Ռեյտերի Համախտանիշ
Ռեյտերի համախտանիշ (անգլ.՝ Reiter's syndrome), գրականության մեջ հայտնի է նաև որպես միզակնաձուսպային (ուրոօկուլո-սինովիալ) համախտանիշ։ Բնորոշվում է ախտանիշների եռյակով՝ հոդերի, միզատար ուղիների և աչքերի ախտահարումներով։
| Ռեյտերի համախտանիշ | |
|---|---|
 Գոնորեայից հետո առաջացած ծնկահոդի հոդաբորբ | |
| Տեսակ | հիվանդության կարգ |
| Բժշկական մասնագիտություն | ռևմատոլոգիա |
| Հայտնաբերող | Հանս Ռայտեր |
| Անվանվել է | Հանս Ռայտեր |
 Reactive arthritis Վիքիպահեստում | |
Առաջացման պատճառ և ախտածագում
Առաջացման պատճառը և ախտածագումը բացահայտված չեն։ Ռեյտերը (Hans Conrad Julius Reiter) այն նկարագրել է դիզինտերիա կրած հիվանդի մոտ, իսկ այլ հեղինակներ՝ ռևմատիզմի, պալարախտի, սիֆիլիսի, ոչ սպիցիֆիկ խոցային կոլիտի ժամանակ։
Կլինիկորեն նշված եռյակից առավել հաճախ նկատվում են մեծ հոդերի ախտահարումները` համեմատաբար բարենպաստ ընթացքով։ Հոդային արտահայտությունները խիստ տարբեր են, թեթև ցավազգացողությունից մինչև ծանր ձևափոխությունները՝ այտուցվածությամբ, ջլերի և ոսկրաշապիկի ախտահարումներով, հոդերի շարժունակության երկարատև խանգարումներով։ Ընթացքը համառ է, հաճախ սրացման հակումով։ Ռենտգենաբանորեն հայտնաբերվում են չափավոր օստեոպորոզ, հոդաճեղքի նեղացում։
Միզատար ուղիների ախտահարումներն արտահայտվում են միզուկի, միզապարկի, երիկամի ավազանի բորբոքումներով։ Նկարագրված են պիելոնեֆրիտներ՝ խրոնիկական երիկամային անբավարարության զարգացումով։
Տեսողական օրգաններում կարող են նկատվել շաղկապենու թեթև բորբոքումներից մինչև կուրության հասնող ախտահարումներ։
Հնարավոր են նաև կպչուն պլևրիտ, միոկարդիտ, պերիկարդիտ, քթի և բերանի լորձաթաղանթի բորբոքումներ՝ անցավ խոցոտումներ, մաշկի բշտիկային ցանավորումներ և այլն։
Հիվանդության սուր շրջանում ջերմությունը բարձր է (38-39 աստիճան), ուղեկցվում է լեյկոցիտոզով և ԷՆԱ-ի նշանակալի բարձրացմամբ։
Բուժում
Բուժումը հանգում է միջին դեղաչափերով հակաբիոտիկների, կորտիկոստերոիդների և հակաբորբոքային միջոցների համատեղ կիրառմանը։
Տես նաև
Ծանոթագրություններ
Արտաքին հղումներ
This article uses material from the Wikipedia Հայերեն article Ռեյտերի համախտանիշ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.