Kristanna Loken: Bandarísk leikkona og fyrirsæta

október">8. október 1979) er bandarísk leikkona og fyrirsæta sem er þekktust fyrir hlutverk sín í Terminator 3: Rise of the Machines, BloodRayne og Painkiller Jane.

Kristanna Loken
Loken á Big Apple ráðstefnunni, 21. maí 2011
Upplýsingar
Fædd	Kristanna Sommer Loken 8. október 1979 (1979-10-08) (44 ára)
Ár virk	1994 -
Helstu hlutverk
T-X í Terminator 3: Rise of the Machines Rayne í BloodRayne Jane Vasco í Painkiller Jane Paige Sobel í The L Word

Loken fæddist í Ghent, New York-fylki og er af norskum og þýskum uppruna. Ólst hún upp á eplabúgarði foreldra sinna í uppsveitum New York-fylkis.

Loken var gift leikaranum Noah Danby frá 2008-2009.

Fyrirsæta

Loken byrjaði fyrirsætuferil sinn fimmtán ára eftir að móðir hennar hvatti hana til þess. Loken tók þátt í fyrirsætu kepninni Elite Model Look árið 1994 þar sem hún lenti í þriðja sæti.

Sjónvarp

Fyrsta sjónvarpshlutverk Loken var árið 1994 í As the World Turns. Síðan þá hefur hún komið fram sem gestaleikari í þáttum á borð við Law & Order, Star Trek: Voyager, Pacific Blue, Philly, Burn Notice og The L Word.

Loken lék eitt af aðalhlutverkunum í Mortal Kombat: Conquest sem Taja frá 1998-1999. Lék hún síðan aðalhlutverkið í Painkiller Jane sem Jane Vasco árið 2007.

Kvikmyndir

Fyrsta kvikmyndahlutverk Loken var árið 1997 í Academy Boyz. Síðan þá hefur hún komið fram í kvikmyndum á borð við Panic, Lime Salted Love, Dangerously Close og Dark Power.

Árið 2003 lék hún eitt af aðalhlutverkunum í Terminator 3: Rise of the Machines sem T-X. Síðan árið 2005 lék hún aðalhlutverkið í BloodRayne.

Academy of Science Fiction, Fantasy & Horror Films-verðlaunin

• 2004: Tilnefnd sem besta leikkona í aukahlutverki fyrir Terminator 3: Rise of the Machines.
• 2003: Tilnefnd til Cinescape Genre Face of the Future verðlaunin sem besta leikkona fyrir Terminator 3: Rise of the Machines.

MTV Movie-verðlaunin, Mexíkó

• 2004: Tilnefnd sem kynþokkafyllsta kvennillmennið fyrir Terminator 3: Rise of the Machines.

New York International Independent Film & Video Festival-verðlaunin

• 2008: Verðlaun sem besta leikkona í aukahlutverki fyrir Lime Salted Love.
• 2004: Verðlaun sem besta leikkona í aðalhlutverki fyrir Worn Like a Tattoo.

Razzie-verðlaunin

• 2007: Tilnefnd sem versta leikkona í aðalhlutverki fyrir BloodRayne.