The Rolling Stones — ангельскі рок-гурт, створаны ў 1962 годзе ў Лёндане мультыінструмэнталістам Браянам Джонзам ды піяністам Янам Ст’юартам, да якогда неўзабаве далучыліся сьпявак Мік Джагер і гітарыст Кіт Рычардс.
Басіст Біл Вайман і бубнач Чарлі Ўотс давяршылі пачатковы склад гурту, а Ст’юарт, які не падыходзіў да вобразу ідала падлеткаў, быў выключаны з афіцыйнага сьпісу ўдзельнікаў у 1963, але заставаўся клявішнікам гурта і тур-мэнэджарам да сваёй сьмерці ў 1995.
The Rolling Stones | |
The Rolling Stones (зьлева направа): Роні Ўуд, Чарлі Ўотс, Мік Джагер, Кіт Рычардс | |
Інфармацыя | |
---|---|
Гады | 1962 — цяпер |
Адкуль | Вялікабрытанія |
Мова | ангельская |
Жанр(ы) | рок, рок-н-рол, рытм-н-блюз, блюз-рок |
Выдавец | Decca, London, Rolling Stones, Virgin, ABKCO, Interscope, Polydor |
Удзельнікі | Роні Ўуд Чарлі Ўотс Мік Джагер Кіт Рычардс |
Былыя ўдзельнікі | Браян Джонз Ян Ст’юарт Дык Тэйлар Мік Тэйлар Біл Вайман |
Узнагароды і прэміі | Заля славы рок-н-ролу (1989) Juno Award for International Entertainer of the Year[d] (1991) Michael Jackson Video Vanguard Award[d] (1994) Grammy Award for Best Rock Album[d] (1994) прэмія „Грэмі“ за найлепшае музычнае відэа[d] (1994) MTV Video Music Award for Best Visual Effects[d] (1995) MTV Video Music Award for Best Cinematography[d] (1995) Заля славы прэміі Грэмі[d] (1997) Заля славы прэміі Грэмі[d] (1998) Заля славы прэміі Грэмі[d] (1998) Заля славы прэміі Грэмі[d] (2004) Заля славы прэміі Грэмі[d] (2011) Заля славы прэміі Грэмі[d] (2013) |
www.rollingstones.com |
На пачатковай стадыі існаваньня гурту Джагер і Рычардс склалі аўтарскі дуэт і паступова перахапілі ініцыятыву ў Джонза, які цягам часу стаўся ўсё болей праблемным і ненадзейным. Першапачаткова гурт выконваў амэрыканскія блюзы і рытм-н-блюз, але ад альбому 1966 году «Aftermath» на дыскі сталі трапляць пераважна ўласныя кампазыцыі аўтарства Джагера/Рычардса. Мік Тэйлар замяніў Джонза незадоўга да ягонай сьмерці ў 1969, але сам сышоў з гурту ў 1974 і быў заменены ў 1975 на былога гітарыста «Faces» Роні Ўуда, які грае з гуртом і сёньня. Вайман сышоў з гурту ў 1992, басіст Дэрыл Джонз, які не зьяўляецца афіцыйным чальцом гурту, грае ад 1994.
Спачатку папулярныя ў Вялікабрытаніі і Эўропе, The Rolling Stones трапілі ў ЗША напачатку 1960-х падчас «Брытанскага нашэсьця». Гурт выпусьціў 22 студыйных альбомы (24 у ЗША), 8 канцэртавых дыскаў (9 у ЗША) і шматлікія кампіляцыі; агульныя продажы дыскаў склалі больш за 200 мільёнаў асобнікаў па ўсім сьвеце. Дыск Sticky Fingers (1971) распачаў чаргу з васьмі пасьлядоўна створаных альбомаў, што траплялі на першае месца ў амэрыканскіх чартах. Апошні альбом гурта, A Bigger Bang, выйшаў у 2005. У 1989 The Rolling Stones трапілі ў Залю славы Рок-н-ролу. У 2004 яны былі прызнаныя нумарам 4 у сьпісе 100 найлепшых музыкаў усіх часоў па вэрсіі часопіса «Rolling Stone».
This article uses material from the Wikipedia Беларуская (тарашкевіца) article The Rolling Stones, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Зьмест даступны на ўмовах CC BY-SA 4.0, калі не пазначанае іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (тарашкевіца) (DUHOCTRUNGQUOC.VN) is an independent company and has no affiliation with Wiki Foundation.