An pirak (Ingles: silver, Tagalog: pilak) iyo sarong elementong kimikal na may simbolong Ag (gikan sa taramong Latin na argentum, na pighugot sa Proto-Indo-Europeano na h₂erǵ: makintab o puti) sagkod atomikong bilang na 47.
Bistado bilang sarong malumoy, puti, lustro na transisyong metal, ini man an may pinakahalangkaw na electrical conductivity, thermal conductivity, asin replektibidad sa gabos na mga metal. An metal na ini nahihiling sa kadagaan kan kinaban sa puro asin talingkas na porma ("katutubong pirak") bilang alloy kaiba an bulawan asin iba pang mga metal, sagkod sa mga mineral arug kan argentite asin chlorargyrite. Kadaklan sa mga pirak iyo nahihimo bilang "byproduct" sa "refining" na proseso kan tanso, bulawan, tingga, asin zinc.
An pirak haloy nang pigkokonsidera bilang saro na prestihiyosong metal. An metal na pirak iyo piggagamit sa nagkapirang mga bullion na salapi, asin minsan kaiba an bulawan: maski ngani ini iyo mas abundante sa bulawan, ini man iyo dae mas abundante sa sarong katutubong metal. An puridad kaini iyo harus pigsusukol sa "per-mille" na basehan; an sarong 94%-purong alloy iyo pigtuturing bilang "0.940 fine". Bilang saro sa pito na "metals of antiquity", an pirak iyo may importanteng sirbi sa kadaklan nin mga kultura sa kinaban.
An Wiki Commons igwa nin medya dapit sa Pirak. |
This article uses material from the Wikipedia Bikol article Pirak, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.