Էրիկ Աբիդալ: ֆրանսերեն ֆուտբոլիստ
Էրիկ Սիլվայն Աբիդալ (ֆր.՝ Éric Sylvain Abidal, ֆրանսերեն արտասանություն , սեպտեմբերի 11, 1979(1979-09-11), Saint-Genis-Laval), նախկին ֆրանսիացի ֆուտբոլիստ, եզրային պաշտպան։ Հանդես է եկել Ֆրանսիայի ազգային հավաքականում։ «Լիոնի» կազմում 2005-2007 թվականներին Ֆրանսիայի չեմպիոն, 2006 թվականի աշխարհի առաջնության արծաթե մրցանակակիր, 2009 և 2011 թվականների Չեմպիոնների Լիգայի հաղթող և իսպանական «Բարսելոնայի» կազմում 2009, 2010, 2011 և 2013 թվականների Իսպանիայի չեմպիոն և 2009 թվականի Իսպանիայի գավաթի դափնեկիր։
 ֆր.՝ Eric Abidal | |||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||||||
| Անձնական տվյալներ | |||||||||||||||||||||||||||
| Ամբողջական անուն | Էրիկ Սիլվայն Աբիդալ | ||||||||||||||||||||||||||
| Ազգությունը |  Ֆրանսիա | ||||||||||||||||||||||||||
| Քաղաքացիությունը | Ֆրանսիա | ||||||||||||||||||||||||||
| Մականուն | Աբի | ||||||||||||||||||||||||||
| Ծննդյան ամսաթիվ | սեպտեմբերի 11, 1979 (44 տարեկան) | ||||||||||||||||||||||||||
| Ծննդավայր | Լիոն, Ֆրանսիա | ||||||||||||||||||||||||||
| Հասակ | 186 սմ | ||||||||||||||||||||||||||
| Քաշ | 75 կգ | ||||||||||||||||||||||||||
| Դիրք | պաշտպան | ||||||||||||||||||||||||||
| Ակումբային տեղեկություններ | |||||||||||||||||||||||||||
| Ներկա ակումբ | ավարտել է կարիերան | ||||||||||||||||||||||||||
| | |||||||||||||||||||||||||||
| Մասնագիտական կարիերա* | |||||||||||||||||||||||||||
| Տարի | Ակումբ | Խաղ | (Գոլ) | ||||||||||||||||||||||||
| |||||||||||||||||||||||||||
| Ազգային հավաքական | |||||||||||||||||||||||||||
| |||||||||||||||||||||||||||
| | |||||||||||||||||||||||||||
| * Մասնագիտական կարիերայում ընդգրկված են միայն առաջնության խաղերը և գոլերը: | |||||||||||||||||||||||||||
Կարիերա
Աբիդալը իր պրոֆեսիոնալ կարիերան սկսել է 2000 թվականին՝ «Մոնակոյում»։ Փոքրիկ իշխանության տեր երկրի թիմում խաղալով երկու մրցաշրջան՝ Աբիդալը 2002 թվականին տեղափոխվում է «Լիլ»։ Նոր թիմում անցկացնելով ևս երկու մրցաշրջան՝ Աբիդալը տեղափոխվում է արդեն այդ տարիներին ինխող «Լիոն»։ Լիոնում անցկացրած երեք մրցաշրջանների ժամանակ Աբիդալը «հասցնում է» նույնանուն ակումբի կազմում երեք անգամ դառնալ Ֆրանսիայի չեմպիոն։
2007 թվականի հունիսի 30-ին Աբիդալը պայմանագիր է կնքում իսպանական «Բարսելոնայի» հետ։ Ֆրանսիացու տրանսֆերի արժեքը կազմում է 15 մլն եվրո։ Աբին Ֆրանսիայի հավաքականի կազմում կատարել է իր նորամուտը 2014 թվականի օգոստոսի 14-ին։ 2006 թվականի աշխարհի առաջնությունում նա հավաքականի կազմում մասնակցություն է ունեցել առաջնության յոթ խաղերից վեցում։ Առաջնության ժամանակ՝ Ֆրանսիայի ազգային հավաքականի ճամբարում վիճաբանություն է սկսվում մարզչական շտաբի և ազգային հավաքականի որոշ ֆուտբոլիստների միջև։ Այդ վիճաբանությունից հետո հենց առաջնության ժամանակ թիմի կազմից հեռացվում է Նիկոլյա Անելկան, իսկ հավաքականի ընդհանուր կազմը հրաժարվեց մարզումներին մասնակցելուն։ Լուրի մասին իմանալով՝ Ֆրանսիայի ֆուտբոլի ֆեդերացիան պատժում է վիճաբանության մի շարք պարագլխերի (որակազրկելով նրանց), սակայն Աբիդալին չի ներկայացվում ինչ-որ մեղադրանք։
