ್ರದರ್ಶನಗಳ ಬಳಕೆಗೆ ಆತ ಖ್ಯಾತಿಯನ್ನು ಪಡೆದಿದ್ದಾನೆ. 1970ರ ದಶಕದಿಂದಲೂ ಜಾಕಿ ಚಾನ್ ಅಭಿನಯಿಸುತ್ತಾ ಬಂದಿದ್ದು, ಇದುವರೆಗೂ 100 ಹೆಚ್ಚಿನ ಚಲನಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾನೆ. ಹಾಂಗ್‌ ಕಾಂಗ್ ಅವೆನ್ಯೂ ಆಫ್ ಸ್ಟಾರ್ಸ್‌ ಮತ್ತು ಹಾಲಿವುಡ್‌ ವಾಕ್‌ ಆಫ್ ಫೇಮ್‌ನಂಥ ಎರಡು ಪ್ರತಿಷ್ಠಿತ ತಾಣಗಳಲ್ಲಿ ಚಾನ್‌ಗೆ ನಕ್ಷತ್ರಗಳಿಂದ ಗುರುತಿಸಲ್ಪಡುವ ಮಾನ್ಯತೆ ಸಿಕ್ಕಿದೆ. ಹಲವಾರು ಪಾಪ್‌ ಹಾಡುಗಳು, ವ್ಯಂಗ್ಯಚಿತ್ರಗಳು ಮತ್ತು ವಿಡಿಯೋ ಆಟಗಳಲ್ಲಿ ಚಾನ್ ಓರ್ವ ಸಾಂಸ್ಕೃತಿಕ ಮಾದರಿಯಾಗಿ ಉಲ್ಲೇಖಿಸಲ್ಪಟ್ಟಿದ್ದಾನೆ. ಚಾನ್ ಓರ್ವ ಕ್ಯಾಂಟೋಪಾಪ್‌ ಮತ್ತು ಮ್ಯಾಂಡೋಪಾಪ್‌ ತಾರೆಯೂ ಆಗಿದ್ದು, ಅನೇಕ ಗೀತ ಸಂಪುಟಗಳನ್ನು ಬಿಡುಗಡೆ ಮಾಡಿರುವುದರ ಜೊತೆಗೆ, ತಾನು ಕಾಣಿಸಿಕೊಂಡ ಚಲನಚಿತ್ರಗಳಿಗಾಗಿರುವ ಆವರ್ತಕ ಗೀತೆಗಳ ಪೈಕಿ ಅನೇಕ ಗೀತೆಗಳನ್ನು ಹಾಡಿದ್ದಾನೆ.
ಹಾಂಗ್‌ ಕಾಂಗ್‌ನ ಹಿಂದಿನ ಕ್ರೌನ್‌ ಕಾಲನಿಯಲ್ಲಿನ ವಿಕ್ಟೋರಿಯಾ ಪೀಕ್‌ ಎಂಬಲ್ಲಿ 1954ರಲ್ಲಿ ಚಾನ್ ಜನಿಸಿದ. ಚಾನ್ ಕಾಂಗ್ ಸ್ಯಾಂಗ್‌ ( "ಹಾಂಗ್‌ ಕಾಂಗ್‌ನಲ್ಲಿ ಹುಟ್ಟಿದವ" ಎಂದು ಇದರರ್ಥ) ಎಂಬುದು ಆತನ ಜನ್ಮನಾಮವಾಗಿತ್ತು. ಚೀನಾದ ನಾಗರಿಕ ಯುದ್ಧದಲ್ಲಿ ನಿರಾಶ್ರಿತರಾಗಿ ಹೊರಹೊಮ್ಮಿದ್ದ ಚಾರ್ಲ್ಸ್‌ ಮತ್ತು ಲೀ-ಲೀ ಚಾನ್ ಎಂಬುವವರು ಈತನ ಜನ್ಮದಾತರು. ಅವನಿಗೆ ಪಾವೋ ಪಾವೋ ಎಂಬ ಅಡ್ಡಹೆಸರನ್ನಿಡಲಾಗಿತ್ತು (Chinese: 炮炮, "ಫಿರಂಗಿಗುಂಡು" ಎಂಬುದು ಇದರ ಅಕ್ಷರಶಃ ಅರ್ಥ). ಏಕೆಂದರೆ ಆತ ಹುಟ್ಟಿದಾಗಲೇ ಎಷ್ಟೊಂದು ದೊಡ್ಡ ಶಿಶುವಾಗಿದ್ದನೆಂದರೆ, 12 ಪೌಂಡುಗಳಷ್ಟು, ಅಥವಾ ಸುಮಾರು 5,400 ಗ್ರಾಂಗಳಷ್ಟು ತೂಗುತ್ತಿದ್ದ. ಆತನಿಗೆ ಸೂ-ಸಂಗ್‌ ಚಾನ್ ಎಂಬ ಓರ್ವ ಸೋದರ, ಹಾಗೂ ತಾಯ್‌ ಚಾನ್ ಎಂಬ ಓರ್ವ ಸೋದರಿಯಿದ್ದಾಳೆ. ಆತನ ಜನ್ಮದಾತರು ಹಾಂಗ್‌ ಕಾಂಗ್‌ಗಾಗಿರುವ ಫ್ರೆಂಚ್‌ ನಿಯೋಗಿಗಳಾಗಿ ಕೆಲಸ ಮಾಡಿದ್ದರಿಂದಾಗಿ, ಚಾನ್ ತನ್ನ ರೂಪಕಾರಕ ವರ್ಷಗಳನ್ನು ವಿಕ್ಟೋರಿಯಾ ಪೀಕ್‌ ಜಿಲ್ಲೆಯಲ್ಲಿನ ನಿಯೋಗಿಗಳ ವಾಸಸ್ಥಾನದ ಸೀಮಿತ ಪರಿಧಿಯೊಳಗೆ ಕಳೆಯಬೇಕಾಗಿ ಬಂತು.
ಹಾಂಗ್‌ ಕಾಂಗ್ ದ್ವೀಪದಲ್ಲಿನ ನಾಹ್‌-ಹ್ವಾ ಪ್ರಾಥಮಿಕ ಶಾಲೆಗೆ ಸೇರಿಕೊಂಡ ಚಾನ್, ತನ್ನ ಮೊದಲ ವರ್ಷದಲ್ಲೇ ಅನುತ್ತೀರ್ಣಗೊಂಡ. ಇದಾದ ನಂತರ ಆತನ ಹೆತ್ತವರು ಅವನನ್ನು ಶಾಲೆಯಿಂದ ಬಿಡಿಸಿದರು. 1960ರಲ್ಲಿ, ಅಮೆರಿಕಾದ ರಾಯಭಾರ ಕಚೇರಿಯಲ್ಲಿ ಮುಖ್ಯ ಬಾಣಸಿಗನಾಗಿ ಕೆಲಸ ಮಾಡಲು ಆತನ ತಂದೆ ಆಸ್ಟ್ರೇಲಿಯಾದಲ್ಲಿನ ಕ್ಯಾನ್‌ಬೆರಾಕ್ಕೆ ವಲಸೆ ಹೋದ, ಮತ್ತು ಮಾಸ್ಟರ್‌ ಯು ಜಿಮ್‌ ಯುಯೆನ್‌ನಿಂದ ನಡೆಸಲ್ಪಡುತ್ತಿದ್ದ ಚೈನಾ ಡ್ರಾಮಾ ಅಕ್ಯಾಡಮಿ ಎಂಬ ಒಂದು ಪೀಕಿಂಗ್ ಅಪೆರಾ ಶಾಲೆಗೆ ಚಾನ್‌ನನ್ನು ಕಳಿಸಲಾಯಿತು. ನಂತರದ ದಶಕದಲ್ಲಿ ಕದನ ಕಲೆಗಳು ಮತ್ತು ದೊಂಬರಾಟದಂಥ ನೈಪುಣ್ಯಗಳಲ್ಲಿ ಪರಿಣತಿಯನ್ನು ಹೊಂದುವುದರ ಮೂಲಕ ಚಾನ್‌ಗೆ ಅತಿ ಕಟ್ಟುನಿಟ್ಟಿನ ತರಬೇತಿಯನ್ನು ಪಡೆದ. ಕ್ರಮೇಣ ಆತ ಸೆವೆನ್ ಲಿಟ್ಲ್ ಫಾರ್ಚೂನ್ಸ್‌ ಎಂಬ ತಂಡದ ಒಂದು ಭಾಗವಾಗಿ ಮಾರ್ಪಟ್ಟ. ಇದು ಆತನ ಗುರುವಿಗೆ ಗೌರವ ಕಾಣಿಕೆಯಾಗಿ ಅರ್ಪಿಸಲಾದ ಶಾಲೆಯ ಅತ್ಯುತ್ತಮ ವಿದ್ಯಾರ್ಥಿಗಳಿಂದ ರೂಪುಗೊಂಡ ಒಂದು ಪ್ರದರ್ಶನ ತಂಡವಾಗಿದ್ದು ಯುಯೆನ್ ಲೊ ಎಂಬ ರಂಗ ನಾಮವನ್ನು ಅದು ಗಳಿಸಿತ್ತು. ಗುಂಪಿನ ತನ್ನ ಸಹಸದಸ್ಯರಾದ ಸ್ಯಾಮ್ಮೊ ಹಂಗ್‌ ಮತ್ತು ಯುಯೆನ್ ಬಿಯಾವೊ ಮೊದಲಾದವರ ಜೊತೆ ಚಾನ್ ನಿಕಟ ಸ್ನೇಹವನ್ನು ಬೆಳೆಸಿದ. ಆ ಮೂವರೇ ನಂತರದಲ್ಲಿ ಥ್ರೀ ಬ್ರದರ್ಸ್‌ ಅಥವಾ ಥ್ರೀ ಡ್ರಾಗನ್ಸ್‌ ಎಂದು ಹೆಸರಾದರು.
8 ವರ್ಷ ವಯಸ್ಸಿನವನಿದ್ದಾಗ "ಲಿಟ್ಲ್ ಫಾರ್ಚೂನ್ಸ್‌" ತಂಡದ ಕೆಲವೊಂದು ಸಹವರ್ತಿಗಳೊಂದಿಗೆ ಆತ ಬಿಗ್‌ ಅಂಡ್ ಲಿಟ್ಲ್ ವೊಂಗ್ ಟಿನ್‌ ಬಾರ್‌ (1962) ಎಂಬ ಚಲನಚಿತ್ರದಲ್ಲಿ ಕಾಣಿಸಿಕೊಂಡ. ಲಿ ಲಿ ಹುವಾ ಆತನ ತಾಯಿಯ ಪಾತ್ರದಲ್ಲಿ ಅಭಿನಯಿಸಿದ್ದಳು. ನಂತರದ ವರ್ಷದಲ್ಲಿ ದಿ ಲವ್‌ ಎಟರ್ನ್‌ (1963) ಎಂಬ ಚಿತ್ರದಲ್ಲಿ ಲಿ ಜೊತೆಗೆ ಚಾನ್ ಮತ್ತೊಮ್ಮೆ ಕಾಣಿಸಿಕೊಂಡ ಮತ್ತು 1966ರಲ್ಲಿ ಬಂದ ಕಿಂಗ್ ಹುನ ಕಂ ಡ್ರಿಂಕ್ ವಿತ್ ಮಿ ಎಂಬ ಚಲನಚಿತ್ರದಲ್ಲಿ ಆತ ಪುಟ್ಟ ಪಾತ್ರವೊಂದರಲ್ಲಿ ಅಭಿನಯಿಸಿದ. 1971ರಲ್ಲಿ, ಕಾಂಗ್ ಫುನ ಮತ್ತೊಂದು ಚಲನಚಿತ್ರವಾದ ಎ ಟಚ್ ಆಫ್ ಝೆನ್‌ ನಲ್ಲಿ ಓರ್ವ ಸಹ-ಕಲಾವಿದನಾಗಿ ಕಾಣಿಸಿಕೊಂಡ ನಂತರ, ಚು ಮು ಎಂಬಾತನ ಗ್ರೇಟ್ ಅರ್ತ್‌ ಫಿಲ್ಮ್‌ ಕಂಪನಿಯೊಂದಿಗೆ ಆರಂಭಿಕವಾಗಿ ಸಹಿ ಹಾಕುವ ಮೂಲಕ ಚಲನಚಿತ್ರೋದ್ಯಮದಲ್ಲಿ ತನ್ನ ಪ್ರೌಢ ವೃತ್ತಿಜೀವನವನ್ನು ಚಾನು ಶುರುಮಾಡಿದ. 17ನೇ ವಯಸ್ಸಿನಲ್ಲಿ, ಚೆನ್‌ ಯುಯೆನ್ ಲೊಂಗ್ ಎಂಬ ರಂಗನಾಮದ ಅಡಿಯಲ್ಲಿ ಬ್ರೂಸ್‌ ಲೀ ಚಲನಚಿತ್ರಗಳಾದ ಫಿಸ್ಟ್‌ ಆಫ್ ಫ್ಯೂರಿ ಮತ್ತು ಎಂಟರ‍್ ದಿ ಡ್ರಾಗನ್ ನಲ್ಲಿ ಆತ ಓರ್ವ ಸಾಹಸ ಪ್ರದರ್ಶಕನಾಗಿ ಕೆಲಸ ಮಾಡಿದ. ಅದೇ ವರ್ಷದ ನಂತರದ ಅವಧಿಯಲ್ಲಿ ಲಿಟ್ಲ್ ಟೈಗರ‍್ ಆಫ್ ಕ್ಯಾಂಟನ್‌ ಎಂಬ ಚಿತ್ರದಲ್ಲಿ ಆತನಿಗೆ ಮೊತ್ತಮೊದಲ ಬಾರಿಗೆ ಮುಖ್ಯ ಪಾತ್ರವು ಲಭಿಸಿತು. ಇದು 1973ರಲ್ಲಿ ಹಾಂಗ್‌ ಕಾಂಗ್‌ನಲ್ಲಿ ಸೀಮಿತ ಚಿತ್ರಗಳಲ್ಲಿ ಬಿಡುಗಡೆಯಾಯಿತು. ಚಲನಚಿತ್ರಗಳಲ್ಲಿನ ಆತನ ಆರಂಭಿಕ ಸಾಹಸಗಳು ಮತ್ತು ಸಾಹಸ ಪ್ರದರ್ಶನ ಕಾರ್ಯವು ಹಣಕಾಸಿನ ದೃಷ್ಟಿಯಿಂದ ವಿಫಲಗೊಂಡಿದ್ದರಿಂದ, 1975ರಲ್ಲಿ ಆಲ್‌ ಇನ್‌ ದಿ ಫ್ಯಾಮಿಲಿ ಎಂಬ ವಿನೋದ ವಿಷಯದ ವಯಸ್ಕರ ಚಲನಚಿತ್ರವೊಂದರಲ್ಲಿ ಚಾನ್ ಪಾತ್ರವಹಿಸಿದ. ಇದು ಆತ ನಟಿಸಿದ ಚಲನಚಿತ್ರಗಳ ಪೈಕಿ ಒಂದೇ ಒಂದು ಹೊಡೆದಾಟದ ದೃಶ್ಯವನ್ನಾಗಲೀ ಅಥವಾ ಸಾಹಸ ಪ್ರದರ್ಶನದ ಸನ್ನಿವೇಶವನ್ನಾಗಲೀ ಒಳಗೊಳ್ಳದಿದ್ದ ಏಕೈಕ ಚಲನಚಿತ್ರವಾಗಿತ್ತು.
1976ರಲ್ಲಿ ಕ್ಯಾನ್‌ಬೆರಾದಲ್ಲಿದ್ದ ತನ್ನ ಹೆತ್ತವರನ್ನು ಸೇರಿಕೊಂಡ ಚಾನ್, ಅಲ್ಲಿನ ಡಿಕ್ಸನ್‌ ಕಾಲೇಜಿನಲ್ಲಿ ಹೃಸ್ವವಾದ ರೀತಿಯಲ್ಲಿ ತೊಡಹಿಸಿಕೊಂಡು ಓರ್ವ ನಿರ್ಮಾಣ ಕಾಮಗಾರಿಯ ಕೆಲಸಗಾರನಾಗಿ ಕೆಲಸಮಾಡಿದ. ಅಲ್ಲಿಯೇ ಇದ್ದ ಜಾಕ್‌ ಎಂಬ ಸಹವರ್ತಿ ನಿರ್ಮಾಣಗಾರನು ಚಾನ್‌ನನ್ನು ತನ್ನ ತೆಕ್ಕೆಗೆ ತೆಗೆದುಕೊಂಡು ಚಾನ್‌ಗೆ "ಲಿಟ್ಲ್ ಜಾಕ್‌" ಎಂಬ ಅಡ್ಡಹೆಸರನ್ನು ನೀಡಿದ. ಈ ಹೆಸರೇ ಮುಂದೆ "ಜಾಕಿ" ಎಂದು ಮೊಟುಕುಗೊಳಿಸಲ್ಪಟ್ಟಿತು ಹಾಗೂ ಅಲ್ಲಿಂದೀಚೆಗೆ ಅವನೊಂದಿಗೆ ಜಾಕಿ ಚಾನ್ ಎಂಬ ಹೆಸರು ಅವನೊಂದಿಗೇ ಅಂಟಿಕೊಂಡು ಬಂದಿತು. ಇದರ ಜೊತೆಗೆ, 90ರ ದಶಕದ ಅಂತ್ಯದಲ್ಲಿ, ಚಾನ್ ತನ್ನ ಚೀನೀ ಹೆಸರನ್ನು ಬದಲಾಯಿಸಿಕೊಂಡು ಫಾಂಗ್ ಸಿ ಲಂಗ್‌ ಎಂದು ಮಾರ್ಪಡಿಸಿಕೊಂಡ. ಆತನ ತಂದೆಯ ಮೂಲ ವಂಶನಾಮವು ಫಾಂಗ್ ಎಂಬುದಾಗಿದ್ದೇ ಇದಕ್ಕೆ ಕಾರಣವಾಗಿತ್ತು.
1976ರಲ್ಲಿ, ಹಾಂಗ್‌ ಕಾಂಗ್ ಚಲನಚಿತ್ರೋದ್ಯಮದಲ್ಲಿ ಓರ್ವ ಚಲನಚಿತ್ರ ನಿರ್ಮಾಪಕನಾಗಿದ್ದ ವಿಲ್ಲೀ ಚಾನ್ ಎಂಬಾತನಿಂದ ಜಾಕಿಚಾನ್‌ಗೆ ಒಂದು ತಂತಿ ವರ್ತಮಾನ (ಟೆಲಿಗ್ರಾಂ) ಬಂದಿತು. ಜಾಕಿಯ ಸಾಹಸ ಪ್ರದರ್ಶನ ಕಾರ್ಯದಿಂದ ಸದರಿ ನಿರ್ಮಾಪಕ ಪ್ರಭಾವಿತನಾಗಿದ್ದ. ಲೊ ವೀ ಎಂಬಾತನ ನಿರ್ದೇಶನದ ಚಲನಚಿತ್ರವೊಂದರಲ್ಲಿನ ನಟನಾಪಾತ್ರವೊಂದನ್ನು ವಿಲ್ಲೀ ಚಾನ್ ಜಾಕಿಗೆ ನೀಡಿದ್ದ. ಹ್ಯಾಂಡ್‌ ಆಫ್ ಡೆತ್‌ (1976) ಎಂಬ ಜಾನ್‌ ವೂ ಚಲನಚಿತ್ರದಲ್ಲಿನ ಜಾಕಿ ಚಾನ್‌ನ ಪಾತ್ರನಿರ್ವಹಣೆಯನ್ನು ಲೊ ವೀ ಕಂಡಿದ್ದ ಮತ್ತು ನ್ಯೂ ಫಿಸ್ಟ್‌ ಆಫ್ ಫ್ಯೂರಿ ಎಂಬ ಚಲನಚಿತ್ರದೊಂದಿಗೆ ಜಾಕಿ ಚಾನ್‌ನನ್ನು ಬ್ರೂಸ್‌ ಲೀ ನಂತರದ ಮತ್ತೋರ್ವ ಕಲಾವಿದನನ್ನಾಗಿ ರೂಪಿಸುವುದು ಆತನ ಯೋಜನೆಯಾಗಿತ್ತು. ಲೀ ಸಿಯು ಲಂಗ್‌ (ಚೀನೀ ಭಾಷೆಯಲ್ಲಿ: 李小龍, "ಪುಟ್ಟ ಡ್ರಾಗನ್" ಎಂದರ್ಥ) ಎಂಬ ರಂಗನಾಮವನ್ನು ಹೊಂದಿರುವ ಬ್ರೂಸ್‌ ಲೀಯೊಂದಿಗೆ ಇರುವ ಜಾಕಿ ಚಾನ್‌ನ ಸಾಮ್ಯತೆಗೆ ಪ್ರಾಶಸ್ತ್ಯ ನೀಡಲು ಆತನ ರಂಗನಾಮವು ಸಿಂಗ್ ಲಂಗ್‌ (ಚೀನೀ ಭಾಷೆಯಲ್ಲಿ: 成龍, ಇದರ ಅಕ್ಷರಶಃ ಅರ್ಥ "ಡ್ರಾಗನ್ ಆಗುವುದು") ಎಂಬುದಾಗಿ ಬದಲಾಯಿಸಲ್ಪಟ್ಟಿತು. ಬ್ರೂಸ್‌ ಲೀಯ ಕದನಕಲೆಗಳ ಶೈಲಿಗೆ ಚಾನ್ ಒಗ್ಗಿಕೊಂಡಿರಲಿಲ್ಲವಾದ್ದರಿಂದ, ಸದರಿ ಚಲನಚಿತ್ರವು ಅಷ್ಟೊಂದು ಯಶಸ್ಸನ್ನು ಕಾಣಲಿಲ್ಲ. ಈ ಚಲನಚಿತ್ರದ ವಿಫಲತೆಯ ಹೊರತಾಗಿಯೂ, ಇದೇ ರೀತಿಯ ಕಥಾವಸ್ತುಗಳೊಂದಿಗೆ ಚಿತ್ರನಿರ್ಮಾಣ ಮಾಡುವುದನ್ನು ಲೊ ವೀ ಮುಂದುವರಿಸಿದ. ಇದರಿಂದಾಗಿ ಗಲ್ಲಾ ಪೆಟ್ಟಿಗೆಯಲ್ಲಿ ಅಲ್ಪಮಟ್ಟದ ಸುಧಾರಣೆಯು ಕಂಡುಬಂತು.
