Ahmed Makarfi: Ɗan siyasan Najeriya

Ya kasance dan siyasa a Nijeriya, kuma tsohon gwamnar jihar Kaduna, da ke Arewa maso tsakiyar Najeriya. Gwamnan jihar Kaduna ne daga shekara ta alif daritara da casa'in da tara ( 1999 ) zuwa shekara ta dubu biyu da bakwai ( 2007 ), bayan Umar Farouk Ahmed - kafin Namadi Sambo. Kuma ya kasance membane na jam'iyyar PDP.

Ahmed Makarfi
mamba a majalisar dattijai ta Najeriya 14 Nuwamba, 2011 - 6 ga Yuni, 2015 - Samaila Suleiman → mamba a majalisar dattijai ta Najeriya 5 ga Yuni, 2007 - 6 ga Yuni, 2011 District: Kaduna North gwamnan jihar Kaduna 29 Mayu 1999 - 29 Mayu 2007 ← Umar Farouk Ahmed - Namadi Sambo →
Rayuwa
Haihuwa	Makarfi, 8 ga Augusta, 1956 (67 shekaru)
ƙasa	Najeriya
Ƙabila	Hausawa
Harshen uwa	Hausa
Karatu
Makaranta	Jami'ar Ahmadu Bello
Harsuna	Turanci Hausa Pidgin na Najeriya
Sana'a
Sana'a	ɗan siyasa
Imani
Addini	Musulunci
Jam'iyar siyasa	Peoples Democratic Party

An haifi Ahmad Makarfi a ranar 8 ga watan Agustan shekara ta alif, 1956,a karamar hukumar Makarfi dake jihar Kaduna.

Ahmad Makarfi kwararren dan siyasa ne a Najeriya. Kuma cikakken dan jam’iyar PDP ne a Jihar Kaduna.

Matarsa ita ce Hajiya Asma’u Makarfi ta fara karatunta na firamari a shekara ta alif, 1977,a makarantar Kaduna Capital School, Inda ta fara samo ilimi akan harkan zamantakewa da dabi’a ta kula da yara.

A cikin shekara ta (2017), an cire Makarfi a matsayin Shugaban PDP kuma an ayyana Ali Modu Sheriff a matsayin shugaban, amma bayan hukuncin mutum biyar na Kotun Apex, Makarfi ya dawo bakin aikinsa a matsayin Shugaban PDP na kasa.

A watan Yuni a shekara ta (2018), Makarfi ya bayyana cewa yana shiga cikin "gogaggun 'yan jam'iyya maza da mata" a fafatawar neman takarar shugaban kasa na babbar jam'iyyar adawa a zaben shekara ta (2019). Ya ce adalci ne kawai ya shiga takarar bayan tattaunawa mai zurfi tare da jam’iyyarsa maza da mata da sauran masu ruwa da tsaki. Makarfi yana daya daga cikin 'yan takara (12) da sukayi takarar neman PDP a babban taron da akayi a Fatakwal a ranar (6) ga watan Nuwamba a shekara ta (2018). Daga cikin 'yan takara( 12 )da suka nemi tsayawa takarar,' yan takara hudu ciki har da shi kansa Makarfi sun fito ne daga jihohin Arewa maso Yamma. Aminu Tambuwal (Jihar Sakoto), Rabiu Kwankwaso (Jihar Kano), Attahiru Bafarawa (Jihar Sakoto) su ne sauran ‘yan takarar da suka kafa yankin. Manazarta sun yi hasashen cewa dimbin 'yan takara daga yankin zasu raba kuri'un wakilai daga yankin tsakanin masu fafatawa dakebada dama ga fitattun' yan takara daga wasu yankuna akan su. A zaben fidda gwani na PDP, Makarfi ya samu matsayi na (5) mai nisa bayan Atiku Abubakar wanda ya lashe zaben. Sakamakon rashin nasara daga firamare ya kawo karshen takarar shugaban kasa a shekara ta (2019).

• Kabir, Hajara Muhammad. Northern women development. [Nigeria]. ISBN 978-978-906-469-4.