Ambrogio Spinola, 1.
markgreifi af Balbesas (um 1569 – 25. september 1630) var herforingi frá Genúa sem barðist í her Spánar í Áttatíu ára stríðinu í Niðurlöndum. Fjölskylda hans varð undir í baráttu um völd í Genúa við Doria-ættina. Genúa var þá í reynd undir vernd Spánar. Árið 1602 gerðu hann og yngri bróðir hans, Federico Spinola, samning við Spánarkonung um að koma upp flota og her til að berjast fyrir konung á Flandri. Hluta flotans, undir stjórn Federicos, var sökkt af enskum og hollenskum skipum og Federico féll í orrustunni um Sluis árið 1603. Ambrogio hélt með málaliðaher sinn landleiðina og tókst að leggja rústir Ostend undir sig eftir 3ja ára umsátur. Eftir þetta hertók Spinola fjölda borga í Niðurlöndum og hlaut fyrir það ýmsar vegtyllur en sóaði um leið öllum auði fjölskyldunnar í stríðsreksturinn. Þegar Þrjátíu ára stríðið hófst hélt hann í herför um Pfalz. Hápunktur ferils hans var hernám Breda 1624.
This article uses material from the Wikipedia Íslenska article Ambrogio Spinola, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.