O Hindu Kush ou Hindukush, ou tamén Hindu Qūh (هندوکش en persa) é un macizo montañoso de Asia, situado no centro e nordés de Afganistán e ao noroeste de Paquistán.
Cunha extensión de aproximadamente 1.000 km, gran parte deste sistema orográfico supera os 5000 m de altitude sobre o nivel do mar, por exemplo no Tirich Mīr con 7690 m (uns 40 km ao norte de Chitral) ou no Kūh-e Fūlādī de 5135 metros (uns 80 km ao sueste de Bāmīān). Únese cos montes de Karakórum e só o moi elevado e estreito val do Wakhan o separa do nó do Pamir. O río Cabul recolle a auga da súa vertente meridional.
Na antigüidade foi coñecido polos gregos durante a expedición de Alexandre Magno, e chamado por estes Parapamisos; logo os autores latinos denominárono Paropamisus ou Caucasus Indicus.
This article uses material from the Wikipedia Galego article Hindu Kush, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.