1978ರಲ್ಲಿ ಬಂದ ಸ್ನೇಕ್‌ ಇನ್‌ ದಿ ಈಗಲ್ಸ್‌ ಷಾಡೋ ಚಲನಚಿತ್ರವು ಚಾನ್‌ನ ಮೊಟ್ಟಮೊದಲ ಪ್ರಮುಖ ಅನಿರೀಕ್ಷಿತ ಜಯವಾಗಿತ್ತು. ಎರಡು ಚಿತ್ರಗಳ ವ್ಯವಹಾರವೊಂದರ ಅಡಿಯಲ್ಲಿ ಸೀಜನಲ್ ಫಿಲ್ಮ್‌ ಕಾರ್ಪೊರೇಷನ್‌ ಎಂಬ ಸಂಸ್ಥೆಯೊಂದಿಗೆ ಆತ ಎರವಲು ಸೇವೆಯು ಅಸ್ತಿತ್ವದಲ್ಲಿದ್ದ ಅವಧಿಯಲ್ಲಿ ಚಿತ್ರೀಕರಣಗೊಂಡ ಚಿತ್ರ ಇದಾಗಿತ್ತು. ಯುಯೆನ್ ವೂ ಪಿಂಗ್‌ ಎಂಬ ನಿರ್ದೇಶಕನ ಅಡಿಯಲ್ಲಿ, ಚಾನ್‌ಗೆ ಆತನ ಸಾಹಸ ಪ್ರದರ್ಶನ ಕಾರ್ಯಕ್ಕೆ ಸಂಬಂಧಿಸಿದಂತೆ ಸಂಪೂರ್ಣ ಸ್ವಾತಂತ್ರದ ಅವಕಾಶವನ್ನು ನೀಡಲಾಗಿತ್ತು. ವಿನೋದ ವಿಷಯದ ಕುಂಗ್ ಫು ಪ್ರಕಾರವನ್ನು ಈ ಚಲನಚಿತ್ರವು ನೆಲೆಗಾಣಿಸಿತು, ಮತ್ತು ಹಾಂಗ್‌ ಕಾಂಗ್ ಪ್ರೇಕ್ಷಕರಿಗೆ ಒಂದು ತಾಜಾತನದ ಅನುಭವವನ್ನು ನೀಡಿತು. ನಂತರ ಡ್ರಂಕನ್‌ ಮಾಸ್ಟರ್‌ ಎಂಬ ಚಲನಚಿತ್ರದಲ್ಲಿ ಚಾನ್ ಪಾತ್ರವಹಿಸಿದ. ಈ ಚಿತ್ರವು ಅಂತಿಮವಾಗಿ ಆತನನ್ನು ಮುಖ್ಯವಾಹಿನಿಯ ಯಶಸ್ಸಿಗೆ ಕೊಂಡೊಯ್ಯುವಲ್ಲಿ ಯಶಸ್ವಿಯಾಯಿತು.
ಲೊ ವೀಯ ಸ್ಟುಡಿಯೋಗೆ ಚಾನ್ ಹಿಂದಿರುಗಿದ ನಂತರ, ಹಾಫ್ ಎ ಲೋಫ್ ಆಫ್ ಕುಂಗ್ ಫು ಮತ್ತು ಸ್ಪಿರಿಚುಯೆಲ್‌ ಕುಂಗ್ ಫು ಚಿತ್ರಗಳನ್ನು ನಿರ್ಮಿಸುವ ಮೂಲಕ ಡ್ರಂಕನ್‌ ಮಾಸ್ಟರ್‌ ಚಿತ್ರದ ವಿನೋದ ವಿಷಯದ ಮಾರ್ಗವನ್ನು ಪುನರಾರ್ತಿಸಲು ಲೊ ಪ್ರಯತ್ನಿಸಿದ. ಕೆನ್ನೆತ್‌ ತ್ಸಾಂಗ್‌ ಎಂಬಾತನ ಜೊತೆಗೆ ಸೇರಿಕೊಂಡು ದಿ ಫಿಯರ್‌ಲೆಸ್‌ ಹೈಯೆನಾ ಚಿತ್ರದ ಸಹ-ನಿರ್ದೇಶಕನ ಪಾತ್ರವನ್ನು ನಿಭಾಯಿಸಲು ಕೂಡಾ ಆತ ಚಾನ್‌ಗೆ ಅವಕಾಶ ನೀಡಿದ. ಕಂಪನಿಯನ್ನು ವಿಲ್ಲೀ ಚಾನ್ ಬಿಟ್ಟಾಗ, ಲೊ ವೀಯೊಂದಿಗೆ ಉಳಿಯಬೇಕೋ ಅಥವಾ ಬೇಡವೋ ಎಂಬ ಬಗ್ಗೆ ಸ್ವತಃ ತಾನೇ ನಿರ್ಧರಿಸಬೇಕೆಂದು ಆತ ಜಾಕಿಗೆ ಸಲಹೆ ನೀಡಿದ. ಫಿಯರ್‌ಲೆಸ್‌ ಹೈಯೆನಾ ಭಾಗ IIರ ಚಿತ್ರೀಕರಣದ ಸಂದರ್ಭದಲ್ಲಿ, ಚಾನ್ ತನ್ನ ಒಪ್ಪಂದವನ್ನು ಮುರಿದುಕೊಂಡು ಗೋಲ್ಡನ್‌ ಹಾರ್ವೆಸ್ಟ್‌ ಸಂಸ್ಥೆಯನ್ನು ಸೇರಿದ. ತನ್ನ ಸಂಸ್ಥೆಯಲ್ಲಿದ್ದ ತಾರೆಯು ತನ್ನನ್ನು ಬಿಟ್ಟುಹೋಗುವಂತಾಗಲು ಕಾರಣನಾದ ವಿಲ್ಲೀಯನ್ನು ದೂಷಿಸುವುದರ ಜೊತೆಗೆ, ದುಷ್ಕರ್ಮಿತ್ರಯರೊಂದಿಗಿನ ಚಾನ್‌ನಿಗೆ ಬೆದರಿಕೆ ಕರೆಯನ್ನೊಡ್ಡಲು ಈ ಘಟನೆಯು ಲೊವನ್ನು ಪ್ರೇರೇಪಿಸಿತು. ಸಹವರ್ತಿ ನಟ ಮತ್ತು ನಿರ್ದೇಶಕನಾದ ಜಿಮ್ಮಿ ವ್ಯಾಂಗ್ ಯು ಎಂಬಾತನ ನೆರವಿನೊಂದಿಗೆ ಈ ವಿವಾದವು ಪರಿಹರಿಸಲ್ಪಟ್ಟು, ಗೋಲ್ಡನ್‌ ಹಾರ್ವೆಸ್ಟ್‌ ಸಂಸ್ಥೆಯೊಂದಿಗೇ ಚಾನ್ ಉಳಿಯುವಲ್ಲಿ ಅನುವುಮಾಡಿಕೊಟ್ಟಿತು.
ವಿಲ್ಲೀ ಚಾನ್ ಜಾಕಿಯ ವೈಯಕ್ತಿಕ ವ್ಯವಸ್ಥಾಪಕ ಹಾಗೂ ನಿಷ್ಠೆಯ ಸ್ನೇಹಿತನಾಗಿ ಮಾರ್ಪಟ್ಟ, ಮತ್ತು ಆತ 30 ವರ್ಷಗಳಿಗಿಂತಲೂ ಹೆಚ್ಚಿನ ಅವಧಿಯಿಂದ ಜಾಕಿಯೊಂದಿಗೇ ಉಳಿದಿದ್ದಾನೆ. ಚಾನ್‌ನ ಅಂತರರಾಷ್ಟ್ರೀಯ ವೃತ್ತಿ ಜೀವನವು ಆರಂಭವಾಗುವಲ್ಲಿ ಆತನ ಪಾತ್ರ ಮಹತ್ವದ್ದಾಗಿತ್ತು. 1980ರ ದಶಕದಲ್ಲಿ ಅಮೆರಿಕಾದ ಚಲನಚಿತ್ರೋದ್ಯಮಕ್ಕೆ ಮೊಟ್ಟಮೊದಲ ಬಾರಿಯ ನುಗ್ಗುವಿಕೆಗಳೊಂದಿಗೆ ಸದರಿ ಹಂತವು ಆರಂಭವಾಯಿತು. 1980ರಲ್ಲಿ ಬಂದ ಬ್ಯಾಟಲ್‌ ಕ್ರೀಕ್‌ ಬ್ರಾಲ್‌ ಆತನ ಪ್ರಥಮ ಹಾಲಿವುಡ್‌ ಚಲನಚಿತ್ರವಾಗಿತ್ತು. 1981ರಲ್ಲಿ ಬಂದ ದಿ ಕೆನನ್‌ಬಾಲ್‌ ರನ್‌ ಎಂಬ ಚಲನಚಿತ್ರದಲ್ಲಿ ಚಾನ್ ನಂತರ ಒಂದು ಕಿರುಪಾತ್ರವನ್ನು ನಿರ್ವಹಿಸಿದ. ಈ ಚಿತ್ರವು ವಿಶ್ವಾದ್ಯಂತ 100 ದಶಲಕ್ಷ US$ನಷ್ಟು ಹಣವನ್ನು ಸಂಗ್ರಹಿಸಿತು. ಬರ್ಟ್‌ ರೆನಾಲ್ಡ್ಸ್‌ರಂಥ ಸುಸ್ಥಾಪಿತ ಅಮೆರಿಕನ್ ನಟರ ಪರವಾಗಿದ್ದ ಪ್ರೇಕ್ಷಕರಿಂದ ದೊಡ್ಡ ಪ್ರಮಾಣದಲ್ಲಿ ತಿರಸ್ಕರಿಸಲ್ಪಟ್ಟರೂ ಸಹ, ಚಲನಚಿತ್ರದ ಮುಕ್ತಾಯದ ಸ್ಮರಣೆಗಳಲ್ಲಿ ತೋರಿಸಲ್ಪಟ್ಟ ಸಂಕಲನದಲ್ಲಿ ತಿರಸ್ಕೃತವಾದ ಭಾಗಗಳಿಂದ ಚಾನ್ ಪ್ರಭಾವಿತನಾದ. ತನ್ನ ಮುಂಬರುವ ಚಲನಚಿತ್ರಗಳಲ್ಲೂ ಇದೇ ತೆರನಾದ ನಿರ್ಮಾಣಶೈಲಿಯನ್ನು ಸೇರಿಸಿಕೊಳ್ಳುವಂತಾಗಲು ಇದು ಅವನನ್ನು ಪ್ರೇರೇಪಿಸಿತು.
1985ರಲ್ಲಿ ಬಿಡುಗಡೆಯಾದ ದಿ ಪ್ರೊಟೆಕ್ಟರ್‌ ಚಿತ್ರವು ಹಣಕಾಸಿನ ಗಳಿಕೆಯಲ್ಲಿ ಸೋತನಂತರ, US ಮಾರುಕಟ್ಟೆಯನ್ನು ಪ್ರವೇಶಿಸುವ ತನ್ನ ಪ್ರಯತ್ನಗಳನ್ನು ಚಾನ್ ತಾತ್ಕಾಲಿಕವಾಗಿ ಕೈಬಿಟ್ಟು, ಹಾಂಗ್‌ ಕಾಂಗ್ ಫಿಲ್ಮ್ಸ್‌ ಕಡೆಗೆ ತನ್ನ ಗಮನವನ್ನು ಕೇಂದ್ರೀಕರಿಸಿದ.
ಹಾಂಗ್‌ ಕಾಂಗ್‌ಗೆ ವಾಪಸಾದ ನಂತರ, ಚಾನ್‌ನ ಚಲನಚಿತ್ರಗಳು ಪೂರ್ವ ಏಷ್ಯಾದಲ್ಲಿನ ದೊಡ್ಡಮಟ್ಟದ ಪ್ರೇಕ್ಷಕರನ್ನು ತಲುಪಲು ಪ್ರಾರಂಭಿಸಿದವು. ದಿ ಯಂಗ್ ಮಾಸ್ಟರ್‌ (1980) ಮತ್ತು ಡ್ರಾಗನ್ ಲಾರ್ಡ್‌ (1982) ಚಿತ್ರಗಳು ಲಾಭದಾಯಕವಾದ ಜಪಾನಿ ಮಾರುಕಟ್ಟೆಯಲ್ಲಿ ಆರಂಭಿಕ ಯಶಸ್ಸನ್ನು ಕಾಣುವುದರೊಂದಿಗೆ ಈ ಫಲಿತಾಂಶವು ಹೊರಹೊಮ್ಮಿತು. ಬ್ರೂಸ್‌ ಲೀಯಿಂದ ಸ್ಥಾಪಿಸಲ್ಪಟ್ಟಿದ್ದ ಗಲ್ಲಾ ಪೆಟ್ಟಿಗೆಯ ಹಿಂದಿನ ದಾಖಲೆಗಳನ್ನು ದಿ ಯಂಗ್ ಮಾಸ್ಟರ್‌ ಚಿತ್ರವು ಮುರಿಯುತ್ತಾ ಹೋಯಿತು ಹಾಗೂ ಚಾನ್‌ನನ್ನು ಹಾಂಗ್‌ ಕಾಂಗ್ ಚಲನಚಿತ್ರದ ಅತ್ಯುನ್ನತ ತಾರೆಯನ್ನಾಗಿ ಸ್ಥಾಪಿಸಿತು.
ಅಪೆರಾ ಶಾಲೆಯ ತನ್ನ ಸ್ನೇಹಿತರಾದ ಸ್ಯಾಮ್ಮೊ ಹಂಗ್‌ ಮತ್ತು ಯುಯೆನ್ ಬಿಯಾವೊರ ಜೊತೆಗೆ ಸೇರಿಕೊಂಡು ಅನೇಕ ಸಾಹಸ ಹಾಸ್ಯ ಚಲನಚಿತ್ರಗಳನ್ನು ಚಾನ್ ನಿರ್ಮಿಸಿದ. 1983ರಲ್ಲಿ ಬಂದ ಪ್ರಾಜೆಕ್ಟ್‌ A ಎಂಬ ಚಿತ್ರದಲ್ಲಿ ಮೊಟ್ಟಮೊದಲ ಬಾರಿಗೆ ಈ ಮೂವರೂ ಒಟ್ಟಿಗೇ ನಟಿಸಿದರು. ಮೂರನೇ ವಾರ್ಷಿಕ ಹಾಂಗ್‌ ಕಾಂಗ್ ಚಲನಚಿತ್ರ ಪ್ರಶಸ್ತಿಗಳಲ್ಲಿ ಈ ಚಿತ್ರವು ಅತ್ಯುತ್ತಮ ಸಾಹಸ ವಿನ್ಯಾಸ ಪ್ರಶಸ್ತಿಯನ್ನು ಗೆದ್ದುಕೊಂಡಿತು. ನಂತರದ ಎರಡು ವರ್ಷಗಳಲ್ಲಿ, ಈ "ಮೂರು ಸೋದರರು" ವೀಲ್ಸ್‌ ಆನ್ ಮೀಲ್ಸ್‌ ಮತ್ತು ಲಕಿ ಸ್ಟಾರ್ಸ್‌ ಎಂಬ ಮೂಲ ಕೃತಿತ್ರಯದಲ್ಲಿ ಅಥವಾ ಮುಕ್ಕೂಟ ಅಭಿನಯದ ಚಿತ್ರದಲ್ಲಿ ಕಾಣಿಸಿಕೊಂಡರು. 1985ರಲ್ಲಿ, ಮೊಟ್ಟಮೊದಲ ಪೊಲೀಸ್‌ ಸ್ಟೋರಿ ಚಲನಚಿತ್ರವನ್ನು ಚಾನ್ ನಿರ್ಮಿಸಿದ. ಇದೊಂದು US-ಪ್ರಭಾವಿತ ಸಾಹಸ ಹಾಸ್ಯಚಿತ್ರವಾಗಿದ್ದು, ಇದರಲ್ಲಿ ಚಾನ್ ಸಾಹಸ ಪ್ರದರ್ಶನಗಳನ್ನು ಸ್ವತಃ ನಿರ್ವಹಿಸಿದ. 1986ರ ಹಾಂಗ್‌ ಕಾಂಗ್ ಚಲನಚಿತ್ರ ಪ್ರಶಸ್ತಿಗಳಲ್ಲಿ ಈ ಚಿತ್ರವು "ಅತ್ಯುತ್ತಮ ಚಲನಚಿತ್ರ"ವಾಗಿ ನಾಮಕರಣಗೊಂಡಿತು. 1987ರಲ್ಲಿ, ಆರ್ಮರ‍್ ಆಫ್ ಗಾಡ್‌ ಚಲನಚಿತ್ರದಲ್ಲಿ ಇಂಡಿಯಾನಾ ಜೋನ್ಸ್‌-ರೀತಿಯ "ಏಷ್ಯನ್‌ ಹಾಕ್‌" ಎಂಬ ಒಂದು ಪಾತ್ರವನ್ನು ಚಾನ್ ನಿರ್ವಹಿಸಿದ. ಈ ಚಲನಚಿತ್ರವು ಚಾನ್‌ನ ಚಿತ್ರಗಳ ಪೈಕಿ ಇಂದಿನವರೆಗಿನ ಅತ್ಯಂತ ದೊಡ್ಡ ಸ್ವದೇಶಿ ಗಲ್ಲಾ ಪೆಟ್ಟಿಗೆಯ ಯಶಸ್ಸನ್ನು ದಾಖಲಿಸಿದ್ದು, HKನಾದ್ಯಂತ 35 ದಶಲಕ್ಷ $ನಷ್ಟು ಹಣವನ್ನು ಸಂಗ್ರಹಿಸಿದೆ.
1988ರಲ್ಲಿ ಡ್ರಾಗನ್ಸ್‌ ಫಾರೆವರ್‌ ಚಲನಚಿತ್ರದಲ್ಲಿ ಸ್ಯಾಮ್ಮೊ ಹಂಗ್‌ ಮತ್ತು ಯುಯೆನ್ ಬಿಯಾವೊ ಜೊತೆಗೆ ಚಾನ್ ಪಾತ್ರವಹಿಸಿದ. ಈ ಚಿತ್ರವು ಅಲ್ಲಿಂದೀಚೆಗಿನ ಸದರಿ ತ್ರಿವಳಿ ಕಲಾವಿದರ ಕಟ್ಟಕಡೆಯ ಚಿತ್ರವಾಗಿದೆ. ಕೋರೆ ಯುಯೆನ್‌ನೊಂದಿಗೆ ಹಂಗ್‌ ಈ ಚಿತ್ರದ ಸಹ-ನಿರ್ದೇಶಕನಾಗಿದ್ದ. ಈ ಚಲನಚಿತ್ರದಲ್ಲಿನ ಖಳನಾಯಕನ ಪಾತ್ರವನ್ನು ಯುಯೆನ್ ವಾಹ್‌ ನಿರ್ವಹಿಸಿದ್ದ. ಈ ಇಬ್ಬರೂ ಸಹ ಚೈನಾ ಡ್ರಾಮಾ ಅಕ್ಯಾಡಮಿಯ ಸಹವರ್ತಿ ಪದವೀಧರರಾಗಿದ್ದರು.
