Mariah Carey, nada en Huntington (Estado de Nova York) o 27 de marzo de 1969, é unha cantante de pop e R&B, compositora, produtora musical e actriz estadounidense de ascendencia irlandesa-venezolana.
Fixo o seu debut discográfico no ano de 1990, baixo a dirección do executivo de Columbia Records, Tommy Mottola. A finais do ano 1994 publicou Merry Christmas, o "disco de Nadal" máis vendido da historia.
Durante a década de 1990, os seus álbums vendéronse en grandes cantidades, converténdose na "Artista con máis vendas da década. Tamén galardoada como a "Artista Feminina do Milenio" por Billboard e polo World Music Awards.
O 2000 deixa a Columbia Records, de Sony Music e asina un contrato por máis 80 millóns de dólares coa compañía Virgin,, considerado como o máis grande da historia para unha artista feminina até ese ano. O fracaso comercial do primeiro álbum que editou con esta discográfica, obrigou aos executivos a romper o contrato. No 2002, Carey asinou con Island Records e despois dun período relativamente infrutuoso, regresou á vangarda da música no 2005 cun dos álbums máis exitosos da súa carreira, The Emancipation of Mimi.
Declarada en 2008 por Billboard como unha das "Mellores Artistas Femininas de Todos os Tempos", é ademais a solista con máis sinxelos que alcanzaron o número un en Estados Unidos cun total de 19, superando a Elvis Presley.
Os seus singles "One Sweet Day" (1995) e "We Belong Together" (2005) son as cancións que máis tempo estiveron no número un do Billboard Hot 100 de Estados Unidos, cun total de 16 e 14 semanas respectivamente.
En 2015, Carey comezou a saír co multimillonario australiano James Packer e, o 21 de xaneiro de 2016, anunciou que estaban comprometidos. En outubro, porén, cancelaron o compromiso. En outubro de 2016, comezou a saír co coreógrafo estadounidense Bryan Tanaka.
This article uses material from the Wikipedia Galego article Mariah Carey, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.