កាតា

រដ្ឋកាតា

دولة قطر (អារ៉ាប់)
ទង់ជាតិ វរលញ្ឆករ
បាវចនា "الله الوطن الأمير" "ព្រះជាម្ចាស់ ជាតិ អេមារ"
ភ្លេងជាតិ السلام الأميري "សុខសន្តិភាពដល់អេមារ"
ទីតាំងប្រទេសកាតា (បៃតង) នៅលើភូគោល
រាជធានី និង ទីក្រុងធំបំផុត	ដូហា 25°18′N 51°31′E / 25.300°N 51.517°E / 25.300; 51.517
ភាសាផ្លូវការ	ភាសាអារ៉ាប់
ភាសាទូទៅ	ភាសាអង់គ្លេស
ក្រុមជនជាតិ (ឆ្នាំ ២០១៥)	៤០% អារ៉ាប់ ៣៦% អាស៊ីខាងត្បូង    — ១៨% ប៉ាគីស្ថាន    — ១៨% ឥណ្ឌា ១០% អ៊ីរ៉ង់ ១៤% ជនជាតិផ្សេងៗទៀត
សាសនា (ឆ្នាំ ២០២០)	៦៥.៥% ឥស្លាមសាសនា (ផ្លូវការ) ១៥.១% ហិណ្ឌូសាសនា ១៤.២% គ្រិស្តសាសនា ៣.៣% ព្រះពុទ្ធសាសនា ១.៩% សាសនាផ្សេងៗទៀត
រដ្ឋាភិបាល	រាជាធិបតេយ្យអាស្រ័យពាក់កណ្ដាលរដ្ឋធម្មនុញ្ញអាស្រ័យសភាឯកភូត
- អេមារ	តាមីម ប៊ីន ហាម៉ាដ
- នាយករដ្ឋមន្ត្រី	កាលីដ ប៊ីន កាលីហ្វា
នីតិបញ្ញត្តិ	សភាប្រឹក្សា
និម្មិតកម្ម
- ទិវាជាតិកាតា	១៨ ធ្នូ ១៨៧៨
- ប្រកាសឯករាជ្យ	១ កញ្ញា ១៩៧១
- ទទួលឯករាជ្យពីសហរាជាណាចក្រ	៣ កញ្ញា ១៩៧១
ក្រឡាផ្ទៃ
- ផ្ទៃសរុប	១១,៥៨១ គ.ម២   (ទី១៥៨)
- ផ្ទៃទឹក (%)	០.៨
ប្រជាជន
- ប៉ាន់ស្មាន (ឆ្នាំ ២០២០)	២,៧៩៥,៤៨៤ (ទី១៣៩)
- ជំរឿន (ឆ្នាំ ២០១០)	១,៦៩៩,៤៣៥
- ដង់ស៊ីតេ	១៧៦ នាក់/គ.ម២   (ទី៧៦)
GDP (PPP)	ប៉ាន់ស្មាន (ឆ្នាំ ២០២០)
- សរុប	៣៥៧.៣៣៨ ពាន់លានដុល្លារ (ទី៥១)
- ក្នុងម្នាក់	១៣៨,៩១០ ដុល្លារ (ទី៤)
GDP (ចារឹក)	ប៉ាន់ស្មាន (ឆ្នាំ ២០១៨)
- សរុប	១៨៣.៨០៧ ពាន់លានដុល្លារ (ទី៥៦)
- ក្នុងម្នាក់	៦៦,២០២ ដុល្លារ (ទី៦)
ជីនី (២០០៧)	៤១.១ មធ្យម
HDI (២០១៩)	▬ ០.៨៤៨ ខ្ពស់ណាស់ · ទី៤៥
រូបិយវត្ថុ	រៀលកាតា (QAR)
ល្វែងម៉ោង	UTC+៣ (AST)
ទិសបើកបរ	ស្ដាំ
កូដហៅទូរស័ព្ទ	+៩៧៤
ដែនកម្រិតខ្ពស់	.qa قطر.

នៅដើមឆ្នាំ២០១៧ ប្រទេសកាតាមានប្រជាជនសរុបចំនួន ២.៦ លាននាក់ដោយក្នុងនោះមាន ជនជាតិអារ៉ាប់-កាតាប្រហែល ៣១៣,០០០ នាក់ និងជនបរទេសប្រមាណ ២.៣ លាននាក់។ ឥស្លាមសាសនាគឺជាសាសនាផ្លូវការរបស់រដ្ឋ។ បើ​និយាយ​ពី​ចំណូលប្រជាជនម្នាក់ៗវិញ ប្រទេស​នេះ​មាន ផសស (យអទ) ខ្ពស់​បំផុត​ទី​បួន​នៅលើពិភពលោក។ កាតាត្រូវបានអង្គការសហប្រជាជាតិចាត់ចំណាត់ថ្នាក់ជាប្រទេសដែលមានការអភិវឌ្ឍន៍មនុស្សខ្ពស់ និងមានលិបិក្រមអភិវឌ្ឍន៍មនុស្ស (HDI) ខ្ពស់បំផុតទីបីនៅក្នុងពិភពអារ៉ាប់។ វាជាប្រទេសសេដ្ឋកិច្ចប្រាក់ចំណូលខ្ពស់ ដោយមានឧស្ម័នធម្មជាតិបម្រុង និងប្រេងបម្រុងធំជាងគេទីបីនៅលើពិភពលោក។

