Antilopinos

Antilopinos Antilopinae Antílopes "verdadeiros"
Antilope cervicapra
Clasificación científica
Superreino: Eukaryota Reino: Animalia Subreino: Eumetazoa Superfilo: Deuterostomia Filo: Chordata Subfilo: Vertebrata Infrafilo: Gnathostomata Superclase: Tetrapoda Clase: Mammalia Subclase: Theria Infraclase: Eutheria Orde: Artiodactyla Suborde: Ruminantia Familia: Bovidae Subfamilia: Antilopinae Gray, 1821
Xéneros
Véxase o texto

Inclúe varios xéneros con numerosas especies de antílopes e gacelas, na súa maior parte presentes no continente africano.

Os antilopinos son antílopes de pequeno a mediano tamaño que viven en África e Asia, sobre todo en hábitats abertos e secos. As características comúns dos compoñentes deste grupo son a constitución do cranio, os dentes e os cornos. Case todas as especies teñen glándulas visíbeis diante dos ollos. É escaso o dimorfismo sexual en canto ao tamaño ou a cor da pelaxe. Nas especies máis grandes ambos os sexos adoito presentan cornos, e o comportamento social é polixínico, formando rabaños cun só macho e numerosas femias. Nas especies máis pequenas, que moitos autores adoitan chamar antílopes ananos, xeralmente só os machos pesentan cornos, que son curtos, paralelos e rematados en punta; nestes animais predomina un comportamento social monógamo.

Descrición

A subfamilia foi creada en 1821 polo Wiki Galegozoólogo británico John Edward Gray, na súa obra "On the natural arrangement of Vertebrose Animals" publicada na revista London Medical Repository 15: 296–310.

Etimoloxía

O nome da subfamilia deriva do nome do seu xénero tipo, Antilope, e a desinencia do latín científico -ínae, propia dos nomes das subfamilias de animais. (Véxase a etimoloxía do xénero Antilope na páxina Antílopes).

Xéneros

Non hai unanimidade sobre cales son os xéneros que comprende esta familia.

 

 

Segundo MSW, de Wilson e Reeder, a subfamilia Antilopinae integra os seguintes xéneros:

Antilopinae

Porén, segundo o SIIT, serían os seguintes:

Antilopinae

Investigacións recentes (2013) efectuadas por Bärmann et al. permitíronlles establecer as seguintes relacións filoxenéticas entre moitos dos xéneros da subfamilia dos antilopinos (que agruparon na tribo dos Antilopini).

A clasificación dos antilopinos está en continua revisión, e non todos os taxónomos están de acordo con esta visión; moitos subdividen a subfamilia en tres tribos, inluíndo o xénero Ammodorcas na tribo dos Antilopini, separan o xénero Saiga na tribo dos Saigini (no que tamén inclúen o xénero Pantholops), e sitúan os xéneros Dorcatragus, Madoqua, Neotragus, Oreotragus, Ourebia e Raphicerus na tribo dos Neotragini. (Véxanse os artigos Antilopini, Saigini e Neotragini).

Wiki Commons ten máis contidos multimedia na categoría:  Antilopinos

Bibliografía

• Groves, C. & Grubb, P. (2011): Ungulate Taxonomy. Baltimore, Maryland, USA: Johns Hopkins University Press. ISBN 978-1-4214-0093-8.
• Groves, C. P. et al. (2011): "Family Bovidae (Hollow-horned rumiants)". In: Wilson, D. E. & Mittermeier, R. A. eds (2011): Handbook of the Mammals of the World. Volume II. Hoofed Mammals. Barcelona: Lynx edicions. ISBN 978-84-96553-77-4.
• Kowalski, Kazimierz (1981): Mamíferos. Manual de teriología. Madrid: H. Blume Ediciones. ISBN 84-7214-229-9.
• Wilson, D. E., & Reeder, D. M. (editors) (2005): Mammal Species of the World — A Taxonomic and Geographic Reference. Third edition. Baltimore, Maryland, USA. ISBN 0-8018-8221-4.

Outros artigos

• Bóvidos
• Antílope

Ligazóns externas

• Antilopinae en Tree of Life (en inglés).
• Antilopinae en MSW.
• Antilopinae no SIIT.
• Antilopinae en ADW.
• Antilopinae no NCBI.