Ֆաբիո Կվալյարելա: իտալացի ֆուտբոլիստ
Ֆաբիո Կվալյարելա (իտալ.՝ Fabio Quagliarella, հունվարի 31, 1983(1983-01-31), Կաստելամարե դի Ստաբիա, Նեապոլ, Կամպանիա, Իտալիա), իտալացի պրոֆեսիոնալ ֆուտբոլիստ։ Ներկայումս հանդես է գալիս Սամպդորիայի և Իտալիայի ազգային հավաքականի կազմում։ Խաղում է կենտրոնական հարձակվողի դիրքում։
 Fabio Quagliarella | |||
|---|---|---|---|
.jpg) Կվալյարելան Տորինոյի կազմում 2015 թվականին | |||
| Անձնական տվյալներ | |||
| Քաղաքացիությունը |  Իտալիա | ||
| Ծննդյան ամսաթիվ | հունվարի 31, 1983 (41 տարեկան) | ||
| Ծննդավայր | Կաստելամարե դի Ստաբիա, Նեապոլ, Կամպանիա, Իտալիա | ||
| Հասակ | 180 սմ | ||
| Քաշ | 79 կգ | ||
| Դիրք | կենտրոնական հարձակվող | ||
| Ակումբային տեղեկություններ | |||
| Ներկա ակումբ | Սամպդորիա | ||
| Համար | 27 | ||
| Պատանեկան կարիերա | |||
| 1988-1993 | Գրանյանո | ||
| 1993-1999 | Տորինո | ||
| Մասնագիտական կարիերա* | |||
| Տարի | Ակումբ | Խաղ (գոլ) | |
| 1999-2005 | Տորինո | 39 | (7) |
| 2002-2003 | → Ֆիորենտինա | 12 | (1) |
| 2003-2004 | → Կիետի | 43 | (19) |
| 2005-2006 | Ասկոլի | 32 | (3) |
| 2006-2007 | Սամպդորիա | 35 | (13) |
| 2007-2009 | Ուդինեզե | 73 | (25) |
| 2009-2010 | Նապոլի | 34 | (11) |
| 2010-2014 | Յուվենտուս | 84 | (23) |
| 2014-2016 | Տորինո | 50 | (18) |
| 2016-ներկա | Սամպդորիա | 141 | (65) |
| Ազգային հավաքական‡ | |||
| 2000-2001 | Իտալիա Մ17 | 8 | (1) |
| 2001 | Իտալիա Մ19 | 9 | (1) |
| 2002-2004 | Իտալիա Մ20 | 8 | (2) |
| 2004 | Իտալիա Մ21 | 2 | (1) |
| 2007-ներկա | Իտալիա | 29 | (9) |
| | |||
| * Մասնագիտական կարիերայում ընդգրկված են միայն առաջնության խաղերը և գոլերը | |||
Ակումբային կարիերա
Տորինո
Կվալյարելան Տորինոյի ակադեմիայի սան է։ Իր պրոֆեսիոնալ դեբյուտը նշեց 2000 թվականի մայիսի 14-ին՝ փոխարինման մտնելով Պյաչենցայի դեմ խաղում։ 2002 թվականի ամռանը Կվալյարելան վարձավճարով տեղափոխվեց Սերիա C2-ում հանդես եկող Ֆիորենտինա, որի կազմում նա դարձավ միայն 1 գոլի հեղինակ անցկացրած 12 խաղերում։ 2003 թվականին իտալացին վարձավճարով միացավ Կիետիին։ Այստեղ նա անցկացրեց 43 հանդիպում՝ դառնալով 19 գոլի հեղինակ։ 2004-05 մրցաշրջանում Կվալյարելան վերադարձավ Տորինո։ Իր առաջին գոլը ակումբի կազմում խփեց 2004 թվականի օգոստոսի 22-ին՝ դուբլ ձևակերպելով Իտալիայի գավաթի Էմպոլիի դեմ խաղում։ Առաջին գոլը Սերիա B-ում խփեց սեպտեմբերի 10-ին՝ Վերոնայի դեմ խաղում։ 2004-05 մրցաշրջանում Կվալյարելան անցկացրեց 40 հանդիպում՝ դառնալով 10 գոլի հեղինակ։
