Denys Anatolíjovytsj Sjmyhal (úkraínska: Денис Анатолійович Шмигаль; f.
15. október 1975) er úkraínskur stjórnmálamaður og athafnamaður sem hefur verið forsætisráðherra Úkraínu frá árinu 2020. Hann var áður sveitarstjóri í Ívano-Frankívskfylki. Sem forsætisráðherra hafði Sjmyhal umsjón með viðbrögðum úkraínsku stjórnarinnar við kórónuveirufaraldrinum í landinu og við innrás Rússa frá árinu 2022.
Denys Sjmyhal Денис Шмигаль | |
---|---|
Forsætisráðherra Úkraínu | |
Núverandi | |
Tók við embætti 4. mars 2020 | |
Forseti | Volodymyr Zelenskyj |
Forveri | Oleksíj Hontsjarúk |
Persónulegar upplýsingar | |
Fæddur | 15. október 1975 Lvív, úkraínska sovétlýðveldinu, Sovétríkjunum (nú Úkraínu) |
Þjóðerni | Úkraínskur |
Stjórnmálaflokkur | Óflokksbundinn |
Maki | Kateryna Sjmyhal |
Börn | 2 |
Háskóli | Tækniháskólinn í Lviv |
Denys Sjmyhal útskrifaðist frá Tækniháskólanum í Lvív árið 1997. Hann er með kandidatsgráðu í hagfræðivísindum frá árinu 2003. Frá útskrift sinni árið 1997 fram til ársins 2005 vann Sjmyhal sem endurskoðandi fyrir ýmis fyrirtæki. Frá september 2005 til júní 2006 var Sjmyhal aðstoðarframkvæmdastjóri fyrirtækisins LA DIS. Hann var framkvæmdastjóri fjárfestingafyrirtækisins Comfort-Invest frá júní 2006 til ágúst 2008. Sjmyhal var síðan framkvæmdastjóri fyrirtækis undir nafninu ROSANINVEST LLC frá september 2008 til september 2009.
Sjmyhal gegndi ýmsum pólitískum störfum í Lvívfylki frá árinu 2009 til ársins 2013. Hann var formaður hagfræðideildar héraðsstjórnar Lvív-héraðs frá 2009 til 2011. Þar kynntist hann og vann með Oleh Nemtsjínov, sem varð árið 2020 ráðherra ráðherraráðsins í ríkisstjórn Sjmyhals. Sjmyhal varð síðan formaður efnahags- og iðnaðarstefnu héraðsins allt árið 2012. Árið 2013 var hann formaður efnahagsþróunar-, fjárfestinga-, verslunar- og iðnaðardeildar Lvív-héraðs.
Fyrstu fjóra mánuði ársins 2014 var Sjmyhal ráðgjafi þingmanns á úkraínska þinginu.
Frá maí til desember 2014 var Sjmyhal varaformaður héraðsstofu tekju- og tollaráðuneytisins í Lvív-héraði. Hann var síðan varaforseti frystivörudreifingaraðilans TVK Lvivkholod í Lvív frá 2015 til 2017.
Frá 2018 til 2019 vann Sjmyhal sem framkvæmdastjóri Burshtyn TES, sem er stærsta raforkufyrirtækið í Ívano-Frankívsk og tilheyrir fyrirtækjasamsteypu Rínats Akhmetov.
Frá 1. ágúst 2019 þar til hann var útnefndur ráðherra starfaði Sjmyhal sem sveitarstjóri Ívano-Frankívskfylkis.
Þann 4. febrúar árið 2020 var Sjmyhal útnefndur ráðherra héraðsþróunarmála. Hann tók síðan við af Oleksíj Hontsjarúk sem forsætisráðherra Úkraínu í mars árið 2020.
Sjmyhal er kvæntur Katerynu Sjmyhal. Þau eiga tvær dætur. Kateryna er fyrrum meðeigandi Kamjanetskyj-bakarísins í Lvív og reiðhjólaleigunnar NextBike. Hún seldi hluta sína í þessum fyrirtækjum árið 2019.
Fyrirrennari: Oleksíj Hontsjarúk |
| Eftirmaður: Enn í embætti |
This article uses material from the Wikipedia Íslenska article Denys Sjmyhal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.