Moedas Do Dólar Estadounidense: Moedas do sistema do dólar estadounidense

A Casa da Moeda dos Estados Unidos foi sempre a responsable da súa produción e o Departamento do Tesouro da súa emisión, xa desde finais do século XVIII, cando a Lei da Moeda de 1792 estableceu o primeiro sistema monetario dos Estados Unidos, logo da súa declaración de independencia.

Ao longo da historia, os valores faciais das moedas do sistema do dólar estadounidense foron ½ centavo, 1 centavo, 2 centavos, 3 centavos, 5 centavos (half dime e nickel), 10 centavos (dime), 25 centavos (¼ dólar), 50 centavos (½ dólar), 1 dólar, 2½ dólares (¼ aguia), 3 dólares, 5 dólares (½ aguia), 10 dólares (aguia) e 20 dólares (dobre aguia).

As cecas sucursais da Casa da Moeda dos Estados Unidos onde se cuñaron as moedas do dólar estadounidense foron as de Charlotte (marca de ceca C), Carson City (CC), Dahlonega (D), Denver (D), Nova Orleáns (O), Filadelfia (sen marca ou P), San Francisco (S) e West Point (W).

No século XXI, as moedas en circulación son as de 1, 5 e 10 centavos, un cuarto de dólar, medio dólar e un dólar. Das catro cecas que se manteñen operativas, a de Filadelfia e a de Denver son as que producen a gran maioría destas moedas para a circulación, e a de San Francisco fíxoo ata a década de 1970. Todas elas e mais a de West Point cuñan tamén, a maiores das moedas para a circulación, series conmemorativas non circulantes, emisións en versión proof para coleccionistas e moedas de investimento.

½ centavo

A introdución das moedas de medio centavo en virtude da Lei da moeda de 1792 foi ditada polas necesidades moeda miúda para o cambio nos pagamentos cotiáns realizados con reais de prata españois, que daquela circulaban nos Estados Unidos, cuxa taxa se fixou en 12,5 centavos. Esta moeda cuñouse entre 1793 e 1857, con catro modelos diferentes:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1793	Busto con barrete (Liberty Cap)			6,74	~ 23,50	Cu 100%
1794-1797
1800-1808	Busto drapeado (Draped Bust)			5,44	23,50	Cu 100%
1809-1836	Cabeza clásica (Cassic Head)			5,44	23,50	Cu 100%
1840-1857	Cabelo trenzado (Braided Hair)			5,44	23,00	Cu 100%

1 centavo

As moedas dun centavo comezaron a cuñarse xa en 1793. A lei da época estipulaba que o peso dun centavo debía ser o dobre do dunha moeda de medio centavo. As moedas dun centavo con formato grande emitíronse todos os anos ata 1857, agás en 1815, cando a escaseza de cobre no mercado fixo imposible a emisión desta moeda. Na década de 1850, o custo de produción e distribución das moedas de cobre comezou a aumentar. Ademais, estas moedas só eran populares nos grandes centros urbanos. En 1857, coa supresión da moeda de medio centavo, introduciuse o chamado "centavo pequeno", que a partir de entón debía pesar 4,66 gramos, nunha aliaxe composta por un 88% de cobre e un 12% de níquel. A nova lei tamén permitía á Casa da Moeda e ao Departamento do Tesouro trocar as antigas moedas dun centavo e de medio centavo, así como as moedas españolas, polos novos centavos.

Durante a guerra civil estadounidense, as moedas de prata e de ouro desapareceron da circulación, e tamén as moedas de cobre se converteron nunha rareza. En 1864, o Goberno estadounidense anunciou a emisión de centavos de bronce.

En 1943, por mor da escaseza de cobre no mercado provocada pola segunda guerra mundial, o Departamento do Tesouro comezou a emitir moedas de aceiro recuberto de cinc. En 1944 retomouse a cuñaxe en bronce ata 1958. Entre 1959 e 1982, volveuse á aliaxe de cobre para a cuñaxe de moedas dun centavo. Desde 1982, as moedas deste valor cúñanse en discos de cinc recubertos de cobre.