2009 թվականին Աբիդալի մոտ ախտորոշվում է խոզի գրիպ հիվանդությունը։ Իսկ արդեն 2011 թվականի մարտին՝ լյարդի ուռուցք։ Ֆրանսիացի պաշտպանը կարողանում է վերադառնալ խաղադաշտ միայն 2011 թվականի մայիսի 3-ին՝ Չեմպիոնների Լիգայի շրջանակներում, Մադրիդի «Ռեալի» դեմ կիսաեզրափակչի պատասխան խաղում։ Այդ խաղում նա դուրս է գալիս խաղադաշտ հանդիպման 90-րդ րոպեին՝ փոխարինելով Կառլես Պույոլին։ Կատալոնական ակումբի երկրպագուները այդ խաղում դիմավորեցին Աբիդալին բուռն ծափահարություններով։ Իսկ Չեմպիոնների Լիգայի 2011 թվականի մայիսի 28-ին կայացած եզրափակչում «Բարսելոնայի» կողմից տարված հաղթանակից հետո՝ հենց Աբիդալն է առաջին իր գլխավերևում բարձրացնում չեմպիոնական գավաթը։
«Բարսելոնայի» կազմում Աբին իր երկրորդ հեղինակավոր գոլը հեղինակել է 2012 թվականի հունվարի 19-ին Իսպանիայի գավաթի 1/4 եզրափակչի շրջանակներում կայացած Մադրիդի «Ռեալի» դեմ խաղում։ Խաղը ավարտվում է 2-1 հաշվով՝ հօգուտ կատալոնացիների (խաղը կայացել էր Սանտիագո Բերնաբեուում)։ Մրցաշրջանի ավարտին ֆուտբոլիստը և ակումբը համաձայնության են հասնում պայմանագրի երկարաձգման հարցում։
Էրիկ Աբիդալը ստիպված էր վերջ տալ ֆուտբոլային իր ելույթներին 2012 թվականի ապրիլին հաջողությամբ պսակված լյարդի չարորակ ուռուցքի փոխպատվաստման վիրահատությունից հետո։ Արդեն վիրահատությունից հետո Էրիկին շնորհվում է 2012 թվականի «Բարսելոնայի» ամենաօգտակար ֆուտբոլիստի կոչումը։ 2013 թվականի հունվարի 1-ին Աբիդալը վերսկսում է իր մարզումները կատալոնական ակումբի կազմում։ 2013 թվականի ապրիլի 6-ին Էրիկը ապաքինումից հետո առաջին անգամ դուրս է գալիս խաղադաշտ։ Նրա վերադարձի խաղն է դառնում Իսպանիայի առաջնության շրջանակներում անցկացվող «Մալյորկայի» դեմ խաղը։ Սակայն ակումբի գլխավոր մարզիչ Տիտո Վիլանովան և նրա օգնականները վստահ չէին, որ ֆրանսիացի ֆուտբոլիստը կկարողանա վերականգնել իր լավագույն որակները և ցուցադրել այն խաղը, որը նա ցուցադրել էր իր լավագույն ժամանակներում։ Ինքը՝ Աբիդալը, կառչում էր մի քանի համոզմունքներից, համարելով, որ կարող է բարձր մակարդակով հանդես գալ ևս մեկ մրցաշրջան։
«Բարսելոնայի» հետ պայմանագրի ժամկետի լրանալուց հետո՝ Աբիդալը ազատ գործակալի կարգավիճակով համաձայնության է հասնում «Մոնակոյի» հետ։ Հենց այդ ակումբում էր Աբիդալը սկսել իր պրոֆեսիոնալ ֆուտբոլային կարիերան։ Ֆուտբոլիստի ներկայացուցիչը հայտարարեց, որ Աբիդալը «Մոնակոյի» հետ կկնքի մեկ տարի ժամկետով պայմանագիր։ 2013 թվականի հուլիսի 20-ին Աբիդալը նշանակվում է որպես ակումբի նոր ավագ։
2014 թվականի հուլիսի 5-ին ֆրանսիացի պաշտպանը ֆրանսիական «Մոնակոյից» տեղափոխվում է հունական «Օլիմպիակոս»։ Այս ակումբի հետ նույնպես Աբիդալը կնքում է մեկ տարի ժամկետով պայմանագիր։
2014 թվականի դեկտեմբերի 19-ին Աբիդալը հայտարարում է ֆուտբոլային կարիերայի ավարտման մասին։
Անձնական կյանք
Աբիդալը ամուսնացած է՝ ունի երեք դուստր։ Ընդունել է իսլամ։
Վիճակագրություն
Ակումբային
| Ակումբ | Մրցաշրջան | Լիգա | Գավաթ | Եվրոպա | Ընդհանուր | ||||
|---|---|---|---|---|---|---|---|---|---|