1980ರ ದಶಕದ ಅಂತ್ಯ ಹಾಗೂ 90ರ ದಶಕದ ಆರಂಭದಲ್ಲಿ, ಪೊಲೀಸ್‌ ಸ್ಟೋರಿ 2 ಚಿತ್ರದೊಂದಿಗೆ ಸದರಿ ಸರಣಿಯ ಅನೇಕ ಯಶಸ್ವೀ ಉತ್ತರಭಾಗಗಳಲ್ಲಿ ಚಾನ್ ಪಾತ್ರವಹಿಸಿದ. ಇವು 1989ರ ಹಾಂಗ್‌ ಕಾಂಗ್ ಚಲನಚಿತ್ರ ಪ್ರಶಸ್ತಿಗಳಲ್ಲಿ ಅತ್ಯುತ್ತಮ ಸಾಹಸ ನೃತ್ಯ ಸಂಯೋಜನೆ ವಿಭಾಗಕ್ಕೆ ಮೀಸಲಾದ ಪ್ರಶಸ್ತಿಯನ್ನು ಗೆದ್ದುಕೊಂಡಿತು. ಈ ಚಿತ್ರದ ನಂತರ ....Armour of God II: Operation Condor , ಮತ್ತು ಪೊಲೀಸ್‌ ಸ್ಟೋರಿ 3 ಚಿತ್ರಗಳು ಬಿಡುಗಡೆಯಾದವು. ಈ ಚಿತ್ರಗಳಲ್ಲಿನ ಅಭಿನಯಕ್ಕಾಗಿ 1993ರ ಗೋಲ್ಡನ್‌ ಹಾರ್ಸ್‌ ಚಲನಚಿತ್ರೋತ್ಸವದಲ್ಲಿ ಅತ್ಯುತ್ತಮ ನಟ ಪ್ರಶಸ್ತಿಯನ್ನು ಚಾನ್ ಗೆದ್ದುಕೊಂಡ. 1994ರಲ್ಲಿ, ಡ್ರಂಕನ್‌ ಮಾಸ್ಟರ್‌ II ಚಿತ್ರದಲ್ಲಿ ವೋಂಗ್ ಫೀ ಹಂಗ್‌ ಪಾತ್ರದಲ್ಲಿ ಅಭಿನಯಿಸುವ ಮೂಲಕ, ಚಾನ್ ತನ್ನ ಪಾತ್ರವನ್ನು ಪುನರಾವರ್ತಿಸಿಕೊಂಡ. ಈ ಚಿತ್ರವು ಟೈಂ ಮ್ಯಾಗಝೀನ್‌ನ ಸಾರ್ವಕಾಲಿಕ 100 ಚಲನಚಿತ್ರಗಳಲ್ಲಿ ಸ್ಥಾನವನ್ನು ಗಿಟ್ಟಿಸಿತು. ಮತ್ತೊಂದು ಉತ್ತರಭಾಗದ ಕೃತಿಯಾದ ....Police Story 4: First Strike ಚಿತ್ರವು, ಚಾನ್‌ಗೆ ಹೆಚ್ಚಿನ ಪ್ರಶಸ್ತಿಗಳನ್ನು ಹಾಗೂ ಸ್ವದೇಶಿ ಮಾರುಕಟ್ಟೆಯಲ್ಲಿನ ಗಲ್ಲಾ ಪೆಟ್ಟಿಗೆ ಯಶಸ್ಸನ್ನು ತಂದುಕೊಟ್ಟವು. ಆದರೆ ಚಿತ್ರಕ್ಕೆ ಇದೇ ಪ್ರಮಾಣದ ಯಶಸ್ಸು ವಿದೇಶಿ ಮಾರುಕಟ್ಟೆಗಳಲ್ಲಿ ಸಿಗಲಿಲ್ಲ. 1990ರ ದಶಕದಲ್ಲಿ ಹಾಲಿವುಡ್‌ ಕುರಿತಾದ ತನ್ನ ಮಹತ್ವಾಕಾಂಕ್ಷೆಗಳನ್ನು ಜಾಕಿ ಚಾನ್ ಪುನರುದ್ದೀಪಿಸಿಕೊಂಡರೂ, ಹಾಲಿವುಡ್‌ ಚಲನಚಿತ್ರಗಳಲ್ಲಿ ಖಳನಾಯಕನ ಪಾತ್ರವನ್ನು ವಹಿಸಲು ಬಂದ ಆರಂಭಿಕ ಆಹ್ವಾನಗಳನ್ನು ತಳ್ಳಿಹಾಕಿದ. ಮುಂಬರುವ ಪಾತ್ರಗಳೂ ಇದೇ ರೀತಿಯಲ್ಲಿ ನಮೂನೆಯಾಗಿ ಉಳಿದುಬಿಡುವುದನ್ನು ತಪ್ಪಿಸಲು ಈ ನಿರ್ಧಾರವನ್ನು ಆತ ಕೈಗೊಂಡ. ಉದಾಹರಣೆಗೆ, ಭವಿಷ್ಯತ್ತಿಗೆ ಸಂಬಂಧಿಸಿದ ಡೆಮಾಲಿಷನ್‌ ಮ್ಯಾನ್‌ ಎಂಬ ಒಂದು ಅತಿ ನವ್ಯ ಚಲನಚಿತ್ರದಲ್ಲಿ ಸೈಮನ್ ಫೀನಿಕ್ಸ್‌ ಎಂಬ ಓರ್ವ ಅಪರಾಧಿಯ ಪಾತ್ರವನ್ನು ವಹಿಸಲು ಸಿಲ್ವಸ್ಟರ‍್ ಸ್ಟಾಲ್ಲೋನ್‌ ಆಹ್ವಾನವನ್ನು ನೀಡಿದ. ಆದರೆ ಚಾನ್ ಇದನ್ನು ನಿರಾಕರಿಸಿದ್ದರಿಂದ ಆ ಪಾತ್ರವು ವೆಸ್ಲಿ ಸ್ನೈಪ್ಸ್‌ ಎಂಬ ಕಲಾವಿದನ ಪಾಲಾಯಿತು.
1995ರಲ್ಲಿ ರಂಬಲ್‌ ಇನ್‌ ದಿ ಬ್ರಾಂಕ್ಸ್‌ ಚಿತ್ರವು ವಿಶ್ವಾದ್ಯಂತ ಬಿಡುಗಡೆಯಾಗುವುದರೊಂದಿಗೆ, ಉತ್ತರ ಅಮೆರಿಕಾದ ಮಾರುಕಟ್ಟೆಯಲ್ಲಿ ನೆಲ್ಲೆಯೊಂದನ್ನು ಸ್ಥಾಪಿಸುವಲ್ಲಿ ಚಾನ್ ಅಂತಿಮವಾಗಿ ಯಶಸ್ವಿಯಾದ. ಹಾಂಗ್‌ ಕಾಂಗ್ ಚಿತ್ರತಾರೆಯರಿಗೆ ಅಪರೂಪವಾಗಿದ್ದ ಆರಾಧಿಸುವ ಅಭಿಮಾನಿಗಳ ಒಂದು ಸಂಚಲನೆಯನ್ನು ಅಮೆರಿಕ ಸಂಯುಕ್ತ ಸಂಸ್ಥಾನಗಳಲ್ಲಿ ಸೃಷ್ಟಿಸುವಲ್ಲಿ ಈ ಚಿತ್ರವು ಯಶಸ್ವಿಯಾಯಿತು. ರಂಬಲ್‌ ಇನ್‌ ದಿ ಬ್ರಾಂಕ್ಸ್‌ ಚಿತ್ರದ ಯಶಸ್ಸಿನಿಂದಾಗಿ ಸೂಪರ್‌ಕಾಪ್‌ ಎಂಬ ಶೀರ್ಷಿಕೆಯಡಿಯಲ್ಲಿ ಪೊಲೀಸ್‌ ಸ್ಟೋರಿ 3 ಚಿತ್ರವು 1996ರಲ್ಲಿ ಅಮೆರಿಕ ಸಂಯುಕ್ತ ಸಂಸ್ಥಾನಗಳಲ್ಲಿ ಬಿಡುಗಡೆಯಾಗುವುದು ಸಾಧ್ಯವಾಗಿ, ಇದು ಒಟ್ಟಾರೆಯಾಗಿ 270,600 US $ನಷ್ಟು ಹಣವನ್ನು ಸಂಪಾದಿಸಿತು. 1998ರಲ್ಲಿ ಬಂದ ಬಡ್ಡಿ ಕಾಪ್‌ನ ಸಾಹಸಮಯ ಹಾಸ್ಯಚಿತ್ರವಾದ ರಷ್‌ ಅವರ್‌ ನಲ್ಲಿ ಕ್ರಿಸ್‌ ಟಕರ್‌ನೊಂದಿಗೆ ಜಾಕಿ ಅಭಿನಯಿಸಿದಾಗ, ಆತನ ಮೊಟ್ಟಮೊದಲ ದೊಡ್ಡಪ್ರಮಾಣದ ಪ್ರಚಂಡ ಯಶಸ್ಸು ದಾಖಲಿಸಲ್ಪಟ್ಟಿತು. ಈ ಚಿತ್ರವು ಅಮೆರಿಕ ಸಂಯುಕ್ತ ಸಂಸ್ಥಾನಗಳಲ್ಲೊಂದರಲ್ಲೇ 130 ದಶಲಕ್ಷ US$ನಷ್ಟು ಹಣವನ್ನು ಗಳಿಸಿತು. ಈ ಚಲನಚಿತ್ರವು ಜಾಕಿ ಚಾನ್‌ನ್ನು ಹಾಲಿವುಡ್‌ನಲ್ಲಿ ಓರ್ವ ತಾರೆಯನ್ನಾಗಿಸಿತು. ಒಂದು ಪ್ರಚಾರತಂತ್ರವಾಗಿ, ಜೆಫ್‌ ಯಾಂಗ್‌ ಸಹಯೋಗದೊಂದಿಗೆ ಐ ಆಮ್‌ ಜಾಕಿ ಚಾನ್ ಎಂಬ ಶೀರ್ಷಿಕೆಯ ತನ್ನ ಆತ್ಮಕಥೆಯನ್ನೂ ಸಹ ಜಾಕಿ ಬರೆದ.
1998ರಲ್ಲಿ, ಗೋಲ್ಡನ್‌ ಹಾರ್ವೆಸ್ಟ್‌ ಸಂಸ್ಥೆಗಾಗಿರುವ ಹೂ ಆಮ್‌ ಐ?? ಎಂಬ ತನ್ನ ಅಂತಿಮ ಚಲನಚಿತ್ರವನ್ನು ಚಾನ್ ಬಿಡುಗಡೆ ಮಾಡಿದ. ಗೋಲ್ಡನ್‌ ಹಾರ್ವೆಸ್ಟ್‌ ಸಂಸ್ಥೆಯನ್ನು 1999ರಲ್ಲಿ ಬಿಟ್ಟ ನಂತರ, ಗಾರ್ಜಿಯಸ್‌ ಎಂಬ ಚಿತ್ರವನ್ನು ಆತ ನಿರ್ಮಿಸಿದ. ಇದು ಒಂದು ಭಾವಪ್ರಧಾನ ಹಾಸ್ಯಚಿತ್ರವಾಗಿದ್ದು, ಇದರಲ್ಲಿ ವೈಯಕ್ತಿಕ ಸಂಬಂಧಗಳ ಕಡೆಗೆ ಗಮನವನ್ನು ಕೇಂದ್ರೀಕರಿಸಲಾಗಿತ್ತು. ನಂತರ 2000ದ ವರ್ಷದಲ್ಲಿ ಜಾಕಿ ಚಾನ್ ಸ್ಟಂಟ್‌ಮಾಸ್ಟರ್‌ ಎಂಬ ಪ್ಲೇಸ್ಟೇಷನ್‌ ಅಟವು ಸೃಷ್ಟಿಯಾಗುವಲ್ಲಿ ಚಾನ್ ನೆರವಾದ. ಈ ಚಿತ್ರಕ್ಕೆ ಆತ ತನ್ನ ಧ್ವನಿ ನೀಡಿದ್ದೇ ಅಲ್ಲದೇ, ಹಾವಭಾವದ ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡ.
2000ರಲ್ಲಿ ಷಾಂಘೈ ನೂನ್‌ ಚಿತ್ರ, 2001ರಲ್ಲಿ ರಷ್‌ ಅವರ್‌ 2 ಚಿತ್ರ ಹಾಗೂ 2003ರಲ್ಲಿ ಷಾಂಘೈ ನೈಟ್ಸ್‌ ಚಿತ್ರವು ಯಶಸ್ಸಿನ ಪರಂಪರೆಯನ್ನು ಮುಂದುವರಿಸಿದರೂ, ಹಾಲಿವುಡ್‌ ಕುರಿತಾಗಿ ಚಾನ್‌ಗೆ ನಿರಾಶೆಯುಂಟಾಗಿತ್ತು. ಹಾಲಿವುಡ್‌ ಚಿತ್ರನಿರ್ಮಾಣ ವ್ಯವಸ್ಥೆಯಲ್ಲಿದ್ದ ಸೀಮಿತ ವ್ಯಾಪ್ತಿಯ ಪಾತ್ರಗಳು ಹಾಗೂ ಚಲನಚಿತ್ರ-ನಿರ್ಮಾಣ ಪ್ರಕ್ರಿಯೆಯ ಮೇಲಿನ ಹಿಡಿತವಿಲ್ಲದಿರುವಿಕೆ ಆತನ ನಿರಾಶೆಗೆ ಕಾರಣವಾಗಿತ್ತು. ಚಲನಚಿತ್ರೋದ್ಯಮದಿಂದ ಹಿಂದೆ ಸರಿಯಲು ಗೋಲ್ಡನ್‌ ಹಾರ್ವೆಸ್ಟ್‌ ಸಂಸ್ಥೆಯು 2003ರಲ್ಲಿ ತಳೆದ ನಿರ್ಧಾರಕ್ಕೆ ಪ್ರತಿಸ್ಪಂದನೆಯಾಗಿ, ಎಂಪರರ್‌ ಮಲ್ಟಿಮೀಡಿಯಾ ಗ್ರೂಪ್‌ನ (EMG) ಸಹಯೋಗದೊಂದಿಗೆ JCE ಮೂವೀಸ್‌ ಲಿಮಿಟೆಡ್‌ (ಜಾಕಿ ಚಾನ್ ಎಂಪರರ್‌ ಮೂವೀಸ್‌ ಲಿಮಿಟೆಡ್‌) ಎಂಬ ತನ್ನದೇ ಚಲನಚಿತ್ರ ನಿರ್ಮಾಣ ಕಂಪನಿಯನ್ನು ಚಾನ್ ಶುರುಮಾಡಿದ. ಅಲ್ಲಿಂದೀಚೆಗೆ ಆತನ ಚಲನಚಿತ್ರಗಳು ಹೆಚ್ಚಿನ ಸಂಖ್ಯೆಯ ನಾಟಕೀಯ ದೃಶ್ಯಗಳನ್ನು ಒಳಗೊಂಡಿವೆಯಾದರೂ, ಅದೇ ಸಮಯಕ್ಕೆ ಗಲ್ಲಾ ಪೆಟ್ಟಿಗೆಯಲ್ಲಿಯೂ ಯಶಸ್ಸನ್ನು ನಿರಂತರವಾಗಿ ದಾಖಲಿಸಿಕೊಂಡು ಬಂದಿವೆ; ಉದಾಹರಣೆಗಳಲ್ಲಿ, ನ್ಯೂ ಪೊಲೀಸ್‌ ಸ್ಟೋರಿ (2004), ದಿ ಮಿಥ್‌ (2005) ಮತ್ತು ಭರ್ಜರಿ ಯಶಸ್ಸಿನ ಚಲನಚಿತ್ರವಾದ ರಾಬ್‌-ಬಿ-ಹುಡ್‌ (2006) ಮೊದಲಾದವು ಸೇರಿವೆ.
2007ರ ಆಗಸ್ಟ್‌ನಲ್ಲಿ ಬಿಡುಗಡೆಯಾದ ರಷ್‌ ಅವರ್‌ 3 ಚಲನಚಿತ್ರವು ಚಾನ್‌ನ ನಂತರದ ಚಿತ್ರವಾಗಿತ್ತು. ಇದು 255 ದಶಲಕ್ಷ US$ನಷ್ಟು ಹಣವನ್ನು ಗಳಿಸಿತು. ಆದಾಗ್ಯೂ, ಇದು ಹಾಂಗ್‌ ಕಾಂಗ್‌ನಲ್ಲಿ ತನ್ನ ಆರಂಭದ ವಾರಾಂತ್ಯದಲ್ಲಿ ಕೇವಲ 3.5 ದಶಲಕ್ಷ HK$ನಷ್ಟು ಹಣವನ್ನು ಮಾತ್ರವೇ ಸಂಗ್ರಹಿಸುವ ಮೂಲಕ ಕಳಪೆ ನಿರ್ವಹಣೆಯನ್ನು ಪ್ರದರ್ಶಿಸಿತು. ಸಹವರ್ತಿ ಚೀನೀ ನಟ ಜೆಟ್‌ ಲಿಯೊಂದಿಗಿನ ತೆರೆಯಮೇಲಿನ ಮೊಟ್ಟಮೊದಲ ಸಹಯೋಗದ ದಿ ಫರ್ಬಿಡನ್ ಕಿಂಗ್‌ಡಂ ಚಿತ್ರದ ಚಿತ್ರೀಕರಣವು 2007ರ ಆಗಸ್ಟ್‌ 24ರಂದು ಸಂಪೂರ್ಣಗೊಂಡು, 2008ರ ಏಪ್ರಿಲ್‌ನಲ್ಲಿ ಬಿಡುಗಡೆಯಾಯಿತು. ಡ್ರೀಮ್‌ವರ್ಕ್ಸ್‌ ಅನಿಮೇಷನ್‌ ಸಂಸ್ಥೆಯ ಚಲನಚಿತ್ರವಾದ ಕುಂಗ್ ಫು ಪಾಂಡಾ ದಲ್ಲಿನ ’ಮಾಸ್ಟರ್‌ ಮಂಕಿ’ ಪಾತ್ರಕ್ಕೆ ಚಾನ್ ಧ್ವನಿ ನೀಡಿದ. 2008ರ ಜೂನ್‌ನಲ್ಲಿ ಬಿಡುಗಡೆಯಾದ ಈ ಚಿತ್ರದಲ್ಲಿ, ಜಾಕ್‌ ಬ್ಲಾಕ್‌, ಡಸ್ಟಿನ್‌ ಹಾಫ್‌ಮನ್‌ ಮತ್ತು ಏಂಜೆಲಿನಾ ಜೋಲಿಯಂಥ ತಾರೆಗಳೊಂದಿಗೆ ಚಾನ್ ಕಾಣಿಸಿಕೊಂಡ. ಇದರ ಜೊತೆಗೆ, ಆಂಟನಿ ಜೆಟೊ ಎಂಬ ಲೇಖಕ-ಬರಹಗಾರನ ಮುಂಬರುವ ವುಷು ಎಂಬ ಚಲನಚಿತ್ರಕ್ಕೆ ಸಂಬಂಧಿಸಿದಂತೆ ಸಲಹಾ ಕಾರ್ಯದಲ್ಲಿ ನೆರವಾಗಲು ಆತ ಒಪ್ಪಂದಕ್ಕೆ ಸಹಿಹಾಕಿದ್ದು, ಸದರಿ ಚಿತ್ರವು ಪ್ರಸ್ತುತ ನಿರ್ಮಾಣ-ಪೂರ್ವ ಹಂತದಲ್ಲಿದೆ. ಈ ಚಲನಚಿತ್ರದಲ್ಲಿ ಕಲಾವಿದರಾದ ಸ್ಯಾಮ್ಮೊ ಹಂಗ್‌ ಮತ್ತು ವ್ಯಾಂಗ್ ವೆಂಜೀ, ತಂದೆ ಮತ್ತು ಮಗನಾಗಿ ಅಭಿನಯಿಸಲಿದ್ದಾರೆ.
