Քլայվ Օուեն: բրիտանացի դերասան

Քլայվ Օուեն
Ծնվել է	հոկտեմբերի 3, 1964[…] (59 տարեկան)
Ծննդավայր	Կովենտրի, Ուեսթ Միդլանդս, Անգլիա, Միացյալ Թագավորություն
Կրթություն	Դրամատիկական արվեստի թագավորական ակադեմիա (1986)
Քաղաքացիություն	Միացյալ Թագավորություն
Մասնագիտություն	կինոդերասան, սցենարիստ, թատրոնի դերասան և հեռուստատեսային դերասան

Կենսագրություն

Ծնվել է 1964 թվականի հոկտեմբերի 3-ին Անգլիայի Քովենթրի քաղաքի Քիրսլի արվարձանում։ Հայրը՝ Ջեսս Օուենը, որ քանթրի երգեր կատարող երգիչ էր, լքել է կնոջն ու հինգ զավակներին, երբ Քլայվը երեք տարեկան է եղել։ Երեխաներին մեծացրել են մայրն ու խորթ հայրը, որ տեղի երկաթուղային կայարանում տոմսավաճառ էր։ Քլայվն ու իր չորս եղբայրները ծանր մանկություն են ունեցել (նա իր մանկությունը բնորոշել է rough մակդիրով). ընտանիքը մի կերպ է ծայրը ծայրին հասցրել՝ հաճախ մնալով նպաստի հույսին։ 13 տարեկանից Քլայվը խաղացել է երիտասարդական թատրոնում, ուսում է առել դրամայի դպրոցում, այնուհետև՝ դրամատիկ արվեստի թագավորական ակադեմիայում, որն ավարտելուց հետո աշխատանքի է անցել Յանգ Վիք (Young Vic) թատրոնում, որտեղ դերակատարումներով հանդես է եկել շեքսպիրյան մի շարք թատերախաղերում։ Լոնդոնի «Յանգ Վիք» թատրոնում Ուիլյամ Շեքսպիրի «Ռոմեո և Ջուլիետ» ողբերգության բեմականացման աշխատանքների ընթացքում ծանոթացել ու մտերմացել է իր ապագա կնոջ՝ Սառա Ջեյն Ֆենտոնի հետ։ Ամուսնացել են 1995 թվականի մարտի 6-ին, ունեն երկու դուստր, ապրում են Էսեքսում։

Օուենը հեռուստաէկրաններին առաջին անգամ հայտնվել է BBC-ի «Ռոքլիֆի մանկիկները» (Rockliffe's Babies, 1987) սերիալի դրվագներից մեկում։ Դրանից մոտավորապես մեկ տարի անց տեղի է ունեցել նրա առաջնելույթը կինոյում՝ «Շարժիչի հռնդյունը» («Vroom», 1988) ֆանտաստիկ մելոդրամայում, որտեղ նրա խաղընկերը Դևիդ Թյուլիսն էր։

