Ուենթուորթ Էրլ Միլեր Երրորդ (անգլ.՝ Wentworth Earl Miller III, հունիսի 2, 1972(1972-06-02), Chipping Norton, Արևմտյան Օքսֆորդշիր, Օքսֆորդշիր, Անգլիա, Միացյալ Թագավորություն), ամերիկացի դերասան, մոդել, սցենարիստ և պրոդյուսեր։ Առավելապես հայտնի է «Fox» հեռուստաընկերության «Փախուստ բանտից» հեռուստասերիալում Մայքլ Սքոֆիլդին մարմնավորելով, ինչի համար արժանացել է Ոսկե գլոբուս մրցանակի՝ լավագույն դերասանի անվանակարգում։
Ուենթուորթ Միլեր | |
---|---|
Ծնվել է | հունիսի 2, 1972 (51 տարեկան) |
Ծննդավայր | Chipping Norton, Արևմտյան Օքսֆորդշիր, Օքսֆորդշիր, Անգլիա, Միացյալ Թագավորություն |
Կրթություն | Փրինսթոնի համալսարան, Միդվուդի ավագ դպրոց և Quaker Valley High School? |
Քաղաքացիություն | ԱՄՆ |
Մասնագիտություն | հեռուստատեսային դերասան, դերասան, սցենարիստ, մոդել, կինոդերասան և կինոպրոդյուսեր |
2013 թվականին կատարել է սցենարիստական դեբյուտը՝ հեղինակելով «Սթոքեր» թրիլերի սցենարը։ Երկրորդ պլանի դերակատարում է ունեցել «Ֆլեշ» հեռուստասերիալում և հիմնական դեր դրա սփին–օֆֆ՝ «Վաղվա Լեգենդները» հեռուստասերիալում։
Միլերը ծնվել է Օքսֆորդշիր կայսրության Չիփինգ Նորթոն քաղաքում, Ռոքսանի և Ուենթուորթ Միլեր Երկրորդի ընտանիքում։ Նրա հայրը սովորում էր Օքսֆորդի համալսարանում Միլերի ծնունդի ժամանակ։ 2003 թվականին Միլերը ասաց, որ նրա հայրը սևամորթ է, իսկ մայրը՝ սպիտակամորթ։ Նրա հորական տատն ու պապը ունեն աֆրոամերիկյան, Ճամայկական, անգլիական, գերմանական, հրեական և չերոկական ծագում։ Իսկ մոր տատն ու պապը՝ ռուսական, ֆրանսիական, հոլանդական, սիրիական և լիբանանական ծագում։
Նրա ընտանիքը տեղափոխվեց Փարք Սլոուփ, Բրուքլին, երբ նա մեկ տարեկան էր։ 1995 թվականին նա ավարտել է Պրինստոնի համալսարանը անգլիական գրականության բակալավրով։
1995 թվականին Միլերը տեղափոխվել է Լոս Անջելես՝ դերասանական կարիերան զարգացնելու համար։ Միլերը 1998 թվականին ստացել է իր առաջին հեռուստատեսային դերը՝ մարմնավորելով Գեյջ Փետրոնզիին «Բաֆի» հեռուստասերիալում։
2002 թվականին մարմնավորել է Դեյվիդ Սքոթին ABC հեռուստաալիքի «Դինտոպիա» մինիսերիալում։ Մի քանի փոքր դերեր կատարելուց հետո, 2003 թվականին նկարահանվել է «Վարկաբեկված հեղինակություն» ֆիլմում՝ մարնավորելով երիտասարդ Քոուլմեն Սիլքին։ 2003 թվականին նաև նկարահանվել է «Ուրիշ աշխարհ» ֆիլմում՝ մարմնավորելով Մայքլ Քորվինի ընկեր բժիշկին։ 2005 թվականին Միլերը մարնավորել է Մայքլ Սքոֆիլդին Fox հեռուստաալիքի «Փախուստ բանտից» հեռուստասերիալում։ Նա կատարել է հոգատար եղբոր դեր, ով մշակել էր գործող ծրագիր, որպեսզի իր եղբորը՝ Լինքոլն Բուրոուին (Դոմինիկ Փարսել) ազատի մահվան դատապատժից, հանցանքի համար, որը նա չէր գործել։ Իր այս դերի համար նա 2005 թվականին ստացել է Ոսկե Գլոբուսի նոմինացիա որպես Լավագույն դրամատիկական հեռուստասերիալի դերասան։