Esta é unha listaxe das moedas dun centavo de cobre, de tamaño grande:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1793	Cabelo solto (Flowing Hair) e cadeas no reverso			13,48	26-27	Cu 100%
1793	Cabelo solto (Flowing Hair) e coroa no reverso				26-28
1793-1796	Busto con barrete			13,48	~ 29	Cu 100%
1796-1807	Busto drapeado			10,89	~ 29	Cu 100%
1808-1814	Cabeza clásica			10,89	~ 29	Cu 100%
1816-1857	Cabelo trenzado			10,89	28-29	Cu 100%

Esta é unha listaxe das moedas dun centavo de cuproníquel, xa en tamaño reducido:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1856-1858	Centavo Flying Eagle			4,67	19,00	Cu 88% Ni 12%
1859	Centavo Indian Head			4,67	19,00	Cu 88% Ni 12%
1860-1864

Esta é unha listaxe das moedas dun centavo cuñadas en bronce:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1864-1909	Centavo Indian Head			3,11	19,00	Cu 95% Sn-Zn 5%
1909-1942 1944-1958	Centavo Lincoln (Lincoln Cent)			3,11	19,00	Cu 95% Sn-Zn 5% / Cu 95% Zn 5% (1944-1946)

Por mor da segunda guerra mundial, o centavo cuñouse en aceiro revestido de cinc:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1943-1944	Centavo Lincoln			2,70	19,00	Núcleo: Ace Ext.: Zn

A partir de 1959 o centavo emitiuse en bronce ata 1982 e en cinc cobreado en adiante:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1959-2008	Centavo Lincoln			2,50	19,00	Ae (<1982) / Zn 97,5% Cu 2,50% (>1982)
2009			4 momentos da vida de Lincoln
> 2010

2 centavos

A introdución das moedas de 2 centavos, en virtude da Lei da Moeda de 1864, pretendía contrarrestar a escaseza de efectivo en circulación que se produciu polo acaparamento de moedas durante a guerra civil estadounidense.

A moeda de 2 centavos tivo un único modelo:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1864-1873	2 centavos			6,22	23,00	Cu 95% Sn-Zn 5%

3 centavos

A febre do ouro de California fixo que aparecesen no mercado grandes cantidades de ouro. Isto conduciu a unha redución do valor deste metal en relación coa prata, polo que as moedas deste metal pasaron a valer máis polo seu metal que polo seu valor nominal. En consecuencia, moitas moedas foron retiradas da circulación e fundidas. A Administración non quería pór diñeiro fiduciario no mercado, polo que se decidiu introducir unha moeda que contivese suficiente prata como para ser considerada nobre mais, ao mesmo tempo, cunha mestura de cobre que desalentase o seu acaparamento para a fundir. Xa que logo, o Congreso introduciu a moeda de prata de tres centavos en 1851.

Esta é unha listaxe das moedas de 3 centavos cuñadas en prata:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1851-1853	3 centavos de prata			0,80	14,00	Ag 75% Cu 25%
1854-1858				0,75		Ag 90% Cu 10%
1859-1873

A guerra civil supuxo un motivo para o acaparamento das moedas de prata, mesmo das de baixa lei, como a de 3 centavos, polo que se fixo necesario substituír a moeda fraccionaria. Entre outras cousas, introduciuse no sistema unha nova moeda de 3 centavos cuñada en cuproníquel, que nun principio coexistiu coa súa equivalente de prata. Mais diversos factores, entre eles a redución das taxas de Correos e a existencia de grandes cantidades de moedas de un e de 5 centavos en circulación, fixeron que se deixasen de cuñar as moedas de 3 centavos en 1889.

