Yn Arctagh
Ta'n Arctagh çheet er yn ard poullagh ta soit ec twoaie ny Cruinney.
Ta'n Arctagh jeant ass Mooir yn Arctagh, ny faarkaghyn s'niessey, as ayrnyn jeh'n Chanadey (Yukon, Thallooyn yn Eear Hwoaie, Nunavut), Rheaym y Danvarg (Greenlynn), Finland Hwoaie (Pohjanmaa Hwoaie, Kainuu as Lappi), yn Eeslynn, Norlynn Hwoaie (Nordland, Troms, Finnmark, Svalbard as Jan Mayen), y Roosh (Murmansk, y Çhibbeyr, Slyst ny Nenetsee, Novaya Zemlya), y Toolynn Hwoaie (Västerbotten, Norrbotten as Lappland) as ny Steatyn Unnaneysit (Alaska). Ta'n thalloo ayns ard yn Arctagh coodit eddyr sniaghtey as rio marrey, marish sheer-rio gyn biljyn da'n chooid smoo fo'n tundrey. Ta ny faarkaghyn Arctagh jeant ass rio marrey ayns ram buill.
.svg)
She ard er lheh eh ard yn Arctagh mastey egg-choryssyn ny Cruinney. Ta cultooryn as sleih bun-dooghyssagh yn ard er ny cormit rish y çhymmyltaght as yn eayrid ayn. Ta'n stoyr bea 'syn Arctagh goaill stiagh zooplankton as phytoplankton, eeastyn as sheeintee varrey, ushagyn, beiyn thallooin, lossreeyn, as sheshaghtyn deiney. Ta'n Arctagh çhemmit liorish y Fo-Arctagh.
Imraaghyn
Kianglaghyn magh
This article uses material from the Wikipedia Gaelg article Yn Arctagh, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.