Ուդինեզե
2005 թվականի ամռանը Կվալյարելան տեղափոխվեց Ուդինեզե, ինչից հետո համատեղ սեփականության գործարքով միացավ Ասկոլիին։ Իր դեբյուտը ակումբի կազմում նշեց օգոստոսի 28-ին՝ Միլանի դեմ խաղում։ Իր առաջին գոլը Սերիա A-ում խփեց դեկտեմբերի 21-ին՝ Տրևիզոյի դեմ խաղում։ Ասկոլիի կազմում Կվալյարելան դարձավ 3 գոլի հեղինակ՝ անցկացրած 33 խաղերում։ 2006 թվականի հուլիսի 7-ին իտալացին համատեղ սեփականության գործարքով տեղափոխվեց Սամպդորիա։ Իր դեբյուտը նշեց սեպտեմբերի 16-ին՝ փոխարինման մտնելով Ինտեր Միլանի դեմ խաղում։ Հոկտեմբերի 22-ին նա դուբլ ձևակերպեց Ատալանտայի դեմ խաղում։ Դեկտեմբերի 20-ին իտալացին 2 գոլի և գոլային փոխանցման հեղինակ դարձավ Լիվորնոյի դեմ խաղում՝ օգնելով իր թիմին հաղթել 4-1 հաշվով։ 2006-07 մրցաշրջանում Կվալյարելան անցկացրեց 42 հանդիպում՝ դառնալով 14 գոլի և 3 գոլային փոխանցման հեղինակ։
2007-08 մրցաշրջանում Կվալյարելան վերադարձավ Ուդինեզե։ Իր դեբյուտը նշեց 2007 թվականի օգոստոսի 26-ին՝ Ինտեր Միլանի դեմ խաղում։ Իր առաջին գոլը խփեց սեպտեմբերի 30-ին՝ Պարմայի դեմ խաղում։ Նոյեմբերի 25-ին Կվալյարելան գոլի և գոլային փոխանցման հեղինակ Սիենայի դեմ խաղում՝ 2-0 հաշվով հաղթանակ պարգևելով Ուդինեզեին։ Դեկտեմբերի 9-ին նա դուբլ ձևակերպեց Սամպդորիայի դեմ խաղում։ Առաջին հանդիպումը եվրոպական առաջնություններում անցկացրեց 2008 թվականի սեպտեմբերի 18-ին՝ ՈՒԵՖԱ Գավաթի Բորուսիա Դորտմունդի դեմ խաղում։ Հոկտեմբերի 5-ին Կվալյարելան դուբլ ձևակերպեց Տորինոյի դեմ խաղում՝ օգնելով իր թիմին հաղթել 2-0 հաշվով։ 2009 թվականի ապրիլի 16-ին նա դուբլի հեղինակ դարձավ ՈՒԵՖԱ Գավաթի քառորդ եզրափակչի Վերդեր Բրեմենի դեմ խաղում, սակայն Ուդինեզեն դուրս մնաց առաջնությունից։ Ակումբի կազմում Կվալյարելան անցկացրեց 87 հանդիպում՝ դառնալով 33 գոլի և 12 գոլային փոխանցման հեղինակ։
Նապոլի
2009 թվականի հունիսի 1-ին Կվալյարելան 5 տարվա պայմանագիր կնքեց Նապոլիի հետ։ Իր դեբյուտը նշեց օգոստոսի 16-ին՝ Իտալիայի գավաթի Սալերնիտանայի դեմ խաղում։ Իր առաջին գոլը խփեց օգոստոսի 30-ին՝ դուբլ ձևակերպելով Լիվորնոյի դեմ խաղում։ Դեկտեմբերի 6-ին Կվալյարելան դուբլ ձևակերպելով Բարիի դեմ խաղում՝ այս խաղում տալով նաև գոլային փոխանցում և 3-2 հաշվով հաղթանակ պարգևելով Նապոլիին։ 2010 թվականի մարտի 25-ին նա գոլի և գոլային