Putay

Digdí nagluluwás an regla kun na'eyo asin an omboy kun nangangaki. Sa tawo, igwa ining patindog na tubo asin pigtutubuan nin bulbol an ibabaw. Sa labot o tubo na ini piglalaog an potoy tanganing sa laog kaini iluwa' an semilya o kasit kan lalake.

Sa Ingles, an putay inaapod na vagina, na gikan sa Latin na vāgīna, literal na igwang boot sabihon na "sheath" o "scabbard", na na boot sabihon "suksukan", "sarongan" o "kaloban". An organong ini inaapod man na pepe, pita' , buray, buday, ikinabuhay sa iba pang panaram-taram sa Bikol. . Ini an reproduktibong parte kan babaye. Ini man an agihan kan ihi kan mga babae. Sa pagdidinurugan, digdi piglalaog kan lalaki an saiyang buto sagkod sa momentong maluwas na an kasit (o semilya) sa boto, minaagi ini sa laog kan buray hanggan an pipirang selula nin isperma makaabot sa obaryo tanganing maging sarong selulang sugok kan babaye. Ini man an nagsisirbing agihan kan omboy sa oras na maaki na an babaye.

Sa pahayag ninda Morton G. Harmatz asin Melinda A. Novak sa saindang libro na Human Sexuality an vagina bilang sarong hunat-hunat na kanal sa laog kan babaye na poon sa serbiks hanggan sa bulba, saro man na agihan para sa fetus pag inu-ulpot na an omboy.