Denys Anatoliyovych Shmyhal (bl-Ukren: Денис Анатолійович Шмигаль; twieled fil-15 ta' Ottubru 1975) huwa politiku u imprenditur Ukren li ilu jaqdi l-kariga ta' Prim Ministru tal-Ukrajna mill-2020.
Qabel il-ħatra tiegħu bħala Prim Ministru, Shmyhal kien il-Gvernatur tal-Oblast ta' Ivano-Frankivsk.
Denys Shmyhal | |||||||
---|---|---|---|---|---|---|---|
4 Marzu 2020 - ← Oleksiy Honcharuk
4 Frar 2020 - 4 Marzu 2020 ← Aliona Babak (en) - Oleksiy Chernyshov (en) →
1 Awwissu 2019 - 5 Frar 2020 ← Oleh Honcharuk (en) - Vitaliy Fedoriv (en) → | |||||||
Ħajja | |||||||
Twelid | Lviv, 15 Ottubru 1975 (48 sena) | ||||||
Nazzjonalità | Ukrajna Unjoni Sovjetika | ||||||
Edukazzjoni | |||||||
Alma mater | Istitut Politekniku ta' Lviv 1997) | ||||||
Livell tal-edukazzjoni | Kandidat tax-Xjenzi Ekonomiċi | ||||||
Okkupazzjoni | |||||||
Okkupazzjoni | negozjant ħaddiem taċ-ċivil politiku |
Bħala Prim Ministru, Shmyhal kien responsabbli mill-ġestjoni tar-rispons fir-rigward tal-pandemija tal-COVID-19 fl-Ukrajna.
Fl-1997 huwa ggradwa mill-Istitut Politekniku ta' Lviv. Fl-2003 kiseb it-titlu ta' Kandidat tax-Xjenzi Ekonomiċi. Minn meta ggradwa fl-1997 sa Settembru 2005, Shmyhal ħadem bħala kontabilist f'diversi kumpaniji. Minn Settembru 2005 sa Ġunju 2006, Shmyhal kien il-Viċi Direttur Ġenerali ta' kumpanija msejħa "LA DIS". Minn Ġunju 2006 sa Awwissu 2008, huwa kien id-Direttur tal-kumpanija tal-investiment "Comfort-Invest". Minn Settembru 2008 sa Settembru 2009, Shmyhal kien id-Direttur Ġenerali ta' kumpanija msejħa "ROSANINVEST LLC".
Shmyhal ħadem f'diversi rwoli politiċi ewlenin fl-Oblast ta' Lviv fl-Ukrajna mill-2009 sa Diċembru 2013. L-ewwel nett kien il-Kap tad-Dipartiment tax-Xjenza Ekonomika fl-Amministrazzjoni tal-Oblast ta' Lviv bejn l-2009 u l-2011. Hemmhekk iltaqa' u ħadem ma' Oleh Nemchinov, li fl-2020 sar Ministru tal-Kabinett tal-Ministri fil-Gvern ta' Shmyhal. Shmyhal imbagħad sar il-Kap tad-Dipartiment tax-Xjenza Ekonomika u l-Politika Industrijali għas-sena 2012. Fl-2013 huwa kien il-Kap tad-Dipartiment tax-Xjenza Ekonomika, l-Investiment, il-Kummerċ u l-Industrija.
Għall-ewwel erba' xhur tal-2014, Shmyhal kien konsulent għal Deputat tal-Poplu tal-Ukrajna.
Minn Mejju 2014 sa Diċembru 2014, Shmyhal ħadem bħala Viċi Kap tal-Oblast ta' Lviv tal-uffiċċju reġjonali tal-Ministeru għad-Dħul u d-Dazji.
Huwa ħadem bħala l-Viċi President tad-distributur tal-oġġetti ffriżati, TVK Lvivkholod, ibbażat fi Lviv mill-2015 sal-2017.
Mill-2018 sal-2019, Shmyhal ħadem bħala d-Diretturs ta' Burshtyn TES li huwa l-ikbar produttur tal-elettriku f'Ivano-Frankivsk, u huwa parti mill-holdings ta' Rinat Akhmetov.
Mill-1 ta' Awwissu 2019 sal-ħatra ministerjali tiegħu, Shmyhal kien il-Gvernatur tal-Oblast ta' Ivano-Frankivsk.
Fl-4 ta' Frar 2020 huwa nħatar bħala l-Ministru għall-Iżvilupp Reġjonali.
Shmyhal issostitwixxa lil Oleksiy Honcharuk bħala l-Prim Ministru tal-Ukrajna f'Marzu 2020.
Shmyhal huwa miżżewweġ lil Kateryna Shmyhal u flimkien għandhom żewġt ibniet. Kateryna hija eks sid konġunt tal-Fran Kamyanetsky ta' Lviv u ta' NextBike, kumpanija lokali tal-kiri tar-roti. Hija bigħet l-ishma tagħha f'dawn il-kumpaniji fl-2019.
This article uses material from the Wikipedia Malti article Denys Shmyhal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il-kontenut huwa disponibbli taħt il-liċenzja CC BY-SA 4.0 sakemm mhux indikat mod ieħor. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malti (DUHOCTRUNGQUOC.VN) is an independent company and has no affiliation with Wiki Foundation.