Kristianidad: Pammati ti maymaysa a dios ken Abraham a relihion a naibatay kadagiti sursuro ni Hesus

Ti Kristianidad (manipud iti Taga-ugma a Griego: Χριστιανός, romanisado: Christianos) ket maysa a namatmati ti maysa a dios ken Abraham a relihion a naibatay iti biag panursuro ni Hesus a kas ti nairepresenta dagiti kanonikal nga ebanghelio ken dagiti dadduma pay a sinursuratan ti Baro a Tulag.

Ti panursurot ti pammati a Kristiano ket ammo a kas dagiti Kristiano.

Dagiti Kristiano ket sapasap a namatmati kenni Hesus ket isu ti Dios Anak, ti Dios a nagbalin a tao ken ti mangisalakan ti nagtagitaoan. Gapu iti daytoy, dagiti Kristiano ket sapasapa a mangikungkuna kenni Hesus a ka ni Kristo wenno Mesias. Ti ministro ni Hesus, sakripisio a pannakatay, ken ti simmaruno a panagungar, ket kadawyan a maikunkuna a kas ti Ebanghelio a mensahe ("naimbag a damag"). Iti ababa, ti Enbanghelio ket damag iti Dios ti agnanayon a panagabak ti Ama kadagiti dakes , ken ti kari iti Pannakisalakan ken agnanayon a biag par iti amin a tattao, baben ti nailangitan a grasia.

Iti sanaglubongan dagiti tallo a kadakkelan a grupo iti Kristianidad ket ti Romano Katoliko a Simbaan, ti simbaan ti Dumaya nga Ortodokso, ken dagiti nadumaduma a denominasion iti Protestantismo. Ti Katoliko Romano ken Akindaya nga Ortodokso a patriarkado ket nagsisinada iti Daya–Laud a panagsisina iti 1054 AD, ken ti Protestantismo ket rimsua manipud iti Panagreporma a Protestante iti maika-16 a siglo, a nakisina manipud iti Simbaan a Romano Katoliko.

Ti Kristianidad ket nangrugi a kas maysa a Hudio a sekta idi tengnga ti umuna a siglo. Daytoy ket nagtaud manipud idiay Lebante a rehion ti Tengnga a Daya (moderno nga Israel ken Palestina), daytoy ket napardasan a naiwaras idiay Siria, Mesopotamia, Asia Minor ken Ehipto. Daytoy ket dimmakkel ti kinaadu ken impluensia kadagiti napalabas a siglo, ken idi gibus ti maika-4 a siglo isu daytoyen ti nagbalin nga opisial nga estado a simbaan ti Romano nga Imperio, a nangsuksukat kadagiti sabali a porma iti relhion a sinansanay babaen ti Romano a turay. Idi las-ud ti Tengnga a Panpanawen, kaaduan idi kadagiti nabatbati iti Europa ket Nakristiano, a dagiti Kristiano ket sagpaminsanda pay a dakkel a relihioso a minoridad idiay Tengnga a Daya, Amianan nga prika, Etiopia ken dagiti paset ti India. Kalpasan ti Panawen ti Panagduktal, babaen ti misionario nga obra ken kolonisasion, ti Kristianidad ket naiwaras iti Kaamerikaan, Australasia, sub-Sahara nga Aprika, ken ti amin a sangalubongan.

Dagiti Kristiano ket namatmatida a ni Hesus ket isu ti Mesias a naipadto iti Hebreo a Biblia. Ti pundasio ti Kristiano a teolohia ket naiyebkas kadagiti nasapa nga ekumeniko a kredo ti Kristiano a naglaon kadagiti panagtunton a kaaduan anaaw-awat babaen dagiti simmursurot iti Kristiano a pammati. Dagitoy a propesion ket nangibagbaga a ni Hesus ket nagsagsagaba, pimmusay, ken naitabon idi, ken naungar manipud iti ipupusay tapno mangited ti agnanayon a biag kadagiti namatmati kanianan ken nagtaltalek kaniana para iti pammakawan kadagiti bukodda a basol (pannakaisalakan). Intaltalinaayda pay a ni Hesus ket nainbagian a ngimmato iti langit nga idiay ketkaduan nga agturturay ni Dios ti Ama. Kaaduan kadagiti denominasion ket nagisursuro a ni Hesus ket agsublinto tapno ukomanna amin a nagtagitaon, ti sibibiag ken natay, ken mangited ti agnanayon a biag kadagiti sumursurot kaniana. Isu ket naipanpanunotan a ti modelo iti maysa a nasingpet a biag, ken ti mangirakurak ken pisikal a inkarnasion iti Dios.

