Pierre Gasly

En 2014 foi subcampión das Fórmula Renault 3.5 Series e en 2016 campión das GP2 Series. Pilotou un Team Mugen con motor Honda no Campionato Super Fórmula de 2017. Fixo o seu debut na Fórmula 1 no Gran Premio de Malaisia de 2017.

Pierre Gasly

(2019)
Biografía
Nacemento	7 de febreiro de 1996 (28 anos) Ruán, Francia
Datos persoais
País de nacionalidade	Francia
Altura	177 cm
Actividade
Ocupación	piloto de automobilismo , piloto de Fórmula Un
Lingua	Lingua francesa
Nacionalidade deportiva	Francia
Deporte	automobilismo
Patrocinador	Red Bull GmbH (pt)
Traxectoria   Equipo Vehículo empregado 2017-2018 Scuderia Toro Rosso 2019-2019 Red Bull Racing 2019- Scuderia Toro Rosso 2023- BWT Alpine F1 Team
Participou en
23 de xaneiro de 2018	World Economic Forum Annual Meeting 2018 (en)
2017	2017 Super Formula Championship (en)
2014	2014 Formula Renault 3.5 Series season (en)
Sinatura
Páxina web	pierregasly.com

Trasladouse a Red Bull Racing en 2019, antes de volver tras intercambiarse con Alexander Albon de Toro Rosso entre as carreiras de Hungría e de Bélxica con Daniil Kvyat como compañeiro. Gasly obtivo a súa primeira vitoria na Fórmula Un no Gran Premio de Italia de 2020 pilotando para AlphaTauri. Gasly fichou por Alpine para a tempada 2023, pilotando para o equipo francés na proba de postemporada de 2022 en Abu Zabi.

Gasly naceu en Rouen, Francia, fillo de Jean-Jacques Gasly e da súa nai Pascale. Gasly é o máis novo de cinco e ten catro medio irmáns: dous maternos do anterior matrimonio da súa nai, Nicolas Caron e Cyril Caron; e dous paternos do matrimonio anterior do seu pai, Phillipe Gasly e Paul Gasly.

A familia de Gasly leva moito tempo involucrada nos deportes de motor. O seu avó competiu en karting, a súa avoa foi campioa de karts, o seu pai Jean Jacques tamén competiu en varias categorías de carreiras, incluíndo karting, carreiras de resistencia e rallyes. O seu pai deixou os rally cando "caeu dunha montaña" despois de que o seu copiloto cometese un erro ao ler as notas. Á idade de seis anos, Gasly experimentou por primeira vez o karting nunha pista de karting local en Anneville-Ambourville. Tiña 13 anos. anos cando saíu de Rouen para Le Mans despois do seu compromiso polas carreiras competitivas.

Gasly creceu xunto a Anthoine Hubert; practicando karts con el desde os sete anos, sendo educados no mesmo colexio privado e ter vivido xuntos como compañeiros de cuarto durante varios anos. Foi amigo íntimo de Charles Leclerc e Esteban Ocon desde pequeno. Non obstante, a súa relación con Ocon deteriorouse durante a súa carreira no karting. En 2019 trasladouse a Milán. Ademais do seu francés nativo, Gasly tamén fala italiano e inglés.

Karting

Gasly entrou no karting en 2006, cando terminou décimo quinto no campionato Minime francés, antes de que terminase cuarto o ano seguinte. No 2008 pasou ao Campionato Francés de Cadetes, antes de trasladarse á escena internacional en 2009. Trasladouse á categoría KF3, permanecendo ata finais de 2010, cando terminou como subcampión no Campionato Europeo CIK-FIA.

Fórmula Renault

 

Na tempada 2011 do campionato de F4 francés, Gasly fixo o seu debut nun monopraza, tomando parte na categoría de 1.6 litros do Campionato de F4 francés. Terminou terceiro detrás dos seus futuros rivais na Eurocup Matthieu Vaxivière e Andrea Pizzitola con sete podios, incluíndo vitorias en Spa, Albi e Le Castellet.

Gasly pasou á Fórmula Renault de 2 litros en 2012, uníndose ao R-Ace GP na Eurocopa de Fórmula Renault 2.0. Terminou décimo, puntuando en seis carreiras, incluíndo podios en Spa e Nürburgring. tamén fixo sete saídas na Fórmula Renault 2.0 Northern European Cup co mesmo equipo, logrando un podio en Nürburgring.

En 2013, Gasly fchou por Tech 1 Racing. Logrou cinco podios, así como vitorias en Moscova, Hungaroring e Le Castellet. Tomou unha vantaxe de once puntos sobre Oliver Rowland na carreira final no Circuíto de Barcelona-Cataluña, e finalmente adxudicouse o título co terceiro e sexto lugar; o último resultado foi como resultado dunha colisión con Rowland pola que recibiu un drive-throught de penalización.

