1992 Жылғы Жазғы Олимпиада Ойындары

1992 жылы Испанияның Барселона қаласында өткен кезекті жазғы олимпиялық ойындарға тек Ресей бірлестігінің құрамасы ғана қатысты деуге болады. Халықаралық олимпиялық комитетке мүше болып үлгерген Балтық жағалауы мемлекеттері жеке ұжым ретінде күш сынасты. Ресей құрамасына енген қазақстандық қыз Ирина Герлиц осы жолы алтын медальға ие болды.

XXV Жазғы Олимпиада ойындары
1992 Жазғы Олимпиада ойындарының эмблемасы
Ұйымдастырушы қала	Барселона,  Испания
Қатысушы елдер	169
Атлеттер саны	9356 (6652 ер, 2704 әйел)
Медальдар саны	257 комплект 32 спорт түрінен
Ашылу салтанаты	25 шілде 1992 жыл
Ресми түрде ашқан	I Хуан Карлос
Жабылу салтанаты	9 тамыз 1992 жыл
Ант берген атлет	Луис Доресте
Олимпиада оты	Антонио Ребольо
Стадион	Олимпиада стадионы (Барселона)
1988 1996

Қазақстан үшін олимпиялық ойындардың жаңа дәуірі басталды.

1991 жылы Әлемнің саяси картасы өзгерді. Жұмыр жердегі іштей де, іс жүзінде де арбасы келе жатқан екі әлем капитализм мен социализмнің жанкешті шайқасында капитал дүниесі жеңіп шықты. Бұрын жер шарының 1,4 бөлігін алып жатқан Кеңестер Одағы аталған алып империя тарыдай шашырап бөлініп кетті де әрқайсысы өз шаңырақтарын көтеріп, жеке-жеке мемлекет болып шыға келді. Бірақ бұрыннан қалыптасқан саяси және экономикалық байланыстар үзілген жоқ, ТМД (Тәуелсіз Мемлекеттер Достығы) құрылды.

Бұл Испанияның Барселона қаласында өтетін ХХV Олимпиялық ойындардың қарсаңы болатын. Бұрынғы одақтас республикалардың спорт комитеттері спорт саласында қолымыз жеткен табыстарымыздан айырылып қалмас үшін осы ТМД елдерінің құрамасы жасақталмақ болды. Бірақ Мұнда негізгі тізгін Мәскеудің қолында қалып қойды. Мысалы, ТМД елдерінің бокстан құрамасында қазақстандық төрт боксшы Болат Теміров, Болат Жұмаділов, Аркадий Топаев және Николай Кульпин енген болатын. Бірақ екі Болат, Теміров пен Жұмаділов ойындар басталмай жатып-ақ Алматыға қайтып келді.

•    Қабылдаушы ел — Испания;
•    Алтын медалдар саны бойынша:   Біріккен команда — 45;
•    Күміс медалдар саны бойынша:   Біріккен команда — 38;
•    Қола медалдар саны бойынша:   АҚШ — 37;
•    Барлық санаттағы медалдар саны бойынша:   Біріккен команда — 112.

Ең көп медаль жеңіп алған он ел:

№ п/п	Ел	Алтын	Күміс	Қола	Қорытынды
1	Біріккен команда	45	38	29	112
2	АҚШ	37	34	37	108
3	Германия	33	21	28	82
4	Қытай	16	22	16	54
5	Куба	14	6	11	31
6	Испания	13	7	2	22
7	Корея Республикасы	12	5	12	29
8	Мажарстан	11	12	7	30
9	Франция	8	5	16	29
10	Аустралия	7	9	11	27