Esta é unha listaxe das moedas de 3 centavos cuñadas en cuproníquel:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1865-1889	3 centavos de níquel			1,94	17,90	Cu 75% Ni 25%

5 centavos

Aínda que as moedas de 5 centavos de prata se estableceron na Lei da Moeda de 1792, a moeda dese ano tivo unha tiraxe moi limitada; a cuñaxe en cantidades importantes non comezou ata 1795 —algunhas das moedas cuñadas nese ano amosan a data anterior de 1794—. Ata 1837, as moedas deste valor facial pesaban 1,347 gramos e estaban cuñadas en discos de prata de 892 milésimas. En 1837, o peso das moedas rebaixouse a 1,336 gramos, mais cunha lei superior de 900 milésimas. En 1853, o peso da moeda reduciuse novamente, ata 1,24 gramos. O acaparamento das moedas de metais preciosos durante a guerra civil tamén afectou a esta moeda, e as autoridades víronse na obriga de suplir a escaseza desta moeda no mercado emitindo o seu equivalente en cuproníquel. A moeda de 5 centavos foi a primeira nos Estados Unidos cuñada nesta aliaxe, en 1866.

Durante a segunda guerra mundial, o níquel utilizouse amplamente na industria armamentística, o que levou a que en 1942 o Congreso prohibise o seu uso na cuñaxe. No canto del, decidiuse utilizar unha aliaxe de prata, cobre e manganeso, coa intención de que as pezas cuñadas con esta aliaxe fosen retiradas da circulación despois da guerra. Finalizada a contenda, a moeda de 5 centavos continuou sendo cuñada en cuproníquel ata os nosos días.

Esta é unha listaxe das moedas de 5 centavos (half dime) cuñadas en prata:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1792	Half Disme			1,35	~ 17,5	Ag 89,24% Cu 10,76%
1794-1795	Cabelo solto			1,35	~ 16,5	Ag 89,24% Cu 10,76%
1796-1797	Busto drapeado			1,35	~ 16,5	Ag 89,24% Cu 10,76%
1800-1805
1829-1837	Busto con barrete			1,35	~ 15,5	Ag 89,24% Cu 10,76% (<1837) / Ag 90% Cu 10% (1837)
1837-1838	Liberdade sentada (Liberty Seated)			1,34	15,50	Ag 90% Cu 10%
1838-1853 1856-1859				1,34 1,24
1853-1855				1,24
1860-1873

Esta é unha listaxe das moedas de 5 centavos (nickel) cuñadas en cuproníquel:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1866-1867	5 centavos Shield			5,00	20,50	Cu 75% Ni 25%
1867-1883
1883	5 centavos Liberty Head			5,00	21,20	Cu 75% Ni 25%
1883-1913
1913-1938	Buffalo			5,00	21,20	Cu 75% Ni 25%
1938-1942 1946-2003	5 centavos Jefferson			5,00	21,20	Cu 75% Ni 25%
2004
2005
> 2006

Excepcionalmente, durante a segunda guerra mundial a moeda de 5 centavos cuñouse nunha aliaxe de prata, cobre e manganeso:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1942-1945	5 centavos Jefferson			5,00	21,2	Cu 56% Ag 35% Mn 9 %

10 centavos

A moeda de 10 centavos (dime) foi unha das máis importantes do sistema monetario dos Estados Unidos. De todas as moedas introducidas pola Lei da Moeda de 1792, a de 10 centavos foi a primeira en producirse cunha tiraxe ampla para o seu uso común, en 1796. Esta moeda cuñouse en prata ata 1965, cando se xeneralizou a emisión de moedas de cuproníquel, por mor da norma do Congreso de 1964 pola que se retiraba a prata da moeda en circulación.