փոխանցման հեղինակ դարձավ Յուվենտուսի դեմ խաղում։ Ապրիլի 10-ին Կվալյարելան գոլի և գոլային փոխանցման հեղինակ դարձավ Պարմայի դեմ խաղում, սակայն հեռացվեց խաղադաշտից հանդիպման 86-րդ րոպեին։ Մայիսի 9-ին իտալացին դուբլ ձևակերպեց Ատալանտայի դեմ խաղում։ Նապոլիի կազմում Կվալյարելան անցկացրեց 37 հանդիպում՝ դառնալով 11 գոլի և 6 գոլային փոխանցման հեղինակ։
Յուվենտուս
2010 թվականի օգոստոսի 27-ին Կվալյարելան վարձավճարով միացավ Յուվենտուսին։ Իր դեբյուտը նշեց օգոստոսի 29-ին՝ Բարիի դեմ խաղում։ Իր առաջին գոլը խփեց սեպտեմբերի 12-ին՝ Սամպդորիայի դեմ խաղում։ Դեկտեմբերի 5-ին նա դուբլ ձևակերպեց Կատանիայի դեմ խաղում՝ օգնելով Յուվենտուսին հաղթել 3-1 հաշվով։ 2011 թվականի հունվարի 6-ին՝ Պարմայի դեմ խաղում իտալացին ստացավ ծանր վնասվածք, ինչի պատճառով բաց թողեց մրցաշրջանի շարունակությունը։ 2011 թվականի հունիսի 22-ին Կվալյարելան 10․5 միլիոն եվրոյի դիմաց լրիվ տրանսֆերով տեղափոխվեց Յուվենտուս՝ ակումբի հետ կնքելով 3 տարվա պայմանագիր։ 2012 թվականի ապրիլի 30-ին նա երկարաձգեց իր պայմանագիրը ակումբի հետ մինչև 2015 թվականը։ Մայիսի 20-ին Կվալյարելան հեռացվեց խաղադաշտից Իտալիայի գավաթի Նապոլիի դեմ խաղում՝ կարմիր քարտ ստանալով փոխարինման մտնելուց 18 րոպե անց։
Առաջին հանդիպումը Չեմպիոնների Լիգայում Կվալյարելան անցկացրեց 2012 թվականի սեպտեմբերի 19-ին՝ Չելսիի դեմ խաղում՝ այս խաղում դառնալով գոլի հեղինակ։ Սեպտեմբերի 22-ին նա դուբլի հեղինակ դարձավ Կիևոյի դեմ խաղում՝ 2-0 հաշվով հաղթանակ պարգևելով Յուվենտուսին։ Նոյեմբերի 10-ին իտալացին հետ-տրիկ ձևակերպեց Պեսկարայի դեմ խաղում՝ այս խաղում տալով նաև 2 գոլային փոխանցում։ 2013 թվականի մարտի 6-ին Կվալյարելան գոլի և գոլային փոխանցման հեղինակ դարձավ Չեմպիոնների Լիգայի 1/8 եզրափակչի Սելտիկի դեմ խաղում։ Մարտի 30-ին՝ Ինտեր Միլանի դեմ խաղում նա դարձավ գոլի և գոլային փոխանցման հեղինակ՝ օգնելով իր թիմին հաղթել 2-1 հաշվով։ Յուվենտուսի կազմում անցկացրած 4 մրցաշրջաններում Կվալյարելան մասնակցեց 102 հանդիպման՝ դառնալով 30 գոլի և 9 գոլային փոխանցման հեղինակ։
Վերադարձ Տորինո