2007ರ ನವೆಂಬರ್‌ನಲ್ಲಿ, ಡೆರೆಕ್‌ ಯೀ ಎಂಬ ನಿರ್ದೇಶಕನೊಂದಿಗೆ ಶಿಂಜುಕು ಇನ್ಸಿಡೆಂಟ್‌ ಚಿತ್ರದ ಚಿತ್ರೀಕರಣದಲ್ಲಿ ಚಾನ್ ತನ್ನನ್ನು ತೊಡಗಿಸಿಕೊಂಡ. ಈ ಚಿತ್ರದಲ್ಲಿ ಜಪಾನ್‌ನಲ್ಲಿನ ಓರ್ವ ಚೀನೀ ವಲಸೆಗಾರನ ಪಾತ್ರದಲ್ಲಿ ಚಾನ್ ಕಾಣಿಸಿಕೊಂಡ. 2009ರ ಏಪ್ರಿಲ್ 2ರಂದು ಈ ಚಲನಚಿತ್ರವು ಬಿಡುಗಡೆಯಾಯಿತು. ಆತನ ಬ್ಲಾಗ್‌ ತಿಳಿಸಿರುವ ಪ್ರಕಾರ, ಶಿಂಜುಕು ಇನ್ಸಿಡೆಂಟ್‌ ಚಿತ್ರವು ಸಂಪೂರ್ಣಗೊಂಡ ನಂತರ ಚಲನಚಿತ್ರವೊಂದನ್ನು ನಿರ್ದೇಶಿಸುವ ಇರಾದೆಯನ್ನು ಹೊಂದಿದ್ದು, ಇದು ಅನೇಕ ವರ್ಷಗಳಿಂದ ಆತ ಕೈಗೊಳ್ಳದಿದ್ದ ಒಂದು ಕಾರ್ಯವಾಗಲಿದೆ ಎಂದು ತಿಳಿದುಬಂದಿದೆ. ಈ ಚಲನಚಿತ್ರವು ಆರ್ಮರ‍್ ಆಫ್ ಗಾಡ್‌ ಸರಣಿಯಲ್ಲಿ ಮೂರನೆಯದಾಗಲಿದೆ ಎಂದು ನಿರೀಕ್ಷಿಸಲಾಗಿದ್ದು, ಸದ್ಯಕ್ಕೆ ಈ ಚಿತ್ರಕ್ಕೆ ಆರ್ಮರ‍್ ಆಫ್ ಗಾಡ್‌ III: ಚೈನೀಸ್ ಝೋಡಿಯಾಕ್‌ ಎಂಬ ಶೀರ್ಷಿಕೆಯನ್ನಿಡಲಾಗಿದೆ. 2008ರ ಏಪ್ರಿಲ್ 1ರಂದು ತಾನು ಚಿತ್ರೀಕರಣವನ್ನು ಪ್ರಾರಂಭಿಸುವುದಾಗಿ ಚಾನ್ ಮೂಲತಃ ಹೇಳಿಕೆ ನೀಡಿದ್ದರೂ ಸಹ, ಆ ದಿನಾಂಕವೂ ಸಾಗಿಹೋಗಿದೆ. ಸ್ಕ್ರೀನ್‌ ಆಕ್ಟರ್ಸ್‌ ಗಿಲ್ಡ್‌ ಎಂಬ ಸಂಘವು ಮುಷ್ಕರ ಹೂಡಲಿಲ್ಲವಾದ್ದರಿಂದ, ಅಕ್ಟೋಬರ್‌ ಅಂತ್ಯದ ವೇಳೆಗೆ ದಿ ಸ್ಪೈ ನೆಕ್ಸ್ಟ್‌ ಡೋರ್‌ ಎಂಬ ತನ್ನ ಮುಂದಿನ ಚಿತ್ರದ ಚಿತ್ರೀಕರಣವನ್ನು ನ್ಯೂ ಮೆಕ್ಸಿಕೋದಲ್ಲಿ ಚಾನ್ ಆರಂಭಿಸಿದ. ಇದರಿಂದಾಗಿ ಆರ್ಮರ‍್ ಆಫ್ ಗಾಡ್‌ III: ಚೈನೀಸ್ ಝೋಡಿಯಾಕ್‌ ಚಿತ್ರದ ಸ್ಥಿತಿಯು ಅನಿಶ್ಚಿತವಾಗಿ ಉಳಿಯಿತು. ದಿ ಸ್ಪೈ ನೆಕ್ಸ್ಟ್‌ ಡೋರ್‌ ಚಿತ್ರದಲ್ಲಿ, ಚಾನ್ ಓರ್ವ ಗೂಢಾಚಾರ ರಾಯಭಾರಿಯ ಪಾತ್ರವನ್ನು ವಹಿಸಿದ್ದು, ತನ್ನ ಸ್ನೇಹಿತೆಯ ಮಕ್ಕಳ ಯೋಗಕ್ಷೇಮವನ್ನು ಆತನು ನೋಡಿಕೊಳ್ಳುವಾಗ, ಆತನ ಮುಖವಾಡವು ಕಳಚಿಹೋಗುತ್ತದೆ.
2009ರ ಜೂನ್‌ 22ರಂದು, ಮೂಲ ಚಿತ್ರದ ಪುನರ್‌ನಿರ್ಮಾಣದ ಚಿತ್ರವಾದ ದಿ ಕರಾಟೆ ಕಿಡ್‌ ಚಿತ್ರೀಕರಣವನ್ನು ಬೀಜಿಂಗ್‌ನಲ್ಲಿ ಪ್ರಾರಂಭಿಸಲು ಚಾನ್ ಲಾಸ್ ಏಂಜಲೀಸ್‌‌ನಿಂದ ಹೊರಟ.
ತನ್ನ ಸಾಹಸ ಪ್ರದರ್ಶನಗಳ ಬಹುತೇಕ ಭಾಗವನ್ನು ಸ್ವತಃ ನಿರ್ವಹಿಸುತ್ತಾನೆ. ಇದನ್ನು ಜಾಕಿ ಚಾನ್ ಸಾಹಸ ಪ್ರದರ್ಶನ ತಂಡವು ಸಂಯೋಜಿಸುತ್ತದೆ. ತನ್ನ ಬಹುಪಾಲು ವಿನೋದ ವಿಷಯದ ಸಾಹಸ ಪ್ರದರ್ಶನಗಳಿಗೆ ಬಸ್ಟರ್‌ ಕೀಟನ್‌ ನಟಿಸಿ ನಿರ್ದೇಶಿಸಿದ ದಿ ಜನರಲ್‌ ನಂಥ ಚಲನಚಿತ್ರಗಳೇ ಪ್ರಮುಖ ಪ್ರೇರಣೆಯಾಗಿದ್ದವು ಎಂದು ಚಾನ್ ಸಂದರ್ಶನಗಳಲ್ಲಿ ಹೇಳಿದ್ದಾನೆ. ಬಸ್ಟರ್‌ ಕೀಟನ್‌ ಕೂಡಾ ತನ್ನ ಸಾಹಸ ಪ್ರದರ್ಶನಗಳನ್ನು ಸ್ವತಃ ತಾನೇ ನಿರ್ವಹಿಸುವುದಕ್ಕೆ ಪ್ರಸಿದ್ಧಿ ಪಡೆದಿದ್ದಾನೆ. 1983ರಲ್ಲಿ ತಂಡವು ಸ್ಥಾಪನೆಯಾದಾಗಿನಿಂದ, ಸಾಹಸ ಸಂಯೋಜನೆಯ ಕಾರ್ಯವನ್ನು ಸುಗಮವಾಗಿಸಲು ಚಾನ್ ಅದನ್ನು ನಂತರದ ತನ್ನೆಲ್ಲಾ ಚಿತ್ರಗಳಲ್ಲೂ ಬಳಸಿದ್ದಾನೆ. ತನ್ನ ತಂಡದ ಪ್ರತಿಯೋರ್ವ ಸದಸ್ಯನ ಸಾಮರ್ಥ್ಯವೂ ಆತನಿಗೆ ತಿಳಿದಿದ್ದುದು ಇದಕ್ಕೆ ಕಾರಣವಾಗಿತ್ತು. ತನ್ನ ಚಲನಚಿತ್ರಗಳಲ್ಲಿನ ಇತರ ಪಾತ್ರಧಾರಿಗಳಿಂದ ಮಾಡಲ್ಪಟ್ಟ ಅನೇಕ ಸಾಹಸ ಪ್ರದರ್ಶನಗಳನ್ನು ಚಾನ್ ಮತ್ತು ಆತನ ತಂಡವು ಕೈಗೊಳ್ಳುತ್ತದೆ ಹಾಗೂ ಅವರ ಮುಖಗಳು ಅಸ್ಪಷ್ಟವಾಗಿರುವ ರೀತಿಯಲ್ಲಿ ದೃಶ್ಯದ ಚಿತ್ರೀಕರಣವನ್ನು ನಡೆಸುತ್ತದೆ.
ಆತನು ನಿರ್ವಹಿಸುವ ಸಾಹಸ ಪ್ರದರ್ಶನಗಳ ಅಪಾಯಕರ ಸ್ವರೂಪದಿಂದಾಗಿ ವಿಮೆಯನ್ನು ಪಡೆಯುವುದು ಚಾನ್‌ಗೆ ಕಷ್ಟವಾಗಿ ಪರಿಣಮಿಸುತ್ತದೆ. ಅದರಲ್ಲೂ ವಿಶೇಷವಾಗಿ ಆತನ ಸಾಹಸ ಪ್ರದರ್ಶನ ಕಾರ್ಯವು ಅಮೆರಿಕ ಸಂಯುಕ್ತ ಸಂಸ್ಥಾನಗಳಲ್ಲಿ ಕರಾರಿನ ಪ್ರಕಾರ ಸೀಮಿತವಾಗಿರುವುದರಿಂದ ಅಲ್ಲಿ ಇದು ಕಷ್ಟಕರವಾಗಿದೆ. "ಓರ್ವ ಸಮಕಾಲೀನ ನಟನಿಂದ ಬಹುತೇಕ ಸಾಹಸ ಪ್ರದರ್ಶನಗಳು ನಿರ್ವಹಿಸಲ್ಪಟ್ಟಿರುವುದಕ್ಕಾಗಿರುವ" ಗಿನ್ನೆಸ್‌ ವಿಶ್ವ ದಾಖಲೆಯನ್ನು ಚಾನ್ ಹೊಂದಿದ್ದಾನೆ. "ತನ್ನ ಸಾಹಸ ಪ್ರದರ್ಶನಗಳನ್ನು ಸ್ವತಃ ತಾನೇ ನಿರ್ವಹಿಸುವುದನ್ನು ಒಳಗೊಂಡಿರುವ ಚಾನ್‌ನ ನಿರ್ಮಾಣದ ಚಿತ್ರಗಳನ್ನು ಯಾವುದೇ ವಿಮಾ ಕಂಪನಿಯೂ ಹೊಣೆಹೊತ್ತುಕೊಂಡು ವಿಮಾಪತ್ರವನ್ನು ಬರೆದುಕೊಡುವುದಿಲ್ಲ" ಎಂಬುದಕ್ಕೆ ಈ ದಾಖಲೆಯು ಮಹತ್ವನೀಡಿದೆ. ಇದರ ಜೊತೆಗೆ, ಚಲನಚಿತ್ರವೊಂದರಲ್ಲಿ ಒಂದೇ ಒಂದು ದೃಶ್ಯಕ್ಕಾಗಿ ಹಲವಾರು ಟೇಕ್‌ಗಳನ್ನು ತೆಗೆದುಕೊಂಡಿರುವ, ಗುರುತಿಗೆ ಬಾರದ ದಾಖಲೆಯನ್ನೂ ಆತ ಹೊಂದಿದ್ದಾನೆ. ಡ್ರಾಗನ್ ಲಾರ್ಡ್‌ ಚಿತ್ರದಲ್ಲಿನ ಬ್ಯಾಡ್ಮಿಂಟನ್‌ ಆಟವನ್ನು ಒಳಗೊಂಡಿರುವ ಒಂದು ಸಂಕೀರ್ಣ ದೃಶ್ಯಕ್ಕಾಗಿ ಆತ 2900 ರೀಟೇಕ್‌ಗಳನ್ನು ತೆಗೆದುಕೊಂಡಿರುವುದು ಇದಕ್ಕೊಂದು ಉದಾಹರಣೆ.
ಸಾಹಸ ಪ್ರದರ್ಶನಗಳನ್ನು ನಿರ್ವಹಿಸುವ ಪ್ರಯತ್ನದಲ್ಲಿರುವಾಗ ಲೆಕ್ಕವಿಲ್ಲದಷ್ಟು ಬಾರಿ ಚಾನ್‌ಗೆ ಗಾಯಗಳಾಗಿವೆ; ಇವುಗಳಲ್ಲಿ ಬಹುಪಾಲನ್ನು ಸಂಕಲನದಲ್ಲಿ ತಿರಸ್ಕೃತವಾದ ಭಾಗಗಳ ರೀತಿಯಲ್ಲಿ ಇಲ್ಲವೇ ಚಿತ್ರೀಕರಣದ ಸಂದರ್ಭದಲ್ಲಿ ಜರುಗಿದ ಮುಜುಗರವುಂಟುಮಾಡುವ ಅವಿವೇಕಗಳ ರೀತಿಯಲ್ಲಿ ಆತನ ಚಲನಚಿತ್ರಗಳ ಮುಕ್ತಾಯದ ಸ್ಮರಣೆಗಳ ಅವಧಿಯಲ್ಲಿ ತೋರಿಸಲಾಗಿದೆ. ಆರ್ಮರ‍್ ಆಫ್ ಗಾಡ್‌ ಚಿತ್ರದ ಚಿತ್ರೀಕರಣದ ಸಂದರ್ಭದಲ್ಲಿ ಆತ ಮರವೊಂದರಿಂದ ಕೆಳಗೆ ಬಿದ್ದು ಮತ್ತು ತನ್ನ ತಲೆಬುರುಡೆಯನ್ನು ಒಡೆದುಕೊಂಡಿದ್ದಾಗ ಆತ ಹೆಚ್ಚೂಕಮ್ಮಿ ಮರಣದ ಸನಿಹಕ್ಕೆ ಬಂದಿದ್ದ. ವರ್ಷಗಳು ಉರುಳಿದಂತೆ, ಚಾನ್ ತನ್ನ ವಸ್ತಿ ಕುಹರದ ಕೀಲು ತಪ್‌ಇಇಸಿಕೊಂಡಿದ್ದಾನೆ ಮತ್ತು ತನ್ನ ಬೆರಳುಗಳು, ಕಾಲ್ಬೆರಳುಗಳು, ಮೂಗು, ಎರಡೂ ಕೆನ್ನೆಯೆಲುಬುಗಳು, ಸೊಂಟಗಳು, ಎದೆಮೂಳೆ, ಕುತ್ತಿಗೆ, ಕಣಕಾಲು ಮತ್ತು ಪಕ್ಕೆಲುಬುಗಳನ್ನು ಲೆಕ್ಕವಿಲ್ಲದಷ್ಟು ಸಂದರ್ಭಗಳಲ್ಲಿ ಮುರಿದುಕೊಂಡಿದ್ದಾನೆ. ರಂಬಲ್‌ ಇನ್‌ ದಿ ಬ್ರಾಂಕ್ಸ್‌ ಚಿತ್ರಕ್ಕೆ ಸಂಬಂಧಿಸಿದ ಪ್ರಚಾರ-ಪ್ರವರ್ತನಾ ಸಾಮಗ್ರಿಗಳು ಸ್ಪಷ್ಟವಾಗಿ ಸೂಚಿಸುವ ಪ್ರಕಾರ, ಚಾನ್ ತನ್ನೆಲ್ಲಾ ಸಾಹಸ ಪ್ರದರ್ಶನಗಳನ್ನು ಸ್ವತಃ ನಿರ್ವಹಿಸಿರುವುದು ತಿಳಿದುಬರುತ್ತದೆ, ಮತ್ತು ಆತನ ಚಲನಚಿತ್ರದ ಭಿತ್ತಿಚಿತ್ರದ ಒಂದು ನಮೂನೆಯಲ್ಲಿ ಆತನ ಅನೇಕ ಗಾಯಗಳು ಚಿತ್ರಿಸಲ್ಪಟ್ಟಿರುವುದನ್ನು ಕಾಣಬಹುದು.
ಬ್ರೂಸ್‌ ಲೀಗೆ ಒಂದು ಪ್ರತಿಸ್ಪಂದನೆಯ ರೂಪದಲ್ಲಿರುವಂತೆ, ಮತ್ತು ಬ್ರೂಸ್‌ ಲೀಯ ಮರಣದ ಮುಂಚೆ ಹಾಗೂ ನಂತರ ಕಾಣಿಸಿಕೊಂಡಿದ್ದ ಅನೇಕ ಅನುಕರಣಕಾರರ ವ್ಯಕ್ತಿತ್ವಗಳಿಗೆ ಒಂದು ಪ್ರತಿಕ್ರಿಯೆಯ ಸ್ವರೂಪದಲ್ಲಿ ಜಾಕಿ ಚಾನ್ ತನ್ನ ತೆರೆಯ ಮೇಲಿನ ಸ್ವರೂಪವನ್ನು ಸೃಷ್ಟಿಸಿಕೊಂಡ. ವಿಶಿಷ್ಟವಾಗಿ ಕಡುಶಿಸ್ತಿನವರಾಗಿದ್ದ, ನೈತಿಕವಾಗಿ ಋಜುಮಾರ್ಗದ ನಾಯಕರಾಗಿದ್ದ ಲೀಯ ಪಾತ್ರಗಳಿಗೆ ಪ್ರತಿಯಾಗಿ, ಸದುದ್ದೇಶದ, ಕೊಂಚವೇ ಅವಿವೇಕತನದ ಎಂದಿನ ಆಸಾಮಿಗಳ (ಅನೇಕವೇಳೆ ಅವರ ಸ್ನೇಹಿತರು, ಗೆಳತಿಯರು ಅಥವಾ ಕುಟುಂಬಗಳ ಸಂಪೂರ್ಣ ಅಧೀನಕ್ಕೆ ಈ ಪಾತ್ರಗಳು ಒಳಗಾಗಿರುತ್ತವೆ) ಪಾತ್ರವನ್ನು ಚಾನ್ ವಹಿಸುತ್ತಾನೆ. ಈ ಪಾತ್ರಗಳು ಎಲ್ಲಾ ಅಡತಡೆಗಳ ನಡುವೆಯೂ ಚಿತ್ರದ ಅಂತ್ಯದಲ್ಲಿ ಗೆಲುವು ಸಾಧಿಸುತ್ತವೆ. ಇದರ ಜೊತೆಗೆ, ಲೀಯ ಪಾತ್ರಕ್ಕೆ ' ಎದುರಾಗಿ{/೦ ಇರುವ ರೀತಿಯಲ್ಲಿರುವಂತೆ ತನ್ನ ಚಲನವಲನಗಳನ್ನು ತಾನು ಉದ್ದೇಶಪೂರ್ವಕವಾಗಿ ವಿನ್ಯಾಸಗೊಳಿಸಿಕೊಳ್ಳುವುದಾಗಿ ಚಾನ್ ಒಂದೆಡೆ ಹೇಳಿಕೊಂಡಿದ್ದಾನೆ: ಅಂದರೆ, ಲೀಯು ತನ್ನ ತೋಳುಗಳನ್ನು ಅಗಲವಾಗಿ ಇಟ್ಟುಕೊಂಡ ಸಂದರ್ಭಗಳಲ್ಲಿ ಚಾನ್ ತನ್ನ ತೋಳುಗಳನ್ನು ಶರೀರಕ್ಕೆ ಹತ್ತಿರದಲ್ಲಿರುವಂತೆ ಬಿಗಿಯಾಗಿ ಹಿಡಿದುಕೊಳ್ಳುತ್ತಾನೆ. ಲೀಯು ಸಡಿಲವಾಗಿ ಮತ್ತು ತೇಲಿಕೊಂಡು ಹರಿಯುವಂತೆ ಹೋಗುವ ಚಲನೆಯನ್ನು ತೋರಿಸುವ ಸಂದರ್ಭದಲ್ಲಿ, ಚಾನ್ ಅದನ್ನು ಬಿಗಿಯಾಗಿ ಮತ್ತು ಚಂಚಲವಾದ ಅಥವಾ ಏರುಪೇರಾಗಿರುವ ರೀತಿಯಲ್ಲಿ ನಿರ್ವಹಿಸುತ್ತಾನೆ. ರಷ್‌ ಅವರ್‌ ಸರಣಿಯ ಯಶಸ್ಸಿನ ಹೊರತಾಗಿಯೂ, ತಾನು ಅದರ ಅಭಿಮಾನಿಯಾಗಿರಲಿಲ್ಲ ಎಂದು ಚಾನ್ ಹೇಳಿಕೆ ನೀಡಿದ್ದ. ಆ ಚಿತ್ರದಲ್ಲಿನ ಸಾಹಸ ದೃಶ್ಯಗಳನ್ನು ಆತ ಮೆಚ್ಚಿಕೊಳ್ಳದೇ ಇದ್ದುದು ಮತ್ತು ಅಮೆರಿಕನ್ ಶೈಲಿಯ ಹಾಸ್ಯವು ಆತನಿಗೆ ಅರ್ಥವಾಗದಿದ್ದುದು ಇದರ ಹಿಂದಿನ ಕಾರಣವಾಗಿತ್ತು. ಅದೇ ಸಂದರ್ಶನದಲ್ಲಿ ಚಾನ್ ಹೇಳಿದ ಪ್ರಕಾರ, U.S.ನಲ್ಲಿ ಆತ ಮಾಡುತ್ತಿದ್ದ ಚಲನಚಿತ್ರಗಳು ಆತನ ಮನವನ್ನು ಸೆಳೆದಿರಲಿಲ್ಲ. ಚೀನೀ ಪ್ರೇಕ್ಷಕರಿಗೆ ಅರ್ಥವಾಗದಿರಬಹುದು ಎಂಬ ಭಯದಿಂದಾಗಿ, ಆತನ ಕೆಲವೊಂದು ಅತಿದೊಡ್ಡ ಹಾಲಿವುಡ್‌ ಚಿತ್ರ ಯೋಜನೆಗಳಿಗೆ ಸಂಬಂಧಿಸಿದಂತೆ ಆತನ ಉತ್ಸಾಹದ ಕೊರತೆಯು ಪದೇ ಪದೇ ಎದ್ದುಕಾಣುತ್ತಿತ್ತು. ತಾನು ಹೆಚ್ಚಾಗಿ ಆಸಕ್ತಿಯನ್ನು ತಳೆದಿದ್ದ ಚೀನೀ ಯೋಜನೆಗಳಿಗೆ ಬಂಡವಾಳವನ್ನು ಒದಗಿಸಲೆಂದು ಈ ಚಿತ್ರಗಳಿಂದ ಹೇರಳವಾಗಿ ದೊರೆಯುವ ಸಂಭಾವನೆಯನ್ನು ತಾನು ಬಳಸುತ್ತಿರುವುದಾಗಿ ಆತ ಸದರಿ ಸಂದರ್ಶನದಲ್ಲಿ ಹೇಳಿಕೊಂಡಿದ್ದ.
