Zuudsoedan, offisjeel Republiek Zuudsoedan (Engels: Republic of South Sudan) is n laand ien Oost Afrikoa.
De heufdstad en grootste stad is Juba ien de dailstoat Central Equatoria. t Kustloze laand het n grup mit Etiopie, Kenia, Oeganda, de Demokroatische Republiek Kongo, de Zeantroal Afrikoanse republiek en Sudan. De belaangriekste revier van Zuudsoedan is de Witte Nail. t Laand het n oppervlak van 619.745 vaaierkante kilometer en het n bevòlkensgrootte van sikkom 8.260.490 mìnsken. Omreden der n hail ìnde toalen proat worden ien Zuudsoedan en om nait nog meer verdaildhaid te kriegen, is t Engels as offisjele laandstoal nomen.
t Gebied dat man nou kennen dut as Zuudsoedan was dail van t Britse mandoat Egypte en wör ien 1956 dail van de Republiek Soedan dou dij onòfhaankelk wör. Noa de eerste Soedanese börgerkraig wör Zuudsoedan ien 1972 n autonome regioon binnen de republiek. Ien 1983 wör de autonome stoates òfnomen en noa/tiedens de Twijde Soedanese börgeroorlog ien 2005 kreeg Zuudsoedan heur autonome positsie weer. Ien jannewoarie van 2011 stemden de börgers van Zuudsoedan veur de onòfhankelkhaid en op 9 juli 2011 wör Zuudsoedan n aigen laand. Nait aal landen ien de weerld hebben Zuudsoedan (al) erkennen doan. De belaangriekste reden veur de schaaiden is t geleuf. Ien tieds dat Soedan veuraal islamitisch is, wordt ien Zuudsoedan veuraal t kristendom en haaidense Afrikoanse religies aanhongen.
This article uses material from the Wikipedia Nedersaksisch article Zuudsoedan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.