O piloto saltou as Fórmula Renault 3.5 Series en 2014, onde foi contratado por Arden baixo o programa de desenvolvemento Red Bull Junior Team. Terminou a tempada como subcampión detrás doutro Red Bull Júnior Carlos Sainz, Logrando oito podios nas dezasete carreiras.

Serie GP2

Gasly fixo a súa estrea nas GP2 series en 2014 no circuíto de Monza na carreira soporte de Italia, substituíndo ao piloto de Caterham Racing Tom Dillmann, que tiña compromisos noutras series de carreiras e non puido participar na competición. As carreiras da serie de GP2 para esa fin de semana. Logo participou nas probas de postempada, pilotando para DAMS e o 8 de xaneiro de 2015 asinaron co equipo francés para competir xunto ao piloto británico Alex Lynn, como piloto de desenvolvemento do Equipo Williams F1. Malia lograr tres pole positions e catro podios, Gasly experimentou unha tempada desigual, incluíndo provocar colisións en Bahrain, Spa e Yas Marina (que provocou que a carreira fora cancelada), terminou oitavo, dous lugares detrás do seu compañeiro de equipo Lynn. En xaneiro de 2016, anunciouse que Gasly cambiaría aos recentemente chegados Prema Powerteam xunto ao subcampión da Tempada 2015 da Fórmula 3 europea e novato na GP2 Antonio Giovinazzi

Fórmula Un

O 30 de setembro de 2015, Gasly presentouse como piloto reserva d Red Bull.

Toro Rosso (2017 - 2018)

O 26 de setembro de 2017, Toro Rosso anunciou que Gasly faría a súa debut na Fórmula 1 no Gran Premio de Malaisia de 2017, substituíndo a Daniil Kvyat en varias carreiras.

En 2018 no Gran Premio de Bahrain, Gasly anotou os primeiros 12 puntos da súa carreira na Fórmula 1 cando acabou sorprendentemente cuarto e sendo o máis destacado da carreira.

Super Fórmula Xaponesa e Fórmula E

En febreiro de 2017, Piers anunciouse como piloto da Super Fórmula Xaponesa no Team Mugen xunto a Naoki Yamamoto. logrou vitorias en Motegi e Autopolis.

En xullo de 2017, Gasly substituíu a Sébastien Buemi no Renault e.dams para o ePrix de Nova York, debido a que o suízo competía nas 6 Horas de Nürburgring do Campionato Mundial de Resistencia. Finalizou sétimo e cuarto respectivamente. O francés obtivo o sétimo posto na primeira carreira e o cuarto posto na segunda carreira.

Red Bull (2019)

 

O 20 de agosto de 2018, anunciouse que Gasly pasaba a Red Bull Racing para a tempada de 2019, sendo compañeiro de equipo con Max Verstappen, despois da saída de Daniel Ricciardo para o Renault.

Retorno a Toro Rosso (2019)

 

Non obstante, o 12 de agosto de 2019, Red Bull anunciou que Gasly volvía ao seu equipo B, Toro Rosso, debido a que o piloto francés non era competitivo no equipo principal, cambiou o lugar con Alexander Albon despois do Gran Premio de Hungría de 2019.

Gasly logrou o seu primeiro podio na Fórmula 1, o 17 de novembro de 2019, cando rematou o Gran Premio do Brasil en segundo lugar.

AlphaTauri (2020–2022)

 

O 12 de novembro de 2019, Toro Rosso anunciou que Gasly permanecería no equipo, que pasou a chamarse AlphaTauri, xunto a Kvyat, durante o 2020.

O 6 de setembro de 2020, Gasly fixo historia ao conseguir a súa primeira vitoria na categoría no Gran Premio de Italia, sendo esta tamén a primeira vitoria do equipo AlphaTauri. Tamén foi a primeira vitoria dun piloto francés na Fórmula 1 desde que Olivier Panis triunfou no Gran Premio de Mónaco de 1996.

Alpine (2023–)

2023

Gasly asinou un contrato de varios anos para correr para Alpine no 2023, asociado co seu antigo rival francés de karting Esteban Ocon. AlphaTauri permitiu a Gasly unirse a Alpine para as probas de postempada inmediatamente despois do Gran Premio de Abu Zabi de 2022.

Traxectoria profesional

^* Tempada en progreso.

Resultados completos na Formula Renault 3.5 Series

(Clave) (Carreiras en letra grosa indican pole position) (carreiras en itálica indican volta rápida)

Resultados completos nas GP2 Series

(clave) (Carreiras en letra grosa indican pole position) (carreiras en itálica indican volta rápida)

^† Piloto que non finalizou a carreira, pero clasificouse ao completar máis do 90% da distancia de carreira.

Resultados completos na Super Formula

(Carreiras en letra grosa indican pole position)

^* Tempada en progreso.

Resultados completos na Fórmula E

(key) (Carreiras en letra grosa indican pole position; carreiras en itálica indican volta rápida)

Resultados completos na Fórmula 1

(Chave) (carreiras en letra grosa indican pole position; carreiras en itálica indican volta rápida)

* Tempada en progreso.