Նա նկարահանվել է Մրայա Քերիի երկու տեսահոլովակներում՝ «It's Like That» երգի տեսահոլովակում որպես ցերեկույթի հյուր և «We Belong Together» տեսահոլովակում որպես նրա սիրեցյալը։
Միլերը գրել է «Սթոքեր» հոգեբանական թրիլերի սցենարը։ Նա օգտագործել է Թեդ Ֆոուլք գրական անունը։ Ֆիլմը պատմում է մի դեռահաս աղջկա մասին, ով իր հոր մահից հետո կատարում է գործարք իր առեղծավածային հերեղբոր հետ, ում մասին նա անցյալում չգիտեր։ Միլերը դա նկարագրել է որպես՝ «սարսափ ֆիլմ, ընտանեկան դրամա և հոգեբանական թրիլեր»։ Փարք Չուան Ուոքը եղել է ֆիլմի ռեժիսորը, Միա Վասիկովսկան կատարել է դեռահաս աղջկա դերը, Նիկոլ Քիդմանը կատարել է մոր դերը, իսկ Մեթյու Գուդը՝ հորեղբոր։ Ֆիլմը հեռարձակվել է 2013 թվականին։
Միլերը գրել է բելգաամերիկյան «Լոֆթ» հեռուստասերիալի սցենարը, որը վերցված է Էրիկ Վան Լուի «Լոֆթ» գերամներեն լեզվով բելգիական ֆիլմից։
Միլերը նաև գրել է «Հիասթափոցության սենյակը» ֆիլմի սցենարը, որը ընտանեկան դրամա է և ունի սարսափ ֆիլմի էլեմենտներ։
2014 թվականի հուլիսին հայտարարվեց, որ Միլերը նկարահանվելու է The CW հեռուստաալիքի «Ֆլեշ» սուպերհերոսական հեռուստասերիալում՝ մարմնավորելով Լեոնարդ Սնարտին/ Կապիտան Սառնամանիքին.։ Նա հեռուստասերիալում առաջին անգամ երևացել է առաջին եթերաշրջանի չորրորդ սերիայում, և կրկնել է իր դերը «Վաղվա լեգենդները» հեռուստասերիալում։ Միլերը լքել է «Վաղվա Լեգենդները» առաջին եթերաշրջանից հետո, սակայն կնքել է պայմանագիր Warner Bros. TV–ի հետ, Սնարտի դերը այլ հեռուստասերիալներում կատարելու համար։
Միլերը ապրում է Բրիտանական Կոլումբիա նագանգի Վանկուվեր քաղաքում, Կանադայում։ Նա ունի երկու քույր՝ Լեյը և Ջիլիանը։ Նա ունի Մեծ Բրիտանիայի և ԱՄՆ-ի քաղաքացիություն։
2007 թվականին «InStyle» ամսագրին տված հարցազրույցում Միլերը հերքել է այն փաստը, որ նա գեյ է։ Սակայն 2013 թվականի օգոստոսին նա խոստովանել է, որ գեյ է GLAAD-ի վեբյաքում իր գրած նամակում, որտեղ ասվում է, որ նա չի գնացել Սանկտ Պետերբուրգի միջազգային կինոփառատոն, քանի որ Ռուստաստանում լավ չեն վերաբերվում իրենց համասեռական քաղաքացիներին։ Նա գրել է, որ չի կարող մասնակցել այդ միջոցառմանը մի երկրում, որտեղ իր նման մարդիկ չունեն ազատ ապրելու և սիրելու իրավունք։