Մեծ Բրիտանիայում Քլայվին ճանաչում բերած առաջին գործը եղել է 1990-1991 թվականներին ITV հեռուստաընկերության Chancer հեռուստասերիալի գլխավոր հերոսի մարմնավորումը։ Իսկ միջազգային ճանաչման ասպարեզում Օուենի առաջին հաջողությունը քննադատները համարել են Croupier (1998) ֆիլմում մարտնչող գրողի դերի կատարումը։ 2004 թվականին նկարահանված Closer դրամա-ֆիլմում տպավորիչ դերակատարումով հանդես գալու համար նա հաջորդ տարում արժանացել է «Ոսկե գլոբուս» և BAFTA մրցանակների, ինչպես նաև առաջադրվել ամերիկյան կինոակադեմիայի Օսկար մրցանակի։ 2012 թվականին «Գլխավոր դերի արտակարգ կատարում» (Outstanding Lead Actor) անվանակարգում «Էմմի» (Primetime Emmy Award) մրցանակ է ստացել «Հեմինգուեյ և Գելհորն» (Hemingway & Gellhorn) ֆիլմում Հեմինգուեյին մարմնավորելու համար։ «Լավագույն դերասան» անվանակարգում առաջադրվել է ևս մեկ հեղինակավոր պարգևի՝ «Ոսկե գլոբուս» մրցանակի՝ The Knick հեռուստասերիալում դոկտոր Ջոն Թեքերիին մարմնավորելու համար։ 2017 թվականին Կարա Դելևինի, Դեյն ԴեՀաանի, Ռիաննայի ընկերակցությմբ խաղացել է «Վալերիանն ու հազարավոր մոլորակների քաղաքը» ֆիլմում, որը նկարահանվել է Պիեռ Քրիստինի և Ժան-Կլոդ Մեզիերի բեսթսելլեր կոմիքսների հիման վրա։ 2021 թվականին էլ American Crime Story սերիալի երրորդ եթերաշրջանում հանդես է եկել ԱՄՆ-ի նախկին նախագահներից Բիլ Քլինթոնի դերի կատարումով։

Օուենը գլխավոր դերերի կատարմամբ հանդես է եկել նաև «Մեղքերի քաղաքը» (Sin City, 2005), Derailed (2005), «Ներսի մարդը» (Inside Man, 2006), «Տղամարդկանց երեխաները» (Children of Men, 2006), «Ինտերնացիոնալը» (The International 2009) և այլ կինոնկարներում ու սերիալներում։

Ճանաչված դերասանը կամավոր ստանձնել է Էսեքսի Հարվիչ քաղաքի Electric Palace Cinema-ի պատմական շենքի վերականգնման հովանավորությունը։

Նա աջակցում է նաև «Լիվերպուլ» ֆուտբոլային թիմին, մասնակցել է Being: Liverpool վավերագրական ֆիլմաշարի հնչյունավորմանը։

Ընտրյալ ֆիլմագրություն

Կինո

Տարին	Ֆիլմը	Դերը	Նշումներ
1988	Vroom/Շարժիչի հռնդյունը	Ջեք
1989	Precious Bane/Թանկարժեք Բեյնը	Գիդեոն Սարն	Հեռուստաֆիլմ
1990	Chancer	Սթիվեն Քրեյն/Դերեկ Լավ	Հեռուստասերիալ
1990	Lorna Doone	Ջոն Ռիդ	Հեռուստաֆիլմ
1991	Close My Eyes/Փակիր աչքերս	Ռիչարդ
1993	Class of '61	Դևին O'Նիլ	Հեռուստաֆիլմ
	Century/Դար	Փոլ Ռիսներ
	The Magician/Հրաշագործը	Ջորջ Բիրն	Հեռուստաֆիլմ
1994	The Return of the Native	Դեյմոն Վայլդիվ	Հեռուստաֆիլմ
	Doomsday Gun/Ահեղ դատաստանի զենքը	Դով	Հեռուստաֆիլմ
	An Evening with Gary Lineker/Երեկոն Գարի Լինկերի հետ	Բիլլ	Հեռուստաֆիլմ
	Nobody's Children	Բրաթու	Հեռուստաֆիլմ
	The Turnaround/Շրջադարձ	Նիկ Շերման
1995	Bad Boy Blues	Փոլ	Հեռուստաֆիլմ
1996	Privateer 2: The Darkening	Լև Արիս	Վիդեոխաղ
	The Rich Man's Wife/Հարուստի կինը	Ջեյք Գոլդեն
	Sharman	Նիկ Շերման	Հեռուստասերիալ
1997	Croupier	Ջեք Մանֆրեդ
1997	Bent/Հակում	Մաքս
1998	The Echo/Արձագանքը	Մայքլ Դիքոն	Հեռուստաֆիլմ
1999	Split Second/Ակնթարթ	Մայքլ Անդերսեն	Հեռուստաֆիլմ
1999	Second Sight	Ռոս Թաններ	Հեռուստասերիալ
2000	Greenfingers/Կանաչ մատներ	Քոլին Բրիգս
	Second Sight: Kingdom of the Blind/Մարգարեություն. կույրերի թագավորությունը	Ռոս Թեններ	Հեռուստասերիալ
	Second Sight: Parasomnia	Ռոս Թաններ	Հեռուստասերիալ
	Second Sight: Hide and Seek	Ռոս Թաններ	Հեռուստասերիալ
2001	The Hire	Վարորդ
	Gosford Park	Ռոբերտ Փարքս
	Walk On By	Fortæller	Հեռուստավավերագրություն
2002	The Bourne Identity	Պրոֆեսոր
2003	Beyond Borders	Նիկ Քալահեն
2003	I'll Sleep When I'm Dead	Ուիլ
2004	Closer	Լարրի	Առաջադրվել է «Օսկար» մրցանակի
2004	King Arthur/Արթուր արքա	Արթուր արքա
2005	Derailed/Դավաճանության գինը	Չարլզ Շայն
2005	Sin City/Մեղքերի քաղաքը	Դուայթ ՄաքՔարթի
2006	Children of Men	Թեոդոր Ֆարոն
	Inside Man	Դալտոն Ռասել
	The Pink Panther/Վարդագույն հովազը	Նայջել Բոսուել/Գործակալ 006	Ukrediteret
2007	Elizabeth: The Golden Age/Էլիզաբեթ. ոսկեդարը	Սըր Ուոլթեր Ռեյլի
2007	Shoot 'em Up/Կրակի՛ր դրանց	Միսթր Սմիթ
2009	The Boys Are Back/Տղերքը վերադառնում են
2009	The International
2013	Blood Ties/Արյունակցական կապեր
2019	Gemini Man

