Wagina: Splažny organ
Wagina je primarny splažny organ žónskich cycakow a tuž tež žony.
Ma formu rozćahujomneje hadźicy a zwjazuje maćerničnu wotwěru z předdwórom waginy. Při splažnym wobchadźe wona penis a muski sperma přijimuje, nimo toho je wagina dźěl rodźeńcoweje wotwěry. Jeje dołhosć wučinja w normalnym stawje někak 8-12 cm pola dorosćenych žonow.
| 1 | jejkowód |
| 2 | fimbrie |
| 3 | močica |
| 4 | klinowa kósć |
| 5 | paraurethralna žałza |
| 6 | močowa rołka |
| 7 | łoskotak (klitoris) |
| 8 | předdwórowy sprosćak |
| 9 | małej (nutřkownej) hańbowej fałdźe |
| 10 | wulkej (wonkownej) hańbowej fałdźe |
| 11 | jejkownik |
| 12 | colon sigmoideum |
| 13 | maćernica (rodźeńca) |
| 14 | fornix vaginae |
| 15 | šija maćernicy/maćernična wotwěra |
| 16 | rektum |
| 17 | wagina |
| 18 | anus |
| 19 | wulka předdwórowa žałza |
Wonkowny, widźomny kónc čłowječeje waginy słuša k wulwje, kotraž ma – zhromadnje z łoskotakom – zasadny wuznam za seksualne rozhorjenje žony, zwjetša bóle hač nutřkowny dźěl waginy.
We wobchadnej rěči wužiwa so zapřijeće wagina husto za cyłu wulwu, što pak prawje njeje. Słowo pochadźa z łaćonšćiny a woznamjenješe poprawom „nóžnje (mječa)“. Wot toho pochadźa tež němske zapřijeće „Scheide“.
Wotkaz
Commons: Wagina – Zběrka wobrazow, widejow a awdiodatajowThis article uses material from the Wikipedia Hornjoserbsce article Wagina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.