Mozilla Foundation („Mozilla-sjóðurinn“) er bandarísk sjálfseignarstofnun sem heldur utan um Mozilla-verkefnið.
Verkefnið stendur að þróun ýmissa opinna forrita eins og vafrans Firefox, tölvupóstforritsins Thunderbird og myndsetningarbúnaðarins Gecko. Undanfari sjóðsins voru Mozilla-samtökin sem stofnuð voru innan Netscape árið 1998, en samtökin stofnuðu Mozilla Foundation 2003 þegar AOL, eigandi Netscape, dró saman seglin í upphafi 21. aldar. Tilgangurinn var að tryggja áframhaldandi þróun hugbúnaðarins. Mozilla Foundation á fyrirtækið Mozilla Corporation sem sér um ráðningar starfsfólks og útgáfu hugbúnaðarins. Stofnunin er staðsett í Mountain View í Silicon Valley í Kaliforníu.
This article uses material from the Wikipedia Íslenska article Mozilla Foundation, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.