O Gran Premio de Mónaco de 2023 (oficialmente Formula 1 Grand Prix de Monaco 2023) é unha carreira de Fórmula 1 que se celebrou o 28 de maio de 2023 no Circuíto de Mónaco, Monte Carlo, un circuíto urbano que atravesa o Principado de Mónaco.
Foi a sétima rolda do Campionato Mundial de Fórmula 1 de 2023, a 80ª vez que se celebrou o Gran Premio de Mónaco.
Detalles da carreira | ||
---|---|---|
Carreira 7 de 23 no Campionato Mundial de Fórmula 1 de 2023. | ||
Trazado do circuíto de Mónaco. | ||
Data | 28 de maio de 2023 | |
Nome oficial | Formula 1 Grand Prix de Monaco 2023 | |
Localización | Circuíto de Mónaco La Condamine e Monte Carlo, Mónaco | |
Percorrido | Percorrido permanente de carreira 3,337 km | |
Distancia | 78 voltas, 260,286 km | |
Pole position | ||
Piloto | Max Verstappen | Red Bull Racing-Honda RBPT |
Tempo | 1:11.365 | |
Volta rápida | ||
Piloto | Lewis Hamilton | Mercedes |
Tempo | 1:15.650 na volta 33 | |
Podio | ||
Primeiro | Max Verstappen | Red Bull Racing-Honda RBPT |
Segundo | Fernando Alonso | Aston Martin |
Terceiro | Esteban Ocon | Renault |
A Galipedia ten un portal sobre: Fórmula 1 |
O evento celebrarase durante a fin de semana do 26 ao 28 de maio de 2023. Foi a sexta proba do Campionato Mundial de Fórmula 1 de 2023. O Gran Premio da Emilia-Romaña previamente programado cancelouse debido ás inundacións na rexión.
O MCL60 de McLaren correrá cunha decoración especial para celebrar o 60º aniversario do logro de McLaren da Tripla coroa do automobilismo, sendo McLaren o único equipo de automobilismo que a acadou ata 2023. Esta librea tamén correrá na próxima carreira en España. O coche pintouse en tres segmentos para conmemorar a primeira vitoria de McLaren en cada unha das carreiras. A parte traseira do coche de cor papaia en referencia ao McLaren M16C/D co que Johnny Rutherford gañou as 500 Millas de Indianápolis de 1974, no medio a cor branca en homenaxe ao McLaren MP4/2 que conducía Alain Prost cando gañou o Gran Premio de Mónaco de 1984, e a parte dianteira de cor negra en recoñecemento ao McLaren F1 GTR co que JJ Lehto, Yannick Dalmas e Masanori Sekiya conseguiron a vitoria nas 24 Horas de Le Mans de 1995. Mentres que a librea que McLaren presentou para as 500 Millas de Indianápolis de 2023 utiliza os mesmos aspectos de deseño en tres coches diferentes, a librea utilizada no MCL60 combina os tres deseños separados nun só.
De cara á fin de semana, Max Verstappen lidera o Campionato do Mundo de Pilotos con 119 puntos, 14 puntos por diante do seu compañeiro de equipo Sergio Pérez Mendoza en segundo lugar e 44 por diante de Fernando Alonso en terceiro lugar. Red Bull Racing, con 224 puntos, lidera o Campionato de Construtores por diante de Aston Martin e Mercedes, que son segundo e terceiro con 102 e 96 puntos, respectivamente.
O provedor de pneumáticos Pirelli trouxo os compostos de pneumáticos C3, C4 e C5 (designados como duro, medio e brando, respectivamente) para que os equipos os utilicen no evento.
Pneus para pista seca | Pneus para chuvia | |||
---|---|---|---|---|
Duros (Tipo C3) | Medios (Tipo C4) | Brandos (Tipo C5) | Intermedios | Chuvia |
A clasificación celebrouse o 27 de maio de 2023 ás 16:00 hora local (UTC+2).
Max Verstappen estableceu o tempo máis rápido nas tres sesións. Durante a primeira quenda, o tempo de Carlos Sainzr na súa primeira volta eliminouse debido a que superaba os límites da pista. Sergio Pérez saíuse na curva inicial de St. Devote, marcando con bandeira vermella a quenda e danando o seu coche. Debido a isto, comezará na última posición. Non é a primeira vez que Pérez se estrela na clasificación, fixérao durante a carreira de Mónaco o ano anterior, así como en Melbourne a principios da tempada. O seu compañeiro de equipo Verstappen golpeou o muro tras o reinicio, pero non rexistrou danos. Ao final da primeira quenda, Logan Sargeant, o dúo Haas de Kevin Magnussen e Nico Hülkenberg, Guanyu Zhou e Pérez quedaron eliminados.
