Frank-Walter Steinmeier (fæddur 5.
janúar">5. janúar 1956 í Detmold, Nordrhein-Westfalen) er þýskur stjórnmálamaður í sósíaldemókrataflokknum (SPD). Hann hefur verið forseti Þýskalands frá 19. mars 2017.
Frank-Walter Steinmeier | |
---|---|
Forseti Þýskalands | |
Núverandi | |
Tók við embætti 19. mars 2017 | |
Kanslari | Angela Merkel Olaf Scholz |
Forveri | Joachim Gauck |
Utanríkisráðherra Þýskalands | |
Í embætti 17. desember 2013 – 27. janúar 2017 | |
Kanslari | Angela Merkel |
Forveri | Guido Westerwelle |
Eftirmaður | Sigmar Gabriel |
Í embætti 22. nóvember 2005 – 27. október 2009 | |
Kanslari | Angela Merkel |
Forveri | Joschka Fischer |
Eftirmaður | Guido Westerwelle |
Persónulegar upplýsingar | |
Fæddur | 5. janúar 1956 Detmold, Vestur-Þýskalandi |
Stjórnmálaflokkur | Jafnaðarmannaflokkurinn |
Maki | Elke Büdenbender (g. 1995) |
Börn | 1 |
Háskóli | Háskólinn í Giessen |
Starf | Stjórnmálamaður |
Undirskrift |
Áður en Steinmeier varð forseti hafði hann verið utanríkisráðherra Þýskalands í tvígang, á árunum 2005 til 2009 og frá 2013 til 2017. Frá 1999 til 2005 var hann ráðuneytisstjóri hjá kanslaraembættinu.
Steinmeier fæddist 1956 í Detmold í sambandslandinu Nordrhein-Westfalen, en faðir hans var smiður. Eftir stúdentspróf árið 1974 í Blomberg gengdi hann herþjónustu í tvö ár eða þangað til hann hóf nám í lögfræði og síðar stjórnmálafræði við Justus-Liebig háskólann í Gießen, sem hann lauk 1986. Hann var frá því í menntaskóla meðlimur ungliðahreyfingar sósíaldemókrataflokksins.
Árið 1991 varði hann doktorsritgerð sína í lögfræði, sem bar heitið „Borgarar án þaks – milli skyldu til framfærslu og réttar á lífsrými; venja og viðhorf opinberrar íhlutunar við hindrun og útrýmingu húsnæðisleysis“.
Sama ár gerðist hann ráðgjafi í fjölmiðlunarrétti við forsætisráðuneyti Neðra-Saxlands í Hannover. Tveimur árum seinna tók hann við embætti skrifstofustjóra hjá Gerhard Schröder, sem á þessum tíma var forsætisráðherra Neðra-Saxlands.
Eftir að ljóst varð árið 1998 að Schröder yrði kanslari ákvað Steinmeier að fylgja honum í ríkisstjórn þýska sambandslýðveldisins og 1999 var hann orðinn ráðuneytisstjóri hjá kanslaraembættinu.
Steinmeier var einn af nánustu samstarfsmönnum Schröders og hefur verið lýst sem manninum á bakvið tjöldin. Þannig gerði hann mikilvægar framkvæmdaáætlanir, t.d. í ellilífeyris- og heilbrigðismálum, og tók þátt í Agenda 2010 og umfangsmiklum skattalagabreytingum.
13. október 2005 varð ljóst að hann yrði utanríkisráðherra og tók hann formlega við embættinu 22. nóvember 2005 í ríkisstjórn Angelu Merkels.
Steinmeier var kjörinn forseti Þýskalands af þýska þinginu þann 27. febrúar 2017 með 75 prósentum atkvæða. Hann var endurkjörinn til annars fimm ára kjörtímabils þann 13. febrúar árið 2022.
Steinmeier er giftur og á eina dóttur.
Fyrirrennari: Joachim Gauck |
| Eftirmaður: Enn í embætti |
This article uses material from the Wikipedia Íslenska article Frank-Walter Steinmeier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.