Rajasthan („land konunganna“) er fylki í Norðvestur-Indlandi.
Það er jafnframt stærsta fylki landsins og nær yfir 342.239 km² sem eru 10,4% af Indlandi. Það nær yfir stærstan hluta Thar-eyðimerkurinnar. Rajasthan á landamæri að Pakistan í vestri, Gujarat í suðvestri, Madhya Pradesh í suðaustri, Uttar Pradesh og Haryana í norðaustri og Púnjab í norðri. Höfuðstaður fylkisins er borgin Jaípúr. Í fylkinu eru minjar frá Indusdalsmenningunni.
Fylkið varð hluti af konungsríkinu Pratihara á miðöldum en á 11. öld brotnaði þetta ríki upp í nokkur furstadæmi sem Bretar kölluðu síðar Rajputana. Furstadæmin stóðu gegn útþenslu Mógúlveldisins en urðu á endanum hluti þess og síðar Marattaveldisins. Snemma á 19. öld gerðu furstarnir samninga við Breta þar sem þeir gengust undir breska stjórn gegn því að halda yfirráðum yfir löndum sínum.
Hindí er opinbert tungumál fylkisins og tæp 90% íbúa eru hindúatrúar.
This article uses material from the Wikipedia Íslenska article Rajasthan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.