2014 թվականի հուլիսի 17-ին Կվալյարելան 3 տարվա պայմանագիր կնքեց Տորինոյի հետ։ Ակումբը նրա համար վճարեց 3․5 միլիոն եվրո։ Իր դեբյուտը նշեց օգոստոսի 7-ին՝ Եվրոպայի Լիգայի որակավորման 3-րդ փուլի Բրոմապոյկարնայի դեմ խաղում՝ այս խաղում դառնալով գոլի հեղինակ։ Հոկտեմբերի 19-ին Կվալյարելան խփեց Ուդինեզեի դեմ խաղի միակ գոլը՝ 1-0 հաշվով հաղթանակ պարգևելով իր թիմին։ 2015 թվականի հունվարի 18-ին նա գոլի և գոլային փոխանցման հեղինակ դարձավ Չեզենայի դեմ խաղում։ Փետրվարի 1-ին իտալացին հետ-տրիկ ձևակերպեց Սամպդորիայի դեմ խաղում։ Ապրիլի 26-ին Կվալյարելան գոլի և գոլային փոխանցման հեղինակ դարձավ Յուվենտուսի դեմ խաղում։ Սեպտեմբերի 20-ին նա դուբլ ձևակերպեց Սամպդորիայի դեմ խաղում՝ օգնելով իր թիմին հաղթել 2-0 հաշվով։ Տորինոյի կազմում Կվալյարելան անցկացրել է 109 հանդիպում՝ դառնալով 32 գոլի և 7 գոլային փոխանցման հեղինակ։
Վերադարձ Սամպդորիա
2016 թվականի փետրվարի 1-ին Կվալյարելան վարձավճարով տեղափոխվեց Սամպդորիա, ինչից հետո լրիվ տրանսֆերով միացավ թիմին։ Իր դեբյուտը վերադարձից հետո նշեց փետրվարի 3-ին՝ փոխարինելով Խոակին Կորեային Տորինոյի դեմ խաղում։ Իր առաջին գոլը խփեց փետրվարի 20-ին՝ Ինտեր Միլանի դեմ խաղում։ Նոյեմբերի 20-ին Կվալյարելան գոլի և գոլային փոխանցման հեղինակ Սասուոլոյի դեմ խաղում՝ օգնելով Սամպդորիային հաղթել 3-2 հաշվով։ 2017 թվականի հունվարի 13-ին նա երկարաձգեց իր պայմանագիրը մինչև 2019 թվականը։ Առաջին հանդիպումը թիմի մեկնարկային կազմում անցկացրեց 2017 թվականի հունվարի 22-ին՝ Ատալանտայի դեմ խաղում։ Մայիսի 7-ին Կվալյարելան դուբլ ձևակերպեց Լացիոյի դեմ խաղում, սակայն Սամպդորիան պարտվեց 7-3 հաշվով։
2017-18 մրցաշրջանում Կվալյարելան դարձավ Սամպդորիայի հիմնական ավագը։ 2017 թվականի օգոստոսի 20-ին նա դուբլ ձևակերպեց Բենևենտոյի դեմ խաղում՝ օգնելով իր թիմին հաղթել 2-1 հաշվով։ Հոկտեմբերի 24-ին իտալացին գոլի և գոլային փոխանցման հեղինակ դարձավ Ինտեր Միլանի դեմ խաղում, սակայն Սամպդորիան պարտվեց 3-2 հաշվով։ Դեկտեմբերի 9-ին Կվալյարելան դուբլ ձևակերպեց Կալյարիի դեմ խաղում։ Դեկտեմբերի 30-ին՝ ՍՊԱԼ-ի դեմ խաղում նա դարձավ դուբլի հեղինակ՝ 2-0 հաշվով հաղթանակ պարգևելով Սամպդորիային։ 2018 թվականի հունվարի 21-ին Կվալյարելան հետ-տրիկ ձևակերպեց Ֆիորենտինայի դեմ խաղում։ Ապրիլի 29-ին նա գոլի և գոլային փոխանցման հեղինակ դարձավ Կալյարիի դեմ խաղում։ 2017-18 մրցաշրջանում Կվալյարելան անցկացրեց 36 հանդիպում՝ դառնալով 19 գոլի և 5 գոլային փոխանցման հեղինակ։
