Սիերա Լեոնեի դրոշ (անգլ.՝ Flag of Sierra Leone), Սիերրա Լեոնեի պետական խորհրդանիշներից մեկը՝ եռագույն դրոշի տեսքով։ Այն իրենից ներկայացնում է կանաչ, սպիտակ և կապույտ շերտեր։
Սիերա Լեոնեի դրոշ | |
---|---|
Տեսակ | ազգային դրոշ |
Իրավասության տարածք | Սիերա Լեոնե |
Նշան | 🇸🇱 |
Հարաբերություն | 3:2 |
Ընդունված է | ապրիլի 27, 1961 |
Գույներ | բաց կանաչ, սպիտակ և բաց կապույտ |
Պատկերված է | դաշտ |
Սիերա Լեոնեի դրոշը ընդունվել է 1961 թվականին՝ երկրի անկախությունից հետո և փոխարինել է բրիտանական գաղութային տարիներին ընդունված կապույտ դրոշին։
Բրիտանացիները առաջին անգամ ոտք են դրել Սիերա Լեոնե 1787 թվականին, երբ որոշ բրիտանացի աբոլիցիոնիստներ Աֆրիկայի այս տարածքներում գնեցին 52 քառակուսի կիլոմետր (20 քառակուսի մղոն) հողակտոր։
Նրանք ստրկացնում էին Սիերա Լեոնեի աֆրիկացիներին՝ միաժամանակ գրավելով նոր տարածքներ։ 1808 թվականին Սիերա Լեոնեն դառնում է Բրիտանական կայսրության գաղութային տարածք։ Մեծ Բրիտանիայի տիրապետության շրջանում Սիերա Լեոնեն ընդունել է կապույտ դրոշ։ Այս դրոշը ստեղծվել է բրիտանական թագի մյուս երկրների օրինակով։
Դրոշի վրա պատկերված էր փիղ, արմավենի և լեռ՝ Սիերա Լեոնեի ազգային խորհրդանիշները, ինչպես նաև որպես հապավում գրվածք՝ երկրի բնագիր անվան սկզբնատառերով։
Այս դիզայնը վերցված էր Ոսկե ափի, Փղոսկրի ափի, Ճապոնիայի և Լագոսի գաղութային դրոշների օրինակով։ 1914 թվականին ընդունվում է նաև Սիերա Լեոնեի մյուս խորհրդանիշը՝ զինանշանը։ 1916 թվականին Մեծ Բրիտանիայի միջնորդությամբ փոխվում է երկրի դրոշը, սակայն միայն խորհրդանշող կապույտ գունդը։
1961 թվականին Սիերա Լեոնեն վերածվում է անկախ պետության։ Դրոշը եռագույն էր՝ կանաչ, սպիտակ և կապույտ գույներով։ 1963 թվականին ընդունվում է օրենք, որի համաձայն արգելվում է Սիերա Լեոնեի տարածքում վիրավորանքներ հնչեցնել դրոշի հասցեին, քանի որ այն բարեկամության խորհրդանիշն է։
Դրոշը ներկայացնում է երկիրը տարբեր միջազգային մրցույթներում և մարաթոններում, ինչպես նաև պետական կարևորության հանդիպումներում։
This article uses material from the Wikipedia Հայերեն article Սիերա Լեոնեի դրոշ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.