Durante a segunda quenda, Lando Norris golpeou o muro da chicana Tabac, causando danos leves ao seu coche. Con todo, pasou a terceira quenda, o seu compañeiro de equipo Oscar Piastri non o faría. Xuntáronse a el Nyck de Vries, Alexander Albon, Lance Stroll e Valtteri Bottas.
Durante a terceira e última quenda, Norris sairía máis tarde despois de reparar rapidamente o seu coche, aínda que non puido vencer a Yuki Tsunoda ata a liña. A quenda resultou ser a máis apertada da fin de semana xa que Verstappen fixo a volta rápida durante os últimos minutos da sesión. Xusto antes de que rematase a sesión e antes de que Verstappen marcase a súa pole, Fernando Alonso (en segundo lugar), Esteban Ocon (en cuarta) e Charles Leclerc (en terceira cunha breve investigación por estorbar a Norris) todos marcaron volta rápida. Leclerc mostrouse insatisfeito co resultado, dicindo que "loitou moito co coche", mentres que Verstappen dixo que "na cualificación hai que dar todo e arriscar todo". Mentres tanto, Lewis Hamilton, Pierre Gasly e George Russell ocuparon a sexta, sétima e oitava posición respectivamente.
Leclerc caeu ao sexto lugar despois de que os comisarios investigasen a súa obstaculación a Norris na Q3.
Pos. | Nº | Piloto | Construtor | Tempos cualificación | Grella | ||
---|---|---|---|---|---|---|---|
Q1 | Q2 | Q3 | |||||
1 | 1 | Max Verstappen | Red Bull Racing-Honda RBPT | 1:12.386 | 1:11.908 | 1:11.365 | 1 |
2 | 14 | Fernando Alonso | Aston Martin Aramco-Mercedes | 1:12.886 | 1:12.107 | 1:11.449 | 2 |
3 | 16 | Charles Leclerc | Ferrari | 1:12.912 | 1:12.103 | 1:11.471 | 6 |
4 | 31 | Esteban Ocon | Alpine-Renault | 1:12.967 | 1:12.248 | 1:11.553 | 3 |
5 | 55 | Carlos Sainz | Ferrari | 1:12.717 | 1:12.210 | 1:11.630 | 4 |
6 | 44 | Lewis Hamilton | Mercedes | 1:12.872 | 1:12.156 | 1:11.725 | 5 |
7 | 10 | Pierre Gasly | Alpine-Renault | 1:13.033 | 1:12.169 | 1:11.933 | 7 |
8 | 63 | George Russell | Mercedes | 1:12.769 | 1:12.151 | 1:11.964 | 8 |
9 | 22 | Yuki Tsunoda | AlphaTauri-Honda RBPT | 1:12.642 | 1:12.249 | 1:12.082 | 9 |
10 | 4 | Lando Norris | McLaren-Mercedes | 1:12.877 | 1:12.377 | 1:12.254 | 10 |
11 | 81 | Oscar Piastri | McLaren-Mercedes | 1:13.006 | 1:12.395 | 11 | |
12 | 21 | Nyck de Vries | AlphaTauri-Honda RBPT | 1:13.054 | 1:12.428 | 12 | |
13 | 23 | Alexander Albon | Williams-Mercedes | 1:12.706 | 1:12.527 | 13 | |
14 | 18 | Lance Stroll | Aston Martin Aramco-Mercedes | 1:12.722 | 1:12.623 | 14 | |
15 | 77 | Valtteri Bottas | Alfa Romeo-Ferrari | 1:13.038 | 1:12.625 | 15 | |
16 | 2 | Logan Sargeant | Williams-Mercedes | 1:13.113 | 16 | ||
17 | 20 | Kevin Magnussen | Haas-Ferrari | 1:13.270 | 17 | ||
18 | 27 | Nico Hülkenberg | Haas-Ferrari | 1:13.279 | 18 | ||
19 | 24 | Guanyu Zhou | Alfa Romeo-Ferrari | 1:13.523 | 19 | ||
20 | 11 | Sergio Pérez | Red Bull Racing-Honda RBPT | 1:13.850 | 20 | ||
107% tempo: 1:17.453 | |||||||
Fonte: |
A carreira celebrouse o 28 de maio de 2023, ás 15:00 hora local (UTC+2).