Հեռուստատեսություն

Տարին	Վերնագիրը	Դերը	Նշումներ
1987	Rockliffe's Babies/Ռոքլիֆի մանկիկները	PC Փերսյու	Հեռուստատեսային առաջնելույթ "Up the Down Escalator" դրվագում
1988	Boon/Բարիք	Ջոֆ	«Խաղաղարարը» դրվագում
1989	Precious Bane/Թանկարժեք Բեյնը	Գիդեոն Սառն	Հեռուստաֆիլմ
1990	Lorna Doone/Լոռնա Դուն	Ջոն Ռիդ	Հեռուստաֆիլմ
1990–1991	Chancer	Դերեկ Լավ/Սթիվեն Քրեյն	20 դրվագներում
1993	Class of '61	Դևին O'Նիլ	Հեռուստաֆիլմ
1993	The Magician/Հրաշագործը	Ջորջ Բիրն	Հեռուստաֆիլմ
1994	Nobody's Children/Ոչ մեկի երեխաները	Կոռնելիու Բրաթու	Հեռուստաֆիլմ
	An Evening with Gary Lineker/Մի երեկո Գերի Լինեկերի հետ	Բիլլ	Հեռուստաֆիլմ
	Doomsday Gun/Ահեղ դատաստանի օրվա զենքը	Դով	Հեռուստաֆիլմ
	The Return of the Native/Հարազատի վերադարձը	Դեյմոն Ուայլդիվ	Հեռուստաֆիլմ
1995–1996	Screen Two/Երկրորդ էկրան	Փոլ/Դիգորի Վեն	2 դրվագում
1996	Sharman	Նիկ Շերման	4 դրվագներում
1998	The Echo/Արձագանքը	Սարկավագ	Հեռուստատեսային մինիսերիալ. 2 դրվագում
1999	Split Second/Ակնթարթ	Մայքլ Անդերսոն	Հեռուստաֆիլմ
1999	Second Sight/Երկրորդ տեսողություն	DCI Ռոս Թաններ	Հեռուստաֆիլմ
2000	Երկրորդ տեսողություն. Parasomnia		Հեռուստաֆիլմ
	Երկրորդ տեսողություն. Կույրերի թագավորությունը		Հեռուստաֆիլմ
	Երկրորդ տեսողություն. Տապկնոցի		Հեռուստաֆիլմ
2007	Extras	Ինքն իրեն է մարմնավորել։	"The Extra Special Series Finale" դրվագում
2007	Hypnose homee	Ինքն իրեն է մարմնավորել։	Հեռուստաֆիլմ (կարճամետրաժ)
2012	Hemingway & Gellhorn	Էռնեստ Հեմինգուեյ	Հեռուստաֆիլմ
2012	Being: Liverpool	Պատմող	"Silver Shovel" դրվագում
2014–2015	The Knick	Դոկտոր Ջոն Թեքերի	20 դրվագներում
2020	Curb Your Enthusiasm/Սանձիր խանդավառությունդ	Ինքն իրեն է մարմնավորել։	«Անբավարար գովասանք» դրվագում
2021	Lisey's Story/Լիզիի պատմությունը	Սքոթ Լենդոն	8 դրվագներում
2021	Impeachment: American Crime Story/Հրաժարականի պահանջ. Ամերիկյան ոճրի պատմություն	Բիլ Քլինթոն	10 դրվագներում

