Christianismo

Ab "christiano" (uno qui crede in le Christo) e "-ismo" (systema philosophic).

Le Christianismo consiste de plure brancas principal: le nestorianos, le monophysitas, le orthodoxes, le catholicos, e le varie regruppamentos de protestantes. Altere brancas del Christianismo surgeva, le quales o vole distinguer se del primes hic mentionate, o asserte haber un lineage historic separate. Le plus grande inter iste ultimes es le Testes de Jehovah e le Ecclesia de Jesus Christo del Sanctos del Ultime Dies.

Secundo un estimation de 1993, le Christianismo esseva le religion le plus numerose, con 2,1 millardos de adherentes (1 miliardo de catholicos, 500 milliones de protestantes, 240 miliones de orthodoxes e 275 milliones de alteres), ante al Islam a 1,1 miliardos, e Hinduismo a 1,05 miliardos.

Le Christianismo emergeva del Judaismo del prime seculo del Era Commun. Le christianos prendeva de Judaismo su scripturas, le doctrinas fundamental como le monotheismo, le fide in un messia (o Christo, formas de culto, includite le sacerdotio, conceptos de locos sacrate e tempores sacrate, le idea que le adoration hic sur le terra es modellate secundo le adoration de Deo que eveni in le Celo, e le utilisation del Psalmos in le oration comunitari. Le libro del Actos del Apostolos dice que le primes a esser appellate christianos esseva le non-credentes del citate de Antiochia, in le qual illes se habeva refugiate post le prime persecutiones in Palestina, probabilemente poc annos post le morte e le ascension de Jesus.

Le localismo es le inseniamento secundo le qual il ha solmente un authentic Ecclesia christian in omne localitate (p. ex. citate).

Le christianismo credal concerne le fide christian assi como es exprimite in credos, confessiones e catechismos derivate del Scriptura. Isto contrasta con: pietismo, quietismo, religion experiential, e theologia relational

Articulo principal: Historia del christianismo

Le historia del christianismo es difficile de separar del de Europa Occidental (y de altere culturas e religiones). In resume, on pote notar:

• le expansion initial del christianismo tra le Mediterranee,
• su legalisation sub Constantino I le Grande (seculo IV)
• le stablimento como religion official del Imperio Roman sub Justiniano I (seculo VI);
• le developpamento de antique comunitates minoritari in Persia, India e China;
• le conversion de varie regnos europee;
• le Grande Schisma ubi se separava le christianismo orthodoxe de oriente del catholicismo roman (datate conventionalemente in 1054);
• le perdita del nord de Africa e le Oriente MEdie contra le Islam;
• le Reformation Protestante con le publication per Luther de su 95 theses in 1517;
• expansion del christanismo in America, Oceania, Philippinas e Corea del Sud;
• le division del protestantismo in multe denominationes destaccante le crescentia del pentecostalisme e le evangelisme;
• e le debates moderne del scientia, criticismo biblic e le feminisme.

Para ver las contribuciones del cristianismo a la humanidad y a la cultura mundial, véase en filosofía cristiana, arte cristiano, literatura cristiana, música cristiana, arquitectura cristiana.

• vista del judaismo de Jesus
• vista islamic de Jesus
• historia del christianismo
• theologia christian
• denominationes christian
  • brancas occidental del Christianitate
  • brancas oriental del Christianitate
• antique gruppos christian hodie extincte, etiam appellate heresias

• Dictionario de Theologia christian
• Ecclesia Pentecostal