ಈಗಾಗಲೇ ಸಾಕಷ್ಟು ವಯಸ್ಸಾಗಿರುವ ಚಾನ್, ಸಾಹಸ ಪ್ರದರ್ಶನದ ನಾಯಕನ ರೂಢಮಾದರಿಯ ಪಾತ್ರದಲ್ಲಿಯೇ ತಾನು ಪ್ರತಿನಿಧಿಸಲ್ಪಡುತ್ತಿರುವುದರ ಕುರಿತು ಬಳಲಿಕೆಯನ್ನು ವ್ಯಕ್ತಪಡಿಸಿದ್ದು, ಇತ್ತೀಚಿನ ವರ್ಷಗಳಲ್ಲಿ ಹೊಸದಾಗಿ ಬರುವ ಚಿತ್ರಗಳಲ್ಲಿ ಹೆಚ್ಚು ಭಾವನಾತ್ಮಕ ಪಾತ್ರಗಳಲ್ಲಿ ತೊಡಗಿಸಿಕೊಳ್ಳುವಂತೆ ಮಾಡಿವೆ. ನ್ಯೂ ಪೊಲೀಸ್‌ ಸ್ಟೋರಿ ಚಿತ್ರದಲ್ಲಿ ಆತ ಕುಡಿತದ ಚಟದಿಂದ ನರಳುತ್ತಿರುವ ಒಂದು ಪಾತ್ರದಲ್ಲಿ ಅಭಿನಯಿಸಿದ್ದು, ಕೊಲೆಯಾದ ತನ್ನ ಸಹೋದ್ಯೋಗಿಗಳ ಕುರಿತು ಶೋಕವ್ಯಕ್ತಪಡಿಸುವ ನಟನೆಯನ್ನು ದಾಖಲಿಸಿದ್ದಾನೆ. ಶ್ರೀಮಾನ್‌ ನಾಜೂಕಿನ ಆಸಾಮಿ ಎಂಬ ಬಿಂಬವನ್ನು ತೊಡೆದುಹಾಕಿಕೊಳ್ಳುವ ಸಲುವಾಗಿ ಆತ ಮತ್ತೂ ಮುಂದುವರಿದು, ಮೊಟ್ಟಮೊದಲ ಬಾರಿಗೆ ರಾಬ್‌-ಬಿ-ಹುಡ್‌ ಎಂಬ ಚಿತ್ರದಲ್ಲಿ ಓರ್ವ ಪ್ರತಿ-ನಾಯಕನ ಪಾತ್ರದಲ್ಲಿ ಕಾಣಿಸಿಕೊಂಡ. ಥಾಂಗ್ಸ್‌ ಎಂಬ ಹೆಸರಿನ ಈ ಕನ್ನಗಳನ್ನ ಪಾತ್ರವು ಜೂಜಾಟದ ಸಮಸ್ಯೆಗಳನ್ನು ಹೊಂದಿರುವಂತೆ ಚಿತ್ರಿಸಲ್ಪಟ್ಟಿತ್ತು.
200px|thumb|ತನ್ನದೇ ಸ್ವಂತ ಚಲಿತಚಿತ್ರ ಸರಣಿದ ಶೀರ್ಷಿಕೆ ಫಲಕ. 2000ದ ಇಸವಿಯಲ್ಲಿ, ತನ್ನದೇ ಕುರಿತಾದ ಒಂದು ಕಲ್ಪಿತ ಕಥಾರೂಪದ ಆವೃತ್ತಿಯನ್ನು ಜಾಕಿ ಚಾನ್ ಅಡ್ವೆಂಚರ್ಸ್‌ ಎಂಬ ಚಲಿತಚಿತ್ರ ಸರಣಿಯಲ್ಲಿ ಚಾನ್ ಆರಂಭಿಸಿದ. ಇದು 2005ರವರೆಗೂ ಓಡಿತು.
2008ರ ಜುಲೈನಲ್ಲಿ, ದಿ ಡಿಸೈಪಲ್‌ (simplified Chinese: 龙的传人; traditional Chinese: 龍的傳人 "ಡ್ರಾಗನ್‌ನ ಅನುಯಾಯಿ" ಎಂಬುದು ಇದರರ್ಥ) ಎಂಬ ಶೀರ್ಷಿಕೆಯ BTV ರಿಯಾಲಿಟಿ ದೂರದರ್ಶನ ಸರಣಿಯು ವ್ಯವಸ್ಥೆಗೊಳಿಸಲ್ಪಟ್ಟಿತು. ಈ ಸರಣಿಯನ್ನು ಜಾಕಿ ಚಾನ್ ನಿರ್ಮಿಸಿದ್ದರ ಜೊತೆಗೆ ಅದರಲ್ಲಿ ಅಭಿನಯಿಸಿದ್ದ. ಚಾನ್‌ನ "ಉತ್ತರಾಧಿಕಾರಿ"ಯಾಗಲು ಹಾಗೂ ಚಲನಚಿತ್ರ ನಿರ್ಮಾಣದಲ್ಲಿನ ವಿದ್ಯಾರ್ಥಿಯಾಗಲು, ಅಭಿನಯ ಮತ್ತು ಕದನ ಕಲೆಗಳಲ್ಲಿ ಪರಿಣತಿಯನ್ನು ಪಡೆದಿರುವ ಹೊಸ ತಾರೆಯೊಬ್ಬನನ್ನು ಹುಡುಕುವುದು ಈ ಕಾರ್ಯಕ್ರಮದ ಗುರಿಯಾಗಿತ್ತು. ಸ್ಪರ್ಧಿಗಳು ಜಾಕಿ ಚಾನ್ ಸಾಹಸ ಪ್ರದರ್ಶನ ತಂಡದ ಸದಸ್ಯರಾದ ಅಲನ್ ವೂ ಮತ್ತು ಹಿ ಜುನ್‌ರಿಂದ ತರಬೇತಿಯನ್ನು ಪಡೆದರು. ಅಷ್ಟೇ ಅಲ್ಲ, ಸ್ಫೋಟನ ದೃಶ್ಯಗಳು, ಅತಿ-ಎತ್ತರದ ತಂತಿಯಿಂದ-ನೇತಾಡುವಿಕೆ, ಬಂದೂಕು ಬಳಕೆ, ಕಾರಿನ ಸಾಹಸ ಪ್ರದರ್ಶನಗಳು, ಜಿಗಿತ, ತಡೆಯೋಟದ ಶಿಕ್ಷಣಕ್ರಮಗಳು ಇತ್ಯಾದಿಗಳೂ ಸೇರಿದಂತೆ ಹಲವಾರು ಕ್ಷೇತ್ರಗಳಲ್ಲಿ ಸದರಿ ಸ್ಪರ್ಧಿಗಳು ಸ್ಪರ್ಧಿಸಿದರು. ಹಿ ಪಿಂಗ್‌, ವೂ ಯುಯೆ ಮತ್ತು ಚೆಂಗ್‌ ಪೀ ಪೀ ಇವರುಗಳು ಸದರಿ ಕಾರ್ಯಕ್ರಮದ ನಿಯತವಾದ ತೀರ್ಪುಗಾರರಾಗಿದ್ದರು. ಅತಿಥಿ ತೀರ್ಪುಗಾರರಲ್ಲಿ ಸ್ಟಾನ್ಲೆ ಟಾಂಗ್‌, ಸ್ಯಾಮ್ಮೊ ಹಂಗ್‌ ಮತ್ತು ಯುಯೆನ್ ಬಿಯಾವೊ ಸೇರಿದ್ದರು. ಕಣದಲ್ಲಿ 16 ಸ್ಪರ್ಧಿಗಳು ಉಳಿಯುವುದರೊಂದಿಗೆ 2008ರ ಏಪ್ರಿಲ್ 5ರಂದು "ಅಂತಿಮ ಸ್ಪರ್ಧೆಗಳು" ಪ್ರಾರಂಭವಾದವು, ಮತ್ತು 2008ರ ಜೂನ್‌ 26ರಂದು ಮುಕ್ತಾಯಗೊಂಡವು. ಇದರಲ್ಲಿ ಹಾಜರಿದ್ದವರ ಪೈಕಿ ಪ್ರಮುಖರೆಂದರೆ, ತ್ಸುಯಿ ಹಾರ್ಕ್‌, ಜಾನ್‌ ವೂ, ಎಂಗ್‌ ಸೀ ಯುಯೆನ್ ಮತ್ತು ಯು ರೊಂಗ್ ಗುವಾಂಗ್‌.
ಜಾಕ್‌ ಟು (ಟು ಷೆಂಗ್ ಚೆಂಗ್‌) ಎಂಬಾತ ಈ ಸರಣಿಯ ಜಯಶಾಲಿಯಾಗಿ ಹೊರಹೊಮ್ಮಿದ . ರನ್ನರ್‌-ಅಪ್‌ ಸ್ಪರ್ಧಿಗಳಾದ ಯಾಂಗ್‌ ಝೆಂಗ್‌ ಮತ್ತು ಜೆರಿ ಲಿಯಾವುರೊಂದಿಗೆ, ಜಾಕ್‌ ಟು ಈಗ ಮೂರು ಆಧುನಿಕ ಚೀನೀ ಸಾಹಸ ಚಲನಚಿತ್ರಗಳಲ್ಲಿ ಅಭಿನಯಿಸಲು ಸಿದ್ಧತೆ ನಡೆಸಿದ್ದು, ಅವುಗಳ ಪೈಕಿ ಒಂದರ ಚಿತ್ರಕಥೆಯನ್ನು ಚಾನ್ ರಚಿಸಿದ್ದಾನೆ. ಈ ಮೂರೂ ಚಿತ್ರಗಳ ಸಹ-ನಿರ್ಮಾಣ ಕಾರ್ಯದ ಜವಾಬ್ದಾರಿ ಚಾನ್ ಮತ್ತು ಆತನ ಕಂಪನಿಯಾದ JCE ಮೂವೀಸ್‌ ಲಿಮಿಟೆಡ್‌ ಪಾಲಿಗೆ ಬಂದಿದೆ. ಸದರಿ ಚಲನಚಿತ್ರಗಳಿಗೆ ಸ್ಪೀಡ್‌ಪೋಸ್ಟ್‌ 206 , ವೋಂಟ್‌ ಟೆಲ್‌ ಯು ಮತ್ತು ಟ್ರಾಪಿಕಲ್‌ ಟೊರ್ನಾಡೊ ಎಂಬ ಹೆಸರುಗಳನ್ನಿಡಲು ಉದ್ದೇಶಿಸಲಾಗಿದ್ದು, ಅವುಗಳನ್ನು ಕ್ಸೀ ಡೊಂಗ್‌, ಜಿಯಾಂಗ್‌ ತಾವೊ ಮತ್ತು ಕೈ ರೊಂಗ್ ಹುಯಿ ನಿರ್ದೇಶಿಸಲಿದ್ದಾರೆ. ಎಲ್ಲಾ 16 ಅಂತಿಮ ಸ್ಪರ್ಧಿಗಳಿಗೆ ಸದರಿ ಚಲನಚಿತ್ರಗಳಲ್ಲಿ ಕಾರ್ಯನಿರ್ವಹಿಸಲು, ಇಲ್ಲವೇ ಜಾಕಿ ಚಾನ್ ಸಾಹಸ ಪ್ರದರ್ಶನ ತಂಡವನ್ನು ಸೇರಲು ಅವಕಾಶ ನೀಡಲಾಗುವುದು. ಮೊದಲ ಚಲನಚಿತ್ರದ ಕುರಿತಾದ ನಿರ್ಮಾಣಕಾರ್ಯವು 2008ರ ಸೆಪ್ಟೆಂಬರ್‌ನಲ್ಲಿ ಆರಂಭವಾಗಬೇಕಿದೆ. ಇದರ ಜೊತೆಗೆ, ಅಂತಿಮ ಸ್ಪರ್ಧಿಗಳಿಗೆ ಮುಂಬರುವ BTV ಸಾಹಸ ಸರಣಿಯೊಂದರಲ್ಲಿ ಪಾತ್ರಗಳನ್ನು ನೀಡಲು ಉದ್ದೇಶಿಸಲಾಗಿದೆ.
ತನ್ನ ಬಾಲ್ಯದಲ್ಲಿ ಪೀಕಿಂಗ್ ಅಪೆರಾ ಸ್ಕೂಲ್‌ನಲ್ಲಿ ಕಲಿಯುತ್ತಿದ್ದಾಗ ಜಾಕಿ ಚಾನ್ ಹಾಡುಗಾರಿಕೆಯ ಪಾಠಗಳನ್ನು ಕಲಿತಿದ್ದ. 1980ರ ದಶಕದಲ್ಲಿ ವೃತ್ತಿಪರ ಸ್ವರೂಪದಲ್ಲಿ ಹಾಡಿನ ಧ್ವನಿಮುದ್ರಣಗಳನ್ನು ತಯಾರಿಸಲು ಆತ ಶುರುಮಾಡಿದ ಮತ್ತು ಹಾಂಗ್‌ ಕಾಂಗ್ ಹಾಗೂ ಏಷ್ಯಾದಲ್ಲಿ ಓರ್ವ ಯಶಸ್ವೀ ಗಾಯಕನೆನಿಸಿಕೊಂಡ. 1984ರಿಂದ ಮೊದಲ್ಗೊಂಡು ಆತ ಇದುವರೆಗೂ 20 ಗೀತ ಸಂಪುಟಗಳನ್ನು ಬಿಡುಗಡೆ ಮಾಡಿದ್ದಾನೆ ಹಾಗೂ ಕ್ಯಾಂಟನೀಸ್‌, ಮ್ಯಾಂಡರಿನ್‌, ಜಪಾನಿ, ತೈವಾನಿ ಮತ್ತು ಇಂಗ್ಲಿಷ್ ಭಾಷೆಗಳಲ್ಲಿ ಹಾಡುಗಾರಿಕೆಗಳನ್ನು ನಿರ್ವಹಿಸಿದ್ದಾನೆ. ಚಲನಚಿತ್ರದ ಮುಕ್ತಾಯದ ಸ್ಮರಣೆಗಳ ಸಂದರ್ಭದಲ್ಲಿ ಕೇಳಿಸಲಾಗುವ ತನ್ನ ಚಲನಚಿತ್ರಗಳ ಆವರ್ತಕ ಗೀತೆಗಳನ್ನು ಆತ ಅನೇಕವೇಳೆ ಹಾಡುತ್ತಾನೆ. ಚಾನ್‌ನ ಮೊದಲ ಸಂಗೀತದ ಧ್ವನಿಮುದ್ರಣವು "ಕುಂಗ್ ಫು ಫೈಟಿಂಗ್ ಮ್ಯಾನ್‌" ಎಂಬುದಾಗಿತ್ತು. ಇದು ದಿ ಯಂಗ್ ಮಾಸ್ಟರ್‌ (1980) ಚಿತ್ರದ ಮುಕ್ತಾಯದ ಸ್ಮರಣೆಗಳ ಸಂದರ್ಭದಲ್ಲಿ ಕೇಳಿಸಲಾಗುತ್ತಿದ್ದ ಆವರ್ತಕ ಗೀತೆಯಾಗಿತ್ತು. ಕಡೇ ಪಕ್ಷ ಇವುಗಳ ಪೈಕಿ 10 ಧ್ವನಿಮುದ್ರಿಕೆಗಳನ್ನು ಚಲನಚಿತ್ರದ ಧ್ವನಿಪಥದ ಗೀತ ಸಂಪುಟಗಳಲ್ಲಿ ಬಿಡುಗಡೆ ಮಾಡಲಾಗಿದೆ. ಸ್ಟೋರಿ ಆಫ್ ಎ ಹೀರೋ (英雄故事) (ಪೊಲೀಸ್‌ ಸ್ಟೋರಿ ಚಿತ್ರದ ಆವರ್ತಕ ಗೀತೆ) ಎಂಬ ಆತನ ಕ್ಯಾಂಟನೀಸ್‌ ಹಾಡನ್ನು ರಾಯಲ್ ಹಾಂಗ್‌ ಕಾಂಗ್ ಪೊಲೀಸ್‌ ಆಯ್ದುಕೊಂಡಿತು ಹಾಗೂ 1994ರಲ್ಲಿ ಅದನ್ನು ತನ್ನ ನೇಮಕಾತಿಯ ಜಾಹೀರಾತಿನಲ್ಲಿ ಅಳವಡಿಸಿಕೊಂಡಿತು.
ಮುಲಾನ್‌ (1998) ವಾಲ್ಟ್‌ ಡಿಸ್ನೆಯ ಚಲಿತ ರೂಪಕಚಿತ್ರದ ಚೀನೀ ಆವೃತ್ತಿಯಲ್ಲಿನ ಷಾಂಗ್‌ ಪಾತ್ರಕ್ಕೆ ಚಾನ್ ಧ್ವನಿ ನೀಡಿದ. ಚಲನಚಿತ್ರದ ಧ್ವನಿಪಥಕ್ಕಾಗಿ ಆತ "ಐ ವಿಲ್ ಮೇಕ್ ಎ ಮ್ಯಾನ್‌ ಔಟ್‌ ಆಫ್ ಯು" ಎಂಬ ಹಾಡನ್ನೂ ಹಾಡಿದ. US ಆವೃತ್ತಿಯ ಬಿಡುಗಡೆಗೆ ಸಂಬಂಧಿಸಿ, ಮಾತಿನ ಧ್ವನಿಯನ್ನು B.D. ವೊಂಗ್ ನಿರ್ವಹಿಸಿದರೆ, ಹಾಡುವ ಧ್ವನಿಯನ್ನು ಡೊನ್ನಿ ಆಸ್ಮಂಡ್‌ ನಿರ್ವಹಿಸಿದ್ದು ವಿಶೇಷವಾಗಿತ್ತು.
2007ರಲ್ಲಿ, "ವಿ ಆರ್ ರೆಡಿ" ಎಂಬ ಹಾಡನ್ನು ಚಾನ್ ಧ್ವನಿಮುದ್ರಿಸಿದ ಹಾಗೂ ಬಿಡುಗಡೆ ಮಾಡಿದ. ಇದು 2008ರ ಬೇಸಿಗೆ ಒಲಿಂಪಿಕ್ಸ್‌ಗೆಂದು ಸೃಷ್ಟಿಸಲಾಗಿದ್ದ ಒಂದು-ವರ್ಷ ಅವಧಿಯ ಅಧಿಕೃತ ಹಿನ್ನೆಣಿಕೆಯ ಹಾಡಾಗಿತ್ತು. 2008ರ ಬೇಸಿಗೆ ಪ್ಯಾರಾಕಿಂಪಿಕ್ಸ್‌‌ಗೆ ಸಂಬಂಧಿಸಿದ ಒಂದು-ವರ್ಷದ ಹಿನ್ನೆಣಿಕೆಯ ಸ್ಮರಣೆಗಾಗಿ ಏರ್ಪಡಿಸಲಾಗಿದ್ದ ಸಮಾರಂಭವೊಂದರಲ್ಲಿ ಆತ ಈ ಹಾಡನ್ನು ಹಾಡಿದ.