2018 թվականի սեպտեմբերի 2-ին Կվալյարելան գոլի և գոլային փոխանցման հեղինակ դարձավ Նապոլիի դեմ խաղում՝ գրավելով մրցակցի դարպասը կրնկի հարվածով և նկարագրելով այս գնդակը որպես իր կարիեարայի լավագույն գոլ։ Հոկտեմբերի 1-ին նա 2 գոլային փոխանցում տվեց ՍՊԱԼ-ի դեմ խաղում։ Դեկտեմբերի 1-ին իտալացին դուբլ ձևակերպեց Բոլոնյայի դեմ խաղում։ 2019 թվականի հունվարի 20-ին Կվալյարելան դուբլի հեղինակ դարձավ Ֆիորենտինայի դեմ խաղում, իսկ հանդիպումն ավարտվեց 3-3 հաշվով։ Հունվարի 26-ին նա 2 գոլի և գոլային փոխանցման հեղինակ դարձավ Ուդինեզեի դեմ խաղում՝ խփելով իր 14-րդ գոլը անցկացրած վերջին 11 հանդիպումներում և կրկնելով Գաբրիել Բատիստուտայի՝ ամենաշատ հաջորդական խաղերում գոլ խփելու ռեկորդը։ Փետրվարի 24-ին իտալացին խփեց Կալյարիի դեմ հանդիպման միակ գնդակը՝ 1-0 հաշվով հաղթանակ պարգևելով իր թիմին։ Մարտի 3-ին Կվալյարելան դուբլ ձևակերպեց ՍՊԱԼ-ի դեմ խաղում՝ օգնելով Սամպդորիային հաղթել 2-1 հաշվով։ Ապրիլի 14-ին նա գոլի և գոլային փոխանցման հեղինակ դարձավ Ջենոայի դեմ խաղում։ 2018-19 մրցաշրջանում Կվալյարելան անցկացրեց 37 հանդիպում առաջնութունում՝ դառնալով 26 գոլի և 7 գոլային փոխանցման հեղինակ։ Նա դարձավ Սերիա A-ի լավագույն ռմբարկուն, ճանաչվեց առաջնության լավագույն հարձակվողը և ընդգրկվեց խորհրդանշական հավաքականում։
2019 թվականի դեկտեմբերի 2-ին Կվալյարելան 2 գոլի և գոլային փոխանցման հեղինակ դարձավ Կալյարիի դեմ խաղում, սակայն Սամպդորիան պարտվեց 4-3 հաշվով։ 2020 թվականի հունվարի 12-ին նա դուբլ ձևակերպեց Բրեշիայի դեմ խաղում։
Միջազգային կարիերա
Կվալյարելան ներկայացրել է Իտալիան տարբեր տարիքային երիտասարդական հավաքականներում։ Իր դեբյուտը Իտալիայի ազգային հավաքականում նշեց 2007 թվականի մարտի 28-ին՝ փոխարինելով Լուկա Տոնիին Շոտլանդիայի դեմ խաղում։ Իր առաջին գոլը ազգային հավաքականի կազմում խփեց հունիսի 6-ին՝ դուբլ ձևակերպելով Լիտվայի դեմ խաղում։ 2008 թվականին Կվալյարելան մասնակցեց Եվրոպայի առաջնությանը՝ խաղադաշտ դուրս գալով միայն Ռումինիայի դեմ խաղում, իսկ Իտալիան հասավ առաջնության քառորդ եզրափակիչ, որտեղ հետխաղյա 11-մետրանոցների հարվածաշարում պարտվեց Իսպանիային։
2009 թվականին Կվալյարելան մասնակցեց Կոնֆեդերացիաների գավաթին, որտեղ Իտալիան դուրս մնաց խմբային փուլից։ Հոկտեմբերի 14-ին նա 2 գոլային փոխանցում տվեց Կիպրոսի դեմ խաղում՝ օգնելով իր թիմին հաղթել 3-2 հաշվով։ 2010 թվականին Կվալյարելան ընդգրկվեց աշխարհի առաջնության համար վերջնական կազմում։ Առաջնությունում նա խաղադաշտ դուրս եկավ միայն Սլովակիայի դեմ խաղում՝ այս խաղում դառնալով գոլի և գոլային փոխանցման հեղինակ, սակայն Իտալիան պարտվեց 2-3 հաշվով և դուրս մնաց խմբային փուլից։
