Glasgovo: Urbo en Skotlando
Glasgovo, foje ankaŭ Glasgo (angle: Glasgow , skotgaele Glaschu , skote Glesga ) estas la plej granda urbo de Skotlando kaj la kvara urbo en Britio kun la plej altnombra loĝantaro (post Londono, Birmingham kaj Leeds).
Krome ĝi estas unu el la 32 lokaj administraj regionoj ("konsiliaj areoj") de Skotlando.
| Glasgovo | ||
| skotgaele Glaschu, skote Glesga, angle Glasgow | ||
| urbo | ||
   Fotomontaĵo | ||
| ||
| Oficiala nomo: Glasgow | ||
| Moto: Let Glasgow Flourish | ||
| Lando |  Unuiĝinta Reĝlando | |
|---|---|---|
| Konstitucia lando | Skotlando | |
| Riveroj | Clyde, Kelvin | |
| Situo | Glasgovo | |
| - koordinatoj | 55° 51′ 32″ N 04° 15′ 35″ U / 55.85889 °N, 4.25972 °U | |
| Areo | 175,5 km² (17 550 ha) | |
| Loĝantaro | 580 690 (2006) | |
| Denseco | 3 308,77 loĝ./km² | |
| Fondo | 6-a jarcento | |
| - estiĝo de urbo | 1175 | |
| Urbestrino | Liz Cameron | |
| Horzono | OET (UTC+0) | |
| - somera tempo | OEST (UTC+1) | |
| Poŝtkodo | G1-G81 | |
| Telefona antaŭkodo | +421-0141 | |
| ISO-3166 | GB-GLG | |
  Situo de Glasgovo enkadre de Skotlando | ||
 Vikimedia Komunejo: Glasgow | ||
| Retpaĝo: www.glasgow.gov.uk | ||
La urbo estas la kvina plej populara turistloko en Britio. Ĝi ankaŭ estas unu el la dek ses plej grandaj financaj centroj de Eŭropo kaj enhavas multajn el la plej grandaj entreprenaj ĉefsidejoj de Skotlando kaj estas tial grava parto de la UK-ekonomio.
En la lastaj jaroj, la plej multaj el la domoj spertis fasadajn renovigadojn kaj reakiris siajn originajn kolorojn. Elstaraj modernaj konstruaĵoj en Glasgovo inkludas la Glasgow Royal Concert Hall, la Glasgovan Sciencocentron kaj la Skotan Ekspozician kaj Konferencan Centron, kun la Clyde Auditorium dezajnita fare de Norman Foster.
Glasgovo estis la gastiganta urbo de la Konferenco pri Klimata Ŝanĝo de la UN (COP26) en 2021.
Geografio
Glasgovo situas en la nordokcidento de Britio, en la centra parto de la Skota Malaltebenaĵo antaŭ la Altaj Landoj de Skotlando ĉe la rivero Clyde, 32 km de ĝia enfluejo. Alteco super marnivelo variadas ene de 70 ĝis 200 metroj. Ĝi situas je 74 km de Edinburgo kaj je 653 km de Londono.
Klimato
Glasgovo havas oceanan klimaton kun multe da pluvokvanto. Laŭsezonaj fluktuoj estas malgrandaj - iom pli ol 10 °C.
Someroj estas malvarmemaj, malsekaj kaj pluvemaj,. Vintroj estas mildaj, ankaŭ kun domina nuba vetero.
Turismo
Turismo ludas gravan rolon en la ekonomio de la urbo - Glasgovo estas konsiderata la tria plej populara urbo en Britio (post Londono kaj Edinburgo ) kaj ĉiujare ricevas ĉirkaŭ 4 milionojn da turistoj.
Vidindaĵoj
Trafiko
La ĉefa flughaveno de la urbo estas Glasgova Internacia Flughaveno kiu situas je 13 kilometroj okcidente de la urbocentro. Proksime de Prestwick, 46 kilometrojn sude de Glasgovo estas la Glasgova Prestwick Flughaveno, kiu ĉefe servas por malmultekostaj flugoj kaj atingeblas per regionaj trajnoj. Estas ankaŭ flughavenaj naveda servo al la Edinburga Flughaveno.
Estas kvar stacidomoj, de kiuj du en la urbocentroj. La loka transporto de la urbo konsistas el busoj kaj metroo kiu veturas en ringa linio.
Bibliotekoj
La grandurbo havas 37 publikajn bibliotekojn, inkluzive de la plej granda referencbiblioteko en Eŭropo, la Mitchell Library, fondita en 1877 laŭ peto de tabako-magnato Stephen Mitchell. Ĝia kolekto enhavas 1,3 milionojn da libroj kaj 35,000 mapojn, same kiel fotojn, mikrofilmojn kaj gazetarkivon.
Konataj lokuloj
Esperanto
Estas gastiganto de Pasporta Servo tie.
Esperantistoj de Glasgovo
Literaturo
Julien Brygo, Vivi riĉule en urbo de malriĉuloj 'Le Monde Diplomatique en Esperanto', aŭgusto 2010.
Referencoj
Vidu ankaŭ
Eksteraj ligiloj
- (en) Oficiala retejo de Glasgow
- (en) TheGlasgowStory, Glasgovo en bildoj kaj vortoj
This article uses material from the Wikipedia Esperanto article Glasgovo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La enhavo estas disponebla laŭ CC BY-SA 4.0, se ne estas alia indiko. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Esperanto (DUHOCTRUNGQUOC.VN) is an independent company and has no affiliation with Wiki Foundation.