2013 թվականին Սիեթլ քաղաքում «Human Rights Campaign»-ի ընթրիքի ժամանակ Միլերը ասել է, որ դեռահաս տարիքում մի քանի անգամ փորձել է ինքնասպան լինել։
2016 թվականին Ֆեյսբուքում իր հրապարակման մեջ նշել է, որ մանուկ հասակից ունեցել է դեպրեսիա։ «Սա մի կռիվ էր, որը արժեր ժամանակ, հնարավորություններ, հարաբերություններ և հազարավոր անքուն գիշերներ»։ Այս հրապարկման մեջ նա ծաղրում էր ինքն իրեն, երբ 2010 թվականին նա ավելորդ քաշ էր հավագել։ Նա ասել է, որ գիրացել էր, քանի որ ցանկանում էր գտնել իր համար հարմար ուտելիք այն ժամանակ, երբ որ ցանկանում էր ինքնասպան լինել։ Հրապարակման վերջում Միլերը տեղադրել էր մի քանի կազմակերպությունների հղումներ, որոնցից էին «National Suicide Prevention Lifeline» և «Active Minds»:
2016 թվականի հոկտեմբերի 17-ին «Active Minds»-ը (հոգեկան առողջության բարեգործական կազմակերպություն) Միլերին նշանակել է կազմակերպության դեսպան։
Տարի | Անվանում | Դեր | Նշումներ |
---|---|---|---|
2000 | Ռոմեո և Ջուլիետ | Կեմս Փարիզ | |
2001 | Սենյակ 302 | Կարճամենտրաժ | |
2003 | Ուրիշ աշխարհ | Բժիշկ Ադամ Լոքվուդ | |
2003 | Վարկաբեկված հեղինակություն | Երիտասարդ Քոուլմեն Սիլք | |
2005 | Խոստովանություն | Բանտարկյալ / Թոմ | Կարճամենտրաժ |
2005 | Սթելս | Էդի | Ձայն |
2009 | Արյան առու | Գերմանացի զինվոր | Տիտրերում չնշված դեր |
2010 | Չարի բնակիչը։ Կյանք մահից հետո | Քրիս Ռեդֆիլդ | |
2014 | Լեֆթ | Լյուք Սիքորդ | |
2015 | 2 ժամ, 2 Վեգաս | Տղա | Կարճամենտրաժ |
Տարի | Անվանում | Նշումներ |
---|---|---|
2013 | Սթոքեր | Սցենարիսը և համապրոդյուսեր |
2016 | Հիասթափության սենյակ | Սցենարիստ |
Տարի | Անվանում | Դեր | Նշումներ |
---|---|---|---|
1998 | Բաֆի | Գեյջ Փենթրոզի | Սերիա։ «Առաջ ձուկ» |
1999–2000 | Քո կյանքի ժամանակը | Նելսոն | 3 սերիա |
2000 | Հայտնի | Ադամ Ռոդշիլդ–Ռայան | 2 սերիա |
2000 | Շտապ օգնություն | Մայք Փալմիերի | Սերի։ «Վերադարձ տուն» |
2002 | Դինտոպիա | Դեյվիդ Սքոթ | Հիմնական դեր |
2005 | Նոր Ժաննա դ՛Արք | Ռայան Հանթեր | 2 սերիա |
2005–2009 | Փախուստ բանտից | Մայքլ Սքոֆիլդ | Հիմնական դեր |
2005 | Հոգու հետ խոսողը | Սերժանտ Փոլ Ադամս | Սերիա։ «Պիլոտ» |
2009 | Գրիֆինների ընտանիքը | Ժոք #4 / Հայտնի երեխա #2 | Ձայն, Սերիա։ «Սթյու Ռոյդս» |
2009 | Փախուստ բանտից։ Վերջնական փախուստը | Մայքլ Սքոֆիլդ | Հեռուստաֆիլմ |
2009 | Օրենք ու կարգուկանոն։ Հատուկ զորամաս | Դետեկտիվ Նեյթ Քենդալ | Սերիա։ «Անկայուն» |
