Ջամալ Մուսիալա (անգլ.՝ Jamal Musiala, փետրվարի 26, 2003, Շտուտգարտ, Գերմանիա), պրոֆեսիոնալ ֆուտբոլիստ, հարձակվողական ոճի կիսապաշտպան։ Հանդես է գալիս գերմանական «Բավարիայի» և Գերմանիայի ազգային հավաքականի կազմում։
Ջամալ Մուսիալա անգլ.՝ Jamal Musiala | |||||||||
---|---|---|---|---|---|---|---|---|---|
Անձնական տվյալներ | |||||||||
Ամբողջական անուն | Ջամալ Մուսիալա | ||||||||
Քաղաքացիությունը | |||||||||
Ծննդյան ամսաթիվ | փետրվարի 26, 2003 (21 տարեկան) | ||||||||
Ծննդավայր | Շտուտգարտ, Գերմանիա | ||||||||
Հասակ | 180սմ | ||||||||
Դիրք | կիսապաշտպան | ||||||||
Ակումբային տեղեկություններ | |||||||||
Ներկա ակումբ | Բավարիա | ||||||||
Համար | 42 | ||||||||
Պատանեկան կարիերա | |||||||||
| |||||||||
Մասնագիտական կարիերա* | |||||||||
Տարի | Ակումբ | Խաղ | (Գոլ) | ||||||
| |||||||||
Ազգային հավաքական‡ | |||||||||
| |||||||||
| |||||||||
Պարգևացանկ | |||||||||
* Մասնագիտական կարիերայում ընդգրկված են միայն առաջնության խաղերը և գոլերը |
Ծնվելով Գերմանիայում, ունենալով անգլիացի հայր ու գերմանուհի մայր՝ Ջամալը հանդես է եկել և՛ Անգլիայի, և՛ Գերմանիայի ֆուտբոլի հավաքականների տարբեր տարիքային խմբերում։ Ի վերջո ֆուտբոլիստը ընտրել է Գերմանիայի ազգային հավաքականը, որի կազմում մասնակցել է Եվրո 2020-ին։
Մուսիալան ծնվել է Գերմանիայի Շտուտգարտ քաղաքում, այնուհետև մինչև յոթ տարեկան հասակը ապրել Ֆուլդայում։ Դրանից հետո ընթանիքի հետ տեղափոխվել է Անգլիա, որտեղ անցկացրել է իր մանկության մեծ մասը։ Անգլիայում ապրելու տարիներին նա մարզվել է «Չելսիի» մանկապատանեկան ակադեմիայում։
2019 թվականի հուլիսին Մուսիալան միացել է «Բավարիայի» ակադեմիային։ 2020 թվականի հուլիսի 3-ին նա իր առաջին պաշտոնական հանդիպումն է անցկացրել «Բավարիա II»-ի կազմում՝ մասնակցելով Լիգա 3-ի շրջանակներում կայացած «Պրոյսենի» դեմ խաղին։ Այդ հանդիպումը ավարտվել է 3-2 հաշվով՝ մյունխենյան թիմի հաղթանակով։ Նույն թվականի հունիսի 20-ին Ջամալը իր առաջին հանդիպումն է անցկացրել Բունդեսլիգայի շրջանակներում՝ մասնակցելով «Ֆրայբուրգի» դեմ խաղին։ Այդպիսով նա դարձավ «Բավարիայի» կազմում Բունդեսլիգայում հանդես եկած ամենաերիտասարդ ֆուտբոլիստը(17 տարեկան, 115 օրական)։ 2020 թվականի սեպտմեբրի 18-ին Ջամալ Մուսիալան իր առաջին գոլն է խփել Բունդեսլիգայի շրջանակներում կայացած «Շալկե 04»-ի դեմ խաղում, որն ավարտվել է 8-0 հաշվով։