Esta é unha listaxe das moedas de 10 centavos (dime) de prata:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1796-1797	Busto drapeado			2,70	~ 19,00	Ag 89,24% Cu 10,76%
1798-1807
1809-1837	Busto con barrete			2,70	18,80 (1809-1827) / 18,50 (1828-1837)	Ag 89,24% Cu 10,76%
1837-1838	Liberdade sentada			2,67	17,90	Ag 90% Cu 10%
1838-1853
1853-1855				2,49
1860-1873 1875-1891
1873-1874				2,50
1892-1916	Serie Barber			2,50	17,90	Ag 90% Cu 10%
1916-1945	10 cents Mercury			2,50	17,90	Ag 90% Cu 10%
1946-1965	10 cents Roosevelt			2,50	17,90	Ag 90% Cu 10%

Esta é unha listaxe das moedas de 10 centavos (dime) de cuproníquel:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1965-20___	10 cents Roosevelt			2,27	17,90	Núcleo: Cu 100% Forro: Cu 91,67% Ni 8,33%

20 centavos

Para protexer os intereses dos propietarios das minas de prata, que se queixaban da diminución da demanda deste metal logo da cancelación das moedas de prata de 3 centavos e de 5 centavos, tomouse a decisión de empezar a cuñar moedas de 20 centavos en prata. Esta foi unha decisión política que pretendía dar resposta á escaseza de moedas de metal nobre que daquela existía principalmente no Oeste dos Estados Unidos. As moedas deste valor facial resultaron impopulares entre a poboación debido a que se confundían doadamente coas de 25 centavos, dun tamaño e unha aparencia similares.

As moedas de 20 centavos producíronse nun modelo único entre 1875 e 1878:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1875-1878	Liberdade sentada			5,00	22,00	Ag 90% Cu 10%

25 centavos (¼ dólar)

Malia a creación da moeda de 25 centavos (un cuarto de dólar) en 1792, a primeira emisión desta moeda non se produciu ata 1796. Ata 1804 non amosaba o seu valor facial e ese ano engadíuselle no reverso a expresión "25c". Ata 1837, os cuartos de dólar tiñan un peso de 6,74 gramos, e a partir dese ano alixeiráronse ata os 6,68 gramos. Logo dalgunha nova flutuación, en 1873 o seu peso estabilizouse nos 6,25 gramos, se aumentou o peso da moeda.

En 1964, o Congreso retirou a prata da cuñaxe en circulación nos Estados Unidos e desde esa data o cuarto de dólar Washington emítese cun núcleo de cobre recuberto de cuproníquel. A partir de 1999, a moeda dun cuarto de dólar comezou a dedicar os seus reversos a diferentes programas conmemorativos, como o dedicado aos 50 estados da Unión e a outros territorios dos EEUU, a serie America the Beautiful, ou a dedicada ás mulleres americanas.

Esta é unha listaxe das moedas de 25 centavos ou un cuarto de dólar cuñadas en prata:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1796	Busto drapeado			6,74	~ 27,50	Ag 89,24% Cu 10,76
1804-1807
1815-1828 1831-1838	Busto con barrete			6,74	27,00 25,30	Ag 89,24% Cu 10,76
1838-1853 1856-1865	Liberdade sentada			6,68	24,30	Ag 90% Cu 10%
1853				6,22
1854-1855
1866-1873 1875-1891
1873-1874				6,25
1892-1916	Serie Barber			6,25	24,30	Ag 90% Cu 10%
1916-1917	Liberdade en pé (Standing Liberty)			6,25	24,30	Ag 90% Cu 10%
1917-1930
1932-1964	¼ dólar Washington			6,25	24,30	Ag 90% Cu 10%