| Խաղ | Գոլ | Խաղ | Գոլ | Խաղ | Գոլ | Խաղ | Գոլ | ||
| Մոնակո Բ | 2000–01 | 8 | 0 | - | - | - | - | 8 | 0 |
| Ընդհանուր | 8 | 0 | 0 | 0 | 0 | 0 | 8 | 0 | |
| Մոնակո | 2000-01 | 8 | 0 | - | - | 1 | 0 | 9 | 0 |
| 2001-02 | 14 | 0 | 3 | 0 | - | - | 17 | 0 | |
| Ընդհանուր | 22 | 0 | 3 | 0 | 1 | 0 | 26 | 0 | |
| Լիլ | 2002-03 | 27 | 0 | 3 | 0 | - | - | 30 | 0 |
| 2003-04 | 35 | 0 | 3 | 1 | - | - | 38 | 1 | |
| Ընդհանուր | 62 | 0 | 6 | 1 | 0 | 0 | 68 | 1 | |
| Լիոն | 2004-05 | 29 | 0 | 5 | 1 | 7 | 0 | 41 | 1 |
| 2005-06 | 14 | 0 | 2 | 0 | 6 | 0 | 22 | 0 | |
| 2006-07 | 33 | 0 | 4 | 1 | 7 | 0 | 44 | 1 | |
| Ընդհանուր | 76 | 0 | 11 | 2 | 20 | 0 | 107 | 2 | |
| Բարսելոնա | 2007-08 | 30 | 0 | 6 | 0 | 10 | 0 | 46 | 0 |
| 2008-09 | 25 | 0 | 2 | 0 | 5 | 0 | 32 | 0 | |
| 2009-10 | 17 | 0 | 4 | 0 | 10 | 0 | 31 | 0 | |
| 2010-11 | 26 | 0 | 7 | 1 | 8 | 0 | 41 | 1 | |
| 2011-12 | 22 | 0 | 7 | 1 | 9 | 0 | 38 | 1 | |
| 2012-13 | 5 | 0 | 0 | 0 | 0 | 0 | 5 | 0 | |
| Ընդհանուր | 125 | 0 | 26 | 2 | 42 | 0 | 193 | 2 | |
| Մոնակո | 2013-14 | 26 | 0 | 3 | 0 | 0 | 0 | 29 | 0 |
| Ընդհանուր | 26 | 0 | 3 | 0 | 0 | 0 | 29 | 0 | |
| Օլիմպիակոս | 2014-15 | 9 | 0 | 0 | 0 | 6 | 0 | 15 | 0 |
| Ընդհանուրը | 9 | 0 | 0 | 0 | 6 | 0 | 15 | 0 | |
| Ընդհանուրը կարիերայում | 328 | 0 | 49 | 5 | 69 | 0 | 446 | 5 | |
Միջազգային
| Ազգային հավաքական | Տարի | Խաղ | Գոլ |
|---|---|---|---|
| Ֆրանսիա | 2004 | 1 | 0 |
| 2005 | 3 | 0 | |
| 2006 | 15 | 0 | |
| 2007 | 12 | 0 | |
| 2008 | 9 | 0 | |
| 2009 | 5 | 0 | |
| 2010 | 6 | 0 | |
| 2011 | 9 | 0 | |
| 2012 | 1 | 0 | |
| 2013 | 6 | 0 | |
| Ընդհանուր | 67 | 0 | |
Ձեռքբերումներ
Ակումբային
Լիոն
- Լիգա 1-ի չեմպիոն։ 2004-05, 2005-06, 2006-07
- Ֆրանսիայի սուպերգավաթի դափնեկիր։ 2005, 2006, 2007
Բարսելոնա
- Լա Լիգայի չեմպիոն։ 2008-09, 2009-10, 2010-11, 2012-13
- Իսպանիայի գավաթի դափնեկիր։ 2008-09, 2011-12
- Իսպանիայի սուպերգավաթի դափնեկիր։ 2009, 2010, 2011
- ՈՒԵՖԱ Չեմպիոնների Լիգայի հաղթող։ 2008-09, 2010-11
- ՈՒԵՖԱ սուպերգավաթի դափնեկիր։ 2009, 2011
- Աշխարհի ակումբային առաջնության հաղթող։ 2009, 2011
Օլիմպիակոս
- Հունաստանի Սուպերլիգայի հաղթող։ 2014-15
- Հունաստանի գավաթի դափնեկիր։ 2014-15
Միջազգային
- Աշխարհի առաջնության արծաթե մրցանակակիր։ 2006
Անձնական
- Ընդգրկվել է Լիգա 1-ի տարվա խորհրդանշանական թիմի կազմում։ 2005, 2006, 2007
- Ընդգրկվել է ՈՒԵՖԱ-ի տարվա խորհրդանշանական թիմի կազմում։ 2007
- Լա Լիգայում տարվա լավագույն պաշտպան։ 2011
Ծանոթագրություններ
Արտաքին հղումներ
- L'Équipe stats
- Վիճակագրություն FIFA-ի կայքում(անգլ.)
- Էջը 2010 թվականի աշխարհի առաջնության վիճակագրական մասում Արխիվացված 2011-09-05 Wayback Machine
- Էրիկ Աբիդալ Արխիվացված 2008-12-10 Wayback Machine
- Էջը Barca.ru կայքում
 | Վիքիպահեստն ունի նյութեր, որոնք վերաբերում են «Էրիկ Աբիդալ» հոդվածին։ |
This article uses material from the Wikipedia Հայերեն article Էրիկ Աբիդալ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.