«Lamborghini Countach», ռուս հիփ հոփ արտիստ Էլջեյի երգը՝ որպես սինգլ թողարկված 2020 թվականի սեպտեմբերի 21-ին Universal Music Group լեյբլի շրջանակներում։ Երգում ռեփերը շոշափում է հարստության, շքեղության և հայտնիության թեմաները։ Երգի պրոդյուսեր է հանդիսացել stereoRYZE-ը։
«Lamborghini Countach» | |
---|---|
Էլջեյի սինգլը | |
Թողարկված | 2020 սեպտեմբերի 22 |
Ժանր | հիփ հոփ |
Տևողություն | 2:17 |
Լեյբլ | Universal Music Group |
Պրոդյուսեր | Էլջեյ |
Հեղինակ | Ալեքսեյ Ուզենյուկ |
Երգի թողարկման հետ միասին Էլջեյը նաև հայտարարեց տեսահոլովակի Lamborghini Countach մեքենայի խաղարկության մասին, որտեղ մասնակցության համար անհրաժեշտ էր բաժանորդագրվել Sayonara Boy ալիքին և մեկնաբանություն թողնել «Lamborghini Countach» տեհալովակում։ 2020 թվականի սեպտեմբերի 28-ին հայտարարվել է հաղթողի անունը։
2020 թվականի սեպտեմբերի վերջին Ռուսլան Տիխոնովը՝ ТНТ Music-ից, սինգլը դասել է «շաբաթվա երգեր» ցանկում։
Երգի տեսահոլովակի պաշտոնական հեռարձակումը տեղի է ունեցել Էլջեյի YouTube-յան պաշտոնական ալիքում 2020 թվականի սեպտեմբերին՝ սինգլի թողարկումից մի քանի ժամ անց։ Որպես ռեժիսոր հանդես է եկել Յան Բոխանովիչը։
Տեսահոլովակում կարելի է հանդիպել տեսարանի, որտեղ Էլջեյը պառկած է ասֆալտին և փորձում է սողալ դեպի ավտոմեքենան՝ ոտքերով բացելով մեքենայի դուռը։ Մուզ ԹիՎԻ-ի տվյալներով սա հղում է Ուոլ Սթրիթի գայլը ֆիլմի «հայտնի» տեսարանին, որտեղ Լեոնարդո ԴիԿապրիոն Ջորդան Բելֆորդի դերում չարաշահել էր արգելված նյութերի քանակը և կաթվածահար եղել։ Այդ պատճառով նա չէր կարողանում մտնել իր մեքենայի մեջ, այդ իսկ պատճառով դուռը բացում է իր ոտքերի միջոցով և սողում է դեպի մեքենան։ Գալինա Իվանովան Srsly.ru-ից նշել է, որ Էլջեյը այդ պահին այդքան էլ նման չէր Ջորդան Բելֆորդին, բայց ռեփ կատարողը «սառել էր գրեթե նույն դիրքով»։ Մեկ օրվա ընթացքում տեսահոլովակը հավաքել է ավելի քան 870 հազար դիտում։
Արտյոմ Կուչնիկովը՝ ТНТ Music երաժշտական էջի լրագրողը, նկատել է, որ «Lamborghini Countach» երգում քնարական հերոսը արտահայտում է իր «անկումային տրամադրությունները», որոնք կապված են հարստության և շքեղության մեջ կյանքի կորցրած հետաքրքրությունների հետ։ Արտյոմը նաև նշել է, որ երգում ռեփերը հայտնվում է որպես «մեղեդային» թրեպի կատարող։ Rap.ru կայքի խմբագիրներն ասում են, որ իր ստեղծագործության մեջ Էլջեյը պարծենում է իր ավտոտնակում գտնվող մեքենաների քանակով և «կարծես կարդում է հաջողակ ռեփերիի տիպիկ ներկայացուցչի մասին», բայց հարստության ու շքեղության հետևում «թաքնված են» ցավն ու «հոգու դատարկությունը»։
Չարթ (2020) | Ամենաբարձր դիրքը |
---|---|
Ռուսաստան (YouTube Music) | 1 |
Ռուսաստան (Zvooq.pro) | 1 |
This article uses material from the Wikipedia Հայերեն article Lamborghini Countach (երգ), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.