Esta é unha listaxe das moedas de 25 centavos cuñadas en cobre con baño de cuproníquel:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1965-1974 1977-1998	¼ dólar Washington			5,67	24,30	Núcleo: Cu 100% Forro: Cu 91,67% Ni 8,33%
1976	Bicentenario			5,67	24,30	Núcleo: Cu 100% Forro: Cu 91,67% Ni 8,33%
1999-2008	50 estados		Un reverso por cada un dos 50 estados.	5,67	24,30	Núcleo: Cu 100% Forro: Cu 91,67% Ni 8,33%
2009	Distrito de Columbia e outros territorios		Un reverso por cada un dos 6 territorios.	5,67	24,30	Núcleo: Cu 100% Forro: Cu 91,67% Ni 8,33%
2010-2021	America the Beautiful		56 reversos sobre parques nacionais e lugares históricos.	5,67	24,30	Núcleo: Cu 100% Forro: Cu 91,67% Ni 8,33%
> 2022	Mulleres americanas		Mulleres na historia dos EEUU.	5,67	24,30	Núcleo: Cu 100% Forro: Cu 91,67% Ni 8,33%

50 centavos (½ dólar)

As moedas de cincuenta centavos foron establecidas pola Lei da Moeda de 1792 e a primeira cuñaxe con este valor facial produciuse en 1794. En 1837, estas moedas tiñan un peso de 13,48 gramos e estaban cuñadas en prata de 892 milésimas, e a partir dese ano o seu peso reduciuse a 13,36 gramos, aínda que a pureza da prata se elevou ata as 900 milésimas, unha lei que se mantivo ata 1965. En 1853, debido a que as moedas de 50 centavos valían máis polo seu metal que polo seu valor nominal, decidiuse rebaixar o seu peso ata os 12,44 gramos. A partir da Lei da Moeda de 1873, que cancelou temporalmente a cuñaxe de moedas dun dólar de prata nos Estados Unidos, a moeda de 50 centavos pasou a ser o valor facial máis alto do sistema e o seu peso subiu ata os 12,49 gramos.

En 1964, o Congreso retirou a prata da cuñaxe en circulación, mais con esta moeda fíxose unha excepción ata 1970, xa que o medio dólar Kennedy se emitiu cun baño de prata de 900 milésimas. A partir desa data, o medio dólar cúñase coa habitual composición dun núcleo de cobre revestido por cuproníquel.

Esta é unha listaxe das moedas de 50 centavos (medio dólar) cuñadas en prata:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1794-1795	Cabelo solto			13,47	32,50	Ag 89,24% Cu 10,76%
1796-1797	Busto drapeado			13,48	32,50	Ag 89,24% Cu 10,76%
1801-1807
1807-1836	Busto con barrete			13,47	32,50	Ag 89,24% Cu 10,76%
1836-1837			50 CENTS	13,48	30,00	Ag 90% Cu 10%
1838-1839			HALF DOL.	13,36
1839-1853	Liberdade sentada			13,36	30,60	Ag 90% Cu 10%
1853		Frechas na data	Raios arredor da aguia	12,44
1854-1855		Sen frechas	Sen raios
1856-1866
1866-1874 1875-1891
1873-1874				12,49
1892-1915	Serie Barber			12,49	30,60	Ag 90% Cu 10%
1916-1947	Liberdade camiñando (Walking Liberty)			12,49	30,60	Ag 90% Cu 10%
1948-1963	½ dólar Franklin			12,49	30,60	Ag 90% Cu 10%
1964	½ dólar Kennedy			12,49	30,60	Ag 90% Cu 10%
1965-1970				11,50		Ag 80% Cu 20% (ext.) / Ag 20,9% Cu 79,1% (núcleo).

Esta é unha listaxe das moedas de 50 centavos cuñadas en cobre con baño de cuproníquel:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1971-20__	½ dólar Kennedy			11,34	30,60	Núcleo: Cu 100% Forro: Cu 91,67% Ni 8,33%
1976	½ dólar Kennedy Bicentenario

1 dólar

A Lei da moeda de 1792 estableceu a cuñaxe de moedas dun dólar de ouro. Desde 1935 ata o 31 de decembro de 1974, a posesión de ouro por parte dos cidadáns estadounidenses estivo prohibida.