ಬೀಜಿಂಗ್ ಒಲಿಂಪಿಕ್ಸ್‌ ಕ್ರೀಡೆಗಳು ಪ್ರಾರಂಭವಾಗುವುದರ ಹಿಂದಿನ ದಿನ, ಒಲಿಂಪಿಕ್ಸ್‌ನ ಎರಡು ಅಧಿಕೃತ ಗೀತ ಸಂಪುಟಗಳ ಪೈಕಿ ಒಂದಾದ, ಅಫಿಷಿಯಲ್ ಆಲ್ಬಂ ಫಾರ‍್ ದಿ ಬೀಜಿಂಗ್ 2008 ಒಲಿಂಪಿಕ್‌ ಗೇಮ್ಸ್‌ - ಜಾಕಿ ಚಾನ್’ಸ್‌ ವರ್ಷನ್‌ ನ್ನು ಬಿಡುಗಡೆ ಮಾಡಿದ. ಇದರಲ್ಲಿ ಹಲವು ವಿಶೇಷ ಅತಿಥಿ ಪಾತ್ರಾಭಿನಯಗಳು ಅಥವಾ ಕಾಣ್ಕೆಗಳು ಸೇರಿದ್ದವು. ಆಂಡಿನ್‌ ಲಾವ್‌, ಲಿಯು ಹುವಾನ್‌ ಮತ್ತು ವಾಕಿನ್‌ (ಎಮಿಲ್‌) ಚಾವ್‌ ಮೊದಲಾದವರ ಜೊತೆ ಸೇರಿಕೊಂಡು "ಹಾರ್ಡ್‌ ಟು ಸೇ ಗುಡ್‌ಬೈ" ಎಂಬ ಹಾಡನ್ನು ಚಾನ್ ಹಾಡಿದ. ಇದು 2008ರ ಬೇಸಿಗೆ ಒಲಿಂಪಿಕ್ಸ್‌ನ ಮುಕ್ತಾಯ ಸಮಾರಂಭದ ವಿದಾಯಗೀತೆಯಾಗಿತ್ತು.
ತನ್ನ ಅಭಿನಯಕ್ಕಾಗಿ ಜಾಕಿ ಚಾನ್ ವಿಶ್ವಾದ್ಯಂತ ಮಾನ್ಯತೆಯನ್ನು ಸ್ವೀಕರಿಸಿದ್ದಾನೆ. ಅಮೆರಿಕನ್ ಕೋರಿಯಾಗ್ರಫಿ ಅವಾರ್ಡ್ಸ್‌ ವತಿಯಿಂದ ನೀಡಲಾದ ಒಂದು ನವೀನತಾ ಪ್ರವರ್ತಕ ಪ್ರಶಸ್ತಿ ಮತ್ತು ಟಾರಸ್‌ ವರ್ಲ್ಡ್‌ ಸ್ಟಂಟ್‌ ಅವಾರ್ಡ್ಸ್‌ ವತಿಯಿಂದ ನೀಡಲಾದ ಒಂದು ಜೀವಮಾನ ಸಾಧನೆಯ ಪ್ರಶಸ್ತಿಯೂ ಸೇರಿದಂತೆ ಆತ ಹಲವಾರು ಪ್ರಶಸ್ತಿಗಳನ್ನು ಗೆದ್ದಿದ್ದಾನೆ. ಹಾಲಿವುಡ್‌ ವಾಕ್‌ ಆಫ್ ಫೇಮ್‌ ಮತ್ತು ಹಾಂಗ್‌ ಕಾಂಗ್ ಅವೆನ್ಯೂ ಆಫ್ ಸ್ಟಾರ್ಸ್‌ನಂಥ ಪ್ರತಿಷ್ಠಿತ ತಾಣಗಳಲ್ಲಿ ಆತನಿಗೆ ನಕ್ಷತ್ರಗಳನ್ನು ಹೊಂದುವ ಮಾನ್ಯತೆಯೂ ದೊರಕಿದೆ. ಉತ್ತರದಕ್ಷಿಣ ಅಧೀನರಾಜ್ಯಗಳಲ್ಲಿ ಗಣನೀಯ ಮಟ್ಟದ ಗಲ್ಲಾ ಪೆಟ್ಟಿಗೆಯ ಯಶಸ್ಸು ದಾಖಲಾಗಿದ್ದರೂ ಸಹ, ಚಾನ್‌ನ ಅಮೆರಿಕನ್ ಚಲನಚಿತ್ರಗಳು ಅವುಗಳ ಸಾಹಸ ನೃತ್ಯಸಂಯೋಜನೆಗೆ ಸಂಬಂಧಿಸಿದಂತೆ ಟೀಕೆಗೊಳಗಾಗಿವೆ. ರಷ್‌ ಅವರ್‌ 2 , ದಿ ಟಕ್ಸೆಡೊ , ಮತ್ತು ಷಾಂಘೈ ನೈಟ್ಸ್‌ ಚಿತ್ರಗಳ ವಿಮರ್ಶಕರು ಚಾನ್‌ನ ಹೊಡೆದಾಟದ ದೃಶ್ಯಗಳ ಗುಣಮಟ್ಟ ಅಥವಾ ತೀಕ್ಷ್ಣತೆಯು ತಗ್ಗುತ್ತಿರುವುದರ ಕುರಿತು ಟೀಕಿಸಿದ್ದು, ಆತನ ಹಿಂದಿನ ಚಲನಚಿತ್ರಗಳಿಗೆ ಹೋಲಿಸಿದಾಗ ಇವುಗಳ ತೀವ್ರತೆ ಕಡಿಮೆಯಾಗಿದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಆತನ ಚಲನಚಿತ್ರಗಳ ವಿನೋದ ಸಂಬಂಧಿ ಮೌಲ್ಯವು ಪ್ರಶ್ನಿಸಲ್ಪಟ್ಟಿದ್ದು, ಕೆಲವೊಂದು ಟೀಕಾಕಾರರಂತೂ ಇದು ಕೆಲವೊಮ್ಮೆ ಬಾಲಿಶವಾಗಿರುತ್ತದೆ ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಅನೇಕ ಹಾಡುಗಳಲ್ಲಿ ಉಲ್ಲೇಖಿಸಲ್ಪಡುವ ಮೂಲಕ ಚಾನ್ ಓರ್ವ ಸಾಂಸ್ಕೃತಿಕ ಮಾದರಿಯಾಗಿ ಹೊರಹೊಮ್ಮಿದ್ದಾನೆ. ಆಶ್‌ನ "ಕುಂಗ್ ಫು" ಎಂಬ ಹಾಡು, ಹೆವಿ ವೆಜಿಟಬಲ್‌ನಿಂದ ಬಂದ "ಜಾಕಿ ಚಾನ್ ಈಸ್‌ ಎ ಪಂಕ್‌ ರಾಕರ್‌" ಎಂಬ ಹಾಡಷ್ಟೇ ಅಲ್ಲದೇ, ಫ್ರಾಂಕ್ ಚಿಕೆನ್ಸ್‌ನಿಂದ ಬಂದ "ಜಾಕಿ ಚಾನ್" ಎಂಬ ಹಾಡು, ಮತ್ತು ದೂರದರ್ಶನ ಪ್ರದರ್ಶನ ಕಾರ್ಯಕ್ರಮಗಳಾದ ಸೆಲೆಬ್ರಿಟಿ ಡೆತ್‌ಮ್ಯಾಚ್‌ ಹಾಗೂ ಫ್ಯಾಮಿಲಿ ಗೈ ಗಳಲ್ಲೂ ಚಾನ್ ಕುರಿತಾದ ಉಲ್ಲೇಖಗಳನ್ನು ಕಾಣಬಹುದು. ಡ್ರಾಗನ್ ಬಾಲ್‌ ನಂಥ ಮಾಂಗ ("ಜಾಕಿ ಚುನ್‌" ಎಂಬ ಅಡ್ಡಹೆಸರಿನ ಒಂದು ಪಾತ್ರವೂ ಸೇರಿದಂತೆ), ಟೆಕ್ಕೆನ್‌ ನಲ್ಲಿನ ಲೀ ವುಲೊಂಗ್‌ ಪಾತ್ರ ಹಾಗೂ 0}ಹಿಟ್‌ಮಾನ್‌ಚಾನ್‌ ಎಂಬ ಹೋರಾಟದ-ಶೈಲಿಯ ಪೋಕೆಮಾನ್‌ ಇವೇ ಮೊದಲಾದವುಗಳಿಗೆ ಚಾನ್ ಒಂದು ಸ್ಫೂರ್ತಿಯಾಗಿದ್ದಾನೆ. ಇದರ ಜೊತೆಗೆ, ಮಿಟ್ಸುಬಿಷಿ ಮೋಟಾರ್ಸ್‌ ಕಂಪನಿಯೊಂದಿಗೆ ಜಾಕಿ ಚಾನ್ ಒಂದು ಪ್ರಾಯೋಜಕತ್ವದ ವ್ಯವಹಾರವನ್ನೂ ಹೊಂದಿದ್ದಾನೆ. ಇದರ ಪರಿಣಾಮವಾಗಿ, ಮಿಟ್ಸುಬಿಷಿ ಕಾರುಗಳನ್ನು ಜಾಕಿ ಚಾನ್‌ನ ಹಲವಾರು ಚಲನಚಿತ್ರಗಳಲ್ಲಿ ಕಾಣಬಹುದಾಗಿದೆ. ಇಷ್ಟೇ ಅಲ್ಲದೇ, ಎವಲ್ಯೂಷನ್‌ ಎಂಬ ಹೆಸರಿನ ಕಾರುಗಳ ಸೀಮಿತ ಸರಣಿಯನ್ನು ಬಿಡುಗಡೆ ಮಾಡುವ ಮೂಲಕ ಮಿಟ್ಸುಬಿಷಿ ಕಂಪನಿಯು ಚಾನ್‌ಗೆ ಗೌರವ ಸಲ್ಲಿಸಿದೆ. ಇದನ್ನು ಆತ ವೈಯಕ್ತಿಕವಾಗಿ ಗಿರಾಕಿಯ ಇಷ್ಟಕ್ಕೆ ಅನುಸಾರವಾಗಿ ತಯಾರಿಸಿದ್ದಾನೆ.
ಹಲವಾರು ವಿಡಿಯೋ ಆಟಗಳು ಜಾಕಿ ಚಾನ್‌ನ್ನು ಒಳಗೊಂಡಿವೆ. ಸ್ಟಂಟ್‌ಮಾಸ್ಟರ್‌ ಚಿತ್ರಕ್ಕೂ ಮುಂಚಿತವಾಗಿ, ತನ್ನದೇ ಆದ ಒಂದು ಆಟವನ್ನು ಚಾನ್ ಆಗಲೇ ಹೊಂದಿದ್ದ. ಜಾಕಿ ಚಾನ್'ಸ್‌ ಆಕ್ಷನ್‌ ಕುಂಗ್ ಫು ಎಂಬ ಈ ಆಟವು PC-ಎಂಜಿನ್‌ ಮತ್ತು NESಗಾಗಿ 1990ರಲ್ಲಿ ಬಿಡುಗಡೆಯಾಗಿತ್ತು. 1995ರಲ್ಲಿ, ಜಾಕಿ ಚಾನ್ ದಿ ಕುಂಗ್-ಫು ಮಾಸ್ಟರ್‌ ಎಂಬ ಕಮಾನುಸಾಲಿನ ಹೊಡೆದಾಟದ ಆಟವು ಚಾನ್‌ನ್ನು ಒಳಗೊಂಡಿತ್ತು. ಇದರ ಜೊತೆಗೆ, ಜಪಾನಿ ಜಾಕಿ ಚಾನ್ ಆಟಗಳ ಒಂದು ಸರಣಿಯು MSXನ ಮೇಲೆ ಪೋನಿಯಿಂದ ಬಿಡುಗಡೆ ಮಾಡಲ್ಪಟ್ಟಿತು. ಆತನ ಹಲವಾರು ಚಿತ್ರಗಳನ್ನು (ಪ್ರಾಜೆಕ್ಟ್‌ A , ಪ್ರಾಜೆಕ್ಟ್‌ A 2 , ಪೊಲೀಸ್‌ ಸ್ಟೋರಿ , ದಿ ಪ್ರೊಟೆಕ್ಟರ್‌ ಮತ್ತು ವೀಲ್ಸ್‌ ಆನ್ ಮೀಲ್ಸ್‌ ) ಈ ಆಟವು ಆಧರಿಸಿತ್ತು.
ಚಾನ್‌ನ ಉತ್ತಮ-ಸ್ವಭಾವದ ನಟನಾ ಶೈಲಿಯ ಕಾರಣದಿಂದಾಗಿ ಆತ ಮಕ್ಕಳ ಬಳಗದಲ್ಲಿ ಜನಪ್ರಿಯನಾಗಿಯೇ ಉಳಿದುಕೊಂಡಿದ್ದು, ಅವರಿಗೆ ಒಂದು ಮಾದರಿಯಾಗಿರಬೇಕೆಂದು ಯಾವಾಗಲೂ ಬಯಸಿದ್ದ. ಖಳನಾಯಕರ ಪಾತ್ರವನ್ನು ವಹಿಸಲು ಆತ ನಿರಾಕರಿಸಿರುವುದರ ಜೊತೆಗೆ, ಆತ ತನ್ನ ಚಲನಚಿತ್ರಗಳಲ್ಲಿ "ಫಕ್‌" ಎಂಬ ಪದವನ್ನು ಹೆಚ್ಚೂಕಮ್ಮಿ ಎಂದಿಗೂ ಬಳಸಿಲ್ಲ (ಕೇವಲ ದಿ ಪ್ರೊಟೆಕ್ಟರ್‌ ಮತ್ತು ಬರ್ನ್‌, ಹಾಲಿವುಡ್‌, ಬರ್ನ್‌ ಎಂಬ ಎರಡು ಚಲನಚಿತ್ರಗಳಲ್ಲಿ ಮಾತ್ರವೇ ಆ ಪದವನ್ನು ಆತ ಬಳಸಿದ್ದಾನೆ). ಆದರೆ ರಷ್‌ ಅವರ್‌ ಚಿತ್ರದಲ್ಲಿ, "ಶಾಂತ"ವಾಗಿರುವ ಒಂದು ಪ್ರಯತ್ನದಲ್ಲಿ ಮತ್ತು ತನ್ನ ಜೊತೆಗಾರನಾದ ಕಾರ್ಟರ್ನನ್ನು ಅನುಕರಿಸುವ ಸಲುವಾಗಿ ಆ ಪದದ ಬಳಕೆಯನ್ನು ಆತ ಮಾಡಿದ್ದಾನೆ. ಕಪ್ಪುಜನರ ಒಂದು ಕೂಟವನ್ನು ಉದ್ದೇಶಿಸಿ ಕಾರ್ಟರ್‌ನು "ವಾಟ್ಸ್‌ ಅಪ್‌, ಮೈ ನಿಗರ‍್‌?" ಎಂದು ಹೇಳುತ್ತಾನೆ. ಈ ಸನ್ನಿವೇಶದಲ್ಲಿ, ಕಾರ್ಟರ್‌ ಮತ್ತೊಂದು ಕೋಣೆಯಲ್ಲಿದ್ದಾಗ ಚಾನ್ ಈ ಪದಬಳಕೆ ಮಾಡುತ್ತಾನೆ. ನಂತರ ಅವರೆಲ್ಲರೂ ಅವನ ಮೇಲೆ ದಾಳಿ ಮಾಡಿದಾಗ, ಆತ ತನ್ನ ಹೊಡೆದಾಟದ ಕೌಶಲಗಳನ್ನು ಹೊರತೆಗೆದು, ಅವರನ್ನೆಲ್ಲಾ ಕೆಳಗುರುಳಿಸಿ ತಪ್ಪಿಸಿಕೊಳ್ಳುತ್ತಾನೆ. ಸೂಕ್ತವಾದ ಶಿಕ್ಷಣವನ್ನು ಪಡೆಯದಿರುವುದೇ ಚಾನ್‌ನ ಬದುಕಿನಲ್ಲಿನ ಅತ್ಯಂತ ವಿಷಾದಕರ ಸಂಗತಿಯೆನ್ನಬಹುದು. ಈ ಅಂಶವೇ ವಿಶ್ವಾದ್ಯಂತವಿರುವ ಶೈಕ್ಷಣಿಕ ಸಂಸ್ಥೆಗಳಿಗೆ ಧನಸಹಾಯವನ್ನು ಮಾಡಲು ಆತನನ್ನು ಪ್ರೇರೇಪಿಸಿದೆ. ಆಸ್ಟ್ರೇಲಿಯನ್ ನ್ಯಾಷನಲ್‌ ಯೂನಿವರ್ಸಿಟಿಯಲ್ಲಿ ಜಾಕಿ ಚಾನ್ ಸೈನ್ಸ್‌ ಸೆಂಟರ್‌ನ್ನು ನಿರ್ಮಾಣ ಮಾಡಲು ಮತ್ತು ಚೀನಾದ ದುರ್ಬಲ ವಲಯಗಳಲ್ಲಿ ಶಾಲೆಗಳನ್ನು ಸ್ಥಾಪಿಸಲು ಆತ ಧನಸಹಾಯ ಮಾಡಿದ್ದಾನೆ.
ಸಾರ್ವಜನಿಕ ಸೇವಾ ಪ್ರಕಟಣೆಗಳಲ್ಲಿ ಕಾಣಿಸಿಕೊಳ್ಳುವ ಮೂಲಕ ಹಾಂಗ್‌ ಕಾಂಗ್ ಸರ್ಕಾರದ ಓರ್ವ ವಕ್ತಾರನಾಗಿಯೂ ಚಾನ್ ಕಾರ್ಯನಿರ್ವಹಿಸಿದ್ದಾನೆ. ಕ್ಲೀನ್‌ ಹಾಂಗ್‌ ಕಾಂಗ್ ಎಂಬ ಜಾಹೀರಾತೊಂದರಲ್ಲಿ, ದಶಕಗಳಿಂದ ವ್ಯಾಪಿಸಿಕೊಂಡೇ ಬಂದಿರುವ ಒಂದು ಸಮಸ್ಯೆಯಾಗಿರುವ ಗಲೀಜು ಮಾಡುವಿಕೆಗೆ ಸಂಬಂಧಿಸಿದಂತೆ ಹೆಚ್ಚು ವಿವೇಚನೆಯನ್ನು ಪ್ರದರ್ಶಿಸಲು ಆತ ಹಾಂಗ್‌ ಕಾಂಗ್‌ನ ಜನರನ್ನು ಒತ್ತಾಯಿಸಿದ್ದಾನೆ. ಇಷ್ಟೇ ಅಲ್ಲದೇ, ರಾಷ್ಟ್ರೀಯತೆಯನ್ನು ಪ್ರವರ್ತಿಸುವ ಜಾಹೀರಾತೊಂದರಲ್ಲಿ, ಚೀನಾದ ಪ್ರಜಾ ಗಣತಂತ್ರದ (ಪೀಪಲ್ಸ್‌ ರಿಪಬ್ಲಿಕ್ ಆಫ್ ಚೈನಾದ) ರಾಷ್ಟ್ರಗೀತೆಯಾದ ಮಾರ್ಚ್‌ ಆಫ್ ದಿ ವಾಲಂಟೀರ್ಸ್‌ ನ ಒಂದು ಕಿರು ವಿವರಣೆಯನ್ನು ಆತ ನೀಡಿದ್ದಾನೆ. 2005ರಲ್ಲಿ ಹಾಂಗ್‌ ಕಾಂಗ್ ಡಿಸ್ನೆಲ್ಯಾಂಡ್‌ ಪ್ರಾರಂಭವಾದಾಗ, ಅದರ ಪ್ರಾರಂಭೋತ್ಸವದಲ್ಲಿ ಚಾನ್ ಭಾಗವಹಿಸಿದ. ಅಮೆರಿಕ ಸಂಯುಕ್ತ ಸಂಸ್ಥಾನಗಳಲ್ಲಿ, ಕೃತಿಸ್ವಾಮ್ಯ ಉಲ್ಲಂಘನೆಯನ್ನು ಎದುರಿಸಿ ಹೋರಾಡಲು ಸೃಷ್ಟಿಯಾದ ಒಂದು ಸರ್ಕಾರಿ ಜಾಹೀರಾತಿನಲ್ಲಿ ಅರ್ನಾಲ್ಡ್‌ ಶ್ಚಾರ್ಜ್‌‌ನೆಗರ್‌ನೊಂದಿಗೆ ಚಾನ್ ಕಾಣಿಸಿಕೊಂಡಿದ್ದಾನೆ. ಅಷ್ಟೇ ಅಲ್ಲ, ಜನರು, ಅದರಲ್ಲೂ ವಿಶೇಷವಾಗಿ ಏಷ್ಯನ್ನರು ಲಾಸ್ ಏಂಜಲೀಸ್‌ ಪ್ರಾಂತ್ಯದ ಮುಖ್ಯಾಧಿಕಾರಿಯ ಇಲಾಖೆಯನ್ನು ಸೇರಲು ಪ್ರೋತ್ಸಾಹಿಸುವುದಕ್ಕಾಗಿ ಲಾಸ್ ಏಂಜಲೀಸ್‌ ಜಿಲ್ಲಾ ಪ್ರಧಾನಾಧಿಕಾರಿಯಾದ ಲೀ ಬಾಕಾ ಎಂಬಾತನೊಂದಿಗೆ ಮತ್ತೊಂದು ಸಾರ್ವಜನಿಕ ಸೇವಾ ಪ್ರಕಟಣೆಯನ್ನು ಚಾನ್ ಮಾಡಿದ್ದಾನೆ.
