The Rolling Stones (Ռոլինգ Սթոունզ) բրիտանական ռոք-խումբ, հիմնվել է 1962 թվականի հուլիսի 12-ին Լոնդոնում, և 1960-ականներից իրենք պահանջվածությամբ համարվում էին Բիթլզ խմբի գլխավոր մրցակիցները։ Ռոլինգ Սթոունզը, դառնալով «Բրիտանական ներխուժման» կարևոր մասը, համարվում են Ռոք երաժշտության պատմության ամենահաջողակ խմբերից մեկը։ Ըստ խմբի մենեջեր Էնդրյու Օլդեմի մտահղացման խումբը պետք է լիներ Բիթլզին համեմատ այլընտրանքային, ապստամբ խումբ, և արդեն 1969 թվականին, ամերիկյան շրջագայության շրջանակներում գովազդվում էր իբրև «աշխարհի մեծագույն ռոքնռոլ խումբ», և համաձայն Allmusic-ի, մինչ այժմ պահպանել են այդ տիտղոսը։
The Rolling Stones | |
---|---|
Երկիր | Մեծ Բրիտանիա, Լոնդոն |
Ժանրեր | Ռոքնռոլ, Պսիխոդելիկ ռոք, Բլյուզ-ռոք |
Գործունեություն | 1962–ներկա |
Լեյբլ | Virgin Records Decca Rolling Stones Records |
Պարգևներ | |
Կայք | www.rollingstones.com |
Անդամներ | |
Միք Ջագգեր Քիտ Ռիչարդս Ռոն Վուդ Չարլի Ուոթս | |
Նախկին անդամներ | |
†Բրայան Ջոնս† (1962-1969) Իեն Սթյուարտ (1962-1966, 1968-1985) Բիլլ Ուայմեր (1962-1993, 2012) Դիկ Թեյլոր (1962) Միկ Թեյլոր (1969-1974, 2012) Թոնի Չեփմեն (1962-1963) | |
The Rolling Stones Վիքիպահեստում |
Ռոլինգ Սթոունզի երաժշտական ոճը ձևավորվել է Ռոբերտ Ջոնսոնի, Չաք Բերրիի, Բո Դիդլիի և Մադդի Ուոթերսի ազդեցությամբ, ժամանակի ընթացքում ստանալով ինքնուրույն հնչողություն, իսկ Ջագգեր-Ռիչարդս հեղինակային զույգը ի վերջո համաշխարհային ճանաչում վաստակեցին։
Մեծ Բրիտանիայում խումբը թողարկել է 22 ստուդիական և 8 համերգային ալբոմներ (ԱՄՆ-ում համապատասխանաբար՝ 24 և 9)։ Խմբի 21 սինգլները մտել են UK Singles Chart հիթ-շքերթի առաջին տասնյակ, որից ութը զբաղեցրել են առաջին տեղը։; Billboard Hot 100 հիթ-շքերթում համապատասխանաբար 28 և 8։.
Ռոլինգ Սթոունզի ալբոմների համաշխարհային թողարկումների քանակը գերազանցում է 250 միլիոն օրինակը, որից 200 միլիոնը վաճառվել է միայն ԱՄՆ-ում։ Այս ցուցանիշով խումբն ամենահաջաղակներից է համարվում երաժշտության պատմության մեջ։ 1989 թվականին խմբին ավելացրել են «Ռոքնռոլի փառքի սրահ»-ում, իսկ 2004 թվականին խումբը զբաղեցրել է չորրորդ տեղը «Rolling Stone» ամսագրի «Բոլոր ժամանակների լավագույն 50 կատարողները» ցանկում։
2012 թվականին խումբը նշեց ստեղծման 50-ամյա տարեդարձը։
Խմբի առաջին ալբոմները Անգլիայում և ԱՄՆ-ում թողարկվել են տարբեր երգացանկերով։
Վիքիպահեստն ունի նյութեր, որոնք վերաբերում են «The Rolling Stones» հոդվածին։ |
This article uses material from the Wikipedia Հայերեն article The Rolling Stones, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.