Esta é unha listaxe das moedas dun dólar de ouro:

Datas	Denominación do modelo	Imaxe		Especificacións
				Peso (g)	Módulo (mm)	Composición
1849-1854	Cabeza da Liberdade			1,672	13,00	Ag 90% Cu 10%
1854-1856	Cabeza de princesa india (Indian Princess Head)			1,672	15,00	Ag 90% Cu 10%
1856-1889

A mesma Lei da Moeda de 1792 prevía tamén a emisión de moedas dun dólar en prata, que comezaron a producirse a partir de 1794. A súa cuñaxe mantívose, con interrupcións, ata 1935. En 1964, o Congreso decidiu que se deixase de aceptar como pagamento o dólar de prata e un ano máis tarde a Lei da Moeda de 1965 incluíu unha disposición pola que deixaban de producirse cuñaxes en prata para a circulación nos Estados Unidos.

Esta é unha listaxe das moedas dun dólar de prata:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1794-1795	Dólar do cabelo solto			26,96	39-40	Ag 90% Cu 10%
1795-1798	Dólar do busto drapeado			26,96	39-40	Ag 89,2% Cu 10,8%
1798-1804
1836-1839	Dólar Gobrecht			26,95 (<1837) / 26,72 (>1837)	39-40	Ag 89,2% Cu 10,8%Ag (<1837) / Ag 89,2% Cu 10,8% (>1837)
1840-1866	Dólar Liberdade sentada			26,73	38,10	Ag 90% Cu 10,0%
1866-1873
1873-1885	Dólar de comercio			27,22	38,10	Ag 90% Cu 10,0%
1878-1921	Dólar Morgan			26,73	38,10	Ag 90% Cu 10,0%
1921-1935	Dólar Peace			26,73	38,10	Ag 90% Cu 10,0%

En 1970 aprobouse unha nova lei pola que se creaba unha nova moeda circulante dun dólar, en conmemoración, simultaneamente, do expresidente Dwight Eisenhower e da misión do Apollo 11, xa coa nova composición dun núcleo de cobre revestido por cuproníquel. Esta moeda, coñecida como dólar Eisenhower, cuñouse ata 1978. En 1976 cambióuselle o reverso en conmemoración do 200 aniversario da independencia dos EE.UU.

En 1978, o Congreso aprobou unha lei que obrigaba a emitir unha moeda dun dólar diferente a todas as emisións anteriores. Esta decisión apoiouse nun informe do Departamento do Tesouro que aseguraba que os estadounidenses eran reticentes a utilizar a moeda dun dólar por mor do seu excesivo tamaño e peso. Ademais, a nova moeda debía desprazar da circulación o billete da mesma denominación. Este novo dólar de tamaño reducido é coñecido como dólar Susan B. Anthony e estivo en produción entre 1979 e 1999.

Esta é unha listaxe das moedas dun dólar cuñadas en cobre con baño de cuproníquel:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1971-1974 1977-1978	Dólar Eisenhower			22,68	38,10	Núcleo: Cu 100% Forro: Cu 91,67% Ni 8,33%
1976	Dólar Eisenhower - Bicentenario
1979-1999	Dólar Susan B. Anthony			8,10	26,50	Núcleo: Cu 100% Forro: Cu 91,67% Ni 8,33%

A introdución do programa Susan B. Anthony foi un fracaso, pola súa similitude coa moeda dun cuarto de dólar, e a poboación seguiu a preferir o billete dun dólar á moeda do mesmo valor. En 1997 aprobouse unha lei que obrigaba a elixir unha imaxe distintiva e característica para unha moeda dun dólar, que se cuñaría nunha anovadora aliaxe de cor dourada, para a distinguir do cuarto de dólar. Esta foi a orixe do dólar Sacagawea, cuñado por vez primeira en 2000, e que desde 2009 varía o seu reverso para conmemorar acontecementos importantes para as poboacións nativas americanas. Paralelamente, emítese desde 2005 unha serie coñecida como dólar presidencial, dedicada aos expresidentes dos EEUU, e desde 2018 outra dedicada á innovación tecnolóxica no país.

