Sudan Del Sud
Le Republica de Sudan del Sud (o Sud-Sudan) (anglese: Republic of South Sudan) es un pais sin litore in le est de Africa.
Juba es le citate capital. Confinate al est con Ethiopia, al sud con Uganda, Kenya e le Republica Democratic del Congo, al west con le Republica Centroafrican e al nord con le Republica de Sudan, Sud-Sudan deveniva un nation independente le 9 de julio 2011 in consequentia de un referendo in januario 2011. Ante independentia, illo era duo veces un region autonome in Sudan (1972-1983 e 2005-2011). Salva Kiir Mayardit es le prime presidente del independente pais.
| Sudan del Sud | |||
| |||
| Hymno: South Sudan Oyee! | |||
.svg)  | |||
| Nomine native | Republic of South Sudan | ||
|---|---|---|---|
| Classe | stato soveran[*], pais sin accesso al mar[*], pais | ||
| Pais | Sudan del Sud | ||
| Capital | Juba | ||
| Population | 12 575 714 | ||
| Area | 644 329 km²  | ||
| Coordinatas | 7°N, 30°E | ||
| Linguas official | anglese, arabe | ||
| Fuso horari | UTC+02:00[*], Africa/Juba[*] | ||
| Codice telephonic | +211 | ||
| Valuta | South Sudanese pound[*], Sudanese pound[*] | ||
| Dominio de Internet | .ss[*] | ||
| ISO 3166-1 alpha-2 | SS | ||
| ISO 3166-1 alpha-3 | SSD | ||
| ISO 3166-1 numeric | 728 | ||
| Codice IOC | SSD | ||
| Geonames ID | 7909807 | ||
| Sito web: http://www.goss-online.org/ | |||
 | |||
| Wiki Commons Category South Sudan | |||
Inter 1899 e 1956, Sudan del Sud faceva parte del condominio del Sudan Anglo-Egyptian. Le anglese es le lingua official del pais, e on usa un lingua creol a base lexic arabe como lingua franc parlate. Un importante proportion del populo es de confession christian. Iste facto, e le differentia ethnic inter le populos «nigre» del sud e le arabes del nord, contribueva a duo guerras civil inter le nord e le sud (1955-1972 e 1983-2005) que precedeva le concessiones de autonomia. Le secunde guerra civil esseva in opposition al actual regime islamista in Khartoum.
Sudan del Sud es un pais verde e tropical, coperte de forestes, praterias e paludes (includente le enorme Sudd o Bahr el Jabal), e aquate per le Nilo Blanc. In le pais se trova grande populationes de antilopes, bufalos, elephantes, girafas, e leones; le reservas silvestre son le domicilio de simias como le chimpanze.
Sudan del Sud es le prime pais african a devenir independente sin haber essite un colonia a parte. Ben que alcun elites african time que le independentia de Sudan del Sud deveni un precendente in altere paises del continente, le recognition del independentia sud-sudanese per paises african e le Union African ha essite signalate in avantia. Sudan del Sud ha devenite le 54me stato membro del Union African le 27 de julio 2011.
Le gruppos ethnic include le populos dinka, nuer, shilluk e acholi.
Vide etiam
Ligamines externe
- Le sito web official del Governamento del Republica del Sudan del Sud Archived 2015-12-25 at the Wayback Machine (anglese)
Referentias
This article uses material from the Wikipedia Interlingua article Sudan del Sud, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contento es disponibile sub CC BY-SA 4.0 salvo indication contrari. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Interlingua (DUHOCTRUNGQUOC.VN) is an independent company and has no affiliation with Wiki Foundation.