Borís Nemtsov: Rússneskur stjórnmálamaður (1959-2015)

október">9. október 1959 – 27. febrúar 2015) var rússneskur vísindamaður og stjórnmálamaður. Ferill hans gekk vel á tíunda áratugnum undir stjórn Borísar Jeltsíns en frá árinu 2000 hafði hann verið opinskár andstæðingur Vladímírs Pútíns. Hann var skotinn og dó í febrúar 2015 vegna skoðana sinna til stuðnings rússnesku lýðræði á brú nálægt Kreml og Rauða torginu í Moskvu.

Borís Nemtsov Бори́с Немцо́в
Varaforsætisráðherra Rússlands
Í embætti 17. mars 1997 – 28. ágúst 1998
Forseti	Borís Jeltsín
Forsætisráðherra	Víktor Tsjernomyrdín Sergej Kíríjenko Víktor Tsjernomyrdín (starfandi)
Persónulegar upplýsingar
Fæddur	9. október 1959 Sotsjí, rússneska sovétlýðveldinu, Sovétríkjunum
Látinn	27. febrúar 2015 (55 ára) Moskvu, Rússlandi
Stjórnmálaflokkur	Lýðveldisflokkur Rússlands (2012–2015)
Maki	Janna Nemtsova
Háskóli	Ríkisháskólinn í Nízhníj Novgorod
Undirskrift

Talið er að stuðningsmenn Pútíns hafi staðið bak við dráp Nemtsovs, en Pútín hafði opinberlega fordæmt morðið. Áður en hann var drepinn hafði Nemstov verið að skipuleggja mótmæli gegn Pútin og stefnu hans í sambandi við stríð Rússlands í Úkraínu. Hann hafði sagt nýlega í viðtali að hann óttaðist um að Pútín myndi reyna að drepa hann.

Fimm téténskir karlmenn voru síðar handteknir fyrir aðild að morðinu á Nemtsov. Einn þeirra, Zaúr Dadajev, hafði verið háttsettur í einni af hersveitum Ramzans Kadyrov, forseta sjálfstjórnarlýðveldisins Téténíu. Dadajev játaði á sig morðið og var dæmdur í 20 ára fangelsi árið 2017.

Árið 2022 gáfu rannsóknarblaðamenn Bellingcat, The Insider og BBC út niðurstöðu rannsóknar þar sem staðhæft var að útsendarar leyniþjónustunnar FSB hefðu fylgst með ferðum Nemtsovs í heilt ár áður en hann var myrtur.

Áður en hann var drepinn var Nemtsov samformaður í Lýðveldisflokki Rússlands, meðlimur í héraðsþinginu í Jaroslavl og einn leiðtoganna andstæðingahreyfingunnar Solidarnost.