2019 թվականի մարտին Կվալյարելան կրկին հրավիրվեց Իտալիայի ազգային հավաքական՝ Ֆինլանդիայի և Լիխտենշտայնի դեմ խաղերի համար։ Հավաքականի կազմում իր առաջին հանդիպումը 9 տարվա դադարից հետո անցկացրեց մարտի 23-ին՝ փոխարինելով Չիրո Իմմոբիլեին Ֆինլանդիայի դեմ խաղում։ Մարտի 26-ին Կվալյարելան 2 գոլի և գոլային փոխանցման հեղինակ դարձավ Լիխտենշտայնի դեմ խաղում։
Կարիերայի վիճակագրություն
Ակումբային վիճակագրություն
2020 թվականի հունվարի 17-ի դրությամբ
| Ակումբ | Մրցաշրջան | Առաջնություն | Գավաթ | Եվրոպա | Այլ | Ընդհանուր | ||||||
|---|---|---|---|---|---|---|---|---|---|---|---|---|
| Դիվիզիոն | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
| Տորինո | 1999–00 | Սերիա A | 1 | 0 | 0 | 0 | — | 1 | 0 | |||
| 2001–02 | 4 | 0 | 0 | 0 | 4 | 0 | ||||||
| Ընդհանուր | 5 | 0 | 0 | 0 | 0 | 0 | 0 | 0 | 5 | 0 | ||
| Ֆիորենտինա (վարձավճար) | 2002–03 | Սերիա C2 | 12 | 1 | 0 | 0 | — | 12 | 1 | |||
| Կիետի (վարձավճար) | 2002–03 | Սերիա C1 | 11 | 2 | 0 | 0 | 11 | 2 | ||||
| 2003–04 | 32 | 17 | 0 | 0 | 32 | 17 | ||||||
| Ընդհանուր | 43 | 19 | 0 | 0 | 0 | 0 | 0 | 0 | 43 | 19 | ||
| Տորինո | 2004–05 | Սերիա B | 34 | 7 | 4 | 2 | — | 2 | 1 | 40 | 10 | |
| Ասկոլի | 2005–06 | Սերիա A | 32 | 3 | 0 | 0 | — | 32 | 3 | |||
| Սամպդորիա | 2006–07 | 35 | 13 | 7 | 1 | 42 | 14 | |||||
| Ուդինեզե | 2007–08 | 37 | 12 | 2 | 0 | 39 | 12 | |||||
| 2008–09 | 36 | 13 | 1 | 0 | 11 | 8 | 48 | 21 | ||||
| Ընդհանուր | 73 | 25 | 3 | 0 | 11 | 8 | 0 | 0 | 87 | 33 | ||
| Նապոլի | 2009–10 | Սերիա A | 34 | 11 | 2 | 0 | — | — | 36 | 11 | ||
| 2010–11 | 0 | 0 | 0 | 0 | 1 | 0 | 1 | 0 | ||||
| Ընդհանուր | 34 | 11 | 2 | 0 | 1 | 0 | 0 | 0 | 37 | 11 | ||
| Յուվենտուս | 2010–11 | Սերիա A | 17 | 9 | 0 | 0 | 0 | 0 | — | 17 | 9 | |
| 2011–12 | 23 | 4 | 4 | 0 | — | 27 | 4 | |||||
| 2012–13 | 27 | 9 | 1 | 0 | 7 | 4 | 35 | 13 | ||||
| 2013–14 | 17 | 1 | 2 | 1 | 4 | 2 | 23 | 4 | ||||
| Ընդհանուր | 84 | 23 | 7 | 1 | 11 | 6 | 0 | 0 | 102 | 30 | ||
| Տորինո | 2014–15 | Սերիա A | 34 | 13 | 0 | 0 | 12 | 4 | — | 46 | 17 | |
| 2015–16 | 16 | 5 | 2 | 0 | — | 18 | 5 | |||||
| Տորինոյի ընդհանուր | 89 | 25 | 6 | 2 | 12 | 4 | 2 | 1 | 109 | 32 | ||
| Սամպդորիա | 2015–16 | Սերիա A | 16 | 3 | 0 | 0 | — | 16 | 3 | |||
| 2016–17 | 37 | 12 | 1 | 0 | 38 | 12 | ||||||
