Einar Þorsteinn Ásgeirsson

júní">17. júní 1942 - 28. apríl 2015) var íslenskur arkitekt og hugsuður og brautryðjandi í rúmfræðirannsóknum. Hann stofnaði Tilraunastofu burðarforma sem sérhæfði sig í stórum tjaldbyggingum og hvolfþökum og reisti hann nokkur kúluhús upp úr 1980. Kúluhús sem hann hannaði eru á Ísafirði, við Hellu, Kópasker og í Hafnarfirði.

Einar stundaði rannsóknir á ýmsum tegundum flötunga og var heimsþekkur sérfræðingur í margflötungum, rýmislegum eiginleikum þeirra og hvernig megi hagnýta þá. Hann kynntist Ólafi Elíassyni myndlistarmanni árið 1996 og hófst samvinna þeirra þá og má sjá merki þess í tónleikahúsinu Hörpu þar sem stuðst er við formið gullinfangi, sem er flötungur byggður á fimmfaldri samhverfu en gullinfang er formeining sem Einar þróaði. Einar þróaði sérstaka tegund af tólfflötungi sem byggir á fimmfaldri symmetríu. Þessum tólfflötungum er hægt að stafla saman við aðra til að þeir fylli upp í rýmið.

Einar Þorsteinn lauk námi í arkitektúr við Tækniháskólann í Hannover í Þýskalandi árið 1969. Hann vann svo og nam hjá arkitektinum Frei Otto í Stuttgart.

• Hinar ótal hliðar Einars (2011)
• Hægindastóllinn er ekki mín tilvera
• Hönnunarmiðstöð.is Geymt 4 mars 2016 í Wayback Machine
• Grein á mbl.is: And­lát: Ein­ar Þor­steinn Ásgeirs­son arki­tekt