Ֆրանց Կաֆկայի Հուշարձան
Ֆրանց Կաֆկայի հուշարձան (չեխ.՝ Pomník Franze Kafky), արձան, որը գտնվում է Պրահայում՝ Հին քաղաքի և Յոզեֆովի խաչմերուկում՝ Սուրբ Հոգու եկեղեցու և Իսպանական սինագոգի միջև՝ Վեզենսկա և Դուշնի փողոցների միջև գտնվող հետիոտնային անցումում։ Հուշարձանը թեմատիկ է, քանի որ Դուշնի փողոցի թիվ 10 հասցեում գտնված այլևս գոյություն չունեցող թիվ V/187 տանն ապրել է նշանավոր գրող Ֆրանց Կաֆկան։ Չեխ քանդակագործ և նկարիչ Յարոսլավ Ռոնայի ստեղծած հուշարձանը բացվել է 2003 թվականին՝ այն ստեղծելու մրցույթում հաղթելուց երկու տարի անց։
 | |
|---|---|
 | |
| Տեսակ | արձան |
| Քանդակագործ | Յարոսլավ Ռոնա |
| Ստեղծում | 2003 |
| Բարձրություն | 3,75 մետր |
| Երկիր |  Չեխիա |
| Բնակավայր | Հին քաղաք, Պրահա 1 և Յոզեֆով |
| Փողոց | Դուշնի |
| Նյութ | բրոնզ |
պատկերված են | |
 Franz Kafka statue by Jaroslav Róna Վիքիպահեստում | |
Պատմություն
Հուշարձանը ստեղծվել է Ֆրանց Կաֆկայի ընկերության նախաձեռնությամբ։ 2000 թվականին Պրահան Եվրոպայի մշակութային մայրաքաղաք ընտրվելու կապակցությամբ ընկերությունը հայտարարել է Ֆրանց Կաֆկայի հուշարձանի ստեղծման մրցույթ, որին մասնակցել է յոթ չեխ քանդակագործ։ Ժյուրին ընտրել է Յարոսլավ Ռոնայի նախագիծը։ Ճարտարապետական նախագիծը հանձնարարվել է մշակել Դավիդ Վավրային։
Նկարագրություն
Ֆրանց Կաֆկայի հուշարձանը ձուլված է բրոնզից, բարձրությունը 3,75 մետր է, զանգվածը՝ 800 կգ։
Քանդակի տեսքը ոգեշնչված է Ֆրանց Կաֆկայի «Մեկ պայքարի նկարագրություն» աշխատությունից։ Այն երկու մարմնից բաղկացած քանդակ է, որոնցից մեկը տղամարդու կերպար է կոստյումով, որի թևքերից, սակայն, դուրս եկող ձեռքեր չկան, այն չունի նաև գլուխ։ Նրա պարանոցին նստած է ավելի փոքր կերպար, որն ամբողջական է և, ենթադրաբար, ներկայացնում է հենց Ֆրանց Կաֆկային։
Տես նաև
Ծանոթագրություններ
This article uses material from the Wikipedia Հայերեն article Ֆրանց Կաֆկայի հուշարձան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.