Despois da volta de formación, George Russell errou na posición da grella de saída, non foi penalizado. Cando a comezou a carreira, Nico Hülkenberg tocouse con Logan Sargeant, o que provocoulle ao piloto de Haas unha penalización de cinco segundos. Sergio Pérez fixo unha parada cedo para cambiar aos pneumáticos duros. Na volta 14, Carlos Sainz saltouse a chicana Nouvelle, colisionando co seu alerón dianteiro coa traseira dereita de Esteban Ocon. Sainz decidiu continuar. Valtteri Bottas pasou a Alexander Albon, e este último montou un novo xogo de pneumáticos duros. Seguiríalle o seu compañeiro Sargeant, primeiro en duros e de novo en brandos. Na volta 30, Lewis Hamilton puxo novos duros e saíu detrás de Russell.
Na volta 20, os enxeñeiros de Ferrari dixéronlle a Sainz que entrase en boxes para adiantar a Ocon, aínda que abortaron a orde. A orde repetiuse seis voltas máis tarde, e Ferrari volveu dicirlle que abortara de novo. Sainz finalmente entrou na volta 33 para montar medios novos, reincorporándose sétimo e detrás de Ocon. Sainz mostrouse frustrado coa estratexia, criticándoa pola radio do equipo. Axiña, Pérez entrou a montar medios novos e un novo alerón dianteiro, saíndo en último lugar. Lance Stroll informou de danos durante a volta 38, tras contactar con Kevin Magnussen. Charles Leclerc pasou a montar medios novos, caendo ata o oitavo posto, Pierre Gasly non puido superar a Leclerc con novos medios. Lando Norris entrou a montar duros, perdendo unha posición.
Durante a carreira informouse dunha ameaza de choiva, Russell informou de chuvia na curva 3. Os dous primeiros pilotos que cambiaron a intermedios foron Stroll e Bottas, logo seguiron Guanyu Zhou e Albon. Mentres todos os demais apostaban por pneumáticos intermedios, Fernando Alonso decidiu usar pneumáticos medios pero tivo qu volver a entrar en boxes paracambiar a intermedioss na volta seguinte, e Ferrari decidiu facer un dobre cambio. Sainz trompeou dúas veces, aínda que non alcanzou as barreiras a gran velocidade. Non obstante, Stroll sufriu danos no seu coche despois de que o seu alerón dianteiro quedase debaixo das súas rodas dianteiras. Max Verstappen rozou o muro de Portier cando montaba medios, pero salvou o coche da súa retirada. Magnussen montou pneumáticos de chuvia extrema, xa que tivo dificultades cando comezou a chover, Pérez utilizaría este composto máis adiante. Con todo, Magnussen estrelouse con danos no seu alerón dianteiro. Os seus mecánicos, non preparados para tal cambio, tiveron que preparalo no acto, alongando o seu tempo en boxes. Mentres tanto, Sargeant golpeou o muro na horquilla, aínda que recuperou o coche. Magnussen sairíase na curva un, e Stroll tomou unha vía de escape na curva cinco, Russell seguiu a Stroll na vía de escape, só para ser alcanzado por Pérez, sen consecuencias. Mentres tanto, Hülkenberg recibiu unha penalización de 10 segundos por cumprir unha sanción de forma incorrecta, a Gasly mostróuselle unha bandeira branca e negra por exceder os límites da pista, Pérez cambiou a intermedios e Yuki Tsunoda informou de problemas cos seus freos.
A orde de marcha dos tres primeiros non cambiou durante toda a carreira. A vitoria de Verstappen marca a súa segunda vitoria no Gran Premio de Mónaco. Alonso quedou segundo, o seu antigo compañeiro de equipo Ocon quedou terceiro e foi galardoado como piloto da xornada, a primeira vez que un piloto francés subiu ao podio en Mónaco desde Olivier Panis no 1996, e o seu primeiro podio dende o Gran Premio de Hungría de 2021 (tamén a súa primeira vitoria). Hamilton acadou a volta rápida. Russell recibíu unha penalización tras unha reincorporación insegura, aínda que a súa posición final non se viu afectada.
|
|
Wiki Commons ten máis contidos multimedia na categoría: Gran Premio de Mónaco de 2023 |
Carreira anterior: Gran Premio da Emilia-Romaña de 2023 | Campionato Mundial de Fórmula 1 da FIA Temporada 2023 | Carreira seguinte: Gran Premio de España de 2023 |
Carreira anterior: Gran Premio de Mónaco de 2022 | Gran Premio de Mónaco | Carreira seguinte: Gran Premio de Mónaco de 2024 |
This article uses material from the Wikipedia Galego article Gran Premio de Mónaco de 2023, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.