Թոքերի Լայնացում: մարդու հիվանդություն
Թոքերի լայնացում (թոքերի էմֆիզեմա) (հուն․՝ εμφύσημα` փքվել, հուն․՝ έμφυσαω` փչում եմ), թոքերի հիվանդություն, որը բնորոշվում է թոքերի լայնացումով, դրանցում մնացորդային օդի պարունակության ավելացմամբ, թոքերի օդափոխության և արյան շրջանառության խանգարումներով։ Թոքերի լայնացման հիմնական պատճառներն են մանր բրոնխների նեղացումը և լորձաթաղանթի այտուցը։ Թոքերի լայնացումը լինում է սահմանափակ և տարածուն։ Վերջինս իր հերթին բաժանվում է ծերունական (ապաճական), կոմպենսատոր (վիկար) և քրոնիկական (ինքնուրույն) ձևերի։ Կլինիկական նշանակություն ունի վերջին ձևը, որը բնորոշվում է բրոնխների ծայրային ճյուղավորումների անանցանելիությամբ, թոքաբշտիկների պատերի առաձգական հյուսվածքի ետաճումով, միջթոքաբշտիկային խտրոցների քայքայումով։
| Թոքերի լայնացում | |
|---|---|
 | |
| Տեսակ | հիվանդության կարգ |
| Պատճառ | ծխում |
| Բժշկական մասնագիտություն | թոքաբանություն |
| ՀՄԴ-10 | J43 |
 Pulmonary emphysema Վիքիպահեստում | |
Թոքերի լայնացման ախտանշաններն են՝ հազ, հևոց, խորխարտադրություն, դեմքի կապտություն, կրծքավանդակի առաջ-ետին չափերի մեծացում (տակառաձև կրծքավանդակ), թոքերի կենսական տարողության փոքրացում, հետագայում՝ սրտի գերբեռնվածություն և թոք-սրտային անբավարարություն։
Բուժում
Բուժական մարմնամարզություն, խորխաբեր, հազը հանգստացնող միջոցներ, կլիմայաբուժում։
 | Վիքիպահեստն ունի նյութեր, որոնք վերաբերում են «Թոքերի լայնացում» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 4, էջ 214)։  |
This article uses material from the Wikipedia Հայերեն article Թոքերի լայնացում, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.