Սրբազան Հռոմեական Կայսրության Կայսր Ֆերդինանդ Iii
Ֆերդինանդ III (գերմ.՝ Ferdinand III, հուլիսի 13, 1608(1608-07-13), Գրաց, Շտիրիա - ապրիլի 2, 1657(1657-04-02), Վիեննա, Հաբսբուրգի միապետություն) — Սրբազան Հռոմեական կայսրության կայսր` 1637 թվականի փետրվարի 15-ից, Հունգարիայի թագավոր (թագավորության մի մասի թագավոր` 1625 թվականի նոյեմբերի 25-ից (թագադրությունը` 8 դեկտեմբերի 1626 թվական), ամբողջ թագավորության արքա` 1637-1647 թվականներին), Չեխիայի թագավոր` 1627 թվականի նոյեմբերի 21-ից (թագադրությունը` 1627 թվականի նոյեմբերի 25/26)։ Կայսրության ֆելդմարշալ (1634 թվականից)։
| Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Ֆերդինանդ III | |
|---|---|
 | |
| Զինվորական կոչում | Գեներալիսիմուս |
| Ծնվել է՝ | հուլիսի 13, 1608[…] |
| Ծննդավայր | Գրաց, Շտիրիա |
| Մահացել է՝ | ապրիլի 2, 1657[…] (48 տարեկան) |
| Վախճանի վայր | Վիեննա, Հաբսբուրգի միապետություն |
| Կայսերական դամբարան | |
| Երկիր |  Հունգարիա և .svg){kind=small} Սրբազան Հռոմեական կայսրություն |
| Տոհմ | Հաբսբուրգներ |
| կոմպոզիտոր և միապետ | |
| Հայր | Ֆերդինանդ II |
| Մայր | Maria Anna of Bavaria? |
| Երեխաներ | Ֆերդինանդ IV, Մարիանա Ավստրիացի, Լեոպոլդ I, Archduke Karl Joseph of Austria?, Eleonore of Austria, Duchess Consort of Lorraine?, Archduchess Maria Anna Josepha of Austria?, Ֆիլիպ Ավգուստ ֆոն Հաբսբուրգ, Մաքսիմիլիան Թոմաս Էրժերցոգ ֆոն Օստերայխ, Մարի ֆոն Հաբսբուրգ, Theresia Maria Josefa von Habsburg? և Ferdinand Josef Alois Erzherzog von Österreich? |
| Հավատք | Հռոմի Կաթոլիկ եկեղեցի |
| Պարգևներ |  և |
| Ստորագրություն |  |
Ֆերդինանդ II և Բավարիայի հերցոգ` Վիլհելմ V դստեր` Մարիա Աննա Բավարացու որդին։
Կենսագրություն
Դեռևս հոր կենդանության օրոք` 1625 թվականին նա թագադրվեց որպես Հունգարիայի, իսկ 1627 թվականին՝ Բոհեմիայի արքա, սակայն չնայած այս ամենին հայրը` Ֆերդինանդ II թույլ չէր տալիս նրան ակտիվորեն միջամտել երկրի գործերին։ Միայն հոր կառավարման վերջին տարիներին, հատկապես Ալբրեխտ Վալենշտայնի մահից հետո Ֆերդինանդ III սկսում է ակտիվորեն ներգրավվել քաղաքական կյանքում։
Երեսնամյա պատերազմի տարիներին նրա անվան հետ է կապվում 1634 թվականին Նորդլիգենի ճակատամարտում շվեդական զորքերի դեմ տարված վճռական հաղթանակը (սեպտեմբերի 6-7), որից հետո նրա զորքերը կողոպուտի ենթարկեցին Վյուրթեմբերգ և այլ տարածքներ։
1637 թվականին՝ հոր մահից հետո, Ֆերդինանդը առանց դիմադրության հանդիպելու բարձրացած կայսրության գահին, ինչը պայմանավորված էր նրա ձեռք բերած ժողովրդականությամբ` հատկապես Նորդլիգենի ճակատամարտում տարված հաղթանակից հետո։ Նա ի տարբերություն հորը ավելի քիչ էր ենթարկվում հիսուսականներին, սակայն չնայած երկարատև պատերազմն ավարտելու ցանկությանը երկար ժամանակ հրաժարվում էր գնալ անգամ ամենաաննշան զիջումների կապված բողոքականների հետ։
1647 թվականին Ֆերդինանդը մեծ դժվարությամբ խույս տվեց շվեդական պարտիզան-հեծյալների առաջնորդ Հելմոլդ Վրանգելին գերի ընկնելուց։
Միայն 1648 թվականին Ֆերդինանդը վերջապես համաձայնվեց Վեստֆալյան հաշտության կնքմանը, որով բողոքականներին տրվում էին մի շարք իրավունքներ (ռեֆորմատորներին և լյութերականներին)։ Ազատագրել իր տիրույթները նախկին զինվորների և ավազակների խմբերից Ֆերդինանդին հաջողվեց միայն 1654 թվականին։ Նրա գահակալությունը կայսրության ներքին կյանքում անցավ աննկատ և անարդյունք։ Ինչպես և ավստրիական Հաբսբուրգներից շատերը Ֆերդինանդ III ևս տաղանդավոր երաժիշտ և կոմպոզիտոր էր։
Ընտանիք
1631 թվականին նա ամուսնացավ Իսպանիայի արքա Ֆիլիպ III կրտսեր դստեր` Մարիա Աննա Իսպանացու հետ։ Զավակները.
- Ֆերդինանդ IV (1633—1654),
- Մարիաննա (1634—1696), կինը իսպանիայի թագավոր Ֆիլիպ IV. Նրանց որդին, Կարլ II — վերջին Հաբսբուրգ թագավորն իսպանական գահին,
- Ֆիլիպ Օգոստոս (1637—1639), Ավստրիայի էրցհերցոգ,
- Մաքսիմիլիան Թոմաս (1638—1639), Ավստրիայի էրցհերցոգ,
- Լեոպոլդ I (1640—1705), Սրբազան Հռոմեական կայսրության կայսր,
- Մարիա (1646)
1648 թվականին Ֆերդինանդն ամուսնացավ երկրորդ անգամ` Լեոպոլդ V դստեր` Ավստրիայի էրցհերցոգուհի Մարիա Լեոպոլդի հետ։ Նրանք ունեցան մեկ որդի.
- Կառլ Յոզեֆ (1649—1664), Տևտոնական միաբանության 47-րդ մեծ մագիստրոս
1651 թվականին Ֆերդինանդ III ամուսնացավ Կառլ II Գոնզագայի դստեր` էլեոնորա գոնզագա հետ։ Զավակները.
- Թերեզա Մարիա Ժոզեֆա (1652—1653).
- Էլեոնորա Մարիա Ժոզեֆա (1653—1697), նախ Լեհաստանի արքա Միխայիլ Կորիբուտա Վիշնեցկու, ապա Լոթարինգիայի հերցոգԿառլ V կինը,
- Մարիա Աննա Ժոզեֆա (1654—1689), Պֆալցի կուրֆյուրստ Յոհան Վիլհելմի կինը,
- Ֆերդինանդ Ժոզեֆ (1657—1658)
Ծանոթագրություններ
 | Վիքիպահեստն ունի նյութեր, որոնք վերաբերում են «Ֆերդինանդ III (Սրբազան Հռոմեական կայսրության կայսր)» հոդվածին։ |
This article uses material from the Wikipedia Հայերեն article Ֆերդինանդ III (Սրբազան Հռոմեական կայսրության կայսր), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.