Ֆիլմ, 1937 Աստղ Է Ծնվել

Աստղ է ծնվել անգլ.՝ A Star Is Born
Երկիր	ԱՄՆ
Ժանր	դրամա, ռոմանտիկ ֆիլմ և երաժշտական ֆիլմ
Թվական	1937
Լեզու	անգլերեն
Ռեժիսոր	Ուիլյամ Ա. Ուելմեն
Պրոդյուսեր	Դևիդ Օ․ Սելզնիկ
Սցենարի հեղինակ	Դորոթի Փարքեր, Ալան Քեմփբել, Ռոբերտ Կարսոն, Ադելա Ռոջերս Սենթ Ջոնս և Ուիլյամ Ա. Ուելմեն
Դերակատարներ	Ջանեթ Գեյնոր, Ֆրեդրիկ Մարչ, Ադոլֆ Մենժու, Մեյ Ռոբսոն, Էնդի Դիվայն, Լայոնել Սթենդեր, Օուեն Մուր, Էդգար Քենեդի, Ֆրենսիս Ֆորդ, Արթուր Հոյթ, Լենդիս Քերոլ, Մարշալ Նեյլան, Դենիս Օ'Քիֆ, Քլարա Բլանդիք, Քրիսփին Մարտին, Քլարենս Ուիլսոն, Կլոդ Քինգ, Ջորջ Չանդլեր, Guinn "Big Boy" Williams?, Ջ. Ս. Նաջենթ, Ջին Էքեր, Օլին Հոուլենդ, Օսգուդ Փերքինս, Փեգի Վուդ, Փեթ Ֆլահերթի և Ջեդ Փրաութի
Օպերատոր	Ու. Հովարդ Գրին
Երաժշտություն	Մաքս Սթայներ
Մոնտաժ	Ջեյմս Է․ Նյուքոմ
Պատմվածքի վայր	Լոս Անջելես
Կինոընկերություն	Selznick International Pictures
Տևողություն	111 րոպե
A Star Is Born (1937 film) Վիքիպահեստում

Գլխավոր դերերը կատարել են Ջանեթ Գեյնորը և Ֆրեդրիկ Մարչը։

Պատկերը լավագույն օրիգինալ սցենարի համար արժանացել է «Օսկար» մրցանակի։

Ֆիլմն ունեցել է երեք ռեմեյկ՝ 1954 թվականին (ռեժիսոր՝ Ջորջ Կյուկոր, գլխավոր դերերում Ջուդի Գառլենդ և Ջեյմս Մեյսոն), 1976 թվականին (ռեժիսոր՝ Ֆրենկ Պիրսոն, գլխավոր դերերում՝ Բարբրա Ստրեյզանդ և Քրիս Քրիստոֆերսոն) և 2018 թվականին (ռեժիսոր՝ Բրեդլի Քուփեր, գլխավոր դերերում՝ Բրեդլի Քուփեր և Լեդի Գագա)։

Նորման Մեյնը կինոդերասան է, ում փառքի գագաթնակետն արդեն անցյալում է, բայց ում դեռևս հարգում են նրա պրոդյուսերը և ստուդիայի ղեկավարը։ Բոլորը, բացի դերասանից, գիտեն, որ նա կորցնում է նախկին ճանաչումը, իսկ նրա մասնակցությամբ ֆիլմերը բերում են ավելի ու ավելի քիչ եկամուտ։ Հոլիվուդյան երեկույթի ժամանակ նա ինչպես միշտ շատ է խմում և տարվում է մատուցողուհի Էսթեր Բլոդջեթով, որը մանկուց երազում է դառնալ դերասանուհի և առաջարկում է աղջկան աստղ դարձնել։

Դերասանը դժվարությամբ է համոզում ստուդիայի ղեկավարին կինոփորձ կազմակերպել իր սիրելիի համար։ Ստուդիայի ղեկավարը, տեսնելով, որ հերոսուհին տաղանդավոր է, որոշում է նրանից Վիկի Լեսթեր կեղծանունով էկրանի աստղ ստեղծել։ Անցնում են օրեր, Նորմանն ու Վիկին ամուսնանում են և դերասանուհու կարիերան հաջող է դասավորվում, բայց Նորմանին այլևս ոչ ոք աշխատանքի չի ուզում վերցնել։ Այսպես է տեղի ունեցել նոր աստղի ծնունդը, որը վառվել է մարող տաղանդի սիրով։

• Ադոլֆ Մենժու՝ Օլիվեր Նիլս
• Ջանեթ Գեյնոր՝ Էսթեր Բլոջեթ \Վիկի Լեսթեր
• Պեգի Վուդ՝ տիկին Ֆիլիպս
• Ֆրեդրիկ Մարչ՝ Նորման Մեյն
• Մեյ Ռոբսոն՝ Լեթի տատիկ
• Կլարա Բլանդիկ՝ մորաքույր Մեթի
• Լայոնել Սթենդեր՝ Մեթ Լիբի
• Էնդի Դևայն՝ Դանիել"Դենի" ՄաքԳուայր
• Օուեն Մուր՝ Քեյսի Բյորք
• Էլիզաբեթ Ջենս՝ Անիտա Ռեգիս
• Էդգար Քենեդի՝ Փոփ Ռենդալ
• Ջ․ Կ․ Նյուջենտ՝ պարոն Բլոջեթ
• Գուին Ուիլյամս՝ կեցվածքի մարզիչ

Այդ ժամանակվա քննադատների արձագանքը չափազանց դրական էր։

Նյու Յորք Թայմս-ից Ֆրենկ Նյուջենտը ֆիլմն անվանել է «տարվա լավագույն շոուներից մեկը», ինչպես նաև «յուրաքանչյուր չափանիշով լավ զբաղմունք, այդ թվում գեղարվեստական և համոզիչ ապացույցը այն բանի, որ Հոլիվուդը սյուժեների համար կարիք չունի Ռուռիտանիա գնալու, դրամայի մեծ մասը կատարվում է նրա սեփական հետնաբակում»։

Variety պարբերականը գրել է․ «Սա ջախջախում է, որն, անշուշտ, կգնահատվի որպես եթերաշրջանի լավագույններից մեկը։ Չնայած պատմությունը փոքր-ինչ հիշեցնում է կադրից դուրս այլ պատմություններ, բայց մատուցման ձևը ֆիլմը դարձնում է հաջողված և համոզիչ»։ Harrison's Reports-ը դա անվանել է «մարդկային հետաքրքրությունների հզոր դրամա» և «հիանալի զբաղմունք».

Film Daily գրել է, որ այն «հիանալի է պատրաստված բոլոր տեսանկյուններից», իսկ Ջոն Մոշերը The New Yorke-ից տեսարանն անվանել է «բազում հաճելի շեշտերով հաճելի ֆիլմ»։

Rotten Tomatoes կայքում ֆիլմը 20 դիտումների 10-ից 7,7 միջին գնահատականի հիման վրա ունի 100% վարկանիշ։

1939 թվականին ֆիլմը վաստակել է 181 000 դոլլար։

Ֆիլմի սաունդթրեքի ձայնագրությանը մասնակցել է Էդի Դուչինի նվագախումբը և Բադի Քլարկը։ Սաունդթրեքի խոսքերը գրել է Դորոտի Դիքը Մաքս Սթայների երաժշտության հիման վրա։