Բարբրա Ստրեյզանդ
Բարբրա Ստրեյզանդ (անգլ.՝ Barbra Joan Streisand, արտասանվում է , այսինքն՝ Սթրայեսենդ, ապրիլի 24, 1942(1942-04-24), Բրուքլին, Նյու Յորք, Նյու Յորք, ԱՄՆ), ամերիկացի երգչուհի և դերասանուհի, ինչպես նաև մեծ հաջողությունների է հասել որպես պրոդյուսեր, ռեժիսոր և քաղաքական ակտիվիստ։ «Օսկար» մրցանակի կրկնակի դափնեկիր «Լավագույն դերասանուհի» և «Լավագույն օրիգինալ երգ» անվանակարգերում, ինչպես նաև «Էմմի», «Գրեմմի» և «Ոսկե գլոբուս» մրցանակների դափնեկիր է։
| Բարբրա Ստրեյզանդ | |
|---|---|
 Բարբրա Ստրեյզանդը 2013 թվականին | |
| Հիմնական տվյալներ | |
| Բնօրինակ անուն | Barbra Streisand |
| Ի ծնե անուն | անգլ.՝ Barbara Joan Streisand |
| Ծնվել է | ապրիլի 24, 1942[…] (81 տարեկան) Բրուքլին, Նյու Յորք, Նյու Յորք, ԱՄՆ |
| Երկիր |  ԱՄՆ |
| Ժանրեր | ավանդական փոփ երաժշտություն, ջազ և դիսկո |
| Մասնագիտություն | երգչուհի, կինոռեժիսոր, դերասանուհի, կինոպրոդյուսեր |
| Երգչաձայն | մեցցո-սոպրանո |
| Գործիքներ | վոկալ |
| Գործունեություն | 1960 - ներկա |
| Լեյբլ | Columbia Records, Դեկա Ռեկորդս և London Records |
| Կրթություն | Էրասմուս Հոլլի բարձրագույն դպրոց, Լի Ստրասբերգի թատրոնի և կինոյի ինստիտուտ, Վաղ կրթության կենտրոն և HB Studio |
| Ամուսին | Ջեյմս Բրոլին |
| Պարգևներ |     Գրեմմի Լեգենդի մրցանակ Տարվա երաժշտական անձնավորություն Ցերեկվա Էմմի մրցանակ  Կոնգրեսի գրադարանի կենդանի լեգենդ Կալիֆորնիայի փառքի սրահ  AFI կյանքի նվաճումներ մրցանակ Քրիստալ մրցանակ Բրանդիսի համալսարանի պատվավոր դոկտոր ևՀոլիվուդյան փառքի ծառուղու աստղ |
| Կայք | Պաշտոնական կայք |
| Ստորագրություն | |
 | |
 Barbra Streisand Վիքիպահեստում | |
Սթրեյզանդը համարվում է ժամանակակից շոու-բիզնեսի ամենահաջողակ կանանցից մեկը։ Նա եզակի կատարողներից է, ով իր Billboard 200 ալբոմով գլխավորում էր 1960-ական, 1972-ական, 1980-ական, 1990-ական, 2000-ական և 2010-ական թվականներին։ Ամբողջ աշխարհում վաճառվել է երգչուհու ավելի քան 145 միլիոն ձայներիզ։
Կենսագրություն
Երիտասարդ տարիներ
Բարբրա Ջոան Ստրեյզանդը ծնվել է 1942 թվականի ապրիլի 24-ին, Բրուքլինում (Նյու Յորք) հրեական ընտանիքում։ Նրա հայրը՝ Էմանուել Սթրեյզանդը, Ավստրիայից արտագաղթած քերականության ուսուցիչը, մահացել է, երբ Բարբրան դեռ մեկ տարեկան էր։ Խորթ հոր՝ Լուիս Քայնդի հետ նա վատ հարաբերությունների մեջ էր, քանի որ նա իրեն անընդհատ ծեծի էր ենթարկում։ 1951 թվականին Սթրեյզանդը քույր է ունենում (Ռոսլին Քայնդ), ով հետագայում նույնպես դարձել է երգչուհի։ 1959 թվականին Սթրեյզանդը ավարտում է «Էրասմաս Հոլլ» միջնակարգ դպրոցը, որը նա երբեմն էր հաճախում և որտեղ երգում էր երգչախմբում Նիլ Դայմոնդի հետ։ Այնտեղ նա ծոնոթանում է նաև աշխարհի ապագա շախմատի չեմպիոն Ռոբերտ Ֆիշերի հետ։ Երբ Բարբրա Ստրեյզանդը որոշում է իր կարիերան սկսել շոու-բիզնեսում, նրա մայրը՝ դպրոցական քարտուղար Դայանա Իդա Ռոուզենը, գոհ չէր իր դստեր ընտրությամբ, քանի որ նրան համարում էր ոչ այնքան գրավիչ այդ ոլորտի համար։
Կարիերայի սկիզբ
Երաժշտական մրցույթներից մեկում հաղթանակից հետո Սթրեյզանդին գիշերային ակումբում աշխատանք են առաջարկում։ Ի սկզբանե նա ուզում էր դերասանուհի դառնալ և մասնակցում էր թատերական տարբեր ներկայացումներում, որոնցից մեկում նա խաղում էր դերասանուհի Ջոն Ռիվրզի հետ։ 1960 թվականին նրա ընկերոջ՝ Բարրի Դեննենի հրավերով Սթրեյզանդը սկսում է երգել մանհեթենյան Գրինվիչ-Վիլլիջում գտնվող գեյ բարում, որտեղ մեծ հաջողությունների է հասնում։ Նույն ժամանակ նա կրճատում է իր անունը և դարձնում Բարբրա, որպեսզի դարձնի այն ավելի տարբերվող։
1962 թվականին Սթրեյզանդը առաջին անգամ հանդես է գալիս Բրոդվեյում ոչ մեծ, բայց նրան հեղինակություն բերած դերում։ Նույն թվականին նա պայմանագիր է ստորագրում Columbia Records-ի հետ։ 1962 թվականին նա հանդես է գալիս «Էդ Սալիվան շոու»-ում, որտեղ նրան նկատում է հայտնի դաշնակահար Վլադզի Լիբերաչեն։ Շուտով նա երգչուհուն համագործակցության առաջարկ է անում, և Սթրեյզանդը սկսում է նրա հետ հանդես գալ Լաս Վեգասում։
1963 թվականին լույս է տեսնում նրա դեբյուտային «The Barbra Streisand Album» ալբոմը, որն արժանացել է «Գրեմմի» երկու մրցանակների։ Սթրեյզանդի հայտնիությունը շարունակում էր աճել, և նրա մյուս երեք ալբոմները հայտնվում էին Billboard 200-ի հորիզոնականներում։
Ծանոթագրություններ
 | Վիքիպահեստն ունի նյութեր, որոնք վերաբերում են «Բարբրա Ստրեյզանդ» հոդվածին։ |
This article uses material from the Wikipedia Հայերեն article Բարբրա Ստրեյզանդ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.