ಷಾಂಘೈನಲ್ಲಿನ ಜಾಕಿ ಚಾನ್ ವಸ್ತುಸಂಗ್ರಹಾಲಯವೊಂದಕ್ಕೆ ಸಂಬಂಧಿಸಿದಂತೆ ನಿರ್ಮಾಣಕಾರ್ಯವು ಪ್ರಾರಂಭವಾಗಿದೆ. 2008ರ ಜುಲೈನಲ್ಲಿ ಸದರಿ ಕಾರ್ಯವು ಪ್ರಾರಂಭವಾಗಿದೆ. 2009ರ ಅಕ್ಟೋಬರ್‌ ವೇಳೆಗೆ ಇದನ್ನು ಸಂಪೂರ್ಣಗೊಳಿಸಬೇಕು ಎಂದು ಯೋಜಿಸಲಾಗಿತ್ತಾದರೂ, 2010ರ ಜನವರಿಯಲ್ಲಿದ್ದ ಸ್ಥಿತಿಗತಿಯಂತೆ ಅದಿನ್ನೂ ನಿರ್ಮಾಣ ಹಂತದಲ್ಲೇ ಇದೆ.
2004ರ ಮಾರ್ಚ್‌ 28ರಂದು ಷಾಂಘೈನಲ್ಲಿ ನಡೆದ ಒಂದು ಸುದ್ದಿ ಸಂಕಿರಣದ ಸಂದರ್ಭದಲ್ಲಿ, ತೈವಾನ್‌ನಲ್ಲಿ ಇತ್ತೀಚೆಗಷ್ಟೇ ಮುಕ್ತಾಯವಾದ 2004ರ ರಿಪಬ್ಲಿಕ್ ಆಫ್ ಚೈನಾ ಅಧ್ಯಕ್ಷೀಯ ಚುನಾವಣೆಯ ಕುರಿತು ಆತ ಉಲ್ಲೇಖಿಸಿದ. ಇದರಲ್ಲಿ ಡೆಮಾಕ್ರಟಿಕ್ ಪ್ರೋಗ್ರೆಸಿವ್‌ ಪಾರ್ಟಿಯ ಅಭ್ಯರ್ಥಿಗಳಾದ ಚೆನ್‌ ಶುಯಿ-ಬಿಯಾನ್‌ ಮತ್ತು ಅನೆಟ್‌ ಲು ಎಂಬಿಬ್ಬರು ಅಧ್ಯಕ್ಷ ಹಾಗೂ ಉಪಾಧ್ಯಕ್ಷರಾಗಿ ಮರು-ಚುನಾಯಿತರಾದದ್ದನ್ನು ಇದು "ವಿಶ್ವದ ಅತ್ಯಂತ ದೊಡ್ಡ ನಗೆಪಾಟಲಿನ ಸಂಗತಿ" ಎಂದು ಹೇಳಿದ್ದೇ ಆ ಉಲ್ಲೇಖವಾಗಿತ್ತು. ತೈವಾನಿ ಶಾಸನ ಸಭೆಯ ಓರ್ವ ಸದಸ್ಯ DPPನ ಹಿರಿಯ ಸದಸ್ಯನಾದ ಪ್ಯಾರಿಸ್‌ ಚಾಂಗ್‌ ಎಂಬಾತ ಚಾನ್‌ನ ಮಾತುಗಳನ್ನು ಟೀಕಿಸಿದ. ಅಷ್ಟೇ ಅಲ್ಲ, ಚಾನ್ ಮಾಡಿದ ಟೀಕೆಗಳಿಗಾಗಿ ಅವನ ಚಲನಚಿತ್ರಗಳಿಗೆ ನಿಷೇಧ ಹೇರುವುದು ಹಾಗೂ ಆತ ತೈವಾನ್‌ಗೆ ಭೇಟಿನೀಡುವ ಹಕ್ಕನ್ನು ಪ್ರತಿಬಂಧಿಸುವಂಥ ಶಿಕ್ಷಾರೂಪದ ಕ್ರಮಗಳನ್ನು ಚಾನ್‌ನ ವಿರುದ್ಧ ಜರುಗಿಸಬೇಕು ಎಂದು ಆತ ತೈವಾನ್‌ ಸರ್ಕಾರಕ್ಕೆ ಕರೆನೀಡಿದ. 2008ರ ಜೂನ್‌ 18ರಂದು TVBS ಎಂಬ ಕೇಬಲ್‌ TV ವಾಹಿನಿಯಿಂದ ಪ್ರಾಯೋಜಿಸಲ್ಪಟ್ಟ ಒಂದು ಧರ್ಮಾರ್ಥ ಕಾರ್ಯಕ್ಕಾಗಿ ಆತ ತೈಪಿ ವಿಮಾನನಿಲ್ದಾಣದಲ್ಲಿ ಬಂದಿಳಿದಾಗ, ಅವನ ಮೇಲೆ ಥೂಕರಿಸಲು ಪ್ರಯತ್ನಿಸುತ್ತಿದ್ದ ಪ್ರತಿಭಟನಾಕಾರರನ್ನು ಚಾನ್‌ನಿಂದ ಪ್ರತ್ಯೇಕಿಸಲು ಸುಮಾರು 50 ಮಂದಿ ಪೊಲೀಸರು ಹಾಗೂ ಭದ್ರತಾ ಸಿಬ್ಬಂದಿಯ ಅವಶ್ಯಕತೆ ಕಂಡುಬಂತು. ತನ್ನ ಅಭಿಪ್ರಾಯಗಳು ತೈವಾನ್‌ನ ಜನರನ್ನು ಅವಮಾನಿಸುವ ಉದ್ದೇಶವನ್ನು ಹೊಂದಿರಲಿಲ್ಲ ಎಂದು ಚಾನ್ ಈ ಸಂದರ್ಭದಲ್ಲಿ ಸಮರ್ಥಿಸಿದ.
ಬೀಜಿಂಗ್ನಲ್ಲಿನ 2008ರ ಬೇಸಿಗೆ ಒಲಿಂಪಿಕ್ಸ್‌ಗಾಗಿದ್ದ ಪಂಜಿನ ಟಪ್ಪಾ ಓಟದಲ್ಲಿ ತಾನು ಪಾಲ್ಗೊಳ್ಳುತ್ತಿರುವುದನ್ನು ಉಲ್ಲೇಖಿಸುತ್ತಾ, ಪ್ರತಿಭಟನಾಕಾರರಿಗೆ ಪ್ರತಿಯಾಗಿ ಚಾನ್ ಮಾತನಾಡಿದ. ಚೀನಾದ ಮಾನವ ಹಕ್ಕುಗಳ ದಾಖಲೆ ಮತ್ತು ತೈವಾನ್‌ನ ರಾಜಕೀಯ ಸ್ಥಾನಮಾನ‌ವೂ ಸೇರಿದಂತೆ ಚೀನೀ ಸರ್ಕಾರದ ವಿರುದ್ಧವಾಗಿರುವ ಒಂದು ವ್ಯಾಪಕ-ಶ್ರೇಣಿಯ ಸಂಖ್ಯೆಯ ಕುಂದುಕೊರತೆಗಳ ಕಡೆಗೆ ಗಮನವನ್ನು ಸೆಳೆಯಲು ಪ್ರಯತ್ನಿಸುತ್ತಿದ್ದ ಈ ಪ್ರತಿಭಟನಾಕಾರರು ಸದರಿ ಟಪ್ಪಾ ಓಟಕ್ಕೆ ಹಲವಾರು ಬಾರಿ ತಡೆಯೊಡ್ಡಿದ್ದರು. "ಪ್ರತಿಭಟನಕಾರರು ನನ್ನ ಹತ್ತಿರ ಸುಳಿಯದಿದ್ದರೆ ಅವರಿಗೇ ಕ್ಷೇಮ" ಎಂದು ಹೇಳುವ ಮೂಲಕ, ಒಲಿಂಪಿಕ್‌ ಜ್ಯೋತಿಯನ್ನು ಒಯ್ಯುವ ತನ್ನ ಪ್ರಯತ್ನವನ್ನು ಯಾರಾದರೂ ತಡೆಯಲು ಯೋಜಿಸುತ್ತಿದ್ದರೆ ಅವರನ್ನು ಝಾಡಿಸುವುದಾಗಿ ಎಚ್ಚರಿಕೆ ಕೊಟ್ಟ.
2009ರ ಏಪ್ರಿಲ್ 18ರಂದು, "ಏಷ್ಯಾದ ಸೃಜಣಶೀಲ ಉದ್ಯಮದ ಸಾಧ್ಯತೆಯೊಳಗೆ ಸಂಪರ್ಕಸಾಧಿಸುವಿಕೆ" ಎಂಬ ಶೀರ್ಷಿಕೆಯನ್ನು ಹೊಂದಿದ್ದ ವಾರ್ಷಿಕ ಏಷ್ಯಾಕ್ಕೆ ಸಂಬಂಧಿಸಿದ ಬೋವೊ ವೇದಿಕೆಯಲ್ಲಿನ ಒಂದು ತಂಡದ ಚರ್ಚೆಯ ಸಂರ್ಭದಲ್ಲಿ ಚಾನ್ ಈ ರೀತಿ ಹೇಳಿದ: "...ಚೀನೀ ಆಡಳಿತ ನಿಯಂತ್ರಣಕ್ಕೆ ಹಾಂಗ್‌ ಕಾಂಗ್ ಮರಳಿದ 10 ವರ್ಷಗಳ ನಂತರ, ನಾನು ನಿಧಾನವಾಗಿ ನೋಡಬಲ್ಲವನಾಗಿದ್ದೇನೆ, ಸ್ವಾತಂತ್ರವನ್ನು ಹೊಂದುವುದು ಒಳ್ಳೆಯದೋ ಅಥವಾ ಅಲ್ಲವೋ ಎಂಬುದರ ಬಗ್ಗೆ ನನಗೆ ಖಾತ್ರಿಯಿಲ್ಲ." ಚಾನ್ ತನ್ನ ಮಾತನ್ನು ಮತ್ತೂ ಮುಂದುವರಿಸುತ್ತಾ, "ನಿಮಗೆ ತುಂಬಾ ಸ್ವಾತಂತ್ರವು ಸಿಕ್ಕರೆ, ಹಾಂಗ್‌ ಕಾಂಗ್ ಈಗ ಇರುವ ರೀತಿಯಲ್ಲಿಯೇ ನೀವು ಇರುತ್ತೀರಿ. ಇದು ತುಂಬಾ ಅಸ್ತವ್ಯಸ್ತವಾಗಿದೆ. ತೈವಾನ್‌ ಕೂಡಾ ಅಸ್ತವ್ಯಸ್ತವಾಗಿದೆ" ಎಂದು ಹೇಳಿದ. ತನ್ನ ಮಾತಿಗೆ ಮತ್ತಷ್ಟನ್ನು ಆತ ಸೇರಿಸುತ್ತಾ, "ಚೀನಿಯರಾದ ನಾವು ನಿಯಂತ್ರಣಕ್ಕೆ ಒಳಗಾಗಬೇಕೆಂಬುದನ್ನು ನಾನು ನಿಧಾನವಾಗಿ ಅರಿವಿಗೆ ತಂದುಕೊಳ್ಳಲು ಪ್ರಾರಂಭಿಸುತ್ತಿರುವೆ. ಒಂದು ವೇಳೆ ನಾವು ನಿಯಂತ್ರಣಕ್ಕೆ ಒಳಪಡದಿದ್ದರೆ, ನಮಗೇನು ಬೇಕೋ ಅದನ್ನೇ ನಾವು ಮಾಡುತ್ತೇವೆ" ಎಂದು ನುಡಿದ. ಆದಾಗ್ಯೂ, "...ಚೀನೀ TVಯೊಂದು ಸ್ಫೋಟಗೊಳ್ಳಲೂಬಹುದು" ಎಂದು ಹೇಳುವ ಮೂಲಕ, ಚೀನೀ ಸರಕುಗಳ ಗುಣಮಟ್ಟದ ಕುರಿತು ಚಾನ್ ಆಪಾದಿಸಿದ. ಆದರೆ, 2009ರಲ್ಲಿ ಬಂದ ತನ್ನ ಶಿಂಜುಕು ಇನ್ಸಿಡೆಂಟ್‌ ಚಲನಚಿತ್ರವನ್ನು ಚೀನಾದ ಸರ್ಕಾರವು ಬಹಿಷ್ಕರಿಸಿದ್ದಕ್ಕೆ ಸಂಬಂಧಿಸಿದಂತೆ ಟೀಕೆ ಮಾಡಲು ಆತ ಹಿಂಜರಿದ. ಚಾನ್‌ನ ಟೀಕೆಗಳಿಂದಾಗಿ ತೈವಾನ್‌ ಮತ್ತು ಹಾಂಗ್‌ ಕಾಂಗ್‌ನಲ್ಲಿನ ಕೆಲವೊಂದು ಶಾಸನ ಸಭೆಯ ಸದಸ್ಯರು ಹಾಗೂ ಇತರ ಪ್ರಮುಖ ವ್ಯಕ್ತಿಗಳಿಂದ ಒಂದು ಕೋಪಯುಕ್ತ ಪ್ರತಿಕ್ರಿಯೆಯು ಬರುವಂತಾಯಿತು. ಹಾಂಗ್‌ ಕಾಂಗ್ ಶಾಸನ ಸಭೆಯ ಸದಸ್ಯ ಲಿಯುಂಗ್ ಕ್ವೊಕ್‌-ಹಂಗ್‌ ಎಂಬಾತ ಈ ಕುರಿತು ಮಾತನಾಡುತ್ತಾ, ಚಾನ್ "ಚೀನಾದ ಜನರನ್ನು ಅವಮಾನಿಸಿದ್ದಾನೆ. ಚೀನಾದ ಜನರು ಸಾಕುಪ್ರಾಣಿಗಳಲ್ಲ" ಎಂದು ತಿಳಿಸಿದ. ಚಾನ್‌ನ ಟೀಕೆಗಳಿಗೆ ಸಂಬಂಧಿಸಿದಂತೆ ತಾನು 164 ಟೀಕೆಗಳು ಹಾಗೂ ದೂರುಗಳನ್ನು ಸ್ವೀಕರಿಸಿರುವುದಾಗಿ ಹಾಂಗ್‌ ಕಾಂಗ್ ಪ್ರವಾಸೋದ್ಯಮ ಮಂಡಳಿಯು ಹೇಳಿಕೆ ನೀಡಿತು. ಚಾನ್‌ನ ಓರ್ವ ವಕ್ತಾರ ಈ ಕುರಿತು ವರದಿಗಾರರೊಂದಿಗೆ ಮಾತನಾಡುತ್ತಾ, ಮನರಂಜನಾ ಉದ್ಯಮದಲ್ಲಿನ ಸ್ವಾತಂತ್ರದ ಕುರಿತು ಚಾನ್ ಉಲ್ಲೇಖಿಸುತ್ತಿದ್ದನೇ ಹೊರತು ವಿಶಾಲಾರ್ಥದಲ್ಲಿ ಚೀನಾದ ಸಮಾಜದ ಕುರಿತಾಗಿ ಅಲ್ಲ. ಕೆಲವೊಂದು ಜನರು "ಗುಪ್ತ ಉದ್ದೇಶಗಳನ್ನಿಟ್ಟುಕೊಂಡು ಬೇಕೆಂದೇ ಅವನು ಹೇಳಿದ್ದಕ್ಕೆ ಬೇರೆಯದೇ ಅರ್ಥವನ್ನು ಕಲ್ಪಿಸಿ ತಿರುಚಿದ್ದಾರೆ" ಎಂದು ತಿಳಿಸಿದ.
2004ರಲ್ಲಿ, ಚಾನ್ ತನ್ನದೇ ಸ್ವಂತ ಉಡುಪುಗಳ ಶ್ರೇಣಿಯನ್ನು ಬಿಡುಗಡೆ ಮಾಡಿದ. ಇದು ಚೀನೀ ಡ್ರಾಗನ್ ಲಾಂಛನವೊಂದನ್ನು ಹೊಂದಿದ್ದು, ಅದರ ಜೊತೆಗೆ "Jackie" ಎಂಬ ಇಂಗ್ಲಿಷ್ ಪದ, ಅಥವಾ "JC" ಎಂಬ ಮೊದಲಕ್ಷರಗಳನ್ನು ಜೊತೆಯಲ್ಲಿ ಇರಿಸಿಕೊಂಡಿರುತ್ತದೆ. ಬ್ರಾಂಡ್‌ ಮಾಡಲಾಗಿರುವ ಇತರ ಇನ್ನೂ ಹಲವು ವ್ಯವಹಾರಗಳೂ ಚಾನ್‌ನ ತೆಕ್ಕೆಯಲ್ಲಿವೆ. ಆತನ ಸುಷಿ ರೆಸ್ಟೋರಂಟ್‌ ಸರಪಳಿಯಾದ ಜಾಕಿ'ಸ್‌ ಕಿಚನ್‌, ಹಾಂಗ್‌ ಕಾಂಗ್‌ನಾದ್ಯಂತ ಮಳಿಗೆಗಳನ್ನು ಹೊಂದಿದೆ. ಅಷ್ಟೇ ಅಲ್ಲ, ಇಂಥ ಏಳು ಮಳಿಗೆಗಳು ದಕ್ಷಿಣ ಕೊರಿಯಾದಲ್ಲಿ ಮತ್ತು ಒಂದು ಹವಾಯಿಯಲ್ಲಿವೆ. ಲಾಸ್ ವೆಗಾಸ್‌ನಲ್ಲಿ ಮತ್ತೊಂದನ್ನು ತೆರೆಯುವ ಯೋಜನೆಗಳೂ ಚಾಲ್ತಿಯಲ್ಲಿವೆ. ಜಾಕಿ ಚಾನ್ನ್‌ನ ಉಪಹಾರ ಮಂದಿರವು ಬೀಜಿಂಗ್, ಸಿಂಗಪೂರ್‌, ಕೌಲಾ ಲಂಪುರ್‌ ಮತ್ತು ಫಿಲಿಪೈನ್ಸ್‌ನಲ್ಲಿ ತನ್ನ ಮಳಿಗೆಗಳನ್ನು ಹೊಂದಿದೆ. ಅವನ ಇತರ ಸಾಹಸೋದ್ಯಮಗಳಲ್ಲಿ ಜಾಕಿ ಚಾನ್ ಸಿಗ್ನೇಚರ್‌ ಕ್ಲಬ್‌ ಜಿಮ್ಸ್‌ (ಕ್ಯಾಲಿಫೋರ್ನಿಯಾ ಫಿಟ್‌ನೆಸ್‌ನೊಂದಿಗಿನ ಪಾಲುದಾರಿಕೆಯಲ್ಲಿ), ಮತ್ತು ಚಾಕೊಲೇಟುಗಳು, ಬಿಸ್ಕತ್ತುಗಳು ಹಾಗೂ ಪೌಷ್ಟಿಕಾಂಶದ ಓಟ್‌ಕೇಕುಗಳ ಶ್ರೇಣಿಯನ್ನು ಒಳಗೊಂಡಿವೆ. ಪೀಠೋಪಕರಣಗಳು ಹಾಗೂ ಅಡುಗೆಮನೆಯ ಪಾತ್ರೆ-ಪರಿಕರಗಳ ವಲಯಕ್ಕೂ ವಿಸ್ತರಿಸಲು ಆತ ಭರವಸೆಯನ್ನಿಟ್ಟುಕೊಂಡಿದ್ದು, ಒಂದು ಬ್ರಾಂಡ್‌ಮಾಡಲಾದ ಸೂಪರ್‌ಮಾರುಕಟ್ಟೆಯ ಸ್ಥಾಪನೆಯ ಕುರಿತೂ ಲೆಕ್ಕಾಚಾರ ಹಾಕುತ್ತಿದ್ದಾನೆ. ಅವನ ಪ್ರತಿಯೊಂದೂ ವ್ಯವಹಾರಗಳ ವತಿಯಿಂದ ಲಾಭಾಂಶದ ಒಂದು ಭಾಗವು ಜಾಕಿ ಚಾನ್ ಚಾರಿಟಬಲ್ ಫೌಂಡೇಷನ್‌ ಸೇರಿದಂತೆ ವಿವಿಧ ದತ್ತಿ ಸಂಸ್ಥೆಗಳಿಗೆ ಹೋಗುತ್ತದೆ.