Manipud iti nasapsapa ngem maika-21 a siglo, ti Kristianidad ket adda dagiti agarup a 2.6 bilion a namatmati. Ti Kristianidad ket mangirepresenta ti agarup a maysa apagkatlo ti populasion ti lubong ken isu ti kadakkelan a relihion iti lubong. Ti Kristianidad ket isu ti estado a relihion dagiti nadumaduma a pagilian Kadagiti amin a Kristiano, 37.5% ket agnanaed idiay Kaamerikaan, 25.7% ti agnanaed idiay Europa, 22.5%ti agnanaed idiay Aprika, 13.1% ti agnanaed idiay Asia, 1.2% ti agnanaed idiay Oceania ken 0.9% ti agnanaed idiay Tengnga a Daya. Ti Kristianidad ket adda idi ti nangruna apapel iti panagsukog iti sub-Sahara ng a Aprika ken Lumaud a sibilisasion.

Iti sangalubongan, dagiti tallo a kadakkelan a grupo ti Kristianidad ket ti Romano Katoliko a Simbaan, ti Simbaan ti Daya nga Ortodokso, ken dagiti nadumaduma a denominasion iti Protestantismo. Ti Romano Katoliko ken ti Daya nga Ortodokso a patriarkado ket nagsinada manipud idi panagsina ti maika-11 a siglo, ken ti Protestantismo ket rimsua idi las-ud ti Repormasion iti maika-16 a siglo, a nakisinnina manipud iti Simbaan ti Romano Katoliko. Manipud idi nasapa maika-21 a siglo, ti Kristianidad ket isun ti kadakkelan a relihion iti lubong, nga adda dagiti agarup a 2.2 bilion a sumursurot.

Dagiti pammati

Kristianidad: Dagiti pammati, Demograpiko, Dagiti nagibasaran 
Ti Sermon idiay Bantay babaen ni Carl Heinrich Bloch, Danes a pintor, d. 1890.

Urayno adda dagiti nangruna a paggigiddiatan iti panangipatarus ken kapanunotan iti Biblia no ania ti nakaibatayan ti Kristianidad, dagiti Kristiano ket nakibinningayda kadagiti agasmang ti pammati a tinengtengelda a kas kammasapulan iti pammatida.

Demograpiko

Kristianidad: Dagiti pammati, Demograpiko, Dagiti nagibasaran 
To maika-7 a siglo a monasterio ti Khor Virap idiay anniniwan ti Bantay Ararat. Ti Armenia ket isu idi ti immuna nga estado a nangampon ti Kristianidad a kas ti relihion ti estado idi AD 301.
Kristianidad: Dagiti pammati, Demograpiko, Dagiti nagibasaran 
Dagiti pagilian nga adda kadagiti 50% ken ad-adu a Kristiano ket namarisan ti morado bayat a dagiti pagilian nga adda kadagiti 10% aginggana ti 50% a Kristiano ket namarisan ti derosas.
Kristianidad: Dagiti pammati, Demograpiko, Dagiti nagibasaran 
Dagitipagilian a ti Kristianidad ket isu ti estado a relihionda:
  Ortodokso a Kristianidad
  Protestantismo ken Anglikanismo

Nga adda iti agarup a 2.2 bilion a sumursurot a naisinsina kadagiti tallo a sanga ti Katoliko, Protestante ken Ortodokso, ti Kristianidad ket isu ti kadakkelan a relihion iti lubong. Ti Kristiano a bingay iti populasion ti lubong ket adda iti agarup a 33% para kadagiti kinaudi a sangkagasut a tawtawen, a mangibagbaga a maysa kada tallo a tao iti Daga ket Kristiano. Daytoy ket lappedanna ti kangrunaan a pannakaiyalis kadagiti demograpiko iti Kristianidad; dagiti dakkel a pannkaadu kadagiti agrangrang-ay a lubong (agarup a 23,000 tunggal maysa nga aldaw) ket kinuyogen babaen ti adu a pannakaapday iti narang-ay a lubong, a kangrunaan idiay Europa ken Amianan nga Amerika (agarup a 7,600 tunggal maysa nga aldaw). Daytoy ket isu pay laeng ti predominante a relihion idiay Europa, ti Kaamerikaan ken Akin-abagatan nga Aprika. Idiay Asia, daytoy ti katurayan a relihion idiay Georgia, Armenia, Daya a Timor ken ti Filipinas.Nupay kasta, daytoy ket naapapdayen kadagiti adu a lugar a mairaman ti Akin-amianan ken Lumaud nga Estados Unidos, Ti Oceania (Australia ken Baro a Selanda), akin-amianan nga Europa (a mairaman ti Gran Britania, Ti Eskandinabia ken dadduma pay a luglugar), Pransia, Alemania, dagiti probinsia ti Kanada iti Ontario, Britaniko a Columbia, ken Quebec, ken dagiti paset ti Asia (a naipangpangruna idiay Tengnga a Daya, Ti Abagatan a Korea, Ti Taiwan, Ti Pilipnas ken Macau). Ti populasion ti Kristiano ket saan a bumasbassit idiay Brasil, ti Akin-abagatan nga Estados Unidos ken ti probinsia ti Alberta, Kanada, ngem ti porsiento ket bumasbassit. Kadagiti pagilian a kas ti Australia ken Baro a Selanda, ti populasion ti Kristiano ket naapapday kadagiti bilang ken porsiento. Urayno dagiti naapapday a bilang, ti Kristianidad ket agtultuloy nga isu ti naturay a relihion iti Lumaud a Lubong, nga adda dagiti 70% ket Kristiano, idiay Europa 76.2% ti populasion ket nangikedkeddeng kaniada a kas Kristiano, ken 86.0% iti Kaamerikaan ken 73.36% idiay Oceania ket agsansanay pay iti Kristianidad.