| 2017–18 | 35 | 19 | 1 | 0 | 36 | 19 | ||||||
| 2018–19 | 37 | 26 | 2 | 0 | 39 | 26 | ||||||
| 2019–20 | 16 | 5 | 1 | 1 | 17 | 6 | ||||||
| Սամպդորիայի ընդհանուր | 176 | 78 | 12 | 2 | 0 | 0 | 0 | 0 | 188 | 80 | ||
| Կարիերայի ընդհանուր | 543 | 185 | 30 | 5 | 35 | 18 | 2 | 1 | 610 | 209 | ||
Միջազգային վիճակագրություն
2020 թվականի հունվարի 17-ի դրությամբ
| Իտալիա | ||
|---|---|---|
| Տարի | Խաղեր | Գոլեր |
| 2007 | 8 | 2 |
| 2008 | 3 | 1 |
| 2009 | 7 | 0 |
| 2010 | 8 | 4 |
| 2019 | 3 | 2 |
| Ընդհանուր | 29 | 9 |
Միջազգային գոլեր
| # | Ամսաթիվ | Մարզադաշտ | Մրցակից | Հաշիվ | Արդյունք | Մրցաշար |
|---|---|---|---|---|---|---|
| 1. | Հունիսի 6, 2007 | Դարյուս իր Գիրենաս, Կաունաս, Լիտվա |  Լիտվա | 1–0 | 2–0 | Եվրո 2008 Որակավորում |
| 2. | 2–0 | |||||
| 3. | Փետրվարի 6, 2008 | Լեցիգրունդ, Ցյուրիխ, Շվեյցարիա |  Պորտուգալիա | 3–1 | 3–1 | Ընկերական խաղ |
| 4. | Հունիսի 5, 2010 | Ստադ դե Ժնև, Ժնև, Շվեյցարիա |  Շվեյցարիա | 1–1 | 1–1 | |
| 5. | Հունիսի 24, 2010 | Էլիս Պարկ, Յոհանեսբուրգ, Հարավային Աֆրիկա |  Սլովակիա | 2–3 | 2–3 | Աշխարհի առաջնություն 2010 |
| 6. | Սեպտեմբերի 7, 2010 | Արտեմիո Ֆրանկի մարզադաշտ, Ֆլորենցիա, Իտալիա |  Ֆարերյան կղզիներ | 4–0 | 5–0 | Եվրո 2012 Որակավորում |
| 7. | Նոյեմբերի 17, 2010 | Վյորտերզե Շտադիոն, Կլագենֆուրտ, Ավստրիա |  Ռումինիա | 1–1 | 1–1 | Ընկերական խաղ |
| 8. | Մարտի 26, 2019 | Էնիո Տարդինի մարզադաշտ, Պարմա, Իտալիա |  Լիխտենշտայն | 3–0 | 6–0 | Եվրո 2020 Որակավորում |
| 9. | 4–0 |
Նվաճումներ
Ակումբային
Տորինո
- Սերիա B. 2000–01
Յուվենտուս
Անհատական
Ծանոթագրություններ
Արտաքին հղումներ
- Կվալյարելայի պաշտոնական Ֆեյսբուքի էջը
- Կվալյարելայի պաշտոնական Տվիտերի էջը
- Կվալյարելայի պաշտոնական Ինստագրամի էջը
- Կվալյարելան transfermarkt-ում
- Կվալյարելան soccerbase.com-ում
- Կվալյարելան WhoScored.com կայքում
- Կվալյարելան Տորինոյի պաշտոնական կայքում Արխիվացված 2016-07-20 Wayback Machine
- Կվալյարելան Սամպդորիայի պաշտոնական կայքում
- Կվալյարելան ՈՒԵՖԱ-ի պաշտոնական կայքում
- Կվալյարելան ՖԻՖԱ-ի պաշտոնական կայքում(չաշխատող հղում)
 | Վիքիպահեստն ունի նյութեր, որոնք վերաբերում են «Ֆաբիո Կվալյարելա» հոդվածին։ |
This article uses material from the Wikipedia Հայերեն article Ֆաբիո Կվալյարելա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.