«Հեմինգուեյ և Գելլհորն» (անգլ.՝ Hemingway & Gellhorn), 2012 թվականի ամերիկյան հեռուստատեսային ֆիլմ՝ նկարահանված HBO ընկերության կողմից։ Կինոնկարը պատմում է Մարթա Գելլհորնի ու նրա ամուսնու՝ հայտնի գրող Էռնեստ Հեմինգուեյի հարաբերությունների մասին։ Ֆիլմի ռեժիսորը Ֆիլիպ Կաուֆմանն է։
Հեմինգուեյ և Գելլհորն անգլ.՝ Hemingway & Gellhorn | |
---|---|
Երկիր | ԱՄՆ |
Ժանր | դրամա և կենսագրական ֆիլմ |
Թեմա | Իսպանիայի քաղաքացիական պատերազմ |
Թվական | դեկտեմբերի 21, 2012 և 2012 |
Լեզու | անգլերեն |
Ռեժիսոր | Ֆիլիպ Քաուֆման |
Պրոդյուսեր | Բարբարա Թերներ |
Սցենարի հեղինակ | Ջերրի Շտալ և Բարբարա Թերներ |
Դերակատարներ | Նիկոլ Քիդման, Քլայվ Օուեն, Դևիդ Սթրեթհեյրն, Մոլի Փարքեր, Փարքեր Փոուզի, Ռոդրիգո Սանտորո, Մարկ Պելեգրինո, Փիթեր Քոյոթ, Լարս Ուլրիխ, Թոնի Շալուբ, Ռոբերտ Դյուվալ, Ջեֆրի Ջոնս, Սանտիագո Կաբրերա, Դայան Բեյքեր, Սթիվեն Ուիգ, Կիոն Յանգ, Ջոան Չեն, Սավերիո Գուերա, Ռեմի Օբերժոնուա, Էնթոնի Վոն, Մայքլ Փրիթչարդ, Քոնի Նելսեն, Էրիկ Շնայդեր, Բրուկ Ադամս, Ուիլյամ Հոլ և Իվոնե Կոլ |
Օպերատոր | Ռոժե Ստոֆերս |
Երաժշտություն | Խավիեր Նավարետե |
Մոնտաժ | Վալտեր Մերչ |
Պատմվածքի վայր | Կուբա |
Նկարահանման վայր | Սան Ֆրանցիսկո |
Կինոընկերություն | HBO |
Տևողություն | 154 րոպե |
Պաշտոնական կայքէջ |
Ֆիլմը նվիրված է ամերիկյան ամենահայտնի զույգերից մեկի հարաբերություններին։ Գործողություններն սկսվում են 1936 թվականին Ֆլորիդայի բարերից մեկում, որտեղ Հեմինգուեյն ու Գելլհորնը հանդիպել են առաջին անգամ։ Այդ ժամանակ Հեմինգուեյնն արդեն հայտնի գրող էր, իսկ Գելլհորնը՝ 20-րդ դարի լավագույն ռազմական թղթակիցներից մեկը։ Հինգ տարի տևած նրանց ամուսնությունն սկսվել է դեպի Իսպանիա կատարված ուղևորությունից, որտեղ մոլեգնում էր 1936-1939 թվականների քաղաքացիական պատերազմը։ Գելլհորնը դարձել է Հեմինգուեյի առաջին կինը, որ դիմել է ամուսնալուծության համար, ինչպես նաև այն կինը, որին գրողը նվիրել է իր ամենահայտնի վեպերից մեկը՝ «Ում մահն է գուժում զանգը»։
Ֆիլմի նկարահանումներն սկսվել են 2011 թվականի մարտին Սան Ֆրանցիսկոյում, իսկ թողարկումը նախատեսվել է 2012 թվականի մայիսին։
Համաշխարհային պրեմիերան կայացել է Կաննի 65-րդ միջազգային կինոփառատոնի ոչ մրցութային ծրագրում 2012 թվականի մայիսի 25-ին։ Երկուշաբթի օրը՝ 2012 թվականի մայիսի 28-ին, Միացյալ Նահանգներում տեղի է ունեցել ֆիլմի առաջին ցուցադրությունը HBO կաբելային հեռուստաալիքով։
This article uses material from the Wikipedia Հայերեն article Հեմինգուեյ և Գելլհորն, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.