Irlànda

C'l artìcul chè 'l è scrit in Miranduléś

L’Irlànda (a s diś Éire [ˈeːɾʲə] in Irlandéś e Ireland [ˈaɪərlənd] in Ingléś) l'è na nasiòṅ e repùblica dl'Europa dal nòrd ch'la s cata, par sinc/sèst, in dl'ìśula umònima ch'la spartìs cun l'Irlànda dal Nòrd ch'invéci la fà part dal Régn Unî.

L'è nada in dal 1922 cuma Stat Lìbar 'd Irlànda par pò tajàr definitivamènt i ligàm c'n al Régn Unî sōl in dal 1949. La nasiòṅ irlandéśa, da sèmpar una dal più pòvri dl'Euròpa Ucidentàla, la gh'à abû un śvilùp dimóndi élt in di an Nuànta quànd l'è stada anc batśàda cuma la “Tigra sèltica”.

L'è divìśa in trént'òṅ cuntèi e in quàtar pruìnsi.

La sò pupulasiòṅ la pasa par pôc i quàtar migliòṅ e mèś 'd abitànt cun na na superfìsi ad 70.273 km². La sò capitàł l'è Dublîṅ cun Sligo, Galway, Limerick, Waterford e Cork àtar sènt'r impurtànt.

La sò léngua ufisiàla l'è 'l Ingléś ma lè a s dascór anc al Gaèlic irlandéś e 'l Ulster Scots. Al sò presidènt, da 'l 2011, 'l è Michael Higgins mént'r al cap dal guèran, ciamâ taoiseach, 'l è Micheál Martin

Culegamènt estéran

• Al sò sit ufisiàł