Մրցանակներ և առաջադրումներ

Օսկար

Տարին	Անվանակարգը	Ֆիլմի վերնագիրը	Արդյունքը
2004	Տղամարդու երկրորդ պլանի դերի լավագույն կատարում	Closer	Առաջադրում

Ոսկե գլոբուս

Տարին	Անվանակարգը	Ֆիլմի վերնագիրը	Արդյունքը
2015	Հեռուստադրամայի լավագույն դերասան	The Knick	Առաջադրում
2013	Մինի հեռուստասերիալի լավագույն դերասան	Hemingway & Gellhorn	Առաջադրում
2004	Տղամարդու երկրորդ պլանի դերի լավագույն կատարում	Closer	Հաղթանակ

BAFTA

Տարին	Անվանակարգը	Ֆիլմի վերնագիրը	Արդյունքը
2004	Տղամարդու երկրորդ պլանի դերի լավագույն կատարում	Closer	Հաղթանակ

ԱՄՆ-ի կինոդերասանների գիլդիայի մրցանակ

Տարին	Անվանակարգը	Ֆիլմի վերնագիրը	Արդյունքը
2001	Տղամարդու երկրորդ պլանի դերի լավագույն կատարում	Gosford Park	Հաղթանակ

Satellite (Արբանյակ) մրցանակ

Տարին	Անվանակարգը	Ֆիլմի վերնագիրը	Արդյունքը
2014	Հեռուստադրամայի լավագույն դերասան	The Knick	Հաղթանակ
2012	Հեռուստաֆիլմի կամ մինի սերիալի լավագույն դերասան	Hemingway & Gellhorn	Առաջադրում
2007	Կինոկատակերգության կամ մյուզիքլի լավագույն դերասան	Shoot 'Em Up	Առաջադրում
2004	Տղամարդու երկրորդ պլանի դերի լավագույն կատարում	Closer	Առաջադրում

Ծանոթագրություններ

Արտաքին հղումներ

Правила жизни Клайва Оуэна в журнале Esquire Արխիվացված 2018-08-31 Wayback Machine
Clive-Owen.org Արխիվացված 2006-12-15 Wayback Machine(անգլ.)
Биографии актёра на Tiscali.co.uk и TCMDB.com(անգլ.)
Интервью на BBC.co.uk Արխիվացված 2007-02-02 Wayback Machine(անգլ.)
Интервью на Indielondon.co.uk Արխիվացված 2008-05-27 Wayback Machine(անգլ.)
Статья об актёре на Film.guardian.co.uk Արխիվացված 2006-10-19 Wayback Machine(անգլ.)

Վիքիպահեստն ունի նյութեր, որոնք վերաբերում են «Քլայվ Օուեն» հոդվածին։

This article uses material from the Wikipedia Հայերեն article Քլայվ Օուեն, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.