ಚಾನ್ ಓರ್ವ ತೀವ್ರಾಸಕ್ತಿಯ ಲೋಕೋಪಕಾರಿ ಮತ್ತು UNICEFನ ಓರ್ವ ಸದಾಶಯದ ರಾಯಭಾರಿಯಾಗಿದ್ದು, ಧರ್ಮಾರ್ಥದ ಕಾರ್ಯಗಳು ಹಾಗೂ ಆಸಕ್ತ ವಿಷಯಗಳನ್ನು ಸಮರ್ಥಿಸಲು ದಣಿವರಿಯದೆ ದುಡಿದಿದ್ದಾನೆ. ಪ್ರಾಣಿ ದುರುಪಯೋಗದ ವಿರುದ್ಧವಾಗಿ ಮಾಡಬೇಕಾದ ಸಂರಕ್ಷಣೆಯ ಕುರಿತು ಆತ ಆಂದೋಲನವನ್ನು ನಡೆಸಿದ್ದಾನೆ ಮತ್ತು ಚೀನಾ ಪ್ರಧಾನ ಭೂಭಾಗದಲ್ಲಿನ ಪ್ರವಾಹಗಳು ಹಾಗೂ 2004ರ ಹಿಂದೂ ಮಹಾಸಾಗರದ ಸುನಾಮಿಗೆ ಸಂಬಂಧಿಸಿದ ವಿಕೋಪ ಪರಿಹಾರದ ಪ್ರಯತ್ನಗಳನ್ನು ಪ್ರವರ್ತಿಸಿದ್ದಾನೆ. ತನ್ನ ಸಾವಿನ ನಂತರ ತನ್ನ ಸ್ವತ್ತುಗಳ ಅರ್ಧದಷ್ಟು ಭಾಗವು ದೇಣಿಗೆಯಾಗಿ ಹೋಗುತ್ತದೆ ಎಂದು 2006ರ ಜೂನ್‌ನಲ್ಲಿ ಆತ ಪ್ರಕಟಿಸಿರುವುದರ ಜೊತೆಗೆ, ಸಹಾಯದ ಅಗತ್ಯದಲ್ಲಿರುವವರ ನೆರವಿಗೆ ಧಾವಿಸಿರುವ ವಾರೆನ್‌ ಬಫೆಟ್‌ ಮತ್ತು ಬಿಲ್‌ ಗೇಟ್ಸ್‌ರ ಪ್ರಯತ್ನಗಳನ್ನು ಶ್ಲಾಘಿಸಿದ್ದಾನೆ. ಮಾರ್ಚ್‌ 2008ರ ಮಾರ್ಚ್‌ 10ರಂದು, ಕ್ಯಾನ್‌ಬೆರಾದಲ್ಲಿನ ಆಸ್ಟ್ರೇಲಿಯನ್ ನ್ಯಾಷನಲ್‌ ಯೂನಿವರ್ಸಿಟಿಯ ಜಾನ್‌ ಕರ್ಟಿನ್ ಸ್ಕೂಲ್‌ ಆಫ್ ಮೆಡಿಕಲ್ ರಿಸರ್ಚ್‌ ಕೇಂದ್ರದಲ್ಲಿನ ಜಾಕಿ ಚಾನ್ ಸೈನ್ಸ್‌ ಸೆಂಟರ್‌ ನ ಉಪಾಹಾರ ಕಾರ್ಯಕ್ರಮಕ್ಕೆ ಗೌರವಪೂರ್ವಕ ಅತಿಥಿಯಾಗಿ ಚಾನ್ ಆಸ್ಟ್ರೇಲಿಯಾದ ಪ್ರಧಾನ ಮಂತ್ರಿ ಕೆವಿನ್‌ ರುಡ್‌‌ರಿಂದ ಆಹ್ವಾನಿಸಲ್ಪಟ್ಟಿದ್ದ. ಜಾಕಿ ಚಾನ್ ಚೀನಾದ ಹುಲಿಗಳನ್ನು ಉಳಿಸಿ ಎಂಬ ಯೋಜನೆಯ ಬೆಂಬಲಿಗನೂ ಆಗಿದ್ದಾನೆ. ತಳಿ ಸೃಷ್ಟಿಮಾಡಿ, ಹುಲಿಗಳನ್ನು ಕಾಡಿಗೆ ಬಿಡುವ ಮೂಲಕ, ಅಪಾಯದ ಅಂಚಿನಲ್ಲಿರುವ ದಕ್ಷಿಣ ಚೀನಾದ ಹುಲಿ ಪ್ರಭೇದವನ್ನು ಉಳಿಸುವ ಗುರಿಯನ್ನು ಈ ಯೋಜನೆಯು ಹೊಂದಿದ್ದು, ಚಾನ್ ಪ್ರಸ್ತುತ ಈ ಸಂರಕ್ಷಣಾ ಯೋಜನೆಯ ಓರ್ವ ರಾಯಭಾರಿಯಾಗಿದ್ದಾನೆ. 2000 ವರ್ಷಗಳ ಹಿಂದಿನ ಹಳೆಯ ಬಾಗಿಲ ಚೌಕಟ್ಟುಗಳಂಥ ಅನೇಕ ಐತಿಹಾಸಿಕ ಕರಕುಶಲ ವಸ್ತುಗಳನ್ನು ಚಾನ್ ಹೊಂದಿದ್ದಾನೆ. ಸಿಂಗಪೂರ್‌ನಲ್ಲಿ ಆತ ಜಿನ್‌ರಿಕ್ಷಾ ಕೇಂದ್ರವೊಂದನ್ನೂ ಹೊಂದಿದ್ದಾನೆ.
2008ರ ಏಪ್ರಿಲ್‌ನಲ್ಲಿ, ಚೆನ್ನೈನಲ್ಲಿ ನಡೆದ ದಶಾವತಾರಂ (2008) ಎಂಬ ಹೆಸರಿನ ಒಂದು ಭಾರತೀಯ ಚಲನಚಿತ್ರದ ಧ್ವನಿಮುದ್ರಿಕೆಗಳ ಬಿಡುಗಡೆ ಸಮಾರಂಭಕ್ಕಾಗಿ ಜಾಕಿ ಚಾನ್ ಆಹ್ವಾನಿತನಾಗಿದ್ದ. ಈ ಸಂದರ್ಭದಲ್ಲಿ ಆತ ಮಮ್ಮೂಟಿ ಹಾಗೂ ಕಮಲ್‌ ಹಾಸನ್‌ ಸೇರಿದಂತೆ ಪ್ರಸಿದ್ಧ ಭಾರತೀಯ ಗಣ್ಯವ್ಯಕ್ತಿಗಳೊಂದಿಗೆ ವೇದಿಕೆಯನ್ನು ಹಂಚಿಕೊಂಡ. ತಮಿಳು ಭಾಷೆಯ ಒಂದೇ ಒಂದು ಪದವನ್ನೂ ಆತ ಅರ್ಥಮಾಡಿಕೊಳ್ಳಲು ಆಗದಿದ್ದರೂ, ತನಗೆ ಹಾಗೂ ತನ್ನ ಚಿತ್ರಗಳಿಗೆ ಭಾರತೀಯ ಸಮುದಾಯವು ತೋರಿಸುತ್ತಿರುವ ಪ್ರೀತಿಯು ಆತನ ಮನಸ್ಸನ್ನು ಮುಟ್ಟಿತು. [[ದಶಾವತಾರಂ{/೧ ಚಿತ್ರದಿಂದ ಆತ ಪ್ರಭಾವಿತನಾದ ಆತ ಸದರಿ ಚಲನಚಿತ್ರದ ತಾರೆಯಾದ {0}ಕಮಲ್‌ ಹಾಸನ್‌ನೊಂದಿಗೆ ಕೆಲಸಮಾಡುವ ಒಂದು ಆಳವಾದ ಇರಾದೆಯನ್ನು ವ್ಯಕ್ತಪಡಿಸಿದ.]] ಸಾಹಸ ನಟನೆಯ ಸೂಪರ್‌ಸ್ಟಾರ್‌ನೊಂದಿಗೆ ಒಂದು ಚಿತ್ರದಲ್ಲಿ ನಟಿಸುವ ಬಯಕೆಯನ್ನು ಸ್ವತಃ ವ್ಯಕ್ತಪಡಿಸಿ ಪ್ರತಿಕ್ರಿಯಿಸಿದ ಹಾಸನ್‌, ಒಂದು ಸಂಭವನೀಯ ಚಲನಚಿತ್ರ ಯೋಜನೆಯಲ್ಲಿ ತನ್ನೊಂದಿಗೆ ಕೆಲಸ ಮಾಡುವ ಆತನ ಭರವಸೆಯನ್ನು ಉಳಿಸಿಕೊಳ್ಳುವಂತೆ ಚಾನ್‌ನನ್ನು ಒತ್ತಾಯಿಸಿದ.
2008ರ ಸಿಚುವಾನ್‌ ಭೂಕಂಪದ ನಂತರ, ಅವಶ್ಯಕತೆಯಿದ್ದವರಿಗೆ ನೆರವಾಗಲೆಂದು RMB ¥10 ದಶಲಕ್ಷಷ್ಟು ಹಣವನ್ನು ಚಾನ್ ದೇಣಿಗೆ ನೀಡಿದ. ಇದರ ಜೊತೆಗೆ, ಭೂಕಂಪದ ಹೊಡೆತಕ್ಕೆ ಸಿಲುಕಿ ಈಗ ಬದುಕಿರುವ ಸಂತ್ರಸ್ತರಿಗೆ ನೆರವಾಗಲು ಅಗತ್ಯವಿರುವ ಹಣವನ್ನು ಸಂಗ್ರಹಿಸಲೆಂದು, ಚೀನೀ ಭೂಕಂಪದ ಕುರಿತಾದ ಚಲನಚಿತ್ರವೊಂದನ್ನು ನಿರ್ಮಿಸಲು ಅತ ಯೋಜಿಸುತ್ತಿದ್ದಾನೆ.
1988ರಲ್ಲಿ ಸ್ಥಾಪನೆಗೊಂಡ, ಜಾಕಿ ಚಾನ್ ಚಾರಿಟಬಲ್ ಫೌಂಡೇಷನ್‌, ವೈವಿಧ್ಯಮಯ ಯುಕ್ತ ಕಾರಣಗಳ ಮೂಲಕ ಹಾಂಗ್‌ ಕಾಂಗ್‌ನ ಯುವ ಜನರಿಗೆ ವಿದ್ಯಾರ್ಥಿ ವೇತನಗಳು ಹಾಗೂ ಸಕ್ರಿಯ ನೆರವನ್ನು ನೀಡುತ್ತದೆ. ವರ್ಷಗಳು ಉರುಳುತ್ತಿದ್ದಂತೆ, ಈ ಪ್ರತಿಷ್ಠಾನವು ತನ್ನ ವ್ಯಾಪ್ತಿಯನ್ನು ಮತ್ತಷ್ಟು ವಿಸ್ತರಿಸಿಕೊಂಡಿದೆ. ವೈದ್ಯಕೀಯ ಸೇವೆಗಳ ಅವಕಾಶ, ನೈಸರ್ಗಿಕ ವಿಕೋಪಗಳ ಇಲ್ಲವೇ ಕಾಯಿಲೆಯ ಬಲಿಪಶುಗಳಿಗೆ ನೆರವಾಗುವುದು, ಹಾಗೂ ಕೆಲವು ಯೋಜನೆಗಳು ಇದರಲ್ಲಿ ಸೇರಿದ್ದು, ಹಾಂಗ್‌ ಕಾಂಗ್‌ನ ಜನರು ಅಥವಾ ಸಂಘಟನೆಗಳು ಇದರ ಫಲಾನುಭವಿಗಳಾಗಿರುತ್ತಾರೆ. ಜಾಕಿ ಚಾನ್ ಚಾರಿಟಬಲ್ ಫೌಂಡೇಷನ್‌ನ ಪ್ರಮುಖ ದೇಣಿಗೆ ಯೋಜನೆಗಳಲ್ಲಿ ಇವು ಸೇರಿವೆ:
ಚೀನಾದ ದೂರದ ಪ್ರದೇಶಗಳಲ್ಲಿರುವ ಮಕ್ಕಳು ಹಾಗೂ ವೃದ್ಧಜೀವಗಳ ಕೊನೆಯ ಹಂತದ ಅಗತ್ಯಗಳನ್ನು ಪೂರೈಸಲು 2005ರಲ್ಲಿ ದಿ ಡ್ರಾಗನ್ಸ್‌ ಹಾರ್ಟ್‌ ಫೌಂಡೇಷನ್‌ ಸ್ಥಾಪಿಸಲ್ಪಟ್ಟಿತು. 2005ರಿಂದೀಚೆಗೆ, ಸದರಿ ಪ್ರತಿಷ್ಠಾನವು ಒಂದು ಡಜನ್‌ಗಿಂತಲೂ ಹೆಚ್ಚಿನ ಶಾಲೆಗಳನ್ನು ಕಟ್ಟಿಸಿದೆ, ಪುಸ್ತಕಗಳು, ಸಮವಸ್ತ್ರಗಳು ಹಾಗೂ ಶುಲ್ಕಗಳನ್ನು ಒದಗಿಸಿದೆ. ಅಷ್ಟೇ ಅಲ್ಲ, ಬಡತನದಲ್ಲಿರುವವರಿಗೆ ಹೆಚ್ಚು ಅಗತ್ಯವಿರುವ ಶೈಕ್ಷಣಿಕ ಅವಕಾಶಗಳನ್ನು ನೀಡಲು ದಶಲಕ್ಷಗಳಷ್ಟು ಡಾಲರ್‌ ಹಣವನ್ನು ಪ್ರತಿಷ್ಠಾನವು ಸಂಗ್ರಹಿಸಿದೆ. ಇದರ ಜೊತೆಗೆ, ವಯಸ್ಸಾದವರಿಗೆ ಬೆಚ್ಚನೆಯ ಉಡುಪು, ಗಾಲಿಕುರ್ಚಿಗಳು, ಹಾಗೂ ಇತರ ಉಪಯೋಗಿ ವಸ್ತುಗಳನ್ನು ಡ್ರಾಗನ್ಸ್‌ ಹಾರ್ಟ್‌ ಫೌಂಡೇಷನ್‌ ಒದಗಿಸುತ್ತದೆ. ಕಾರ್ಯಾರಂಭಗಳು ಅಥವಾ ಶಾಲೆಗಳ ಪ್ರಾರಂಭೋತ್ಸವಗಳಲ್ಲಿ ಪಾಲ್ಗೊಂಡು ಅವುಗಳಿಗೆ ಬೆಂಬಲ ಹಾಗೂ ಪ್ರೋತ್ಸಾಹವನ್ನು ನೀಡಲು, ಚಾನ್ ಆಗಾಗ ದೂರದ ಪ್ರದೇಶಗಳಿಗೆ ವ್ಯಾಪಕ ಪ್ರವಾಸಗಳನ್ನು ಕೈಗೊಳ್ಳುತ್ತಾನೆ.
ಹಾಂಗ್‌ ಕಾಂಗ್ ಚಲನಚಿತ್ರ ಪ್ರಶಸ್ತಿಗಳು
(10 ಅತ್ಯುತ್ತಮ ನಟ ನಾಮನಿರ್ದೇಶನಗಳು, 6 ಅತ್ಯುತ್ತಮ ಸಾಹಸ ನೃತ್ಯ ಸಂಯೋಜನೆ ನಾಮನಿರ್ದೇಶನಗಳು, 1 ಅತ್ಯುತ್ತಮ ಚಲನಚಿತ್ರ ನಾಮನಿರ್ದೇಶನ, 1 ಅತ್ಯುತ್ತಮ ನಿರ್ದೇಶಕ ನಾಮನಿರ್ದೇಶನ, 1 ಅತ್ಯುತ್ತಮ ಮೂಲ ಚಲನಚಿತ್ರ ಹಾಡು ನಾಮನಿರ್ದೇಶನ)
1982ರಲ್ಲಿ, ಲಿನ್‌ ಫೆಂಗ್‌-ಜಿಯಾವೊ (ಜೋವನ್‌ ಲಿನ್‌ ಎಂದೂ ಇವಳಿಗೆ ಹೆಸರಿದೆ), ಎಂಬ ಓರ್ವ ತೈವಾನಿ ನಟಿಯನ್ನು ಚಾನ್ ಮದುವೆಯಾದ. ಅದೇ ವರ್ಷದಲ್ಲಿ, ಇವರಿಬ್ಬರಿಗೂ ಮಗನೊಬ್ಬ ಹುಟ್ಟಿದ. ಆತನೇ ಗಾಯಕ ಮತ್ತು ನಟ ಜೇಸೀ ಚಾನ್.
"1999ರ ಹಗರಣವೊಂದರಲ್ಲಿ, 1990ರ ಮಿಸ್‌ ಏಷ್ಯಾ ಸೌಂದರ್ಯ ಸ್ಪರ್ಧೆಯ ವಿಜೇತಳಾದ ಎಲೇನ್‌ ನಿಂಗ್‌‌ಳೊಂದಿಗಿನ ಸಂಬಂಧದಲ್ಲಿನ ಮಗಳ ಪಿತೃತ್ವದ ಕುರಿತಾದುದನ್ನು ಹೊರತುಪಡಿಸಿ ಮಿಕ್ಕೆಲ್ಲವನ್ನೂ ಆತ ಒಪ್ಪಿಕೊಂಡ." ಆದರೂ, ಪಾಪರಾಜಿಯು, ದಿವಂಗತ ತೈವಾನಿ ಗಾಯಕಿ ತೆರೆಸಾ ತೆಂಗ್‌‌ಳಿಂದ ಮೊದಲ್ಗೊಂಡು ವಿಷಯಾಸಕ್ತ ಪಾಪ್‌ ತಾರೆ ಹಾಗೂ ನಟಿ ಅನಿತಾ ಮೂಯಿಯವರೆಗಿನ ಪ್ರತಿಯೊಬ್ಬರೊಂದಿಗೂ" ಜಾಕಿ ಚಾನ್‌ಗೆ ಸಂಬಂಧವನ್ನು ಕಲ್ಪಿಸಿತ್ತು.
ಆತ ಕ್ಯಾಂಟನೀಸ್‌, ಮ್ಯಾಂಡರಿನ್‌, ಮತ್ತು ಇಂಗ್ಲಿಷ್ ಭಾಷೆಗಳನ್ನು ನಿರರ್ಗಳವಾಗಿ ಮಾತಾಡಬಲ್ಲ. ಸ್ವಲ್ಪ ಕೊರಿಯನ್‌ ಹಾಗೂ ಜಪಾನಿ ಭಾಷೆಯನ್ನಷ್ಟೇ ಅಲ್ಲದೇ, ಕೊಂಚವೇ ಸ್ಪಾನಿಷ್‌ ಭಾಷೆಯನ್ನೂ ಸಹ ಆತ ಮಾತಾಡಬಲ್ಲ.
This article uses material from the Wikipedia ಕನ್ನಡ article ಜಾಕಿ ಚಾನ್, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ವಿಶೇಷವಾಗಿ ಟಿಪ್ಪಣಿ ಮಾಡದಿದ್ದ ಹೊರತು ಪಠ್ಯ "CC BY-SA 4.0" ರಡಿ ಲಭ್ಯವಿದೆ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ಕನ್ನಡ (DUHOCTRUNGQUOC.VN) is an independent company and has no affiliation with Wiki Foundation.