Esta é unha listaxe das moedas dun dólar en aliaxe dourada de Cu, Zn, Mn e Ni:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
2000-2008	Dólar Sacagawea			8,10	26,5	Total: Cu 88,5% Zn 6% Mn 3,5% Ni 2%
> 2009			15 reversos diferentes relacionados cos nativos americanos.
2007-2020	Dólar presidencial	40 anversos diferentes, con rostros dos presidentes dos EEUU.		8,10	26,5	Total: Cu 88,5% Zn 6% Mn 3,5% Ni 2%
> 2018	Dólar American Innovation		Un reverso en 2018 e catro novos reversos anuais desde entón, dedicados á innovación nos Estados Unidos.	8,10	26,5	Total: Cu 88,5% Zn 6% Mn 3,5% Ni 2%

2½ dólares (¼ de aguia)

A Lei da Moeda de 1792 estableceu tamén unha moeda de ouro de 2½ dólares, coñecida tamén como "cuarto de aguia". Esta moeda cuñouse inicialmente en ouro de 916 milésimas, mais a partir de 1834 baixou a súa pureza a 899 milésimas, e a partir de 1837 subiu novamente, ata 900 milésimas.

Esta é unha listaxe das moedas de 2½ dólares ou un cuarto de aguia, cuñadas, con interrupcións, entre 1796 e 1929 con diferentes modelos:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1796	Busto drapeado			4,37	20,00	Au 91,67% Cu 8,33%
1796-1807
1808	Busto con barrete			4,37	20,00	Au 91,67% Cu 8,33%
1821-1834				4,37	20,00 (<1829) 18,50 (1829) 18,2 (>1829)	Au 91,67% Cu 8,33%
1834-1839	Cabeza clásica			4,18	18,20	Au 89,92% Cu 10,08%
1840-1907	Cabeza da Liberdade			4,18	18,00	Au 90% Cu 10%
1908-1929	Cabeza de indio (Indian Head)			4,18	18,00	Au 90% Cu 10%

3 dólares

As moedas de ouro de tres dólares foron introducidas mediante a Lei da Moeda de 1853. Descoñécense os motivos da creación da moeda deste valor facial. Consonte diversas hipóteses, debían utilizarse para comprar follas de cen selos de correos (a 3 centavos por folla) ou para facilitar a compra de grandes cantidades de moedas de 3 centavos, introducidas tres anos antes.

A moeda de 3 dólares de ouro cuñouse cun único modelo entre 1854 e 1889:

Datas	Denominación do modelo	Imaxe		Especificacións
		Anverso	Reverso	Peso (g)	Módulo (mm)	Composición
1854-1889	Cabeza de princesa india			5,015	20,50	Au 90% Cu 10%

5 dólares (½ aguia)

Outra das moedas autorizadas pola Lei da Moeda de 1792 foi a de 5 dólares ou "media aguia". Naquel momento era a segunda moeda estadounidense co valor máis alto.

Esta é unha listaxe dos diferentes modelos en que se cuñou a moeda de 5 dólares de ouro, entre 1795 e 1929:

Datas	Denominación do modelo	Imaxe	Especificacións
			Peso (g)	Módulo (mm)	Composición
1795-1798	Busto drapeado		8,75	25,00	Au 91,67% Cu 8,33%
1798-1807
1807-1812	Busto con barrete		8,74	25,00	Au 91,67% Cu 8,33%
1813-1834				25 (1813-1829) 22,50 (1829-1834)
1834-1838	Cabeza clásica		8,35	22,50	Au 89,9% Cu 10,1%
1839-1866	Cabeza da Liberdade		8,35	22,50 (1839-1840)	Au 90% Cu 10%
				21,60 (1840-1908)
1866-1908
1908-1929	Cabeza de indio		8,35	21,60	Au 90% Cu 10%