កាតាបានស្ថិតនៅក្រោមរាជវង្សតានីចាប់តាំងពីអង្គក្សត្រមហាម៉េដ ប៊ីន តានីបានចុះហត្ថលេខាលើសន្ធិសញ្ញាជាមួយអង់គ្លេសនៅក្នុងឆ្នាំ១៨៦៨ ដែលបានទទួលស្គាល់កាតាជាដែនដីដាច់ដោយឡែកពីអង្គភាពដទៃនៅក្នុងតំបន់។ បន្ទាប់ពីរួចផុតពីនឹមត្រួតត្រារបស់អូតូម៉ង់ កាតាបានក្លាយជាអាណាព្យាបាលក្រោមអង់គ្លេសនៅដើមសតវត្សទី២០ រហូតដល់ទទួលបានឯករាជ្យនៅឆ្នាំ១៩៧១។ អេមារបច្ចុប្បន្នគឺ ព្រះអង្គតាមីម ប៊ីន ហាម៉ាដ អាល់ តានីដែលទ្រង់មានអំណាចក្ដោបលើស្ថាប័ននីតិប្រតិបត្តិ និងនីតិបញ្ញត្តិស្ទើរតែទាំងអស់នៅក្រោមរដ្ឋធម្មនុញ្ញនៃរដ្ឋកាតា ក៏ដូចជាអំណាចលើស្ថាប័នតុលាការផងដែរ។ ព្រះអង្គមានសិទ្ធិតែងតាំងនាយករដ្ឋមន្ត្រី និងគណៈរដ្ឋមន្ត្រី។ សភាប្រឹក្សាមានអំណាចអាចរារាំងច្បាប់ និងសមត្ថភាពមានកំណត់ក្នុងការដកហូតរដ្ឋមន្ត្រីណាមួយចេញពីតំណែង។

នៅក្នុងសតវត្សទី២១ កាតាបានលេចមុខចេញជាមហាអំណាចដ៏សំខាន់មួយនៅពិភពអារ៉ាប់តាមរយៈធនធាន-ទ្រព្យសម្បត្តិដ៏សម្បូរបែបរបស់ខ្លួន ក៏ដូចជាប្រព័ន្ធផ្សព្វផ្សាយសកលដ៏ល្បីល្បាញមួយហៅថា Al Jazeera។ កាតាត្រូវបានគេរាយការណ៍ថាជាអ្នកផ្តល់ជំនួយហិរញ្ញវត្ថុក្នុងកិច្ខខិតខំប្រឹងប្រែងគាំទ្រក្រុមឧទ្ទាមមួយចំនួនក្នុងអំឡុងបដិវត្តន៍វស្សានរដូវអារ៉ាប់។ កាតាត្រូវគេបានកំណត់ថាជាប្រទេសមហាអំណាចកណ្តាល។ ពានរង្វាន់បាល់ទាត់ពិភពលោកឆ្នាំ២០២២ នឹងប្រព្រឹត្តិធ្វើឡើងនៅក្នុងប្រទេសកាតា ដែលធ្វើឱ្យវាក្លាយខ្លួនជាប្រទេសឥស្លាម និងអារ៉ាប់ដំបូងគេបង្អស់ដែលទទួលធ្វើជាម្ចាស់ផ្ទះនៃមហាព្រឹត្តិការណ៍បាល់ទាត់មួយនេះ។ មិនតែប៉ុណ្ណោះ ព្រឹត្តិការណ៍កីឡាអាស៊ីហ្គេមឆ្នាំ២០៣០ ក៏នឹងប្រព្រឹត្តដំណើរការឡើងនៅក្នុងប្រទេសកាតាផងដែរ។

ចាប់តាំងពីឆ្នាំ ២០១៤ មក ប្រទេសកាតាត្រូវបានបែងចែកទៅជាក្រុងចំនួន ៨ (អារ៉ាប់: بلدية, បាឡាឌីយ៉ា).

 

សម្រាប់គោលបំណងស្ថិតិ ទីក្រុងត្រូវបានបែងចែកបន្ថែមទៀតជា ៩៧ តំបន់ (as of 2015^[update]), ដែលនៅក្នុងវេនត្រូវបានបែងចែក

អតីតទីក្រុង

• អាល់ជេម៉ៃលីយ៉ា (រហូតដល់ឆ្នាំ ២០០៤)
• អាល់ហ្គូវ៉ារីយ៉ា (រហូតដល់ឆ្នាំ ២០០៤)
• ចារីយ៉ាន់អាល់បាតណា (រហូតដល់ឆ្នាំ ២០០៤)
• មេសាយអ៊ីដ (អ៊ុំសាអ៊ីដ) (រហូតដល់ឆ្នាំ ២០០៦)