Յանգ Թագ: Ամերիկացի ռեփեր եւ երգիչ
Ջեֆրի Վիլյամս (անգլ.՝ Jeffrey Williams, օգոստոսի 16, 1991(1991-08-16), Sylvan Hills, Ատլանտա և Ատլանտա), ավելի հայտնի է որպես Յանգ Թագ (Young Thug), ամերիկացի ռեփեր։ Առաջին անգամ որոշակի հայտնիություն է ձեռք բերել 2013 թվականին թողարկված իր «1017 Thug» միքսթեյպի շնորհիվ։ 2014 թվականին ձեռք բերել համաշխարհային հայտնիություն, իր մասնակցությունն ունենալով այնպիսի հիթային երգերում, ինչպիսիք են՝ Թայգայի «Hookah», T.I.-ի «About the Money» և Rich Gang-ի «Lifestyle» երգում։ Բայցի այդ, բազմաթիվ անգամներ համագործակցել է ամերիկացի ռեփերներ Վակա Ֆլոկա Ֆլեյմի և Rich Homie Quan-ի հետ։
| Յանգ Թագ | |
|---|---|
 | |
| Հիմնական տվյալներ | |
| Բնօրինակ անուն | Young Thug |
| Ի ծնե անուն | Ջեֆրի Վիլյամս |
| Նաև հայտնի է որպես | Young Thug |
| Ծնվել է | օգոստոսի 16, 1991 (32 տարեկան) Ատլանտա, Ջորջիա |
| Երկիր |  ԱՄՆ |
| Ժանրեր | Հիփ հոփ |
| Մասնագիտություն | Ռեփեր |
| Գործիքներ | վոկալ |
| Գործունեություն | 2009-ներկա |
| Լեյբլ | 300 Entertainment, 1017 Brick Squad Records, Asylum Records, Atlantic Records |
| Կրթություն | Հարավային Ատլանտայի ավագ դպրոց և Գյումրու 3 ավագ դպրոց |
| Կապված | Գուչի Մեն, Վակա Ֆլոկա Ֆլեյմ, Rich Homie Quan, T.I., Թրևիս Սքոթ |
| Կայք | yslthug.com |
 Young Thug Վիքիպահեստում | |
Կարիերա
2011-2012 թվականների ընթացքում «I Came From Nothing» միքսթեյպի առաջին, երկրորդ և երրորդ մասերը թողարկելուց հետո, 2013 թվականին Յանգ Թագը ստորագրում է պայմանագիր ռեփեր Գուչի Մենի 1017 Brick Squad Records ձայնագրման լեյբլի հետ և դառնում է անդամ։ Այնուհետև այդ լեյբլի օգնությամբ նա թողարկում է իր «1017 Thug» անվանումը կրող միքսթեյպը, որը արժանանում է երաժշտական քննադատների դրական արձագանքներին։ Միքսթեյպը ընդգրկվում է Pitchfork Media-ի «Տարվա ալբոմներ․ Պատվավոր հիշատակություն», Complex ամսագրի «2013-ի լավագույն 50 ալբոմներ», Rolling Stone ամսագրի «2013-ի լավագույն 10 միքսթեյպներ», The Guardian-ի «2013-ի հինգ լավագույն միքսթեյպներ» ցանկերում, իսկ բրիտանական FACT ամսագիրը այն համարում է 2013 թվականի լավագույն միքսթեյպը։ Երաժշտական քննադատների կողմից դրական արձագանքների է արժանանում նաև միքսթեյպի «Picacho» երգը, որը ընդգրկվում է Pitchfork Media-ի և Rolling Stone-ի 2013 թվականի ընթացքում թողարկված 100 և Spin ամսագրի 50 լավագույն երգերի ցանկում։ 2013 թվականի հուլիսին Complex ամսագիրը Յանգ Թագին նաև ընդգրկեց իր 25 նոր ռեփերների ցանկում։
Կատարողական արվեստ
Երաժշտական ոճ
Յանգ Թագը հայտնի է իր էքսցենտրիկ և տարբեր ձայներով երգելու կարողությամբ։ XXL ամսագիրը նրա կատարողական ոճը անվանել է «տարօրինակ ռեփ», իսկ Pitchfork Media կայքը այն նշել է որպես «աննախադեպ տարբերվող»։ The Fader ամսագիրը Յանգ Թագի երաժշտական ոճը նկարագրելիս գրում է, որ նա իր բոլոր երգերում սովորաբար բղավում և նվնվում է, իսկ Billboard ամսագիրը գրել է, որ ոչ ոք չի կարող որևէ բան հասկանալ երբ նա երգում կամ ռեփ է կարդում։ Իր երգերի մեծ մասում Յանգ Թագը սովորաբար օգտագործում է Auto-Tune:
Ոգեշնչող կատարողներ
Տարբեր հարցազրույցներում Յանգ Թագը նշել է, որ իրեն ամենաշատը ոգեշնչող և իր երաժշտության վրա ամենամեծ ազդեցությունը թողած կատարողն է ամերիկացի ռեփեր Լիլ Ուեյնը։ Complex ամսագրի հետ հարցազրույցում նա նշում է․ «Ես ուզում եմ ձայնագրման ստուդիայում լինել Ուեյնի հետ ավելի շատ, քան որևէ մեկի այս աշխարհում։»
Մրցանակներ և առաջադրումներ
| Տարի | Մրցանակաբաշխություն | Անվանակարգ | Առաջադրված աշխատանք | Արդյունք |
|---|---|---|---|---|
| 2014 | BET Hip Hop Awards | Ով պայթեցրել է | Յանգ Թագ | Առաջադրված |
| Ստիպում է քեզ նայել (Լավագույն հիփ հոփ ոճ) | Առաջադրված | |||
| Լավագույն ակումբային երգ | «Stoner» | Առաջադրված | ||
| 2015 | BET Awards | Հեռուստադիտողների ընտրություն | «Throw Sum Mo» (Rae Sremmurd-ի և Նիքի Մինաժի հետ) | Առաջադրված |
Ծանոթագրություններ
 | Վիքիպահեստն ունի նյութեր, որոնք վերաբերում են «Յանգ Թագ» հոդվածին։ |
This article uses material from the Wikipedia Հայերեն article Յանգ Թագ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.