Գևորգ Քոչար: հայ ճարտարապետ
Գևորգ Բարսեղի Քոչար (սեպտեմբերի 5, 1901(1901-09-05), Թիֆլիս, Ռուսական կայսրություն - փետրվարի 16, 1973(1973-02-16), Երևան, Հայկական ԽՍՀ, ԽՍՀՄ), հայ ճարտարապետ, ՀԽՍՀ արվեստի վաստակավոր գործիչ (1961), ՀԽՍՀ վաստակավոր ճարտարապետ (1968)։
| Գևորգ Քոչար | |
|---|---|
 | |
| Ի ծնե | Գևորգ Բարսեղի Քոչար |
| Ծնվել է | 1901, սեպտեմբերի 5(18) |
| Ծննդավայր | Թիֆլիս |
| Մահացել է | 1973, փետրվարի 16 |
| Վախճանի վայր | Երևան |
| Ազգություն | հայ |
| Ճյուղ(եր) | ճարտարապետություն |
| Գործունեություն | ճարտարապետ |
| Պարգևներ |  և  |
| Գևորգ Քոչար Վիքիդարանում | |
 Gevorg Kochar Վիքիպահեստում | |
Կենսագրություն
1918 թվականին ավարտել է Թիֆլիսի Ներսիսյան դպրոցը։
1920-1926 թվականներին սովորել է Վխուտեմասում, 1929 թվականին ավարտել է Վխուտեինը (Մոսկվա) և աշխատել Երևանում։
1932-1937 թվականներին՝ «Գիպրոգոր» նախագծային բյուրոյի ճարտարապետության արվեստանոցի ղեկավար (Միքայել Մազմանյանի հետ), Հայաստանի ճարտարապետների միության կազմկոմիտեի նախագահ, 1937 թվականին՝ վարչության առաջին նախագահը։
Գևորգ Քոչարի անունով է կոչվում Երևանի Կենտրոն վարչական շրջանի փողոցներից մեկը։
Ստեղծագործական գործունեություն
Քոչարի նախագծերով Երևանում կառուցվել են՝
- Կառուցողների ակումբը (1928-1929, այժմ՝ Ռուսական թատրոնի և Օլիմպիական կոմիտեի շենքերը),
- Պետապի տունը (1930),
- Երջրէկի բնակելի («Շախմատաձև») տունը (1930-1932, երեքն էլ՝ Կարո Հալաբյանի, Միքայել Մազմանյանի հետ),
- Քիմիական գործարանի բանվորական բնակելի թաղամասը (1932-1934, համահեղինակ),
- ԵԱԱԻ-ի ուսանողական հանրակացարանը (1932-1933),
- «Մոսկվա» կինոթատրոնը (1935-1937, Տիրան Երկանյանի հետ),
- Կենտրոնական հանրախանութը (1936-1937, համահեղինակ),
- Գյումրիում՝ քաղխորհրդի շենքը (1933-1934),
- Վանաձորում՝ «Երևան» կինոթատրոնը (1935),
- Սևանի ափին՝ Գրողների ստեղծագործական տունը (1935),
- Դիլիջանում՝ հանգստյան տուն (1936),
- Կազմել է Վանաձորի (1929-1930, համահեղինակ), Արզնիի, Վերին Խաթունարխի գլխավոր հատակագծերը։
1939-1960 թվականներին աշխատել է աքսորավայրում՝ Կրասնոյարսկի երկրամասում։ 1955-1959 թվականներին՝ Կրասնոյարսկ քաղաքի գլխավոր ճարտարապետ։ Կազմել է Նորիլսկ (1939-1954) և Դուդինկա (երկուսն էլ՝ Միքայել Մազմանյանի հետ) քաղաքների գլխավոր հատակագծերը, տարբեր բնույթի նախագծերով Նորիլսկում կառուցել բնակելի տներ (1939), օդանավակայան (1946), կապի տուն (1946), Կրասնոյարսկում վերակառուցել Պուշկինի անվան դրամատիկական թատրոնը (1952-1953)։
1960 թվականից՝ Երևաննախագիծ ինստիտուտի գլխավոր ճարտարագետ, 1964-1972 թվականներին՝ գլխավոր ճարտարապետ։ Հեղինակ է Նոր Զեյթունի ուսանողական հանրակացարանների (1961-1964, Շմավոն Ազատյանի հետ), ՀՀ ԳԱՍ ՕՔԻ-ի (1963, Ստեփան Քյուրքչյանի հետ) համալիրների նախագծերի։
Քոչարի կառույցներին բնորոշ են լակոնիզմը, ճարտարապետական պարզ մտածողությունը, ծավալատարածական լուծումների գործառնական հիմնավորվածությունը։
Պատկերասրահ
-
-
-
-
Մոսկվա կինոթատրոնի ճարտարապետներ Տիրան Երկանյանի և Գևորգ Քոչարի անունները փորագրված կինոթատրոնի շենքի վրա
.JPG)
.JPG)
.JPG)
Ծանոթագրություններ
This article uses material from the Wikipedia Հայերեն article Գևորգ Քոչար, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.