10 dólares (aguia)

As moedas de ouro de 10 dólares, coñecidas tamén como aguias, foron o máis alto dos valores establecidos en virtude da Lei da Moeda de 1792. A súa cuñaxe comezou en 1795. Entre 1804 e 1838 a súa emisión detívose debido a que as moedas de ouro estaban a ser acaparadas pola poboación e trasladadas a fóra dos Estados Unidos, ou fundidas no país, xa que o prezo do ouro que contiñan era superior ao seu valor nominal. En 1838 retomouse a súa cuñaxe ata o seu cesamento definitivo por decisión do presidente Franklin D. Roosevelt o 5 de abril de 1933, quen ordenou que as moedas circulantes de ouro fosen devoltas á Reserva Federal. O 30 de xaneiro de 1934 entrou en vigor a Lei da Reserva de Ouro, que finalmente retirou o ouro da circulación nos Estados Unidos.

Esta é unha listaxe dos diferentes modelos en que se cuñou a moeda de 10 dólares de ouro, entre 1795 e 1933:

Datas	Denominación do modelo	Imaxe	Especificacións
			Peso (g)	Módulo (mm)	Composición
1795-1797	Busto con barrete		17,49	33,00	Au 91,6% Cu 8,4%
1797-1804
1838-1866	Cabeza da Liberdade		16,71	27,00	Au 90% Cu 10%
1866-1907
1907-1908	Cabeza India		16,71	27,00	Au 90% Cu 10%
1908-1933

20 dólares (dobre aguia)

A cuñaxe de ouro nos Estados Unidos estivo moi influída pola febre do ouro californiana. A grande afluencia de ouro no mercado implicou que a prata se infravalorase. As moedas de prata dun dólar resultaron ser máis valiosas polo seu valor intrínseco que polo seu valor nominal. O 20 de febreiro de 1849 presentouse un proxecto de lei como resultado dunha combinación de propostas anteriores para reformar o sistema monetario, que foi aprobado inicialmente pola Cámara de Representantes e finalmente polo Senado o 3 de marzo de 1849, que deu lugar á Lei da Moeda de 1849, pola que se establecía unha nova moeda de ouro. con valor de 20 dólares. A idea principal na que se baseaba a introdución desta moeda, coñecida tamén como "dobre aguia", era o desexo de converter en moeda as grandes cantidades de ouro existentes no mercado co menor esforzo posible por parte das cecas da Casa da Moeda dos Estados Unidos.

Esta é unha listaxe das moedas de 20 dólares de ouro ou "dobres aguias", cuñadas entre 1850 e 1933:

Datas	Denominación do modelo	Imaxe	Especificacións
			Peso (g)	Módulo (mm)	Composición
1850-1866	20 dólares Liberty Head		33,4362	34,00	Au 90% Cu 10%
1866-1876
1877-1907
1907	20 dólares Saint-Gaudens		33,4362	34,00	Au 90% Cu 10%
1907-1908
1908-1933

Wiki Commons ten máis contidos multimedia na categoría:  Moedas do dólar estadounidense

Bibliografía

• Bowers, Q. D. (1982). United States Gold Coins: An Illustrated History. Bowers and Ruddy Galleries, Wolfebouro. ISBN 0-914490-21-4
• Bowers, Q. D. (1986). United States Coins by Design Types. Bowers and Merena Galleries, Wolfebouro.
• Yeoman R. S. (2009). A Guide Book of United States Coins (63ª ed.). Whitman Publising, Atlanta. ISBN 978-0-7948-2766-3

Outros artigos

• Lei da Moeda de 1792
• Lei da Moeda de 1873
• Dólar estadounidense

• Casa da Moeda dos Estados Unidos
• Tesouro de Saddle Ridge

Ligazóns externas

• Coin Series Guides
• United States Mint: Circulating Coins