2011 | Հաուս | Բենջամին Բրայդ | Սերիա։ «Բարեգործական» |
2013 | Երիտասարդ արդարադատություն | Սլեյդ Ուիլսն / Դեթսթրոուք | Ձայն, Սերիա։ «Երկընտրանք» |
2014–2015 | Ֆլեշ | Լեոնարդ Սնարտ / Կապիտան սառնամանիք | Երկրորդական դեր, 8 սերիա |
2016 | Վաղվա Լեգենդները | Լեոնարդ Սնարտ / Կապիտան Սառնամանիք | Հիմնական դեր |
2017 | Փախուստ բանտից | Մայքլ Սքոֆիլդ | Հիմնական դեր, Նկարահանվում է |
Տարի | Երգի վերնագիր | Կատարող |
---|---|---|
2005 | It's Like That | Մրայա Քերի |
2005 | We Belong Together | Մրայա Քերի |
Տարի | Անվանում | Դեր | Նշումներ |
---|---|---|---|
2010 | Prison Break: The Conspiracy | Մայքլ Սքոֆիլդ | Ձայն |
Տարի | Մրցանակաբաշխություն | Անվանակարգ | Արդյունք | Աշխատանք |
---|---|---|---|---|
2004 | Սև ֆիլմ | Լավագույն դերասան | Առաջադրված | Վարկաբեկված հեղինակություն |
2004 | Սև ֆիլմ | Լավագույն առաջընթացային կատարում | Առաջադրված | Վարկաբեկված հեղինակություն |
2005 | Ոսկե Գլոբուս | Դրամա հեռուստասերիալի դերասանի կողմից լավագույն կատարում | Առաջադրված | Փախուստ բանտից |
2005 | Սատուրն | Լավագույն հեռուստատեսային դերասան | Առաջադրված | Փախուստ բանտից |
2006 | Ոսկե Դերբի | Տարվա առաջընթացային կատարող | Առաջադրված | Փախուստ բանտից |
2006 | Teen Choice Award | Ընտրություն լավագույն դրամա հեռուստասերիալի դերասան | Առաջադրված | Փախուստ բանտից |
2006 | Teen Choice Award | Ընտրություն հեռուստատեսային բրեքաութ դերասան | Առաջադրված | Փախուստ բանտից |
2007 | Bravo Otto | Լավագույն տղամարդ հեռուստատեսային դերասան | 2–րդ հորիզոնական | Փախուստ բանտից |
2007 | Teen Choice Award | Ընտրություն հեռուստատեսային դերասան։ Դրամա | Առաջադրված | Փախուստ բանտից |
2008 | Teen Choice Award | Ընտրություն հեռուստատեսային դերասան։ Արկածային մարտաֆիլմ | Առաջադրված | Փախուստ բանտից |
2013 | Fright Meter Award | Լավագույն սցենարիստ | Առաջադրված | Սթոքեր |
2013 | International Online Cinema Awards | Լավագույն օրիգինալ սցենարիստ | Առաջադրված | Սթոքեր |
2014 | Fangoria Chainsaw Award | Լավագույն սցենար | 2–րդ հորիզոնական | Սթոքեր |
2015 | Սատուրն | Լավագույն հեռուստատեսային երկրորդական դեր | Հաղթանակ | Ֆլեշ |
Վիքիպահեստն ունի նյութեր, որոնք վերաբերում են «Ուենթուորթ Միլեր» հոդվածին։ |
This article uses material from the Wikipedia Հայերեն article Ուենթուորթ Միլեր, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.