Չեմպիոնների լիգայի խաղարկությունում ֆուտբոլիստն իր առաջին հանդիպումը անցկացրել է նոյեմբերի 3-ին, երբ գերմանական թիմը մրցում էր «Զալսբուրգի» դեմ։ Ջամալը այդ հանդիպման ընթացքում փոխարինել է Թոմաս Մյուլերին։ 2021 թվականի փետրվարի 23-ին նա նաև իր առաջին գոլն է խփել Չեմպիոնների լիգայում՝ «Լացիոյի» դեմ կայացած խաղում(4-1)։
Մարտի 5-ին Ջամալ Մուսիալան թիմի հետ կնքել է իր առաջին պրոֆեսիոնալ պայմանագիրը մինչև 2026 թվականը։
2020 թվականի նոյեմբերին Մուսիալան հրավիրվել է Անգլիայի Մ21՝ մասնակցել է Եվրոպայի Մ21 առաջնության որակավորման փուլի հանդիպումներին։ Երիտասարդական հավաքականի կազմում նա իր նորամուտը նշել է «Մոլինեուքս» մարզադաշտում տեղի ունեցած Անդորրայի երիտասարդական հավաքականի դեմ խաղում, որն ավարտվել է 3-1 հաշվով՝ անգլիացիների հաղթանակով։ Իսկ առաջին գոլը խփել է նոյեմբերի 17-ին նույն մարզադաշտում տեղի ունեցած Ալբանիայի հավաքականի դեմ խաղում(5-0)։
2021 թվականի փետրվարի 24-ին Ջամալ Մուսիալան հայտարարեց, որ որոշել է հանդես գալ Գերմանիայի ազգային հավաքականի կազմում։ Նա հրավիրվեց մասնակցելու ԱԱ 2020-ի որակավորման փուլի հանդիպումներին և իր առաջին հանդիպումն անցկացրեց մարտի 25-ին՝ մասնակցելով Իսլանդիայի հավաքականի դեմ խաղին։ Նա դաշտ մտավ 79-րդ րոպեին, իսկ հանդիպումն ավարտվեց 3-0 հաշվով՝ գերմանացիների հաղթանակով։ Մայիսի 19-ին ֆուտբոլիստը հայտնվեց Եվրո 2020-ին մասնակցող Գերմանիայի հավաքականի ֆուտբոլիստների շարքում։ Հունիսի 23-ին նա մասնակցեց Եվրոպայի առաջնության շրջանակներում կայացած Հունգարիայի հավաքականի դեմ խաղին, այդպիսով դառնալով ամենաերիտասարդ գերմանացի ֆուտբոլիստը, որը հավաքականի կազմում մասնակցել է միջազգային մրցաշարի(18 տարեկան, 117 օրական)։
Ակումբ | Մրցաշրջան | Լիգա | Գավաթ | Միջազգային | Այլ | Արդյունք | ||||||
---|---|---|---|---|---|---|---|---|---|---|---|---|
Դիվիզիոն | Խաղ | Գոլ | Խաղ | Գոլ | Խաղ | Գոլ | Խաղ | Գոլ | Խաղ | Գոլ | ||
Բավարիա II | 2019–20 | Լիգա 3 | 8 | 2 | — | — | — | 8 | 2 | |||
2020–21 | Լիգա 3 | 2 | 0 | — | — | — | 2 | 0 | ||||
Արդյունք | 10 | 2 | — | — | — | 10 | 2 | |||||
Բավարիա | 2019–20 | Բունդեսլիգա | 1 | 0 | 0 | 0 | 0 | 0 | 0 | 0 | 1 | 0 |
2020–21 | Բունդեսլիգա | 26 | 6 | 2 | 0 | 6 | 0 | 37 | 7 | |||
2021–22 | Բունդեսլիգա | 6 | 2 | 1 | 2 | 2 | 0 | 1 | 0 | 10 | 4 | |
Արդյունք | 33 | 8 | 3 | 2 | 8 | 1 | 4 | 0 | 48 | 11 | ||
Կարիերայի արդյունք | 43 | 10 | 3 | 2 | 8 | 1 | 4 | 0 | 58 | 13 |
Ազգային հավաքական | Տարի | Խաղ | Գոլ |
---|---|---|---|
Գերմանիա | |||
2021 | 8 | 0 | |
Արդյունք | 8 | 0 |
This article uses material from the Wikipedia Հայերեն article Ջամալ Մուսիալա, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.