Nupay kasta, adu dagiti karismatiko a tignay a nagbalinen a nasayaat a nabangon kadagiti paset iti lubong, a naipangpangruna idiay Arika, Latin nga Amerika ken Asia. Ti mangiyun-una a Saudi Arabiano a daulo ti Muslim a ni Sheikh Ahmad al Qatanni ket nagreporta idiay Aljazeera nga iti tunggal maysa nga aldaw 16,000 kadagiti Aprikano a Muslim ket mapmapan iti Kritianidad . Isu ket nagtunton a ti Islam ket makapukpukaw idi ti 6 a riwriw kadagiti Aprikano a Muslim iti tungngal maysa a tawen tapno agbalinda a Kristiano, a mairaman dagiti Muslim idiay Alheria, Pransia, Iran, India, Morocco, Rusia, and Turkey, ken Tengnga nga Asia. Nairepota pay a ti Kristianidad ket nadayeg kadagiti tao iti nadumaduma a taudan idiay India (a nangruna kadagiti Hindu), ken Malaysia, Mongolia, Nigeria, Bietnam, Singapur, Indonesia, China, Hapon, ken Abagatan a Korea.

Dagiti nagibasaran

    Adu pay a mabasbasa

Dagti akinruar a silpo

Tags:

Kristianidad Dagiti pammatiKristianidad DemograpikoKristianidad Dagiti nagibasaranKristianidad Dagti akinruar a silpoKristianidadHesusMonoteismoPagsasao a Taga-ugma a GriegoRelihion

🔥 Trending searches on Wiki Ilokano:

Septiembre 13Georgia (pagilian)Leo TolstoySiudad ti DurangoBaka1942Baskin-RobbinsPanagpudot ti lubong1903BalitokDagiti lehislatibo a distrito iti MisamisPeruSan Fernando, Camarines SurLituaniaInternational Standard Book NumberLehislatibo a distrito iti AgusanDagiti lehislatibo a distrito iti Ambos CamarinesLehislatibo a distrito iti Abagatan a LeyteOpisial a pagsasao2022ProtinaKarayan AgnoSidarta Gautama BuddhaBulanDemokrasiaKanadaPinlandiaImperialismoGunglo ti Pagpagilian ti Abagatan a daya nga AsiaSakitAgosto 13Pagsasao nga IrlandesAriwanasBoliviaPebrero 13KabalioPagsasao nga ArabikoBobby GutierrezPatayDagiti lehislatibo a distrito iti CagayanISO 3166SanskritoGobierno1949AstronomiaRenasimiento2006Dagiti lehislatibo a distrito iti Davao del NorteArteMaika-8 a Kongreso ti FilipinasMaika-9 a Kongreso ti FilipinasDagiti lehislatibo a distrito iti Zamboanga SibugayGubat ti Filipino–AmerikanoPagsasao a XârâgurèBandusDisiembre 25Oktubre 17TawenDagiti lehislatibo a distrito iti PangasinanSeptiembre 14Ciudad ti LaoagLehislatibo a distrito iti Siudad ti NavotasUkiListaan dagiti kodigo ti ISO 639-1Felipe II ti EspaniaDanubioDagiti lehislatibo a distrito iti Abagatan a CotabatoMarso 14BListaan dagiti pagilian ken territorio babaen ti dagup a kadakkelEnsiklopediaAgoo🡆 More